реклама
Супер-Инфодо жарнама
SUPER.KG порталында жарнама
Реклама в Супер-Инфо
Реклама на SUPER.KG
Архив
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
semetei

Гүлмира Турсунбаева, Кыргыз Республикасынын Эмгек сиңирген артисти: «ӨЗ АПАМДЫ АПА ДЕП АЙТУУ ООР БОЛГОН»

№758 12-18-май, 2017-ж.


«Курсагың токпу? Үшүгөн жоксуңбу? Бир жериң ооруп жатабы? Досторуң менен чер жазып келбейсиңби?» Дагы көптөгөн суроо, сунуштарды бир гана апа берет. Анткени ушул нерселер энени гана кызыктырат. Айткылачы, энеге кандай нерсе тең келет, анын баркы эмне менен ченелет? Ооба, түйүнү жок суроого ар кимибиз ар кандай жооп беребиз. Бирок алыс жакта жүрүп ысык нанын, башыбыздан сылаган назик колдорун сагынбай коюу мүмкүн эмес. Бүгүнкү каарманым апасы тууралуу баяндап берди.

«АТАМ МЕНЕН 6 БӨЛМӨЛҮҮ ҮЙДҮ САЛЫШЫПТЫР»

– Апам Жумагүл Эсенгулова 1948-жылы Нарын облусуна караштуу Эмгекчил айылында төрөлгөн. Айылдагы орто мектепти аяктагандан кийин медициналык окуу жайга тапшырып, 19 жашында атама турмушка чыгыптыр. Апам окуган окуу жайда майрамдык кечелер уюштурулуп турчу экен. Атам бир күнү кечеге барса, апам индиялыктардын сари кийимин кийип алып туруптур. «Индиялыктар кара болчу эле, кирип барсам бир сары кыз жүрөт. Ошол кара индустардын ичинен сарысы жагып калып, бийге чакыргам» деп атам айтып калчу. Кийин жолугуп, киного чакырса апам «2 курбу кызым менен барам» дептир. Анан атам 4 билет сатып алып кинотеатрдын алдында турса, курбуларынын бирөөсү сиңдиси менен келип, атам төртөөнө 4 билетти карматып, өзү сыртта калып калган экен. Кино бүткөндөн кийин атамдан кабар албай кетип калышыптыр. Ошентип кызыктуу жолугушуулардан кийин баш кошуп, 7 баланы тарбиялап, жогорку билимге ээ кылып, туурубузга кондурушту.
Атам раматылык мектепте дене тарбия сабагынан мугалим болуп эмгектенген. "Балдарыбыз чоңойгондо элден кем жашабаса экен" деп, биз төрөлө электе айылдагы 6 бөлмөлүү үйдү салышыптыр. Экөө тең эл адамдары, ошого карабастан бизди кара жумушка бышырыш үчүн мал багып, мөмө-жемиштерди эгишчү. Талаада кетмен чаап, малдын артынан чуркап жүрүп чоңойдук. Апам өмүрүндө кылган ишин көзөп айтып, милдет кылган эмес. Сабырдуу, бир сырдуу, миң кырдуу жан.

«АПАЛАРГА БАЙМЫН»

– Мен апаларга баймын десем туура болчудай. Анткени чоң энемдин, таенемдин биринчи небереси болчумун. Көк бөрүдөгү улактай эле талашта калчумун. Чоң апам апамдан, таенемден кызганса, «чоң апамдын кызы экенмин» деп ойлоптурмун. Көп эркелете берип аябай тентек болдум. Кээде кыздарды уруп коюп же бир нерсесин тартып алып ыйлатып койгондо апам какыс-кукус кылчу. Аны билген жаным бүлүктү салганда жүгүрүп эле чоң энемдин аркасына жашынып калчумун. Эс тартып калганда Жумагүл эжем эмес, апам экенин билип жатпаймынбы. Апамды "эже" дегениме кошуналар себепкер болгон. Үйдөн, көчөдөн деле көргөн-билгендер «эже» десе «эжем болот турбайбы» дептирмин. Кийин "апа" деп айтыш чынында эле оор болду. Азыр маанайына карап «апа», «мамаша», «Женя» деп айтам.

«ТӨШӨКТӨ ЖАТЫП КАЛСА ДА ООРУДУМ ДЕП АЙТПАЙТ»

– Апам Нарындын суугунда жашап, бир аз кыйынчылык тартты. 7 баланы оору-сыркоодон алыс кармап, эшикте атамдын оң колу, үйгө кирсе кожойке болуу жеңил болгон жок. Азыр ошол көр тириликтин айынан бел омурткалары ооруп, көп баса албайт. Анын үстүнө 6 жыл мурун атам о дүйнөгө кеткенде жүрөгү ооруп калды. Ооруса да эч кимге айтпай ооруйт. «Бул жерим, тигил жерим» дебейт. Эсимде, бел омурткасы ооруп төшөктөн турбай жатып калыптыр. Мен гастролдо болчумун. Алдан-күчтөн тайса да эч кимге айтпай жата бериптир. Анан баарыбыз чуркап эмчисине, демчисине алып барып, 2 күн дегенде бутуна тургузганбыз.
Бир жолу түндө буту ооруп ойгонуп алган экен. Чочуп ойгонсом өзүнө-өзү массаж жасап отурат түн ичинде. «Эмнеге мени ойготуп койбойсуз?» десем, «аябай сонун уктап жаткан экенсиң, уйкуңду бузбайын дегем» деп жатпайбы. Мээримиңден айланайын, апаке. Даамын татып жүргөн эле нерсе го, ойгонсом, кайра жатып уктай бермекмин да.

«ЧОҢ АПАМ МЕНЕН АПАМ БИР ТУУГАНДАЙ ЭЛЕ»

– Атам жалгыз уул болгондуктан чоң апам биз менен жашаган. Бирок кайнене менен келиндин ортосундагы акты гана көрбөсөм, караны эч көрө алган жокмун. Чоң апам сабаттуу, аристократ аял болчу. Дайыма жоолуктун аппагын гана салынып жүрчү. Конокко барчу болсо ысык нанын, мантысын, самсысын жасап алып, дасторконго ороп, Жумагүл апамдын башына көтөртүп, өзү алды жакта басчу. Ээрчишип эле шарактап барып келгенине күбө болчубуз. Азыр апам айтып калат «жокчулук эмне экенин билген жокпуз, жашообуз бөксө болгон жок. Чоң апаңар анча-мынча каарын салган» деп. Биз, балдары деле үйдөгү казан-аяктын кагышканын билбей, бардар жашоодо чоңойдук.

«АПАМ МЕНЕН ЧОГУУ ДИЕТА КАРМАЙМ»

– Азыр ар бирибиз үйүбүзгө алып келип, дары-дармегин алып берип камкордук көрөбүз. Учурда мени менен чогуу турат. Кээде диетаны чогуу кармайбыз, бири-бирибизге массаж жасап, курбулардайбыз. Гастролго кеткенде балдарым менен калат. Алар дагы таенесин апа деп айтышат. Кичинесинде мага жардам болсун деп баккан балдары да. Азыр өз уулдарынан кем эмес. Бир туугандарым «Алы-күчү барында сенин балдарыңды баккан, жардам берген. Эми карып, биздин бала-чаканы бакканга чамасы келбей калды» деп айтып калышат. Колубуздан келип жатканда, көзү тирүүсүндө төрүбүздүн көркү кылууга аракет кылып жатабыз. Маданий кечелерге алып баруу менин моюнумда. Сейил бактарга алып баруу башка бир туугандарымдын милдети. Апам аялдык бакытты турмуштун бардык баскычтарынан таап, балпайган байбиче болуп отурат. Дүйнөдөгү бардык апалар аман болсун, алардын жанында биз бололу!

«Атам Насирдин менен апам Манас атабыздын күмбөзүнө барып сыйынып келишкен эле».


«Апам биздин амандыгыбызды күндө 5 маал Жараткандан сурап, дуба кылат».


Бактыгүл Момбекова
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  6 
Комментарийлер(14)
15.05.2017. 10:41 
Тайпасы:
Жаран
Комментарийлердин саны:
149
Катталган:
14-03-2017
Соӊку аракети:
23-11-2017 16:55
Жынысы:
Белгисиз
+7
Аябай жагасы мага эже,таланттуусуз.Кыргыз элине талбай кызмат кылып журо бериниз.Ден соолукта болуп узаак жашаныз!!!
15.05.2017. 11:03 
Тайпасы:
Жаран
Комментарийлердин саны:
80
Катталган:
06-11-2016
Соӊку аракети:
22-11-2017 21:50
Жынысы:
Белгисиз
+4
апанызга окшош экенсиз бактылуу болгула
15.05.2017. 11:12 
Тайпасы:
Жаран
Комментарийлердин саны:
128
Катталган:
20-04-2014
Соӊку аракети:
24-11-2017 01:24
Жынысы:
Белгисиз
+5
Аябай сонун актрисада! Мага дагы жагат рольдору)
15.05.2017. 12:11 
Тайпасы:
Жаран
Комментарийлердин саны:
315
Катталган:
22-04-2015
Соӊку аракети:
13-08-2017 19:08
Жынысы:
Белгисиз
+6
Жакшы маек деп ушуну айт. Кээ бирлер куудулмун деп эле чалчактап интервью беришет. Апаныз Аман болсун эже. Бактылуу болунуз.
15.05.2017. 13:48 
Тайпасы:
Жаран
Комментарийлердин саны:
175
Катталган:
05-01-2017
Соӊку аракети:
24-11-2017 00:06
Жынысы:
Белгисиз
+4
Мактаныч жок жасалмалуулук жок чыныгы маек окуп эс алдым азаматсыз эжеке
15.05.2017. 15:03 
Тайпасы:
Жаран
Комментарийлердин саны:
14
Катталган:
23-04-2017
Соӊку аракети:
22-11-2017 17:56
Жынысы:
Белгисиз
+3
Апанызга окшош экенсиз
16.05.2017. 02:18 
Тайпасы:
Жаран
Комментарийлердин саны:
37
Катталган:
31-08-2016
Соӊку аракети:
19-11-2017 19:23
Жынысы:
Белгисиз
+4
Сыйлайм сизди бактылуу айымдардын катарын толуктап ден соолукта болунуз.Жараткан ролдорунуздун баары жагат алардын ичинен келиндер козголонундагы шоханын образын ушунчалык катыра жараткансыз азаматсыз бактылуу болунуз
16.05.2017. 14:16 
Тайпасы:
Жаран
Комментарийлердин саны:
55
Катталган:
01-02-2017
Соӊку аракети:
19-09-2017 23:10
Жынысы:
Белгисиз
+5
Мени ойготпой массаж жасап отурат дегенди окуп алып ыйладым. Энелерибизге ден-соолук,бактылуу карылык берсин Аллахым.
16.05.2017. 16:23 
Тайпасы:
Жаран
Комментарийлердин саны:
128
Катталган:
07-12-2013
Соӊку аракети:
21-11-2017 12:32
Жынысы:
Белгисиз
+6
Aiiko,мен да ыйладым .Ата энелерибизди коздорунун тируусундо сыйлайлы алыбыздын жетишинче.Кийин арман кылат экенсин ушундай ээрчишкен ата энелерди коргондо.Меники да 2 жыл болду экоотен отуп кетти.Жараткан бейишинен берсин!
16.05.2017. 18:10 
Тайпасы:
Жаран
Комментарийлердин саны:
21
Катталган:
08-05-2017
Соӊку аракети:
23-11-2017 23:25
Жынысы:
Белгисиз
+4
Тушумду онго жоруган апам оорусам кошо ооруган апам ,апаларды козу барда сыйлай билели! Гулмира Эже сизге чыгармачылык ийгилик
17.05.2017. 17:02 
Тайпасы:
Жаран
Комментарийлердин саны:
Катталган:
21-07-2014
Соӊку аракети:
23-11-2017 22:31
Жынысы:
Белгисиз
Калаасы:
Деңиз жээгинде.
+3
Апаңыз төрүңүздүн көркү болуп жүрө берсин! Апамы сагынып кеттим
18.05.2017. 08:53 
Тайпасы:
Жаран
Комментарийлердин саны:
167
Катталган:
01-02-2017
Соӊку аракети:
23-11-2017 22:33
Жынысы:
Белгисиз
-1
Манастын күмбөзүнө жана башка нерселерге сыйынуу бул чооооң күнөө. Сыйынууга бир гана Аллах татыктуу ушуну биле жүрөлү. Катуу кетсем кечиресиңер.
Tyty1990 түзөттү 2017-05-18 08:54:16
19.05.2017. 06:30 
Тайпасы:
Жаран
Комментарийлердин саны:
0
Катталган:
16-07-2013
Соӊку аракети:
02-09-2017 20:56
Жынысы:
Белгисиз
+2
Шапа оо7 да э аман болунуз эде жакшы ролдоржу келиштире аткарат
19.05.2017. 13:47 
Тайпасы:
Жаран
Комментарийлердин саны:
0
Катталган:
29-04-2017
Соӊку аракети:
19-09-2017 17:34
Жынысы:
Белгисиз
+1
Мен кече Асель Турдалиеванын "келиндер козголону" деген мурууунку концертин кордум, бул эже накта актриса экен да, андан кийин жаны версияларын кордум актерство жагынан эже ойногондой эч ким ойной албаптыр. Азаматсыз!!! Сизген дагы чыгармачылыктагы жакшы ролдорду кутобуз
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макалага кирди:

Макалалардын саны:
19838;
 
Маалымат-маанайшат порталы
2006-2017 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда:
0,23444080352783