реклама
Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

КООГАЛАҢДЫН КУРМАНДЫКТАРЫ

№389 16-22-апрель, 2010-ж


Тагдыр

6-7-8-апрель күндөрү Кыргызстандын тарыхында өчпөс издерди калтырды. Коогалаңда каза тапкан ар бир жигитти кыргыз эли унутпай эскерет. Алардын катарындагы үч азаматтын тагдыры тууралуу кененирээк кеп куруп бергибиз келди.

«РЫСБЕК СҮЙГӨНҮН АТА-ЭНЕСИНЕ
ТААНЫШТЫРАМ ДЕП ЖҮРГӨН»

Садабаев Рысбек Ысык-Көл облусуна караштуу Каракол шаарында туулуп-өскөн. Артында ата-энеси, эжеси, иниси, достору жана сүйгөн кызы калды. 7-апрелде көкүрөгүнө тийген октон каза болгон. Сөөгү туулган жерине коюлду. Маркум Рысбек тууралуу бала чагынан бирге чоңойгон классташ-достору Асылбек жана Нурлан эскеришти.

Асылбек: – Рысбекке биз дайыма Ырыс деп кайрылчубуз. Башкалардан өзгөчөлүгү – шайыр, оптимист, сөзгө чечен, дайыма көпчүлүктүн көңүл борборунда жүргөн, достору үчүн жанын берүүгө даяр адам эле. Анын жанында жүргөндө деги бир зерикчү эмеспиз. Боорду эзип күлдүргөнүчү... Кээде ашыкча шоктонуп жатканда “ээ, жалжактабачы” десем, “мен жалжактаганда сенин маанайың көтөрүлүп жатпайбы” дечү. Аттиң, ошол күндөрдү кайтарууга мүмкүн болсо кана!
7-апрелде Ырыс мага телефон чалып: “Доске, каяктасың? Мен “Ала-Тоо” аянтындамын, келип калбайсыңбы? Бул жерде эл топтолуп, биздин келечегибизди чечип жатса, үйдө отурганыбыз туура эмес. Кел, биз да элге жардам берели”,- деди. Мен деле аянтта жүргөм. Ошентип, экөөбүз табышып алдык. Ошол эле учурда Ырыс башка досторубузга чалып, мага айткан сөздөр менен чакырып жатты. Эл ушунчалык көп болгондуктан, кайсы бир учурда бири-бирибизди таппай калдык. Телефонуна чалсам башында чакыруу кетип жаткан, кийин өчүп калды. Ал күн ошентип өттү. Эртеси Ырыс көрүнбөгөндүктөн, достор чогулуп алып издедик. Шаардагы ооруканалардын баарын кыдырып, жадакалса төрөт үйүнө чейин үмүт үзбөй бардык. Бирок издегенибиз табылбады. Акыры өлүкканага барууга туура келди. Өлүкканага жалгыз кирдим. Канчалаган каза болгондордун жүзүн көргөндө Ырыс эмес экенине сүйүнүп, чыкпай калса экен деп кайра-кайра тиленип жаттым. Баарын карап чыккан соң акырында жүзүн ачпаган бир адам калды. Жүрөгүм мыкчылып кетти. “Ырыс болбосо экен” деп тиленип туруп жүзүн ачсам, (көпкө унчукпай, кайра сөзүн улантты) досум экен. Сыртка чыкканда досторум көз жашыман эле баарын түшүнүштү. Ошентип, ата-энесине угуздук.
Нурлан: – Досум Ырыстын бул дүйнөдөн узап кеткенине дале ишенбей отурам. Азыр эле келип “ээ, доске” деп ийинге таптап, тамашалуу сөздөрү менен көңүл көтөрчүдөй туюла берет. Ырыс жакшы ырдачу, ыр жазчу. Акыркы жолу мага келип: “Нурик, көптөн күткөн периштемди таптым окшойт. Аты – Дилбара. Ага арнап ыр жаздым”,- деп окуп берди. Жүрөгү сүйүүгө балкып турган чагы эле. Жакынкы күндөрдө ата-энеси менен тааныштырам деген пландары бар болчу.
Ырыс атасы менен эки жылдан бери көрүшө элек болчу. Себеби атасы Орусияда эле. 6-апрель күнү: “Атакемди аэропорттон тосуп алууга жетишпей калдым. Аябай сагынган элем. Мейли эми, 10-апрелде барып учурашып, сагынычымды таркатып келем. Дилбараны ошондо тааныштырсамбы?..”- деген.
Экөөбүз чогуу жашачубуз. Бир күнү маанайы жок келди. Эмне болгонун сурасам, Микаэлдин каза болгонун айтты. Экөө кандайча тааныш болуп калганын билбейм. Мүмкүн, жумушу аларды тааныштыргандыр. Ал баш калаабыздагы ресторандардын биринде күзөт кызматында иштечү. Анан силердин гезитиңерге чыккан макаланы карап: “Карасаң, Майкл Жексондун эстелиги менен сүрөткө түшкөн экен. Досум ошондо өмүрү аз калганын билди бекен?”- деп өтө кайгырган. Үйдө Ырыстын Микаэль менен түшкөн сүрөтү бар. Мен да сүрөттү карап, аргасыздан анын бир кездеги сөзүн кайталадым. Эми эмне демекчибиз... Досубуздун жаткан жери жайлуу болсун. Анын жаркын элеси биздин жүрөгүбүздө сакталат.


«ЭДИЛ АНТТЫ ТАК АТКАРЫП, КАЗА БОЛДУ»

Такырбашев Эдил Ысык-Көл районундагы Чоң-Өрүктү айылында туулуп-өскөн. Бишкектеги ИИМ академиясынын 4-курсунда окучу. Артында ата-энеси, эжеси, карындашы жана жакын достору калды. 7-апрелде көкүрөгүнө тийген октон алган жарааттан каза болгон. Сөөгү туулган жерине коюлду. Маркум Эдил тууралуу бир тууган эжеси Айнура, жеңеси Зуура жана курсташы Акрам эскеришти.

Айнура: – Баарыбыз кичинебизден Эдилди Эду деп көнүп калганбыз. Эки кыздын ортосундагы жалгыз бала болчу. Инимди мактагандан башка сөз айта албайм. Чындыгында эле мактоого татыктуу. Тырышчаак, мээнеткеч жигит эле. Кичинесинен эле "милиция кызматкери болом, силерди жаман адамдардан коргойм” деп калчу. Кыялына жетүү үчүн бүт аракетин жумшап, мектепти жакшы окуп бүтүрүп, Милиция академиясына тапшырды. Бишкекке кеткенде бири-бирибизди аябай сагынып жүрдүк. Алыста болсо да күндө телефон чалып, карыш баскан кыймылын айтып, кеңеш сурачу. Макулдугумду алмайынча эч качан ээнбаштык кылган эмес. Эдунун Милиция академиясында окуп жатканына мен эмес, туугандарыбыздын баары сыймыктанып, келечекте андан көптү үмүттөнчүбүз.
Апам аны “ашыкча ак көңүлсүң. Бул мүнөзүң сени жарытпайт” деп, кайра өзүн сооротуп “баары жакшы болот” деп тим болчу. Мындай жакшы адам бизге гана эмес, Алла Таалага да керек болгону үчүн алып кетти. Биз болгон окуяга анын окуган жерин же бийликти күнөөлөп, каргыш сөз айтпайбыз. Кудайга коёбуз. Ар ким өз жазасын алат. Буга ишенем.
6-апрель күнү кечинде Эду менен акыркы жолу сүй­лөштүм. Эмне кылып жатканын сураганымда “эртеңкиге даярданып жатам” деди. “Сак болсоң” десем, “кабатырланба, биз команда менен иштейбиз. Баары жайында болот” деп койду. “Даярданып жатам” дегенин азыр ойлосом, о дүйнөгө даярданып жаткан турбайбы...
Акрам: – Эдил башкалардан жөнөкөйлүгү менен айырмаланчу. Кичипейил, шайдоот, колунан келген жардамын аячу эмес. Кыздарды аябай сыйлачу. Алардын ар бирине өзүнүн эжесиндей, карындашындай мамиле жасачу. Акыркы кезде "бир кызды жактырып калдым, сага сүрөтүн көрсөтөм" деп жүрдү эле. Үлгүргөн жок.
7-апрель күнү экөөбүз автобуста чогуу кеттик. Ошондо “ээ, мурункудай эле тынч өтсө керек. Баары жакшы болот” деп мени жоошутуп койгон. Эдил окууга кирерде берген антын так аткарып, баатырларча каза болду.
Зуура: – Эду ата-энесине “эми бир жыл чыдасаңар болду, мен силерди багам” дечү. Алардын уулунан үмүтү чоң эле. Каза болгондо Эдунун ички чөнтөгүнөн жүрөктүн сүрөтүн таптык. Сүрөткө “Мика, мен сени сүйөм” деп жазып койгон экен. Сыягы, бир кызды катуу сүйүп, абысындардын катарын толуктатууга даярданып жүргөн окшойт да, байкушум... Чырактай баланы өлүмгө түрткөндөр оңбосун!


