Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

#СУПЕРАТАЛАР БАЛДАРЫ ТУУРАЛУУ БАЯНДАЙТ

№763 16-22-июнь, 2017-ж.


БУУнун Балдар фонду (ЮНИСЕФ) балдардын жакшы шартта чоңоюшунда аталардын маанилүү ролу тууралуу долбоорду баштады. Долбоорду бир катар дүйнө жылдыздары колдоого алышууда. Биздин өлкөнүн белгилүү инсандары да мындай жакшы иштен четте калбай, өздөрүнүн кандай ата экендигин баяндап беришти. Сөз супер аталарда.

Жанар Акаев, Жогорку Кеңештин депутаты: "БАЛДАРДЫН БАКТЫЛУУ ЧОҢОЮШУНА БАР КҮЧҮБҮЗДҮ ЖУМШАШЫБЫЗ КЕРЕК"

– 2 уулум бар. Улуусу Айкөл 4 жашта, кичүүсү Актай 1 жашка толо элек. Биринчи уулум төрөлгөндө өзүм төрөткө катышканмын. Толкунданып, жакшы сезимдер болгон. Экинчи уулум төрөлгөндөн кийин бардым төрөт үйүнө. Бирок балалуу болгондо элчилеп жууп киргенди башынан туура көрбөйм. Бала чоңойгон сайын өнөрү чыгып, улам бир жаңылыктары менен сүйүнтө берет эмеспи. Айкөл абдан боорукер, тетик бала болуп өсүп келатат. Балдар менен чырлашып, мушташкан учуру дээрлик жокко эсе. Мага абдан жакын. Ата-энесинин сөзүн угуп, кылба деген нерсени кылбай, тартиптүү болуп чоңойду. Актай болсо бир топ олуттуудай сезилет азыртан эле. Бирок шайыр экени байкалат. Көз караштары да сүрдүү, жаңы көргөн туугандар аны "улакчы" деп тамашалап коюшат. Мен балдарга абдан жумшакмын, чынында тарбиянын көбүн апасы берет. Көп учурда жумушка байланыштуу талаалап жүргөнгө туура келип жатат. Дем алыш күндөрү гана балдар менен кенен-чонон эс алып, ойногонго убакыт болот. Андай күндөрү балдарды оюн-зоок аянтчаларына өзүм алып барып, кошулуп ойноп, көңүлүн ачам. Балдарды мен такыр урушпайм, үйдө мен "жакшы полиция кызматкеринин" ролундамын. Балдардын жөндөмүн байкап, бир аз чоңойгондо ошого жараша кесип тандайбыз го деп жүрөбүз. Уулдарыбызга мыкты билим берүү, аларды тарбиялуу жана мекенчил кылып чоңойтуу ата-эненин башкы милдети эмеспи. Буюрса, жөндөмүнө жараша ар кандай кружокторду азыртан эле тандасак деген ойлорубуз бар. Айтор, балдардын бактылуу чоңоюшуна бар күчүбүздү жумшашыбыз керек.

Мирбек Иманбеков, ырчы: «80-90 ПАЙЫЗ УБАКЫТЫМДЫ БАЛДАРЫМ МЕНЕН ӨТКӨРӨМ»

– 2 балам бар. Улуусу кыз, аты Арууке, 9 жашта, кичүүсү уул, ысымы Чынтемир, 5 жашта. Кызымдын мүнөзү апасына окшош. Шайыр, шашма жана тырышчаак. Уулум болсо мени тарткан, оор басырыктуу, чоң кишилердей сүйлөп, чоң адамдардай ой жүгүртөт. Кызым төрөлгөндө катуу сүйүнгөм. Жеке эле мен эмес, досторум дагы сүйүнүшкөн. Ал эми уулум төрөлгөн маалда Москвада элем. Келинчегим көз жарган күнү мен анын жанында боло албай калдым. Аэропорттон түшкөндө телефонду күйгүзсөм апам чалып "уулдуу болдуң" деди. Айланамдагы адамдарга карабай, уулдуу болгонума катуу кубанып "ураа!" деп кыйкырып жибериптирмин. Анан досторума "машинаны тез айдагыла, уулума эртерээк жетели" деп алардын шаштысын кетирген элем. Балдарыма колумдан келишинче жакшы ата болгонго аракет кылам. Аларга күч колдонбой сөз менен жана көз менен тарбия бергенге аракет кылам. Балдарым менин көз карашымдан эле баарын түшүнүп турушат. Эки балам тең ырга шыктуу. Талант менен чогуу төрөлүшкөн окшойт. Андан сырткары кызым котормочу, уулум спортчу болгусу келет. Кызым ырдагандан тышкары ар түрдүү темада ыр жазат. Менин балдарымдын кесип тандоосуна салым кошконум аларды кунт коюп угуп, колдоо көрсөтүп, туура эмес болгон жактарын оңдогонум деп билем. Балдарыма күн сайын 80-90 пайыз убакыт бөлөм. Ата-эненин мээрими бала бакчаныкынан башкача болот деп ойлойм. Ошол үчүн аларды бала бакчага да берген эмесмин.

Новак Жокович, теннисчи: "АТА СТАТУСУ МЕНИ ТОЛУГУ МЕНЕН ӨЗГӨРТТҮ"

Сербиялык белгилүү теннисчи Новак Жокович 2015-жылдын август айынан тарта ЮНИСЕФтин балдарды коргоо жана наристелердин көйгөйлүү маселелерин чечип берүү максатында кызматка дайындалган. Спорт жылдызы жакында эле #СуперАта долбоорун колдоого аларын билдирип, социалдык тармактагы жеке баракчасына төмөнкүлөрдү жазып чыкты:
– Балдарды тарбиялоо жагымдуу, ошону менен катар оор, маанилүү жумуштардын бири. Жубайым Еленанын кош бойлуу экендигин билгенде келечектеги баламды эч нерседен кем кылбай, коопсуз жана камкордукта өсүшүнө шарт түзүп берем деп өзүмө сөз бергем. Балам бакубатчылыкта жашасын жана келечегине күчтүү пайдубал курсун дейт элем. "Ата" деген статус мени толугу менен өзгөрттү. Уулум Стефан менен болгон мамилем мени бардык наристелердин кыялдарын ишке ашырууга көмөктөшүүмө түрткү болду. Ошол себептен 2007-жылы Новак Жокович атындагы фонд ачып, аз камсыз болгон үй-бүлөлөрдөгү наристелерди камкордукка алып, аларды башкаларды урматтоого жана айлана-чөйрөгө кам көрүүгө, өсүп-өнүгүүгө үйрөтө баштаганбыз. Баланын жакшы тарбия алуусу анын руханий чөйрөсүн байытып, таанып-билүүчүлүгүн өстүрөт. Изилдөөлөр көрсөткөндөй, балдар ата-энелери менен тыгыз байланышта болгондо гана психологиялык жактан жакшы өсүшөт жана өзүнө-өзү канааттануу пайда болот. Уулум менен чогуу оюн ойноо, ырдоо, китеп окуу, ар түрдүү аш болумдуу тамак-аш менен камсыз кылуу жана сүйүү менен тарбиялоо Стефандын ар тармактуу болуп өсүшүнө жардам берет. Дүйнөдөгү бардык ата-энелер балдары менен баалуу мүнөттөрүн өткөрүп, аларга татыктуу тарбия бериши керек.

#СуперАта, чамда! Сен үчүн сынак!

Жыл сайын Аталар күнү июнь айынын үчүнчү жекшембисинде белгиленет. Быйыл бул күн 18-июнга туура келди. Дүйнөнүн көптөгөн өлкөлөрүндө Аталар күнүнүн урматына эл аралык ЮНИСЕФ уюмунун колдоосу менен #СуперАта акциясы жүрүп жатат. Дүйнөлүк жылдыздар Дэвид Бекхэм, Жерар Пике, Шакира, Хью Жекман, Льюис Хемилтон өңдүү спорт жана шоу-бизнес жылдыздары бул акцияны колдоого алышты.

Бул күндүн урматына "Супер-Инфо" гезити да ЮНИСЕФ менен биргеликте #СуперАта сынагын жарыялайт! Арабызда супер аталар толтура! Алар жумуш, үй-бүлө багуу менен катар балдарынын турмушуна да активдүү катышат. Алар балдарын жуунтушат, тамактандырышат, чогуу ойношот, уктатышат. Дал ошондой супер аталардын балдары менен түшкөн кызыктуу сүрөт-баяндарына сынак жарыялайбыз!

Сүрөттөрдү 16-июнга чейин star@super.kg дарегине же +996 557 75 63 19 WhatsApp номерине жөнөтсөңүздөр болот. Сүрөттөр 16-июнда саат 12:00дө SUPER.KG порталына добуш берүүгө коюлат. Добуш берүү 19-июнь күнү саат 18:00дө токтотулат. Жеңүүчүлөр кызыктуу белектер менен сыйланышат. Аталган иш-чаранын максаты – аталардын балдарды тарбиялоодогу өзгөчө ордун, алардын сүйүүсүн, бала төрөлгөндөн тарта атанын колдоосу зор мааниге ээ экенин белгилөө. Супер аталар, чамдагыла! Супер ата болуу үчүн супер күчкө ээ болуунун кажети жок!

Эскертүү: Сүрөт-баяндар сапаттуу жана кызыктуу болушу шарт!


Шоу-бизнестеги супер аталар

Автор: Жолдошбек кызы Санрабига
Оператор: Кайрат Сарбагышов

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(3)
19.06.2017. 13:35 
Тайпасы:
Жаран
Комментарийлердин саны:
90
Катталган:
19-01-2017
Соӊку аракети:
15-05-2018 16:37
Жынысы:
Белгисиз
+1
Балдарыбыз,аталарыбыз аман болушсун
Медиа-портал
19.06.2017. 19:05 
Тайпасы:
Жаран
Комментарийлердин саны:
0
Катталган:
15-02-2016
Соӊку аракети:
13-09-2018 00:33
Жынысы:
Белгисиз
+4
Балага эч качан "атаңды жакшы көрөсүңбү же апаңды жакшы көрөсүңбү" деген суроону бербеш керек!!! Журналисттин чооооң катасы болуктур!
21.06.2017. 13:41 
Тайпасы:
Жаран
Комментарийлердин саны:
465
Катталган:
26-11-2016
Соӊку аракети:
19-09-2018 01:13
Жынысы:
Белгисиз
+3
Мирбектей жашагым келет, айылда тынч ананда эн коп убакыты балдар учун экен эн соонун!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: