time: 04:49 21-07-2017
Баннер
Супер-Инфодо жарнама
SUPER.KG порталында жарнама
Реклама в Супер-Инфо
Реклама на SUPER.KG
Архив
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
semetei

3-РАУНДДАГЫ НОКАУТ

№758 12-18-май, 2017-ж.


(Башталышы өткөн сандарда)

Нурдин менен Шерзат күлүп жиберишти.
– Чын эле, эмнеге агай ошондо арачалап койгон жок?
– Мени байкайын деди да. Келечектеги чемпионбу же ким деп.
– Жөн сүйлөгөн күнүң болобу, Нурдин? Ошондо чемпион эмес, ким болдуң?
– Муну менен атагым да чыгып жатат, досум. Мени дагы мушкер экен деп башташты.
– Көзүңдөгү фингалың менен кайсы кыз карап жатат болду экен?
– Дагы шылдыңда. Андан көрө абайла. Эми кыздарыңды тартып баштайм.
Эки студенттин маанайы көтөрүңкү. Нурдин Эрмек менен болгон беттештен кийин машыгууну токтотууга мажбур болсо, Шерзат тескерисинче, баш-оту менен киришти.
Машыктыруучу Шерзат менен тыгыз иштеп баштады. «Мындан бир нерсе чыкчудай» деп ойлогондой. Кандай болгон күндө да бул жигитке али рингге эрте деген чечимде. Бирок Универсиадага даярдап көрсө кандай болот деген таризде.
Шерзат бүгүн дагы окуудан кийин жатаканасына шашты. Бөлмөдөгүлөрдүн кимиси биринчи окуудан келсе, демек, кечээкиден калган тамак ошонуку. Шерзат окуудан келип, тамактанып алып эс алат. Андан соң машыгуусуна жөнөйт.
Мелдештерге чыгууга бир айдай эле убакыт калды. Азат агай Универсиадага барчу студенттерди тандап алышы керек. Ар бир салмак категориясына бирден мушкер даярдап чыгаруу керек эле. Оор салмак категориясында суроо жок, анда тажрыйбалуу чоң курстун балдары чыгышат. Башкы маселе жеңил жана орто салмак ченинде жаралып жатты. Бүгүн дагы агай 2-курстун студенттери менен өз алдынча иштеп жатты. Шерзат да алардын катарына кошулду. Ишке берилгендиги, тапшырманы так жана даана аткара алгандыгы менен Шерзат айырмаланып турат. Ошондой эле анын буттары менен мыкты иштегени өзүнчө сөзгө татыктуу. Сүйүүчүлөр арасында беттеш 3 эле раундга созулса, бул жигит 5 раундга чыдачудай. Эмнеси болсо дагы убакыт бар. 69 килограмм салмакка чейинки категорияга Шерзат университеттин курамына кирүүгө талапкерлердин арасында боло алат.
Рингдин артында тааныш жүздөр отурганын эми байкады. Ооба, бул телефондун коңгуроосу Аиданыкындай экен деп ойлоп койду. Жакшылап караганда гана Аида менен Медина отурганын көрдү. Булар кайдан келип калган деп ойлогуча, кыздар Шерзатка кол булгалап жиберишти. Эки кыздын шыңгыр күлкүлөрү анчейин жарык эмес залга көрк берип тургандай. Машыгып жаткан балдар аларга көңүл деле бурушкан жок. Эки кыз Азат Эркинбаевичтен суранып келип алышкан. Аида Мединаны ээрчитип келип, «залда машыккандардан жигит таап аласың» деген шылтоо менен көңүлүн алайын деп ойлогон.
Шерзат кыздарды көргөндөн кийин жөн машыга албай калды. Өзгөчө Мединаны көрүп солк этти. Ал баягыдан да сулуу болуп кеткендей. Шерзат караган сайын Медина билинер-билинбес жылмаюусу менен жооп берет. Шерзаттын карылуу денесин, булчуңдарын байкап отурган Медина да жөн отура алчудай эмес. Башка жигиттердин бирөөсүн да кызыгып карап койгон жок. Оюнда анын кучагында эркелеп жатты. Аны каалап турганын денеси билгизип турса дагы, акылы жөн деп токтотуп турду. Өзүнүн кыялдарынан өзү уялып кетти.
Аида машыгуунун аягына чейин күтпөй эле коштошуп чыгып кетти. Сыягы маанилүү иштери чыгып калса керек.
Шерзат машыгуусун эми гана токтотуп, кыз тарапка басып келди.
– Салам, Медина. Адашып келип калган окшойсуңар?
– Кандайсың, Шерзат? Көптөн бери көрүшө элек экенбиз...
– Ооба, мени машыгууга чейин издеп келгениң мындан кабар берет.
– Сени издеп келди деп ким айтты?
Ашыкча сүйлөп алганын сезген Шерзат уялып кетти. Ал ким, Медина ким?
– Албетте, тамаша. Сени көрөлү деп келдик да. Баса, Аиданын жумуштары чыгып калды.
– Түшүнүктүү. Мен азыр, жуунуп келе калайын. Анан чогуу чыгалы.
– Мен эшикте күтүп турам.
Шерзат менен Медина аллея менен жетелешип алып чогуу басышты. Мединага ушул эле жетишпей жаткандай. Жөн гана чогуу сейилдөө. Жек менен мындайды күтүү мүмкүн эмес. Аныкы дайыма иштери чыгып калат же телефондон бошобойт. Кантип Шерзаттын колун кармап алганын өзү сезбей калды. Шерзат да унчуккан жок. Сыртта жылуу болсо дагы, Мединанын колу муздак экен. Колун гана эмес, өзүн дагы кучагына бекем кыскысы келди, бирок мындайга даай алган жок.
– Шерзат, Аида экөөбүздү көрүп калса эмне кыласың?
– Көрсө эмне экен?
– Экөөңөрдүн ортоңордогу мамилечи?
– Биздин мамиледе жылыш деле жок.
– Мына, сен дагы бат эле өзгөрүп кетиптирсиң. Жатаканадагы кыздардан башың чыкпайт болуш керек, ээ?
– Билесиңби, ошол күнү сени көргөндө гана ортого түшүп арачалагам. Башкасы болсо, балким, андай болмок эместир.
Шерзаттын минтип айтарын Медина күткөн эмес. Ошол күнү сактап калбаса эмне болмок? Тиги эки жигит Жекти издеп жүрүшкөндүгүнөн улам жолукканын кийин укту. Ошондон бери Жекке болгон сезимдери күндөн-күнгө өчүп барат.
– Үйүңө да келип калдык.
– Сен чарчадың болуш керек. Үйгө кирип чай ичсекчи?
– Жок, мен бара берейин.
– Үйдө эч ким жок. А мен жалгыздыктан корком...
Шерзат эмне кыларын билбей калды. Мединаны үйүнө жеткиргенине кубанып жатса, эми үйүнө чейин кирип кетсе, ашыкча болуп кетпейби деген ойдо...

(Уландысы кийинки санда)

Алибек Алиев


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  4 
Комментарийлер(5)
15.05.2017. 09:31 
Тайпасы:
Жаран
Комментарийлердин саны:
70
Катталган:
17-08-2014
Соӊку аракети:
21-07-2017 08:36
Жынысы:
Белгисиз
Калаасы:
===>
+2
Дагы кутмой экен да бул жагы
15.05.2017. 11:41 
Тайпасы:
Жаран
Комментарийлердин саны:
69
Катталган:
19-01-2017
Соӊку аракети:
28-06-2017 13:32
Жынысы:
Белгисиз
+2
эээх ушинтип эле бүтүрүп коюшат да ананчы
15.05.2017. 17:21 
Тайпасы:
Жаран
Комментарийлердин саны:
37
Катталган:
10-03-2016
Соӊку аракети:
11-07-2017 09:50
Жынысы:
Белгисиз
Калаасы:
Кыргызстан
-1
мына кызык башталдыго
17.05.2017. 17:10 
Тайпасы:
Жаран
Комментарийлердин саны:
Катталган:
21-07-2014
Соӊку аракети:
19-07-2017 18:29
Жынысы:
Белгисиз
Калаасы:
Деңиз жээгинде.
+2
Ушул сериалдар күттүрүп,кызыгына келгенде чорт кесилип өзү кашайган төрт нервими кашайтып бүтмөй болду
19.05.2017. 09:39 
Тайпасы:
Жаран
Комментарийлердин саны:
3
Катталган:
26-03-2017
Соӊку аракети:
12-07-2017 12:04
Жынысы:
Белгисиз
+1
Кообуроктон жазсанар сонун болот эле.
1
Комментарий калтыруу үчүн өз ысымыңыз менен кириңиз же каттоодон өтүңүз.
 

Учурда 0 адам бул макаланы кароодо

Супер-Инфонун статистикасы

Макалалар:
19110

Колдонуучулар:
68950
Жаңы катталган:
dog88
Эң көп колдонуучу:
43614
02 февраль 2017 10:01
 
Маалымат-маанайшат порталы
2006-2017 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда:
0,96574783325195