«МИРЛАН УУЛУНА ӨЗҮ КӨРГӨН ТУРМУШТУ КӨРСӨТПӨЙМ ДЕЧҮ...»

Мирланбек Турдалиев Кызыл-Кыя шаарынын кулуну эле. Артында 6 айлык уулу, чырактай Жанара аттуу келинчеги калды. 7-апрель күнү моюнуна атылган октон улам каза болду. Сөөгү "Ата-Бейитке" коюлду. Шейит кеткен Мирлан тууралуу өкүл атасы Өмүртөрө Жанкабылов айтып берди.

Өмүртөрө: – Мирлан мага өкүл бала эмес, өз баламдай болуп калган. Ал 5 жыл мурун мен иштеген “Жаңы Кыргызстан” партиясына келип калды. Аябай жылдыздуу, адамды өзүнө тарткан, башкача бир касиетке ээ бала экен. Кантип тил табышып сүйлөшүп кеткенимди өзүм да билбей калдым. Жакындан тааныш болуп калганда ата-энеси жок экенин билдим. Угушумча, атасы кызыл камчы киши көрүнөт. Мирлан боюнда экенинде аялын катуу сабап, апасы төркүнү Кочкорго качып келе берген. 7 жашында энесинен ажырап, балдар жатак-мектебинде чоңойгон.
Жетим бала эмес, ата-энеси бар баланын жашоодон өз ордун таап кетүүсү бүгүнкү учурда чанда кездешет. Мирлан өз ордун тапкандардын катарында десем жаңылышпайт элем. Үй-бүлө күттү. Уулдуу болду. Бүлөсүн эч нерседен кем кылбай багууга аракеттенчү. Күндүз курулушта иштесе, түнкүсүн машинасы бар эле, такси айдачу.
Эки жыл мурун келип: “Ата, мен үйлөнөм, жардам бериңиз. Кыздын ата-энесинин алдына ата ордуна ата болуп бериңиз. Сиз мага өз атамдан да жакын кишисиз”,- деген. Муну укканда көзүмө жаш тегеренип, чын эле өз баламдай боорума кысып, кучактагым келди. Кайнатасы да жакшы киши. Башкалардай күйөө баласынын ата-энесин, турмушун карап кызын бергендерден эмес, жигиттин өзүн карады. 6 ай мурун Мирлан Нурсултан аттуу уулдуу болгондо: “Мен уулума колуман келген жакшылыкты көрсөтөм. Мен көргөн балалыкты, турмушту уулума каалабайм. Андыктан бүт аракетимди ошого жумшайм”,- деген эле. Эми мына, уулу да атасыз калды.
7-апрель күнү ал кадимкидей жумушуна кеткен. Бир учурда жубайы Жанарага чалып, аянтта жүргөндүгүн билдириптир. Ошондон кийин келинчеги кайра-кайра чалып, байланыша албай коюптур.
Мирлан учурда жогорку окуу жайлардын биринде сырттан окуп жаткан. “Электриктин окуусун эки жылдан кийин бүтүрүп, чоң жумушка орношуп, уулум чоңойгуча там салам” деп жүрчү. Аянычтуусу, мына ушул кыялдарына, тилегине жетпей өтүп кетти. Эми калган өмүрүн жарына, уулуна берсин. Жаткан жери жайлуу болсун дегенден башка сөзүм жок.

"Баатырдын жаны бир октук" дейт. Анын сыңарындай, бул күндөрү атылган ок адамдарды жаш-кары, бирөөнүн сүйүктүү жолдошу, уулу, атасы деп аяган жок. Эми келечек бул азаматтардын каны бекеринен төгүлбөгөндөй өзгөрсө экен деп тилегенден башка чара жок. Каргашалуу күндөрү каза болгон бардык жарандардын жакындарына “Супер-Инфо” гезитинин жамааты терең кайгыруу менен көңүл айтат.

Бактыгүл Сокушова
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(15)
19.04.2010. 10:37 
Тайпасы:
Кыймылы жок
Комментарийлердин саны:
43
Катталган:
04-11-2009
Соӊку аракети:
02-10-2013 22:20
Жынысы:
Белгисиз
0
окуп жатып козумо жаш толду, эмне дешти да билбейсин, кайра кайра окуп журогум да оорудуйт экен,азыркыга чеин ишенбей келем ушул болгон нерсеге синдилерим согуш жонундо кино болду десе озум да чын эле бул кино деп ишенгим келбейт, бир гана шеит кеткендерге бейиштен жай берсин алла таалам.
19.04.2010. 15:14 
Тайпасы:
Кыймылы жок
Комментарийлердин саны:
98
Катталган:
22-05-2008
Соӊку аракети:
14-06-2014 17:26
Жынысы:
Белгисиз
Калаасы:
Алма-Ата
0
Жанара менин болом,анын жолдошу Мирлан,мага жезде,Жанарага терен кайгыруу менен конул айтам.Угуп алып абдан жаман болдум,алыста жургондугумо байланыштуу бара алган жокмун.Мирлан жездени корбосом да ,угуп калчумун.Эмне дейбиз калган омурун баласы Нурсултанга берсин!
Эстеген сайын журок сыздайт.Жашоонун бир жакшылыгын корбой,ушинтип болбогон жерден дуйно атып кеткенге журок сыздайт.
19.04.2010. 15:49 
Тайпасы:
Жаран
Комментарийлердин саны:
281
Катталган:
26-11-2009
Соӊку аракети:
30-10-2018 00:28
Жынысы:
Белгисиз
Калаасы:
Жер эне
0
Кудай Таалам баарына Бейишинен жай берсин деп тилеп кетем! Абдан кайгылуу окуя.
19.04.2010. 20:22 
Тайпасы:
Комментарийлердин саны:
0
Катталган:
01-01-1970
Соӊку аракети:
01-01-1970 00:00
Жынысы:
Белгисиз
0
Eh chirkin, japjash baldar! Emne deibiz jatkan jeri jailuu, topuragy torko bolsun!
19.04.2010. 21:47 
Тайпасы:
Кыймылы жок
Комментарийлердин саны:
14
Катталган:
16-03-2010
Соӊку аракети:
23-06-2010 17:07
Жынысы:
Белгисиз
Калаасы:
италия
0
эч качан ойлогон эмесмин биздин Кыргызстандын жеринде да ушундай болот деп! жаткан жерлери жайлуу болсун!!!((
20.04.2010. 08:59 
Тайпасы:
Кыймылы жок
Комментарийлердин саны:
8
Катталган:
12-03-2010
Соӊку аракети:
04-05-2010 12:08
Жынысы:
Белгисиз
0
Аллах таалам жандарын жаннаттан кылсын ,маркумдарды комууго мен да Ак шумкар кут жаштар коому менен кошо барып кызмат кылып келдим,ушундай кайгылуу кун болду ,душманыма да коргозбосун... ЭЭ АЛЛАХ озун хидаят бер...
21.04.2010. 02:14 
Тайпасы:
Комментарийлердин саны:
0
Катталган:
01-01-1970
Соӊку аракети:
01-01-1970 00:00
Жынысы:
Белгисиз
0
Ушулардын баарын коруп журогум кысылып дем жетпей кетти. Жаткан жеринер жайлуу болсун.
21.04.2010. 14:01 
Тайпасы:
Кыймылы жок
Комментарийлердин саны:
19
Катталган:
16-05-2009
Соӊку аракети:
12-08-2010 15:57
Жынысы:
Белгисиз
Калаасы:
Кыргызстан
0
Гезиттен окуп, ТВдан коруп алып,журогум сыздап турду.Жаткан жеринер жайлуу болсун!
21.04.2010. 14:28 
Тайпасы:
Кыймылы жок
Комментарийлердин саны:
45
Катталган:
10-04-2010
Соӊку аракети:
07-06-2010 16:08
Жынысы:
Белгисиз
0
турмуш эмне мынча ачуу да таттуу мен бул окуяны окуп алып бир сыйра ыйладым, эмне учун кыргыздар ынтымактуу жетиштуу жашоого татыктуу эмеспиз, качантан бери уруш талаштын устундобуз. Келгиле эли журтум ынтымактуу жашайлычы мен алыста журсомда мекеним, элим учун боорум сыздап жатат.
21.04.2010. 19:17 
Тайпасы:
Жаран
Комментарийлердин саны:
506
Катталган:
06-12-2009
Соӊку аракети:
12-11-2018 20:43
Жынысы:
Белгисиз
Калаасы:
Kg-Ош
0
Окуп алып журогун ооруйт.Баардык туугандарга конул айтам.
21.04.2010. 20:13 
Тайпасы:
Комментарийлердин саны:
0
Катталган:
01-01-1970
Соӊку аракети:
01-01-1970 00:00
Жынысы:
Белгисиз
0
АазаматВВВ мен сага 100%кошулам мен дагы алыс жактамын азыр Кыргызстанда емне болуп жатканын коруп алып ушунчалык журогум ооруп турган маал. Чын еле Кыргыз элим келгиле ынтымакутуу биримдуу болобуз.
23.04.2010. 21:09 
Тайпасы:
Комментарийлердин саны:
0
Катталган:
01-01-1970
Соӊку аракети:
01-01-1970 00:00
Жынысы:
Белгисиз
0
eh,,jatkan jeriner jailuu bolsun!!!
25.04.2010. 10:17 
Тайпасы:
Жаран
Комментарийлердин саны:
3
Катталган:
28-07-2007
Соӊку аракети:
13-01-2018 14:10
Жынысы:
Белгисиз
0
25.04.2010. 14:02 
Тайпасы:
Комментарийлердин саны:
0
Катталган:
01-01-1970
Соӊку аракети:
01-01-1970 00:00
Жынысы:
Белгисиз
0
Мекеним ,элим деп курман болгондордун ата-энесине,жакындарына,туугандарына терен кайгыруумду билдирем!!!Жаткан жери жайлуу,топурагы торкоо болуп,жаннаттан оорун алышсын!!!
24.05.2010. 12:44 
Тайпасы:
Жаран
Комментарийлердин саны:
2
Катталган:
28-04-2010
Соӊку аракети:
14-03-2018 10:22
Жынысы:
Белгисиз
0
7 апрельдеги окуя Кыргыз элимде акыркысы болсо экен деп жараткан эгемден сурап келем.Менда копчулук катары ошол куну шейит болгон кыргыздын азаматтарынын жакындарына конул айтам.Аллах алардын жайын бейиште кылсын жана Аллах элибизге ынтымакчылык берсин.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21503;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: