СУПЕР-ИНФО
- Саясат
- Шоу дүйнө
- К-рор дүйнөсү жана корей тасмалары
- Маданият
- Иликтөө
- Турмуш
- Крим-инфо
- Спорт
- Жан дүйнө
- Түркүн дүйнө
- Алтын балалык
- Укуктук кеӊеш
- Илим жана техника
- Ден соолук жана сулуулук
- Психология жана үй-бүлө
- Тиричилик, бизнес
- Ашкана сырлары
- Жылдыз төлгө
- Маалымдама
- Супер-Инфо 20 жашта
- Көз караш
- Эмгек жарчысы
СПИННЕР – ЖАШТАРДЫ КЫЗЫКТЫРГАН ЖАҢЫ ОЮНЧУК
Акыркы убакта жаштар арасында спиннер деген аталыштагы оюнчук кеңири тарап, аз убакыттын ичинде көпчүлүктү кызыктырууга жетишти. Спиннер – бул эки же андан ашык канатчадан турган, колго ылайыкталган оюнчук. Аны иштетүү үчүн ортосундагы тегеректи эки манжа менен басып, канатчаларды күүгө салса, 1,5-2 мүнөт аралыгында тынымсыз айланат. Спиннерди иштеп чыккандар ал адамдагы кыжырданууну азайтып, ойду топтогонго жана стресстен арылууга жардам берерин айтышат. Бирок психологдор "балдардын спиннерге болгон берилүүсү жашоодогу башка маанилүү нерселерди 2-орунга жылдырып коюусуна түрткү болушу мүмкүн" дешет. Аталган оюнчук мындан 27 жыл мурда ойлоп табылса да, өз убагында кызыкчылык жарата алган эмес. Былтыр декабрда "Forbes" журналында спиннер тууралуу "2017-жылы керек болчу кеңсе оюнчугу" деген макала жарык көргөн. Андан көп өтпөй март айында YouTube’дун колдонуучусу тарабынан спиннер менен кантип ойноо керектиги жөнүндө видео тарап кеткен. Ошентип бул оюнчук миллиондордун көңүл чордонуна чыкты. Спиннер 8 жаштан өткөн балдарга арналган. Аны түрүнө жараша 200дөн 750 сомго чейин сатып алса болот. 
Электрондук техника чыгаруучу "C Seed" компаниясы дүйнөдөгү эң чоң 4К деп аталган сыналгыны тартуулады. Өндүрүүчүлөрдүн расмий сайтында белгиленгендей, анын диагоналы 262 дюйм же 6,65 метрди түзөт. 800 килограммдык салмактагы сыналгынын көлөмү 6,1*2,7 метрге жетип, экранынын көрсөтүүсүнүн сапаты бардык талаптарга жооп берет. Ошондой эле 6 үн чыгаргычы жана экранды коргоочу атайын жабдыктары бар. Компаниянын өкүлдөрү билдиргендей, бул сыналгы ушул жайда сатыкка чыгат. Анын баштапкы баасы 539 миң доллар болору күтүлүүдө.
"Тойота» компаниясы АКШнын Мичиган университетинин адистери менен биргеликте "акылдуу" унаа чыгарат. Унаанын өзгөчөлүгү – айдоочунун ден соолугу тууралуу маалыматтарды өзүнө камтып, анын саламаттыгын, абалын айтып турат. Айдоочу атайын программага өзүнүн кан басымынын көрсөткүчүн, жүрөк-кан тамырынын иштөөсү сыяктуу маалыматтарды киргизип коёт. "Акылдуу" унаа айдоочунун ден соолугун ар дайым көзөмөлгө алып, инфаркт, жүрөк кармап калуу өңдүү күтүлбөстүктөрдүн алдын алат. 
«Тesla" компаниясынын мүдүрү Илон Маск дагы бир чоң долбоорун коомчулукка сунуштады. Бул жаңы транспорт үлгүсү "Hyperloop" деп аталат. Маск өзү муну поезд, учак, унаа жана кемеден кийинки транспорттун 5-түрү деп атайт. Hyperloop – атайын таянычтар аркылуу жердин деңгээлинен өйдө жайгашкан түтүк өткөргүч жол аркылуу жүрүүчү транспорт. Ал саатына 480ден 1220 чакырымга чейинки ылдамдыкта жүрө алат. 