Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

#СуперАталар аныкталды

№764 23-29-июнь, 2017-ж.


Эл аралык аталар күнү жыл сайын июнь айынын үчүнчү жекшембисинде белгиленип келет. Быйыл бул күн 18-июнга туура келди. Эл аралык ЮНИСЕФ уюму "Супер-Инфо" гезити менен биргеликте #СуперАта сынагын өткөрүштү. Сынакка 7 дубандын мыкты аталары катышып, кызыктуу сүрөттөрү менен балдары тууралуу баяндоо жазып жөнөтүштү. Супер аталардын сүрөт-баяндары SUPER.KG порталында окурмандардын добушуна коюлган. Жыйынтыгында көп добуш алган 10 супер ата жеңүүчү деп табылып, уюштуруучулар тарабынан даярдалган белектерге ээ болушту.

Эрлан Шамырбек уулу, 26 жашта, Ош облусу, Алай району: "КЫЗЫМДЫ ӨЗҮМ КУСУП АЛГАМ"



– Кызым Элина Шамырбекова 2014-жылы 7-январда төрөлгөн. Мени менен кошулуп намаз окуганды жакшы көрөт. Тамактанып бүткөндөн кийин Алладан бата тилеп ордунан турат. Ызы-чууну жактырбайт. Тамак аз ичет, шире, киндер, чипсы дегенде жата калат. Түндөсү тынч жатпайт, үстүнө эч нерсе жамынбайт. Жакшы көргөн мультфильмдери – "Керемет көч", "Свинка Пеппа". Бат-баттан сүйлөйт, мени тартып калган. Өзүм жуунтам, кечинде жатканда жомокту да мен айтып берем. Кыскасы, өзүм эле кусуп алгам кызымды. Кызым – атасынын кызы.

Орозбек Муратов, 30 жашта, Бишкек шаары: "АТАСЫНЫН КЫЗЫ"



– Кызым Нурмина Өмүрбекова 12.12.2015 деген датада жарык дүйнөгө келген. Өзүм табиятымдан жаш балага жакынмын. Биринчи перзентибиз кыз болуусун ичимден каалап жүргөм. УЗИден кыз экенин угуп, кубанычым коюнума батпай сүйүнүп, төрөлгөнгө чейин эле оюнчук, китептерди эч кимге айтпай акырын камдап койгом. "Кыз бала ата-энеге күйүмдүү болот" деген чын окшойт, кызымдын азыртан эле апасы экөөбүзгө болгон сүйүүсүн байкайм. Командировкалап кетсем да кызымды сагынып, үйдү көздөй шашып калмайым бар. Анын толук кандуу инсан катары калыптанышына, билимдүү болушуна бар күчүмдү жумшайм. Ата-энелик милдет деген ошол эмеспи, мындай камкордуктун баарын ушул кызым төрөлгөндөн кийин жон терим менен сезип отурам. Бул постту кийин Нурминам өзү чоңоюп окуп, анан каткырып күлчү күнгө жеткирсин.

Арсен Кадырахунов, 26 жашта, Ош облусу, Өзгөн району: "УУЛУМ ЫЙЛАСА ЖҮРӨГҮМ КАБЫНАН ЧЫГЫП КЕТЕТ"



– Менин баламдын аты Билал. 2013-жылы 20-августта төрөлгөн. Аябай шок, кылыктарына тойбогон кезим. Эртең менен жумушка кетип жатканда сөзсүз коштошот. Бирок мени кетип калбасын деп таң заарда туруп алат. Жумушта жүргөндө да "курсагы ток бекен?" деп баламды ойлойм. Эс алуу күндөрү Билал экөөбүз сейил бакка ойногону чыгабыз. Уктаардын алдында сөзсүз ойноп, анан уктайт. Ыйласа жүрөгүм кабынан чыгып кетет. Айтканын жасайм, жалган айтпаганга аракет кылып, бир нерсени "заказ" кылса, сөзсүз аткарам. Анткени мага болгон ишеничин жоготуп алгым келбейт.

Мирланбек Эсенбеков, 35 жашта, Бишкек шаары: "БАЙЛЫГЫМ СЕНСИҢ"



– Берекелүү күздүн кечинде, 2016-жылдын 8-октябрында, сааттын жебеси 23:40ты какканда үй-бүлөмдү шаңга бөлөп, уулум, сен төрөлдүң. Ошондогу сезимдеримди сөз менен жеткирүү мүмкүн эмес. 34 жашымда ата деген статуска ээ болдум. Азыр уулум 8 айга толуп турган убагы, кылыктары чыгып, апасы экөөбүздү бакытка бөлөп турат. Жаркылдаган жарык маанай уулумдун колдору чекеме тийсе элжиреп, ой-санаадан арылып, кейиш дүйнөсүнөн бейиш дүйнөсүнө сапар алам. Күлүмсүрөп караган көздөрүнө кирип алып, бир заматта ааламдын падышасына айланам. Бул сезимди жалгыз гана сен тартуулайсың, балакайым! Бал тамган тилиңден алгачкы "ата" дегениңди укканда жүрөгүм бир башкача согуп, толкунданып, жашоодогу эң бактылуу ата мен болгондой сүйүнөм. Асылым, эркетайым, сенсиң го менин өмүрүмдүн тумары, ырыскымдын мунары, Кудайымдын белеги, жашоонун мага жаккан чырагы!
Мен ыраазымын сени төрөгөн апакеңе, алдейлеп ак бешикке бөлөгөн, азап тартып, түн уйкудан калса дагы "сен ыйлаба, балакай" деп жөлөгөн. Байлыгым сенсиң, бар болгун дайым, берекем. Балбылдап жанган көздөрүң баарынан кымбат!

Зарлык Боромбаев, 33 жашта, Ош облусу, Кара-Кулжа району: "БАЛДАРЫМ ҮЧҮН АЯЛЗАТЫНА ТИЕШЕЛҮҮ ИШТЕРДИ ДЕЛЕ АТКАРА БЕРЕМ"



– 3 кызым, 1 уулум бар. Эң улуусу 12де, эң кенжеси 2 жашта. Балдарым менен канча убакыт өткөрсөм да чарчаганымды билбейм. Алардын ар бир кылыгы, сөздөрү мен үчүн эң эле кол жеткис сезимдер. Бала кароо, тамак жасоо өңдүү жумуштарды аткара берем, "аялым келсин, аялдын жумушу" дебейм. Балдарымдын курсагы ток болушу, кийиминин бүтүн болушу – менин чоң милдетим. Кыз бала абдан күйүмдүү, атага жакын болот экен. Үчөө тең аталап жанымдан чыгышпайт. Ал эми үйүбүздүн эң эркеси уулум Нурсултан. Ал үч кыздын арасында жалгыз уул болгондуктан аябай кежир, айтканын бербеген бала. Бирок мен аны улам акылына кирген сайын тарбиялаганга аракет кылып жатам. Балдарым аябай ширин. Чарчап турганымда кызым келип эркелеп калса алдыга умтулууга дүйнөдө эч бир тоскоолдук жоктой сезилет. Мен өзүмдү "бардык милдетин аткарып жаткан супер күчкө ээ атамын" дебейм. Болгону алар үчүн, алардын кең келечеги үчүн болгон күчүмдү аябайм.

Кайрат Ашырбек уулу, 26 жашта, Ысык-Көл облусу, Балыкчы шаары: "КЫЗЫМ КӨЗҮН АЧАРЫ МЕНЕН МЕНИ ИЗДЕЙТ"



– Менин ширин кызым Акмарал. Ал сентябрдын 14үндө 2016-жылы төрөлгөн. Азыр 9 ай болду. Кызымды абдан жакшы көрөм. Мени көргөн сайын талпынып, сүйүнүп менин кучагыма келгенге ашыгат. Мурдумдан чоюп, көзүмдү чукуйт. Эртең менен көзүн ачары менен мени издейт. Биз дайыма чарчаганча ойноп, анан чогуу уктап калабыз. Ал мага абдан окшош: чачтары, көздөрү, кичинекей колдору, жадакалса кашы. Ал менин кара кызым.

Мирланбек Исакбаев, 28 жашта, Бишкек шаары: "БАЛДАРЫМ – ЖАШООМДУН МАҢЫЗЫ"



– Уулум Даниэль Кадырбеков 2010-жылы, кызым Айназик 2013-жылы жарык дүйнөгө келген. Балдарым – бул дүйнөдөгү жашоомдун мазмуну, маңызы. Алар бар үчүн бактылуу жашоодо жашап жатам деп эсептейм. Экөө тең апасына эмес, мага жакын, анан мага окшош. Балдарым үйдө болбой калса таңым атпайт, күнүм батпайт, жашоом караңгы жана кызыксыз. 70 пайыз убактымды балдарым менен бирге өткөрөм. Ар кандай оюн-зоокторго алпарып, бассейнге түшүрүп, сейилдеп бак аралайбыз. Ушул эки перзентимди жарык дүйнөгө алып келип, мени кубанткан жубайыма миң мертебе ыраазымын.

Айбек Кариев, 32 жашта, Бишкек шаары: "КЫЗЫМА МАНИКЮР ЖАСАП БЕРЕМ"



– Кызым Адинай Рысбекова 2012-жылы 16-январда төрөлгөн. Кызыма кечинде жомок айтып берем. Эртең менен чачын өрүп, бала бакчага алып барам. "Киндер" шоколадын күн сайын алдыртат. Дүкөнгө киргенде "принцесса келди" деп баары тааныйт. Жумуштан келгенде алдымдан тосуп чыгат. Колумду карап калбасын деп дүкөндөн бирдемелерди ала келем. Маникюр жасап берем. Менин чачымды байлап, сулуулук салонунда иштегендердин ролун аткарып, оюн ойнойбуз. Неберелерим (куурчак, жумшак оюнчуктар) аябай көп, уктаар маалда жаныма жаткызып коёт. Апасы жокто тамагын да берем. Ооруп калганда дарысын берип, суу, шире алып келип жанында болом.

Мирлан Өмүралиев, 29 жашта, Ош шаары: "МЕН ТАРТЫП БЕРГЕН СҮРӨТТӨРДҮ БОЁГОНДОН ЫРАХАТ АЛАТ"



– Уулум Марлен Рысбеков 2013-жылы 24-апрелде төрөлгөн. Уулум жарык дүйнөгө келген учурда келинчегимдин жанында болдум. Ошондо уулумдун мойтойгон чочосун көрөр замат сүйүнүчтүн көз жашы тамчылап, ыйлаганымды айтсаң! Эстесем, акыркы жолу ошондо ыйлаган экенмин. Ошол күндөн баштап ата болуу бактысы кучак жайды. Балам күндөн-күнгө чоңоюп, ар түрдүү кылыктары менен бизди бакытка бөлөп келет. Марленчигим машинелердин сүрөттөрүн мага тарттырып, тартылган сүрөттөрдү боёгонду адатка айлантып алган. Ошондон ырахат алат. Кечинде жатканда "ичимди, белимди тырмап бер" деп, ушалатып анан уйкуга кирет. "Эр жетип, чоң жигит болгондо милиция болом" деген тилекти тынбай айтат. Марлен – менин жоокерим!

Александр Тыналиев, 28 жашта, Талас облусу, Бакай-Ата району: "УУЛУМ МЕНИН КӨЧҮРМӨМ"



– Менин уулум Адильхан Александров 2017-жылдын 11-февралында төрөлгөн. Күндөн-күнгө анын сонун кылыктары чыгып апасы экөөбүздү кубандырып жатат. Баламдын төрөлүшү жашоого болгон көз карашымды өзгөрттү. Азыр бардык нерсеге олуттуу карап калдым. Уулум менин эле көчүрмөм. Апасы экөөбүз бул дүйнөгө бейкапар келген Адильханыбызга мыкты жол көрсөтүүчү болушубузду каалайм. Өзгөчө атасы менен өткөргөн жагымдуу убакыттары эсинде калып, кийин чоңойгондо жылмаюу менен эстесе дейм.

Сынактын жеңүүчүлөрү 19-июнда аныкталып, кеңсебизге келип, ЮНИСЕФ уюмунун жана "Супер-Инфонун" белектерине, ошондой эле
@baby_boom16 инстадүкөнүнөн сертификатка ээ болушту. Аталар бул акцияны колдоп, толук кандуу үй-бүлө, балдарды тарбиялоодогу ата менен эненин ролун жогорулатууну коомго кенен жайылтуу тууралуу пикирлер айтылды. Ал эми алыскы аймактарда жашаган жеңүүчүлөр, ошондой эле бардык катышуучулар, иш күндөрү кеңсебизден белектериңиздерди алып кетсеңиздер болот.

Бактыгүл Момбекова
star@super.kg


Кыргыздын #СуперАталары аныкталды

Автор: Илимбек Туратбек уулу
Оператор: Сергек Шатманов

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  6 
Комментарийлер(4)
28.06.2017. 12:17 
Тайпасы:
Жаран
Комментарийлердин саны:
174
Катталган:
24-10-2015
Соӊку аракети:
17-12-2017 16:45
Жынысы:
Белгисиз
0
Кусуп алгам дегени жакты
30.06.2017. 23:36 
Тайпасы:
Жаран
Комментарийлердин саны:
8
Катталган:
28-09-2013
Соӊку аракети:
24-09-2018 08:01
Жынысы:
Белгисиз
0
Мени да папам кусуп алган!!!
03.07.2017. 20:48 
Тайпасы:
Жаран
Комментарийлердин саны:
10
Катталган:
14-02-2017
Соӊку аракети:
27-02-2018 21:15
Жынысы:
Белгисиз
0
Менин группалашым Мирлан супер ата болушун менен куттуктайм
07.07.2017. 00:48 
Тайпасы:
Жаран
Комментарийлердин саны:
27
Катталган:
16-02-2012
Соӊку аракети:
25-06-2018 21:25
Жынысы:
Белгисиз
0
Эхххх кандай соонун..Менин ыраматылык атам дагы "Супер Ата" эле...((
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: