Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«МЕНИН КЫЯЛЫМ» (Түркиядагы мигрант кыргыз кыздын тагдыры баяндалган сериал)

№764 23-29-июнь, 2017-ж.


Керемет таң. Күн чыгыш тараптан күндүн нурлары аздап чачырап бара жатты. Керебетинде уйкуда жаткан кыздын бетин жел аймалап, бирок ойгото албай убара. Адамдын бейкапар уктап жаткан кези кандай сонун. Анан да жашың 17ге араң толуп, кыялдарың менен жашаган, дүйнөнү так ушу таңдай таза элестеткен курак андан эки эсе сонун эмеспи. Жамилянын кыялкечтиги да өзгөчө. Башы жаздыкка тиери менен кыялдары кетти дей бер, учуп-кайкып... Түндө да кыялдары менен алпурушуп жатып кеч уктаган.
– Ай, кыз, тур, уй саабайсыңбы, элдики бадага эбак кетти.
Эскилиги жеткен эшик шарак ачылып, орто жаштагы аял кирип келди. Кирип келиши менен эле бул үйдөгү бейпилдикти, таң менен айкалышкан кыздын тынчтыгын бузгандай. Жамиля көзүн бакырайта ачып апасын тиктеп калды. Эки кашы биригип, жүзү кумсарып турса да апасы дайымкысындай сулуу болчу. Керилип жаткан биздин каарман да апасына окшош эле.
– Турсаң эми ымтырабай...- деди апасы бурк эте.
– Азыр, апа, мына туруп жатам.
Апасынын мүнөзүн билген Жамиля тургусу келбей жатса да, шарт кийинип сыртка жөнөдү. Аял оор үшкүрүнө аркасынан карап:
– Карасаң, басканы да атасын тартып калыптыр,- деп өзүнчө нааразылана кетти.
Көзү бөлмөнүн экинчи тарабында жаткан кичүү кызына түштү. Дароо сумсайып турган жүзүнө жылуулук уялады. Мына, ушу кызы өзүн тарткан, орун басары десе болот. Темирдей бекем мүнөзү, акылы, куулугу да бар. Кандай жашашты билет, атасындай ала көөдөн эмес. Кичүү кызынын үстүн жылуулап жапты да, шыбы түшөйүн деп калган бөлмөнү бир карап, башын чайкап чыгып кетти. Экинчи бөлмөгө кирип, бүк түшүп сасып уктап жаткан күйөөсүн жекире бир тиктеп, күзгүнүн алдына отура калып чачын тыкыйта түйдү. Ооз боёгун алып чыгып боёнуп, жүзү-башын сыланып жатты.
– Ох, башым ай, башым, жарылып кетет окшойт, мага бир чөмүч суу берип койчу,- деди жерде чала өлүк болуп жатканы.
– Балекет ич, шүмшүйгөн шүмшүк...
– Эн-ең десе, суу алып келип берсең эмне болот, ыя?!
– Атаңдын башы болот, сага суубу, ыя? Сууну азыр көрсөтөм...- жыландай ышкырган аялынын үнүн укпаска аракет кылып башын чүмкөдү тиги киши. Бештен белгилүү, азыр айкырып- кыйкырып айласын түгөтөт. Андан көрө ал жумушуна кеткиче дым чыгарбай жатканы оң. Аялы кыйкыргандан тажаганбы же шашылыш иши барбы, тез кийинип алып чыгып кетти.
Арзуу жаш чагында атына заты жарашкан, бир айыл эркектин түшүнө кирген кыз болчу. Азыр деле сыны кетпегени билинип турат. Айылдын эң көрүнүктүү, келишимдүү жигити Муратка баш кошкону да чын. Оо, анда мына бул үйдө сасып уктап жаткан адам менен андагы Мураттын асман менен жердей айырмасы бар эле. Райондун эң мыкты деген тиш доктуру болчу. Ошол учурда ууртап-татып жүрүп, дээринен жоош байкуш ичкиликке бир жолу алдырып койду. Көп жыл болду минтип калганына. Кыздары менен, тагдыр менен карчылдаша күрөшүп жүрүп андагы сулуу кыз “ажаан Арзуу” деген атка конду да калды.
Жол боюнда суу алып жаткан кемпир салам айтып өтүп бара жаткан аялга ооз учу менен алик алды да, күбүрөнө кетти:
– Карасаң, койкоңдоп таң атпай бара жатканын. Кайда барат экенсиң сен? Чырактай баланы жайлап тынды. Мурат эмне деген бала эле? Ушу койколоңдогон бою, сулуу жүзү менен байкушту...
Күбүрөнгөн кемпирдин оюн бул айылдын эли бир ооздон колдой турган. Жоош, боорукер, колу ачык Муратты баары жакшы көрүшчү.
Жамиля уюн саап, бадага кошуп келди да жуунуп-таранып, сабагына даярдана баштады. Быйыл акыркы жыл.
– Нуриля, тур, сабакка кечигебиз,- сиңдисине акырын үн катты.
– Мен барбайм...
– Эмнеге барбайсың? Окуу жылы аяктаарына аз калды го, тур эми, жалкоо,- Жамиля уйкуда жаткан сиңдисинин чачтарын сылай суранычтуу үн катты. – Апаман сурандым дедим го, бүгүн барбайм. Барчы башымды оорутпай.
– Эй, чоң кыз, мен бир жашка болсо да сенден улуумун. Тур дегенде тур.
– Эжем имиш...- деди Нуриля менменсине.
Жамиля таарына түштү. Ар дайым ушундай, эжем экен деп угуп койбойт. Ар дайым өз каалаганын кылат да турат. Апасы аны билсе да, анын тарабында. Ушул учурда Мурат кирип келди. Атасынын кебетесин көрөрү менен төшөгүнө чүмкөнгөн Нуриля дымын чыгарбай жатып калды.
– Өх, кызым, жегенге бир нерсе барбы?- деди Мурат үмүт менен Жамиляны карап.
– Ооба, ата, азыр сизге тамак жылытып берем.
– Ошентчи, ашказаным ачышып...
Ашканага кирип кечээ калган тамакты жылытып, нанды алдына койду.
Мурат чын эле кезерип калган экен, алдына келген жылымык шорпону иче баштады. Бир аздан кийин гана башын көтөрүп, өзүн жалооруп карап турган кызын көрүп, көзүн ала качты.
– Сен сабагыңан кечикпейсиңби, кызым?
– Ата?
– Эмне болду?
– Мен... сага айтайын дегем. Жакында окууну бүтөм. Борборго барам, окуп, иштеп акча табам. Ошондо сени жакшы доктурларга алып барсам, ичкениңди таштасаң...
Мурат кызын тиктеп калды. Чоңоюп калыптыр каралдысы. Эки өрүм чачы, аксаргыл татынакай жүзү, өзүн боору ачып тиктеп турганы...
– Апаңдын көчүрмөсү болуп бара жатыптырсың,- деди ал башка сөз табалбай.
– Ата, сен мага убада бере аласыңбы? Ичпечи, ата, сени мен доктурга алып барганга акча тапсам, барам дечи.
Мурат көзүн жумуп алды. Ушуга чейин бул сөздү кимдерден гана уккан жок. Апасы ыйлачу, Арзуу жалдырап-жалбарып суранчу, кийин алы келбей калгандан баштап алкынып урушканга өттү. Достору, туугандары, бүт айыл адамдары айтышты. “Кой, акыры жакшы болбойт” дешти. Атасы, бир туугандары суранды. Бирок ушуга чейин бул сөз жүрөк түпкүрүнө жете элек болчу. Өзүн жалдырап тиктеп, суранып турган кызыныкындай жүрөккө жете элек болчу. Бир өмүр өтүп кеткенин, убакыт өзүнө каршы иштегенин Мурат бүгүн туйду. Көкүрөгү ачышып чыкты. Кызына бир нерсе дейин деди, кайра жалганчы болгусу келбей башын чулгуп алды...

(Уландысы кийинки санда)

Айлин.Д


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  8 
Башка сандарда:
Комментарийлер(6)
27.06.2017. 09:55 
Тайпасы:
Жаран
Комментарийлердин саны:
330
Катталган:
03-11-2012
Соӊку аракети:
03-07-2018 12:04
Жынысы:
Белгисиз
-2
Биринчи
27.06.2017. 10:18 
Тайпасы:
Жаран
Комментарийлердин саны:
114
Катталган:
06-11-2016
Соӊку аракети:
24-09-2018 08:20
Жынысы:
Белгисиз
-4
экинчи)
27.06.2017. 17:10 
Тайпасы:
Жаран
Комментарийлердин саны:
130
Катталган:
10-03-2016
Соӊку аракети:
18-09-2018 18:35
Жынысы:
Белгисиз
Калаасы:
Кыргызстан
+4
Жакшы
27.06.2017. 18:58 
Тайпасы:
Жаран
Комментарийлердин саны:
18
Катталган:
18-06-2017
Соӊку аракети:
13-02-2018 09:47
Жынысы:
Белгисиз
+3
Бул сериал Эми кызыктуу болсо экен Джи окугандан кийин коп сериалдар супсак боло берчу болду
29.06.2017. 15:02 
Тайпасы:
Жаран
Комментарийлердин саны:
114
Катталган:
06-11-2016
Соӊку аракети:
24-09-2018 08:20
Жынысы:
Белгисиз
+6
неге экинчи десем , минус баскансынар? ушундай санактарды окуп койчу элем, мында экинчи экем деп жазып койсом, жаман кылдынар го?))экинчи "экинчи" деп жазбайм)
29.06.2017. 20:18 
Тайпасы:
Жаран
Комментарийлердин саны:
123
Катталган:
24-06-2017
Соӊку аракети:
24-09-2018 10:16
Жынысы:
Белгисиз
0
Башталышы жакшыго
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: