Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

9-КЛАССТЫ АЯКТАДЫҢБЫ? АНДА ИШ ТААП КЕТЕ АЛЧУ КЕСИПКЕ ЭЭ БОЛУУГА УМТУЛ

№761 2-8-июнь, 2017-ж.


Учурда өлкөбүздө 92 миң окуучу 9-классты, ал эми 62 миң окуучу 11-классты аяктап, окуу жайларга тапшыруу алдында турушат. Андыктан 9-классты аяктаган соң, абитуриент кайсы окууга тапшыруу менен өзүнө жана коомго пайда алып келер кесипке ээ болорлугу тууралуу маалымдайбыз. Эмгек жана социалдык өнүгүү министрлигинин 2015-жылдан берки изилдөөсүнүн жыйынтыгы боюнча, "айлыгы көп жана талап жогору" деп эсептелген кесиптер төмөндө көрсөтүлгөн.

"4000 БЮДЖЕТТИК ОРУН БАР"

Төөлөсбай Абылкасымов, Билим берүү жана илим министрлигинин кесиптик билим берүү башкармалыгынын башкы адиси:
– Мурун экономика, медицина, укук таануу (юриспруденция), туризм, курулуш, педагогика жана инженердик-технология (IT) тармагына абитуриенттердин басымдуу бөлүгү тапшырчу. Бирок акыркы 5-10-жылдан бери жогорудагы багыттар боюнча билим алып жаткандардын саны кескин өсүп, бул кесипке ээ болгондордун потенциалы түшүп кетти. Эл аралык билим берүү багытындагы эксперттер да биздин мамлекетте 2-3 эле тармакта (экономика, педагогика, укук таануу) окуп жаткандар кескин көбөйгөнүн жана алардын деңгээли канааттандырбай жатканын айтып чыгышты. Мамлекетке караган орто-кесиптик окуу жайларга тапшырчу талапкерлер үчүн жылына 5 миң бюджеттик орун берилчү. Быйыл бул көрсөткүч 4 миңге түштү. Биздин мамлекетке эң зарыл болгон айыл чарба жана кайра иштетүү тармактары боюнча берилген бюджеттик орундар толбой жатат. Мындан улам атайын стратегия иштеп чыктык. Анда айыл чарба, медицина, туризм, курулуш жана педагогика негизги тармактар катары киргизилди жана реформалар жүргүзүлөт.
Ар бир кесип ардактуу дегендей мыкты адис өзүн жана кесибин эч качан уят кылбайт. Мыкты кадрлар гана өлкөнү да өзүн да багып кете алат. Назарыңыздарда азыркы учурда кирешелүү жана популярдуу болуп жаткан кесиптер.

ТИГҮҮЧҮЛҮК


Аталган кесип учурда эң көп жумуш орундарын түзгөн тармак. Аталган кесип ээлери бир айда эң аз дегенде 20 миң сом айлык алышат. 2017-жылдын январь айында эле Бишкек шаарынын өзүндө 600 вакансия ачылган. Ал эми республика боюнча тигүү цехтери күн санап ачылууда.

ШИРЕТҮҮЧҮ


Жыл санап республика аймагында ири курулуш иштери жүрүүдө. Мындан улам ширетүүчүлөргө талап жогору. Бул багытта да мамлекеттик окуу жайларда бюджеттик орундар каралган. Аталган кесиптин ээлери 25 миң сомдон 80 миң сомго чейин айлык маяна ала алышат.

ЭНЕРГЕТИКА


2016-жылы аталган багыт боюнча өлкө аймагынан 1084 абитуриент окууга киришкен. Бул жаатта негизги иш ГЭСтерде жүргөндүктөн нымдуу, кооптуу, түнкү жумуш деген категориялар боюнча айлык маяна көп төлөнөт. Орточо эсеп менен алганда, эң аз эмгек акы 25 миң сомду түзөт. Бул багытта электр станцияларынын техниги, электр монтажчы жана электр менен камсыздоочу адистер даярдалат.

IT-АДИСИ


"XXI кылым жаңы технологиялар заманы" деп айтылгандай, учурда күн санап заманбап технологиялар менен иштеген инженер-технолог (IT) кызматкерлерине талап күчөп барат. Бул кесипти аркалаган адистер орточо эсепте эң аз дегенде 30 миң сомдон жогору айлык алышат. Айрым ишканалар 100 миң сомго чейин маяна төлөшөт. 2016-жылы аталган багыт боюнча республика аймагынан 2311 абитуриент тапшырган. Учурда мамлекеттик мекемелер электрондук системге өтө баштап, биометрикалык системдер киргизилип жаткандыктан, IT кызматкерлерине талап жогору.

АШПОЗЧУ-КОНДИТЕР


Ашпозчу-кондитер кесибине даярдоочу окуу жайларда аталган багытта билим алгандар үчүн бюджеттик орундар каралган. Өлкө боюнча 2016-жылы бул тармакка 1358 окуучу тапшырган. Башында 15 миң сомдон жогору маяна менен баштап, такшалган адис болгон соң 40 миң сом жана андан көп маяна алса болот.

АНДАН СЫРТКАРЫ

  • чачтарач
  • офис-менеджер
  • маркетолог
  • токойчу
  • сатуучу-консультант
  • куруучу кесиптерине да талап жогору. Эскертүү: Өлкөдөгү көпчүлүк кабыл алуу комиссиясы 2017-жылдын 1-июлунан тарта иштей баштайт. Орто кесиптик окуу жайларда 9-классты аяктагандар үчүн окуу мөөнөтү 2 жыл 10 айды түзөт.

Окууга тапшырууда талап кылынуучу документтер:

1. Күбөлүк (окууну бүткөндүгү тууралуу)
2. Паспорт же туулгандыгы тууралуу күбөлүк
3. Директордун атына арыз
4. Жашаган жеринен маалым кат
5. Мектептен мүнөздөмө
6. №086-У медициналык маалым каты
7. 3*4 өлчөмүндөгү сүрөт (6 даана)

«Супердин» сурак бурчу

Кесипти эмнесине карап тандайсыз?

Аймээрим Кылычбекова, 8-класстын бүтүрүүчүсү, Жалал-Абад шаары:
– Кичинемден эле өзүмдү-өзүм дарылоону үйрөнүшүм керек деген максат койгом. 11-классты аяктаган соң медициналык академияга окууга тапшырам. Ата-энем да каршы эмес. Дарыгерлер канча айлык алары мен үчүн маанилүү эмес. Оорулууларга жардам берсем болду. Окууну аяктагандан кийин иш таап кетериме толук ишенем.

Айгерим Нурдин кызы, 9-класстын бүтүрүүчүсү, Сокулук району:
– Ички иштер министрлигинин академиясына же юридикалык окуу жайга тапшырууну пландап жатам. Кесип тандоодо "иш таап кете аламбы?" деген суроо коём өзүмө. Укук коргоо органында иштөө кызыгуума атам себепчи. Ал да ушул тармакта иштейт. Айлыгы 10-15 миң сом деп уктум. Быйыл ушул эки тармактын бирине окууга тапшырууга аракет жасайм.

Руслан Эркеев 8-класстын бүтүрүүчүсү, Талас шаары:
– Эс тарткандан бери компьютерге абдан кызыгам. Ушул тармакта өзүмдү сынап көрүүнү максат кылып, программисттик кесипти тандайын деп жатам. Бул тандоомду ата-энем да колдоду. Өзүм да кызыгам. Ачыгын айтсам, айлыгы канча экенин да билбейм. Программисттерге иш көп экен. 9-классты аяктап эле Бишкекке окууга тапшырам.

Бактыгүл Назырбек кызы, 8-класстын бүтүрүүчүсү, Бишкек шаары:
– Мен 11-классты аяктап, визажисттик курска тапшырып, ошол тармакта иштөөнү пландап жатам. Кичинемден эле бул багытка кызыгуум бар. Азыр да сиңдилеримди өзүм боёнтом. Күнүнө жакшы иштесең
10 миң сомдон жогору акча тапса болот экен. Апам макул, атам менен кеңеше элекмин. Иш табылат деген ойдомун.

Жумаида Маматкадырова, 9-класстын бүтүрүүчүсү, Ала-Бука району:
– 11-класска чейин окуп, кийин кытай тили боюнча котормочулук кесибине тапшырууну пландап жатам. Азыр өлкөбүздөгү кендерди кытайлар иштетип жаткандыктан, кирешелүү, зарыл кесип деп ойлойм. Айлыгын да жакшы төлөшөт. Бирок дагы башка багытка өзгөрүп кетишим мүмкүн. Кесип тандоодо айлыгына да көңүл бурам.

Асхат Ишенаалы уулу, 8-класстын бүтүрүүчүсү, Кочкор району:
– Жогорку окуу жайга 11-классты аяктаган соң гана тапшырам. Кесип тандоодо өзүмдүн жөндөмүмө карайм. Бишкек шаарында котормочулук боюнча окусам деп жатам. Араб тилине кызыккандыктан ушул багытта мыкты адис болууну каалайм. Азырынча котормочулук кесип менен канча акча тапса болорун билбейм.

Бектур Токтоноев
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(13)
05.06.2017. 13:13 
Тайпасы:
Конок
Комментарийлердин саны:
19
Катталган:
28-05-2017
Соӊку аракети:
20-08-2017 18:17
Жынысы:
Белгисиз
0
Мен програмист болгум келет кызыгуум бар
08.06.2017. 03:01 
Тайпасы:
Жаран
Комментарийлердин саны:
45
Катталган:
02-12-2016
Соӊку аракети:
09-05-2018 13:56
Жынысы:
Белгисиз
Калаасы:
Ордолуу Ош шаарым
0
Кайсы окуу жайды тандаса да оз ишин билген мыкты адис болушсунчу! Азыр эптеп эле диплом сатып алмай болуп калбадыбы?
05.06.2017. 14:44 
Тайпасы:
Жаран
Комментарийлердин саны:
124
Катталган:
15-05-2017
Соӊку аракети:
21-09-2018 01:05
Жынысы:
Белгисиз
+1
Урматтуу бүтүрүүчүлөр силерге ийгилик жакшылап ойлонуп жүрөгүңөргө жаккан кесипти тандагыла силерге оомат бакыт тилеп калам шустри болгула любой жерге ишке алат ийгилик карочи
05.06.2017. 17:26 
Тайпасы:
Жаран
Комментарийлердин саны:
103
Катталган:
08-04-2011
Соӊку аракети:
20-09-2018 13:44
Жынысы:
Белгисиз
Калаасы:
бишкек
0
Кайсы окуу жайлар 9 класстын базасында кабыл алышат,ошолордун тизмесин күткөнбүз да..мүмкүн болсо билип берсеңиздер жакшы болот эле
05.06.2017. 18:43 
Тайпасы:
Жаран
Комментарийлердин саны:
26
Катталган:
08-11-2016
Соӊку аракети:
24-07-2018 10:00
Жынысы:
Белгисиз
0
Ийгилик бутуруучулор эн оор кундор алдыда бекем болгула,ийилсенерда сынбагыла,жаман жолдон алыс болгула ден соолукта болгула ,эх окуучулук кундор сагындымго,кана еми кайтып келсе окумакмын 5ке атак 3ко еле окуп журупмун ,намыстанбай женил курстарда еле окуй бергила ата эненерди кыйнабай ошол ен жакшысы обув ремонт,телефон ремонт,поварлыкка,парикмахер,компьютерный курс и.т.д мед фак,юрист,толуп жатат кыргызстанда азыр баары москвада кара жумушта иштеп журот,ахыбалы чирик
05.06.2017. 23:46 
Тайпасы:
Жаран
Комментарийлердин саны:
272
Катталган:
14-11-2013
Соӊку аракети:
21-09-2018 01:10
Жынысы:
Белгисиз
Калаасы:
Бишкекстан
0
9 класстан кийин институт, колледжке окуйсунар. 11 коасстан кийин универ , академияда.
06.06.2017. 00:07 
Тайпасы:
Жаран
Комментарийлердин саны:
3
Катталган:
02-09-2014
Соӊку аракети:
16-03-2018 02:57
Жынысы:
Белгисиз
+3
Фармацевт да жакшы кесип. 3 жылдык деп тоготпой башка кесип тандадым эле. Азыр кээде окунуп калам
06.06.2017. 09:14 
Тайпасы:
Жаран
Комментарийлердин саны:
106
Катталган:
13-09-2016
Соӊку аракети:
21-07-2018 12:59
Жынысы:
Белгисиз
Калаасы:
Алай
0
Фармацевт не болуп чыгат
06.06.2017. 14:23 
Тайпасы:
Жаран
Комментарийлердин саны:
19
Катталган:
02-01-2017
Соӊку аракети:
16-06-2017 22:33
Жынысы:
Белгисиз
0
ozgeldi,аптекадан отурасын
06.06.2017. 14:03 
Тайпасы:
Жаран
Комментарийлердин саны:
232
Катталган:
26-05-2016
Соӊку аракети:
20-09-2018 02:39
Жынысы:
Белгисиз
Калаасы:
Коз жаштарга ишенбеген шаар
0
Азыр таш ыргытсан Экономисттер мн юристтердин башына тушот.

Озум компьютер боюнча колледжди, андан сон Экономист-бухгалтер адистигин аяктагам.
Жумуш табылбайт, айлык акты аз дебей, студент болуп жургон убактан аракет кылып баштоо керек. Эгер оз кесибиндин мыкты адиси болсон, башкалардан коп тармактуу озгочолугун мн айырмаланып турсан иш беруучу да сени кое бербейт.

Азыр ар бир менчик ОсООлордо, бюджеттик жана жеке менчик иш каналарда, банк, фирма, бут бардык жер
06.06.2017. 14:12 
Тайпасы:
Жаран
Комментарийлердин саны:
232
Катталган:
26-05-2016
Соӊку аракети:
20-09-2018 02:39
Жынысы:
Белгисиз
Калаасы:
Коз жаштарга ишенбеген шаар
-1
Sagyn.91,
Жерде акча каражаттарынын эсебин бухгалтерлер жургузот. Ар бир майда барат жумушчулардын маянасын, салык системин, социалдык эсептоолорун, материал, негизги каражаттарынын эсебин бухгалтерлер жургузуп келет.

Озум ушул тармакта иштеп кордум. Эн сонун кесип. Жоопкерчилик биринчи орунда турат. Окууну аяктабай жатып иштегендиктен маянам 12000с болчу. Эгер толук кандуу адис болуп жетилсен, тажрыйбан болсо анда 15000-20000 с жогору айлык маянага иштесен болот.

09.06.2017. 23:53 
Тайпасы:
Жаран
Комментарийлердин саны:
21
Катталган:
05-12-2016
Соӊку аракети:
13-09-2018 21:39
Жынысы:
Белгисиз
Калаасы:
Сонун айылда
0
Мамлекеттик бала бакчалардагы поварлардын айлык маянасы канча экен.Билсенер жазып койгулачы.
09.06.2017. 23:55 
Тайпасы:
Жаран
Комментарийлердин саны:
21
Катталган:
05-12-2016
Соӊку аракети:
13-09-2018 21:39
Жынысы:
Белгисиз
Калаасы:
Сонун айылда
0
Sagyn.91,
Мамлекеттик бала бакчалардагы ашпозчулардын айлык маянасы канча экен.Билсенер жаза кетсенер.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: