Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

КАСИЕТТҮҮ РАМАЗАН ТУУРАЛУУ

№760 26-май - 1-июнь, 2017-ж.


Касиеттүү Рамазан айында орозо кармоо – исламдын беш түркүгүнүн негизгилеринин бири. Анан да ислам каадаларынын туу чокусу. Касиеттүү Рамазан айындагы орозонун Алла Тааланын тарбиялоочулугуна, адамдын коомдук жашоосуна, жеке турмушуна, напсисин тарбиялоого, берилген ырыскыларга шүгүр кылууга караган көптөгөн акылмандуулуктары бар. Ошонун тогуз акылмандуулугун баяндаган тогуз мааниси. Рамазан айы ушундай бир ай, бул айда адамдарга туура жолду көрсөтүүчү, ачык-айкын аяттар көрүнүшүндө ак менен караны айырмалаган Куран түшүрүлдү (Куран 2/185).

БИРИНЧИ МААНИ:

Касиеттүү Рамазан айында орозо кармоо – исламдын беш түркүгүнүн негизгилеринин бири. Анан да ислам каадаларынын туу чокусу.
Ошентип касиеттүү Рамазан айындагы орозонун Аллах Тааланын тарбиялоочулугуна, адамдын коомдук жашоосуна, жеке турмушуна, напсисин тарбиялоого, берилген ырыскыларга шүгүр кылууга карата көптөгөн акылмандуулуктары бар.
Орозонун Алла Тааланын тарбиялоочулугуна тиешелүү өңүттөн караган көптөгөн акылмандуулуктарынын бири төмөнкүдөй: Алла Таала жер бетин дүйүм ырыскыларга толо жайыл дасторкон түрүндө жаратып, үстүндө ырыскыларынын бардык түрлөрүн ыкмасы менен дасторконго жайып, ошол абал менен өзүнүн тарбиялоочулугун, мээримдүүлүгүн жана акылмандуулугун түшүндүрүп келет. Ал эми адамдарга кайдыгерлик пардасы жана себептер чөйрөсү бөгөт болгондуктан, алар ошол абалдын түшүндүрүп берген акыйкатын толук көрө алышпай, айрым учурда караманча унутуп калып жатышат.
Ал эми касиеттүү Рамазан айында болсо, ыймандуулар көз ачып жумганча тартиптүү аскерлердин кейпин кийишет. Күн батаарга жакын Султаны Эзелкинин зыяпатына чакырылган таризде «Кана эмесе, өтүңүз!» деген буйрукту гана күтүп турган сыяктуу кулчулук абалын көрсөтүшөт. Ошол ырайымдуу, айбаттуу жана жан бүткөндүн баарысын жалпы камтыган мээримдүүлүккө карата өздөрүнүн кең, улуу жана тартиптүү кулчулугу менен жооп кайтарып жатышат.
Ушундай улуу кулчулукка, ошондой шаан-шөкөттүү урмат-сыйга кошулбаган адамдар деги адам деген атка татыктуубу?

ЭКИНЧИ МААНИ:

Куттуу Рамазан айынын орозосунун Алла Тааланын берген ырыскыларына шүгүр кылуу өңүтүнөн караган көптөгөн акылмандуулуктарынын бири мындайча:
Биринчи Сөздө айтылгандай падышанын ашканасынан бир ортомчу аркылуу алынып келинген тамактар бир акы төлөөнү талап кылат. Ортомчуга чайлык пулун төлөп берип, бирок өтө баалуу болгон ошол сыйлыктарды барктабай, ал ырыскыларды берген Затты унутуп эске албоо чектен ашкан бир акмактык болот.
Ушул сыяктуу Алла Таала ырыскылардын чексиз түрлөрүн инсандар үчүн жер бетине жайып койгон. Ошол белектеринин акысы катары адамдардан шүгүр кылууну талап кылат.
Адамдарга берилген ырыскылардын сырткы себепчиси же ээси ортомчу кызматында болот. Ал ортомчуларга акысын берип, жан алы калбай жалпактап ыраазычылык билдирип жатабыз. Атүгүл алар татыктуу болбосо да, көптөгөн урмат-сыйларды аларга көрсөтүүдөбүз. Ал эми чындыгында Муними Хакики (Чыныгы Ырыскы Ээси) өзүнүн ырыскылары аркылуу сырткы себептерге караганда чексиз деңгээлде шүгүр айтууга ылайыктуу.
Ал Затка шүгүр кылуу деген ошол сыйлыктарды түздөн-түз Андан деп билип, ошол сыйлыктардын баалуулугун барктап, аларга өзүнүн муктаждыгын сезүү менен гана болот.
Ошентип, Рамазан айындагы орозо чыныгы, калыс, улуу жана жалпы шүгүрчүлүктүн ачкычына айланат. Себеби орозо айынан башка учурларда адамдардын көпчүлүгү чыныгы ачкачылыкты башынан өткөрүшпөгөндүктөн, аларга берилип жаткан көптөгөн ырыскылардын баалуулугун толугу менен айырмалай алышпайт. Бир сындырым катыган нандагы ырыскынын кадыры курсагы ток адамга (айрыкча бай болсо) анча деле билине бербейт.
А бирок ифтарда (ооз ачарда) ошол катып калган нан ыймандуу адамдын көз алдында Аллахтын өтө баалуу ырыскысы экендигине даам татуу органы (куввеи заика) күбөлүк берет. Ыйык Рамазан айында ар ким падышадан тартып эң жакыр адамга чейин ошол ырыскылардын баалуулугун түшүнүшөт да, руханий шүгүрчүлүккө жетишишет.
Ал эми күндүзгү убакта тамактан тыюу салган жагын айтсак:
«Бул ырыскылар менин мүлкүм эмес. Аларды эркин пайдалана албайм. Демек, башкасынын мүлкү жана сыйлыгы. Анын гана буйругун күтүп жатам»- деп нээматты чыныгы сыйлык деп билет. Руханий шүгүрчүлүк кылат.
Мына орозо бул жагынан көптөгөн тарабы менен инсандын чыныгы милдети болгон шүгүрчүлүктүн ачкычына айланат.

ҮЧҮНЧҮ МААНИ:

Орозонун адамдардын коомдук турмушуна караган көптөгөн акылмандуулуктарынын бир акылмандуулугу төмөнкүдөй: адамдар турмуш-тиричилик жагынан бири-бирине окшошпогон абалда жаратылган. Алла Таала да ошол карама-каршылыкка байланыштуу бай адамдарды кембагалдарга жардам берүүгө чакырат. Ал эми чындыгында байлар кедейлердин боор ачый турган ачка абалын "ач кадырын ток билбейт" дегендей орозодогу ачкачылык менен гана толук сезе алышат.
Эгерде орозо болбогондо напсинин туткуну болгон көптөгөн байлар ачкачылык, жакырчылык канчалык кайгылуу жана кедейлер да канчалык мээримге муктаж болгонун билбей калышмак. Мына ошондуктан адамдардын табиятындагы жогорку сапаттардан болгон ырайымдуулук жана мээримдүүлүк чыныгы шүгүрчүлүккө негиз болот. Кандай гана адам болбосун өзүнөн да жакыр адамды таба алат, андыктан аларга мээримдүү болууга милдетүү.
Эгер напсисин мажбурлап ачка калтырбаган болсо, анда башкаларга жардам берүү, жакшылык кылуу деген адамдык милдетин толук аткара албайт. Аткарса да толук болбой калат. Анткени ошол ачкачылык абалды өзү жон териси жана жан дили менен сезген эмес.

ТӨРТҮНЧҮ МААНИ:

Касиеттүү Рамазан айында напсини тарбиялоо жагына караган орозо тутуунун көптөгөн акылмандуулуктардын ичинен бир акылмандуулугу бул: напси өзүн эркин жана көз карандысызмын деп билет. Ошондой деп кабыл кылат.
Атүгүл кыялдуу, негизсиз башкаруучулукту, өз алдынча аракет кылууну жаратылышынан арзуу кылып келет. Сансыз ырыскылар менен камсыздалып жатканын ойлогусу да келбейт. Айрыкча бай жана күчтүү болсо, ага кайдыгерлиги да кошулса, бардык нерсени зордук менен басып алып, айбан сыяктуу Аллахтын сый-белектерин (нээматтарын) жеп-жутуп мойсой баштайт.
Ошентип Рамазан айында ар кимдин напсиси эң бай адамдан тартып, эң кедей адамга чейин өзүнө-өзү кожоюн эмес, кызматчы, эркин эмес, кул экенин түшүнүп калат. Аллахтын буйругу болбосо эң жөнөкөй, жеңил нерсени да жасай албай, жада калса колун сууга да узата албай турганын түшүнөт, кыялындагы куруп алган салтанаттуу бийлиги бырын-чырыны чыгып талкаланат. Кулчулук кылууга бел байлап анын чыныгы милдети болгон шүгүрчүлүккө өтөт.

БЕШИНЧИ МААНИ:

Рамазан айындагы орозонун напсини адеп-ахлактуу кылып оңдоп-түзөөгө, моюн сунбаган аракеттеринен кайтарууга караган көптөгөн акылмандуулуктарынын бирөөсү төмөнкүдөй: адамдын напсиси кайдыгерликтин айынан өзүн карандай эле унутуп коёт. Жаратылышындагы чексиз алсыздыгын, кембагалдыгын жана толгон-токой кемчиликтерин көрө албайт, көрүүнү да каалабайт.
Мындан сырткары ал канчалык күчсүз, жок болууга дуушар, балээ-кырсыктарга бута, ошондой эле тез бузулуп, ажырап кете турган эт менен сөөктөн куралганын ойлобойт.
Кудум болоттон куралган бир денеси бар сымал, өзүн өлбөчүдөй элестетип, дүйнөгө умсунуп талпынат. Катуу бир ач көздүк жана күчтүү бир ашыктык менен дүнүйөгө жипсиз байланат. Өз кызыкчылыгына керектүү болгон жыргалдуу нерселерге байланып калат.
Аны жогорку мээримдүүлүк менен тарбиялап жаткан Жаратуучусун унутуп коёт. Өмүрүнүн жыйынтыгы кандай болооруна көңүл бурбай, түбөлүктүү жашоо жөнүндө түк ойлобойт. Зыяндуу жана булганыч күнөөлөрдүн кучагына култ этип кирип кетет.
Ошентип Рамазан айында эң кайдыгер, өтө өжөр адамдар да орозо аркылуу өзүнүн күчсүз, алсыз жана кедей экендигин сезе башташат. Ачка калуунун натыйжасында алар кара курсагы жөнүндө ойлонуп, ашказандын муктаждыктарын түшүнүшөт.
Алсыраган денеси канчалык бышык эмес, сапатсыз экенин эстеп, алар Аллахтын ырайымдуулугуна канчалык муктаж болгонун билип калышат. Адам напсисинин фараондугун (текебердигин) таштап, Аллах Тааланын даргөйүндө жалбарууга алсыздык жана жакырдык аркылуу бир арзуу сезими ойгонот. Руханий шүгүрчүлүктү баштоо менен Аллахтын мээримдүүлүгүнүн каалгасын, эгерде кайдыгерлик жүрөгүн буга чейин бузбаган болсо, такылдатууга даярдана баштайт.

АЛТЫНЧЫ МААНИ:

Ыйык Куран түшүрүлгөн Рамазан айынын көптөгөн акылмандуулуктарынын эң маанилүү дагы бир акылмандуулугу төмөнкүдөй: ырас, даанышман Куран Рамазан айында түшүрүлгөн.
Анын ошол түшкөн учурун эске салып, бул кайрылууну жакшы тосуп алуу үчүн жаман каалоолордон тыйылып, керексиз иштерден арылып, жеп-ичүүнү токтотуп, периште абалына жакындашуу керек. Курандагы Аллахтын буйруктарын эми гана түшүп жаткандай кунт коюп угуп окуу керек. Бул кайрылууну Пайгамбарыбыз (с.а.в)дын өз оозунан уккан сыяктуу тыңшоо, балким Жабраил (а.с) периштеден, балким, Эзелки Сүйлөөчүнүн (Мутакаллим-и Азалиянын) өзүнөн угуп жаткандай бир ыйык абалга татыктуу болуу керек. Мындан сырткары, өзү дагы Куранга котормочу болуп, башкаларды да аны укканга үгүттөп, адамдарга Курандын түшүрүлүшүнүн акылмандуулугун бир даража көрсөтүү абзел.
Ооба, Ислам дүйнөсү касиеттүү Рамазан айында кудум бир мечит сыяктуу бир абалга өтөт. Ал ушундай бир мечит дейсиз! Миллиондогон хафыздар (карылар) ошол чоң мечиттин ар бир бурчунда асмандан келген кайрылууну жердин жашоочуларына жарыялап уктурушат. Рамазан айы «Рамазан айында Куран түшүрүлгөн (Куран 2/185)» аятын нурдуу, жаркыраган бир абалда көрсөтүп жатат. Рамазан Курандын айы экенин айныксыз далилдеп турат. Ошол абдан чоң жамааттын башка өкүлдөрү да хафыздарды кичи пейилдүүлүк менен угушат. Ал эми айрымдары өз-өзүнчө Куран окушат.
Ушундай бир абалдагы ыйык мечитте напсинин жаман каалоолоруна туткун болуп, жеп-ичүү аркылуу ошол нурдуу жамааттан узак туруу жеткен адепсиздикке жатат. Анан да ошол мечиттеги жамааттын руханий жийиркенүүсүнө да дуушар болот. Ошондой эле куттуу Рамазанда орозо туткандарга артын салуу менен жалпы Ислам дүйнөсүнүн руханий иренжүүсүнө жана акааратына да кабылышат.

ЖЕТИНЧИ МААНИ:

Рамазан айындагы орозонун бул дүйнөгө акырет үчүн эгин эгип, соода кылууга келген адамзаттын тапкан сооп пайдасына караган көптөгөн акылмандуулуктарынын дагы бир акылмандуулугу төмөндөгүдөй:
касиеттүү Рамазан айында сооптуу амалдар бирге миң болуп жазылат. Ыйык хадистин түшүндүрмөлөрү боюнча акылмандуу болгон Курандын ар бир тамгасынын он сообу бар, ага он жакшылык жазылып, бейиштин он мөмөсүн камсыздап берет.
Касиеттүү Рамазан айында Курандын ар бир тамгасына он эмес, миңдеген сооп жазылат. Ал эми Аятуль Курси сыяктуу аяттардын ар бир тамгасына миңдеген сооптор жазылат. Берекелүү Рамазан айынын жума күндөрүндө сооптор дагы да артат. Кадыр түндө болсо анын эсеби отуз миңге чыгат.
Ооба, ар бир тамгасы отуз миң түбөлүктүү жемиштерди утуп берген даанышман Куран касиеттүү Рамазан айында бейиштин Туба деген нурдуу дарагы сымал ыймандууларга миллиондогон түбөлүктүү үрөндү чогултуп берет.
Мына, кел эми! Ушул касиеттүү, түбөлүктүү жана пайдалуу соодага карап көрүп ойлонуп көр. Ушул тамгалардын баалуулугун барктай албагандар канчалык чексиз зыянда болгондугун түшүн.
Мына, Рамазан айы – адатта акырет соодасы үчүн өтө пайдалуу бир көргөзмө, кан базар. Түбөлүктүүлүктүн мол түшүмдүүлүгүн арттырган жер. Жакшы амалдардын өсүп-өнүгүшүнө өбөлгө болгон жазгы жаан сымал. Аллах Тааланын тарбиялоочулугуна, башкаруучулугуна карата адамзаттын кулчулугунун расмий түрдө өтүшүнө эң жаркыраган ыйык майрам болуп берет. Ошондуктан жеп-ичүү сыяктуу напсинин кайдыгерлик менен жасаган айбандык муктаждыктарына, кумар сезимдеринин кызыгууларына кирип кетпөө үчүн орозо кармоого милдеттендирилген.
Айбандык каалоолордон убактылуу алыстап, кудум периште сымал абалга өтүп акыреттик соодага кирген адам дүйнөлүк муктаждыктарын таштап, денеден сыйрылып бир рух абалына кирип орозо тутуу аркылуу кандайдыр бир түрдө Самадиятка күзгү болот.
Ооба, касиеттүү Рамазан айы бул өтүп кетүүчү, убактылуу жана кыска өмүрдө түбөлүктүү жашоону, узун бир өмүрдү камсыздап утуп берет.
Ооба, Рамазан айы жеке өзү сексен жылдык өмүр байлыгын утуп бере алат. Кадыр Түн болсо Курандын түшүндүрмөсү боюнча миң айдан да артыгыраак болгондугу бул сырга өтө күчтүү далил.
Ооба, бир падыша өз бийлигин жүргүзүп жаткан учурунда айталык жыл сайын кээ бир күндөрүн же такка отуруу же башка шаан-шөкөттүү учурларды кандайдыр майрам күндөрү деп жарыялайт. Ошол күнү ал падыша жогорку деңгээлдеги бийлик жүргүзүүсү аркылуу өзүнүн карамагындагы элдерди, жалпы мыйзамдар чөйрөсүндө эмес, балким, жекече сыйлап, эч бир тоскоолсуз алдына кирүүлөрүнө, жеке сый-урматына, түздөн-түз ылайык кылат. Кол алдындагы букараларына адаттан тышкары өзгөчө көңүл бурат.
Ошондой эле Эзелкинин жана Түбөлүктүүлүктүн Султаны, он сегиз миң ааламдын Айбаттуу Падышасы ошол он сегиз миң ааламга караган, жүздөнгөн улуу буйругу болгон Акылмандуу Куранды касиеттүү Рамазан айында түшүргөн.
Албетте, ошол Рамазан айы Аллахтын өзгөчө бир майрамы, кандайдыр бир көргөзмөсү жана руханий бир чогулушу катары болуусу – акылмандуулуктун талабы. Албетте, Рамазанды майрам деп кабыл алгандан кийин, адамдарды айбан сыяктуу бейчеки убакыт өткөрүүдөн, жек көрүндү абалдан сактоо үчүн орозо кармоого буйрулган.
Ал эми орозонун эң бир мыктысы – ашказан сыяктуу башка бардык мүчөлөрдү, көз, кулак, жүрөк, кыял, пикир сыяктуу курал-жабдыктарды да орозо кармоого үндөө. Башкача айтканда, аларды арам жана пайдасыз нерселерден четтетип, ар бирин өзүнө тиешелүү кулчулукка багыттоо.
Мисалы тилге орозо туттуруу жалгандан, гыйбаттан, одоно-орой сөздөрдү айтуудан алыстатуу аркылуу болот. Ошол тилди Куран окуу, зикир, тасбих, салават жана истигфар айтуу менен алектендирүү керек.
Мисалы, көздү наамахрамды (харамды) кароодон тыйып, кулакты ушак угуудан тосуп, көздү үлгүлүү көрүнүштөргө каратып, кулакты чындык сөздү жана Куранды тыңшоого колдонгон сыяктуу эле, башка сезим-органдарды да орозо карматуу керек.
Негизинде ашказан эң чоң фабрика болгондуктан, орозонун жардамы менен аны эс алдырса, анда башка кичинекей ишканаларды да ага оңой баш ийдирүүгө мүмкүн болот. Эми сегизинчи маанини сөз кылбай тогузунчу мааниге өтөлү.

ТОГУЗУНЧУ МААНИ:

Касиеттүү Рамазандын орозосу түздөн-түз напсинин курулай башкаруучулугун жокко чыгаруу, анын алсыздыгын көрсөтүү аркылуу кул экендигин билдирүү жагындагы көп акылмандуулуктарынын дагы бир акылмандуулугу ушундайча: напси кожоюнун тааныгысы келбейт, фараон сыяктуу өзү кожоюн болууну каалайт. Ага кандай гана азаптарды берсе да, мурдагы таз кейпинде кала берет. Бирок ачкачылыкка туш болуу менен ошол ит адаты ойрон болот.
Ошентип Касиеттүү Рамазан айындагы орозо түздөн-түз напсинин фараондук жагына эңгиреткен сокку уруп, таш-талканын чыгарып талкалайт. Алсыздыгын, күчсүздүгүн жана муктаждыгын көрсөтүп, кул экендигин билдирет.
Хадисте айтылгандай Улуу Алла Таала напсиге мындай дептир: «Мен киммин, сен кимсиң?» Анда напси: «Мен – менмин, Сен – Сенсиң!»- деп жооп бериптир. Азапка салып, тозокко да ыргытып, кайра сураптыр. Кайра эле: «Ана – ана, анта – анта»- дей бериптир. Кандай гана азапка салса да, напси өзүнүн менменсинүүсүнөн кайтпаптыр. Кийин ачкачылык менен кыйнап, тамаксыз калтырып кайрадан «Ман ана, ва ма анта?»- деп сураптыр. Ошондо напси: «Сен – менин мээримдүү Кожоюнумсуң, мен болсо Сенин алсыз кулуңмун...»- деп жооп бериптир.

Саид Нурси


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(8)
29.05.2017. 09:39 
Тайпасы:
Жаран
Комментарийлердин саны:
596
Катталган:
01-02-2017
Соӊку аракети:
19-09-2018 15:58
Жынысы:
Белгисиз
+7
Аллах жалгыз. Мен аллахты сүйөм.
29.05.2017. 13:10 
Тайпасы:
Жаран
Комментарийлердин саны:
3
Катталган:
01-11-2013
Соӊку аракети:
13-09-2018 17:11
Жынысы:
Белгисиз
+2
Аллах ыраазы болсун,Ма Ша Алла.
29.05.2017. 23:14 
Тайпасы:
Жаран
Комментарийлердин саны:
10
Катталган:
26-01-2017
Соӊку аракети:
14-09-2018 13:16
Жынысы:
Белгисиз
+1
Туткан орозоңуздар кабыл болсун момун мусулмандар!
30.05.2017. 01:29 
Тайпасы:
Конок
Комментарийлердин саны:
7
Катталган:
06-04-2017
Соӊку аракети:
26-06-2017 10:18
Жынысы:
Белгисиз
+1
Сиздерден Аллаh ыраазы болсун Супер инфо
30.05.2017. 14:06 
Тайпасы:
Жаран
Комментарийлердин саны:
4
Катталган:
01-04-2017
Соӊку аракети:
12-10-2017 21:50
Жынысы:
Белгисиз
+1
Туткан орозоңуздар кабыл болсун
30.05.2017. 17:46 
Тайпасы:
Жаран
Комментарийлердин саны:
8
Катталган:
01-05-2017
Соӊку аракети:
18-06-2018 17:27
Жынысы:
Белгисиз
+1
Алхамду лиллах рамазан айы насип кылганына
01.06.2017. 10:53 
Тайпасы:
Жаран
Комментарийлердин саны:
19
Катталган:
05-06-2016
Соӊку аракети:
14-09-2018 11:39
Жынысы:
Белгисиз
+1
Орозонор кабыл болсун!
04.06.2017. 11:16 
Тайпасы:
Жаран
Комментарийлердин саны:
23
Катталган:
22-03-2017
Соӊку аракети:
16-02-2018 19:32
Жынысы:
Белгисиз
0
Аллах ыраазы болсун.Ушундай пайдалуу маалыматтардан коп коп берип турунуздар
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: