ӨЗДӨН ЧЫККАН ЖАТ ЖАМАН (фотороман)

– Апам байкуш тогуз ай көтөрүп, толгоо тартып эмнеге мени бул жарыкка алып келди экен кыйналып?.. Кээде бул жашоого жаралганыма нааразы болуп кетем. Турмуш дегениң оюнчук эмес экен. Бир тууганымдан да жакын, кичинемден чогуу ойноп, бир партада отуруп, жигиттерге чогуу чыккан курбумдун жашоосуна аралаштым. Аралашканда да бети жоктун бет кабын кийдим. Бул кадамга атайын деле барган жокмун, бирок өз бактым үчүн күрөшүүгө аргасызмын.

1.
– Классташым Сезимди көрө элегиме эки жыл болуптур. Батирде турушканда үйүнө тез-тез барып турчумун. Жер алып, там салып көчүп кетишкенден бери бара элек болчумун. Сезим да мени сагыныптыр, жылуу тосуп алды.


2. – Сезим жолдошу Кумар экөө бир жылга чукул кыз-жигит катары сүйлөшүп жүрүп, анан баш кошушкан. Экөөнүн үлпөт тоюнда Сезимдин курбу кызы болгонум алигиче көз алдымда. Кечээ эле баш кошкондор минтип очор-бачар, 2 баланын ата-энеси.


3. – Сезим Кумардын жакшы досу бар экенин айтып мени менен тааныштырмай болду. Дароо макул болдум. «Досуңду көрсөт, сенин ким экениңди айтып берем» дегендей, Кумардын досу болсо анда жаман эмес дедим ичимден. Кумар мага башынан эле жакчу.


4.– Залкар таанышканда эле мага жылуу пикир калтырды. Токтоолугу, сылыктыгы, жылмайганы менен арбап алды. «Жетелешип, сүйлөшүп жүрө бергидей жаш эмеспиз да» деп бат эле баш кошуп алдык.


5. – Кадимки тиричилик башталды. Залкар жумуштан келгиче тамак жасап, үй жыйнайм. Ал келгенде күлүп-жайнап тосуп алам.


6. – Менде баары сонун деп ойлогом. Бирок сонун күндөр бир жылга жеткен жок. Залкар кыйкым эле издеп турат. Боюмда болсо өзгөрөт беле десем же оюм ишке ашпайт.


7. – Эмне кыларымды билбей калдым. Кээде туруп басып кетким келет. Залкар сыртынан билинбегени менен, өтө майдачыл экен. Мээмди кытыратып эле жейт.


8. – Арманымды Сезимге айтып, жашып алдым. Анан эмне кылам? Анын күйөөсү көзүнүн агы менен тең айланат. Курбумдун бактысына кээде ичим да тарып кетет.


9. – Буга чейин бир нече жолу кетип калайын деп кайра өзүмдү-өзүм токтотком. Бирок азыр мени эч ким токтото албайт. Сезимдин күйөөсүндөй жигиттер мага эмнеге кезикпейт? Балким, андайлар бул жашоодо бир гана экземпляр. Мен эмне, андай күйөөгө татыксызмынбы? Жок, татыктуумун!



АСЕЛДИН ТАГДЫРЫ ЭМИ ЭМНЕ БОЛОТ? БАКТЫСЫН КАЙДАН ИЗДЕЙТ? СУРООЛОРДУН ЖООБУН КИЙИНКИ САНЫБЫЗДАН АЛАСЫЗ.

Cүйүн Кулматова
Замир Жумабаев
lira@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (17)
bantik
2017-05-22 11:45:37
Апеей эми эмне болот?
0
ekaterinburg
2017-05-22 12:19:18
Ою бузулган жатканбы бул кыздын?Сезимге айтып коет окшойбуз...
+10
eliza_eliza
2017-05-22 12:21:04
Апеей
0
MeninsuluuKoenum
2017-05-22 12:24:42
Бойрок таянып алып , колун сураганында эле бир кеп бар болчу да ушу .
Майдачыл адам мите курттай - мээнди жейт . Сковорода менен мээлеп туруп , чокудан ары бир бергин келет да . Эс ала эле тушосун кадимкидей .
+23
frunze12
2017-05-22 14:30:39
MeninsuluuKoenum, ал мушмум менен сени нокаутка учура койгондобу?
+4
chika010596
2017-05-22 13:13:57
Кумар мага башынан эле жакчуу дегени кызыкго...? Досунун семясын бузуп салат окшойт. Уландысын эртерак жазыңыздарчы админ.
+5
Aygul777
2017-05-22 13:48:30
Ишти жакшы кыла албай эле майдачыл дешет экен кээ бироолор. Чала-була кылса айтат да анан, айтса жакпайт. Чындыгында бар ушундай эптемей иш кылгандар, коруп эле журом.Таза кылса эч ким кыйтык таба албайт, жузун да ак болот.
+8
omur81
2017-05-22 17:13:33
Аи досунун турмушун бузат окшойт
0
mamsali
2017-05-23 00:42:42
темасы эле айтып турбайбы. курбусунун турмушун бузат окшойт.
0
uluk92kg
2017-05-23 13:54:44
Акылы кыска кыз екен
+1
Bakulya97
2017-05-23 22:06:47
Албетте татыктуумун дегени эле корсотуп турбайбы кандай кыз экенин адам куноону бироого эле коё бербей озунон да издеп коруш керек да:))
0
bantik
2017-05-25 12:24:58
балким чын эле татыктуу, ким эле болбосун озунун жаккан адамы менен жашагысы келет эмеспи.
+1
bantik
2017-05-25 12:25:33
Айрымдар суйуудо козу карангы болуп калат. Акылы менен озун башкара албай, кимдин эри, кимдин куйоосу экенин андабай...
0
Krasavica
2017-05-25 12:48:27
Ушундай бузуку курбулар болот...тартып алса тан калбайм деле
+1
Girl1996
2017-05-26 13:08:44
Өзү деле бактылуу чынына келгенде, биз пенделер колубуздагы бакытты көрбөйт экенбиз
+1
belka
2017-05-29 01:47:33
Кумарды жолдон урат экен да эми.
0
№ 759, 19-25-май, 2017-ж.
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА