БИР БҮРКҮМ

Кыргыз мамлекетинде 10 376 адам кайрылман статусун алган. Бул боюнча омбудсмен Кубат Оторбаев билдирди.
Өлкөдө учурда авариялык абалдагы 15 мектеп бар. Ал мектептердин окуучулары чатырларда билим алып жатышат. Бул боюнча билим берүү жана илим министри Гүлмира Кудайбердиева айтты.
Акыркы 25 жыл ичинде Кыргыз өлкөсүндө бир дагы заманбап төрөт үйү курулган эмес. Бул тууралуу акыйкатчынын атайын докладында айтылат.
Өзгөчө кырдаалдар министрлигинин маалыматына ылайык, жыл башынан бери куткаруучулар 145 адамды ар кандай кырсыктардан сактап калышкан.
Мамлекеттик каттоо кызматынын башчысы Тайырбек Сарпашев кызматтан кетүү боюнча арыз жазды. Ал 2015-жылдын 11-ноябрынан тарта аталган кызматты аркалап келген.
2016-жылдын февралында Бишкек–Кара-Балта жолунда фото жана видеого тартып калуучу каражат коюлган. Ошондон бери 89 миң жол эрежесин бузуу фактысы катталган.
3 жыл аралыгында Бишкек шаарындагы көп кабаттуу үйлөрдөгү лифттер жаңыланат. Бул тууралуу калаа мэри Албек Ибраимов билдирди.
УКМК өлкөдө террордук актыларды ишке ашырууну көздөгөн эл аралык террордук уюмдун мүчөсүн кармады. Бул тууралуу аталган кызматтан билдиришти.
Бишкек–Кара-Балта унаа жолун кеңейтүүгө 120 миллион 800 миң доллар жумшалат. Андыктан жол боюндагы 3 миң дарак кыйылат. Бул боюнча Транспорт жана жолдор министрлигинин маалымат кызматынан кабарлашты.

Мирлан Өмүралиев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 763, 16-22-июнь, 2017-ж.