Дайыр Исмадияров: «ЖАНАРА ЭКӨӨБҮЗ 5 АЙ СҮЙЛӨШТҮК. БУЛ БИРИ-БИРИН ТААНУУГА АЗДЫК КЫЛАТ ЭКЕН»

– Салам, Дайыр. Акыркы убакта такыр эле гастролдон колуң бошобой калды окшойт...
– Саламатсыздарбы? Мен жыл сайын эле гастролго чыгам. Бирок быйыл өзгөчө болду. Бир чоң компания менен 100 концертке келишим түзүп, февралдын ортосунан бери куудул эжекелерим Назира Жетигенова, Гүлжайна Атаканова үчөөбүз гастролдоп жүрөбүз. Бул тандем компаниянын сунушу менен түзүлдү. Азыр 100 концерттин араң 65ин бердик. Эгер гастролду өзүм уюштурсам, он күн Ошто концерт берип, он күн эс алып, анан уламакмын. Келишимде андай эс алуу жок, тынбай эле концерт берип жатабыз. Чарчап жүргөнүбүздү эске албаганда баары жакшы. Канча билет өттү, канча киши келди деп башың оорубайт. Жаткан жериң, тамак-ашың баары даяр, 5 киши келеби, 1000 адамбы, кадимкидей концерт берип жатабыз.

– Түркиядагы таанышым кыргыз ырчыларынын биринин концертинен сүрөт жүктөп "концерт кызыксыз, фонограмма менен ырдашат, кетип калдым" деп жазды. Сенин чет жердеги концерттериң кандай өтөт, бул жактагы гастроль менен айырмасы барбы?
– Кыргызстанда такай эле сценарий менен даярдалган 2-3 сааттык концерт берем. Ага бир нече ай жүгүрөсүң. Чет өлкөгө гастролдоо мен үчүн бир кыйла жеңил. Чакан кафелерде болот, даярдыксыз эле барам. Уюштуруу иштерине да башымды оорутпайм. Бул жактан 7 жерге концерт берсек, эгер эл жакшы келип берсе, чыгымынан сырткары 7000 доллар табасың. Ал эми чет жерде 1 күндүк концерттен 2000-3000 доллар тапса болот. Киши келеби, келбейби, бул уюштуруучунун маселеси. Мен келишимдеги акчамды алам да кетем. Бирок барганга, келгенге убактың кетет.

– Интернет баракчаңа "Убакыт бар, бактыңды сен кармагын, сүйүүнү жалгыз баалагын. Өзүңө теңди тандагын, азыр кеч эмес!" деп жаздың. Өзүңдүн турмушуңду жазгандай туюлду...
– Бул "Тим эле" деген ырымдын саптары. Сиз туура байкагансыз, "Тим эле" деген ырымдын текстинин идеясы меники. Жакында эле бир нерсени байкадым, ырыма тартылган клиптин сюжети айланып өз башыма келет экен. Мисалы, "Сагынба" деген ырымдын клибинде арабада отурган майыптын ролун аткаргам. Аны тартып бүтүп калганда жол кырсыгына кабылдым. Ооруканага барсам, бел омурткадан жарака кетиптир. Азыр баары жакшы, бирок оор нерсе көтөрө албайм. Тагдыр менен ойнобоюн деп клиптин аягын түш кылып өзгөрттүм. Баштапкы сценарий боюнча майып боюнча калмак элем. "Кайрылчы" деген клибимдин сюжети да азыр менин турмушумда болуп жаткансыйт. Кыскасы, клиптеримде өзүм роль жаратуудан коркуп калдым.

– Жубайың экөөңдүн ортоңордогу таарыныч жазылдыбы?
– Дагы деле сүйлөшө элекпиз. Ал үйдүн улуусу, анын айтканы айткан. Мен болсо бир үйдүн кенжеси, дегеним деген. Ошондон уламбы, экөөбүздө тең өзүнүкүн бербеген адат бар. Анан ал да мага окшоп аракетчил. Күндө "эмне тамак кылайын?" деп сурай берчү. Кээде такыр бизде жок, чет жерде жеген тамагымды айтып коём. Ал интернетке кирип чукулап жатып таап чыгат да, окшоштуруп жасап коёт. Биздин таарынычтар бүтө элек. Катуу деле урушкан эмеспиз. Ал деле түшүнөт, мен азыр гастролдомун, бошобойм. Бир жолу Жанара экөөбүз бир жакка жасанып алып чыгып бара жатсак,
KG Эльмурат "аялыңды элге көрсөтүш үчүн алдың беле?" деди. Анын сөзү мени ойго салып койгон. Негизи исламда "үй-бүлөдөгү маселени сыртка чыгарбаш керек" деп айтылат экен. Мен ошону карманып Жанара экөөбүз уруша электе Инстаграмдан сүрөттөрүбүздү өчүргөм. Анан таарынышканыбыз тууралуу кеп кетти, ошону менен "чын эле ажырашыптыр, чогуу түшкөн сүрөттөрү жок" деп жатып калышты. Мен буларды айткым келген эмес. Бирок эл ырчынын чыгармачылыгынан да жеке жашоосуна кызыгат экен. Муну эми байкадым. Кайгылуу бир пост жазсам, алдындагы комментарийлерди окуп жетишпей калам. Интернеттеги түз эфирлерге да чыкпай калдым, чыксам эле келинчегим экөөбүздүн жашообузду сурашат.

– Таарынышып кетүүгө эмне себеп болду?
– Келинчегим чыгармачылыгымды түшүнбөй жатат деп айтпайм. Анткени үйлөнүп жатканда эле "мен ушундай тентимишмин, гастролго көп чыгам" деп айткам. Ошентсе деле аял – аял экен. Түшүндүрүп кетип жатсаң деле кызганат. Үйлөнө электе майда-чүйдөдөн да уруш чыгып кетерин таптакыр билген эмесмин. Жалгыз жашап көнүп калгам да. Жанарага эми көнө баштаганда таарынышып кеттик. Мен тараптан да кызганыч бар. Көчөгө жалгыз чыгарбайм.

– Турмушка чыкканы иштебей калды беле?
– Үйгө камап койгон мага деле жакпайт. "Иштейм, визажисттик сырларды окуп үйрөнөм" деди. Боюнда болгуча окуду, иштеди.

– Ошондо сени күйөрман кыздардан кызганып жатабы?
– Өткөн жашоомдогу сүрөттөрдөн кызганып жатат (күлүп). Менеджерим менен түшкөн сүрөттөрүмдү көрсөтүп "бул эмнеге сени кучактап түшөт?" дейт. "Менеджерим – бир тууганым" десем ишенбейт. Кой, муну Жанара жактырбай жатат деп аны менен байланышты деле үзгөм. Анан чогуу гастролдогон эжекелерден кызгана баштады. Мен өзгөрүшүм керекпи же Жанара өзгөрүшү керекпи, азыр айта албайм. Гастроль бүтсө ийри отуруп, түз кеңешип дегендей, мындан аркы жашообузду чечебиз. Мен өзүн кыйнап жашаган адамдардан эмесмин.

– Сүйүүгө азыр кандай аныктама берер элең?
– Мен эмнени байкадым, жашым 30га келсе да шашып үйлөнүптүрмүн. Жанара экөөбүз болгону 5 ай сүйлөштүк. Бул бири-бирин таанууга аздык кылат экен. Кээде мен Жанараны таптакыр тааныбагандай сезилет. Ал дагы мен жөнүндө ошондой ойлойт. Үйлөнгөнүмө өкүнбөйм, бирок бири-бирибизди жакындан тааныгандан кийин үйлөнсөк болмок экен деп калдым. Мага жактыруу бат келет. Бирок аны мен сүйүү деп эсептебейм. Мисалы, бирөөнү жактырып калсам, бир апта жинди болом да, анан коё берем. Сүйүүнү үй-бүлөлүк бакыт деп билем. Апама, бир тууганыма, жубайыма, балама болгон сезим. Бул сезимдер эч качан эскирбейт.

– Рахмат, ачык баарлашуу болду. Бактылуу бол!

"Аялдар кош бойлуу кезде өзгөрүп кетишет экен. Келинчегимди азыр тааныбай калдым. Боюнда жок кезде жакшы эле жашап жатканбыз. Анан эле мен таанып, жакшы көргөн Жанара жок болуп кетти".


Сүйүн Кулматова
Адилет Бектуров
star@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (115)
saru
2017-05-25 13:24:58
Дайырды ырчы деп айтуудан мен алысмын,Канча жыл болду жургонуно...Же жыргаткан ыры жок,же уну жок.Адамдар бир коруп эле уйлонуп жакшы жашап журушот,уй булоону кармоо эркектин колунда.Озуно ишенбесен уйлонбош керек эле,бироонун убалына калбай.
+2
Ayuma111191
2017-05-25 15:46:40
Адамдын эн чон жетишкендиги-үй бүлөө куруу жана аны уратпай сактап калуу...
+1
shiza
2017-05-25 20:25:31
Дайырдан эле кетти го....Бой которгон бала го..
+1
attokur91
2017-05-25 22:50:34
7 жерге консерт койуп 7000доллар тапса укмуш табат экен, 7 аял алса болчудай(тамаша):-)
+1
aibinur93
2017-05-26 08:21:19
кош бойлуу кезде ар бир аялдын муноозу озгорот менда азыр ошол учурдамын баарын тушунуп билип турсамда озумду кармана албайм ичимдеги нерселерди оз убагында жашыра албай акыркы кундору уйдо коб талаш тартыш болуп жатат сиздерге болгону бакыт каалайм баланын келечегин ойлоп ак ниет менен баш кошкондон сон аны ара жолго таштабаныздар......
+2
admin_superstan
2017-05-26 09:50:55
Barclays_CR7, гезиттин ЖАЛПЫ ИШМЕРДҮҮЛҮГҮНӨ байланыштуу сын-пикирлер gazeta@super.kg электрондук дарегине жазылып жөнөтүлүшү керек.
0
Girl1996
2017-05-26 13:01:09
Күнөө Жанарада эмес, ар бир аял, эркек, МУСУЛМАН кызганат, сен өзгөрүшүң керек экен
+2
Zinazima
2017-05-26 19:04:19
Гулжайна экоонун суротун коруп менин да каным кайнаган Жанара эмес
+2
kaniulia
2017-05-27 00:03:04
Сенде каяктагы ун, мына чыныгы акчанын кучу менен ырдады деп сени айтат, живой сен садике да ырдап бере албайсын бул чындык.
+1
aijanasan
2017-05-27 09:10:13
боюнда болсо адам озгорт 5 эссе сен чыдап тур да торогондо кайра озуно келет. тушунуп жаша апей жаш бала эмессин го.
+1
Jakiza
2017-05-28 14:31:15
Кош бойлуу адам озгорот. Аны тушуно билуу керек мен деле кеде жон эле ыйлай берет элем. Эч нерсе жакпайт эле. Ошону куйоом тушунуп эч нерсе дебей койот эле. Кийин мен жайдары болгондо гана бая эмне болду эле деп сурачу
+2
Aidani
2017-05-28 23:31:12
Ой тообо ажырашам дебеди го акыры боюнда бар озгорду деп эле атат кыз торойт го аялы бактылуу болгула. Коментчилер ишинер бирооннун башындагы чопту эмес озунордун башыгардагы чоону коргуло биринчи. Элмурат kg молодец эркекче айтыптыр аял аялуу катылуу болуусу керек реклама эмес
-1
Lee97
2017-05-29 01:00:14
Кайрадан жарашып бактылуу болгула. Эч кимдин үй бүлөөлүк очогу бурулбасын. Оош кыйыш ар бир үй бүлөөдө болот. Рамазан айында бир биринерди кечиришип жарашып алышыңарга тилектешмин
0
ladynur
2017-06-02 02:50:57
бир тараптан аялын шоу дуйного аралаштырбай жургону деле туура,макул эгер озунун кругуна ээрчитип барса ,Кайрат Нуртас аралаштырбайт,даже президенттер да саясатка аралаштырышпайт го
+1
moldobaev.zamir
2017-06-03 15:01:25
Боюнда барда аябай озгорот аны тушунуу керек Дайыр!!!!
+2
№ 759, 19-25-май, 2017-ж.
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА