Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«МЕНИН КЫЯЛЫМ» (Түркиядагы мигрант кыргыз кыздын тагдыры баяндалган сериал)

№765 30-июнь-6-июль, 2017-ж.


(Башталышы өткөн сандарда)

Бир өмүр өтүп кеткенин, убакыт өзүнө каршы иштегенин Мурат бүгүн туйду. Көкүрөгү ачышып чыкты. Кызына бир нерсе дейин деди, кайра жалганчы болгусу келбей башын чулгуп алды.
– Ата?
– Ыя, кызым?
– Атоов, сен минтпечи...
– Хм, сен чоңоюп кетипсиң, кызым,- деди ал таң калычтуу.
– Качан чоңоюп кеттиң мынча? Сен апаңдын эле өзү болуптурсуң. А мен арак менен алышып жатып сенин бой жеткениңди да байкабаптырмын. Эх, Арзуу, менин күйүтүм, башымдагы балээм. Сен биздин жашоону эмне кылдың? Сен кыздарыбыздын жашоосун... Сен акмак, мен да акмакмын...
Мурат күңгүрөнө берди. Оюнда бирде өзүн, бирде аялын жекирип жатты. Кимиси күнөөлүү, кимиси сүттөй ак экенин ким билсин, бирок алдында турган периштедей кызы алардын күнөөсүнүн оордугун тартпаш керек эле.
– Атаңды минтип тиктебечи, кызым. Мен...
– Ата, баары жакшы болот. Кыз шөмтүрөп күнөөлүү болуп турган атасына жүрөгү ооруп жатты. Сакал-муруту өсүп, капкара болуп, бийик бою жапырылып, бир кездеги капкара, тармал чачын ак басып, бир ууч болуп турган атасынан дагы деле үмүт үзө албай тиктеп жатты.
– Жамиш, алтыным, сен сабагыңа кет. Келгенде сүйлөшөлү, ээ?- деди да атасы тура качты. Качыш керек, бул акылдуу, мээримдүү, баарына чыдай ала турган алпейим көздөрдөн качышы керек. Болбосо чындыкты айтып салышы мүмкүн. Ал чындык эч кимге жакшылык алып келбейт. Эшикке чыгып кетти. Адатынча качты, көп жылдар эч кимге көңүлүнүн түпкүрүндөгү жарасын айтпагандай эле бул жолу да чындыктан качты. Андан көрө баарын унутушу керек. Ал үчүн арак керек. Башындагы жаман кепкасын чекесине тарта көчө бойлой тез-тез арымдады.

ххх

Мектеп айылдан алыс болгондуктан бир аяк жол менен катташчу. Бирок жалгыз таман жолдо экөө кол кармашып басканга ыңгайсыз болгондуктан Алибек дайым жолдун чети менен басар эле. Экөө адатынча кол кармашып келе жатышты.
– Жакында окууну бүтөбүз, а сенин эч капарың жок,- деди таарына сүйлөгөн Жамиля.
– Менинби? Хе-хе, мен эмнени ойлонушум керек? Мен үчүн баары чечилген. Башымды оорута турган нерсе жок.
– Кандайча?
– Билесиң, мен жалгыз баламын. Атам менен апам мени баары бир эч кайда жибербейт. Анын үстүнө экөө тең оорулуу, мен шаарга кетсем, тиричиликти ким кылат?
– Анан?
– Анан, банан... Үйлөнөбүз.
– Эмне-е?
– Чын айтып жатам. Экөөбүз мамлекеттик экзаменди тапшырабыз да, үйлөнөбүз. Мына, сен үчүн да баары чечилди. Апам менен атам биздин тойго кам көрүп жүрүшөт.
– Сен эмне деп жатасың? Кайдагы той? Мен Бишкекке барып, окуп, атамды айыктырышым керек. Бул менин кыялым, билесиң, анан да мен качан сага тием дедим эле?
Алибек Жамиляны аяп тиктеп турду. Айтпайын деген сөзүн айтып алды.
– Мурат байкеге эч ким жардам бере албайт го...
– Сен эмне деп жатасың, ыя?! Сен...- ызаланган кыз туттуга түштү.
– Болгон нерсени айттым, жаным. Андан көрө сен...
– Унчукпа, бир да сөз сүйлөбө!
Колун шарт тартып алган Жамиля эч нерсеге карабай арыштай берди.

ххх

Көйнөгүн оңдоп кийген Арзуу оор үшкүрдү. Өзү иштеген оорукананын башкы врачы менен көңүлү жакын болуп жүргөнүнө көп болгон. Экөө минтип убакыт боло калса жолугуп көңүл ачышат. Башында Илим Амановичти имерип алганына сыймыктанып жүрчү. Азыр мындан да эч нерсе чыкпасына көзү жетип бара жатат. Өзү жөн гана көңүл ачар кол жоолук экенин көңүлүнүн түпкүрүндө моюнуна алгысы келбесе да, билип жүрөт.
– Эмне үшкүрөсүң? Кийинки кезде кабагың ачылбай бара жатат...- деди көйнөгүнө колун жиберип жаткан эркек.
– Үшкүрөм да ботом, тирүү жан болгондон кийин менде да оор күндөр болот. Же менин жашоом бейиш бекен?
– Тиги күйөөң менен жашоо бейиш эмес, бирок сен аны өзүң түзүп ала турган аялсың. Сен кыйын аялсың, Арзуу.
– Кыздар да чоңоюп келе жатат. Аларды кантип буттарына тургузам, билбейм. Кантип окутам?
– Кандай окушат?
– Экөө тең мыкты окушат, дайым мактоо баракчасы менен сыйланышат. Бирок азыр жакшы окуганың деле эмне, тыйын болбосо...- деди Арзуу.
– Менден үмүт кылба! Өзүң билесиң, эки баламды контракт менен окутуп жатам,- деп сөзүн бөлдү Илим.
– Ботом, сенден ким үмүт кылып жатыптыр? Жөн эле башыма алтын таажы кийгизип салгансып сүйлөйсүң да. Көрөрбүз биз деле бир күнүбүздү.
Ызасына муунуп кетти аял. Канча жылдан бери өткөн кадырына жаны кашайып турду. "Ээ, өлүп кеткилечи, бир да эркек кадырымды билбеди. Бириңер да..." Көздөрүнө жаш каканактап кетти да, араң токтотту. Көп нерсени башынан өткөргөн, көп нерсени билген бул аял табиятынан катуу болчу. Эгерде жакшылап ойлонсо, эмнеге аны эч бир эркек кадырлай албаганын түшүнөт эле.Бирок ойлонгонго чамасы келбеди. Шарт туруп чыгып кетти. Иште болобу, иштен кайткан учурда болобу, улуу кызын окууну бүтүргөндө эмне кыларын ойлонуп жатты. Бир жагынан насыя маселеси. Эгерде үйдү коюп акча алганын билсе...
"Өх, түбүң түшкүрдүн дүйнөсү, ушунчалык ар тарабыман кысты го. Мен ал акчаны айландырам деп алдатып жибереримди ким билди. Кайдан ушу балээге туш болдум? Эми эмне кылам, аздан-аздан жыйыла берип... Жок, мен бир айласын табышым керек. Бир айласын табышым..."
Кечке маал үйүнө келип, өзүн керебетке шалак таштады. Бөлмөсүнө кирген Жамиля апасын бир пас карап турду да, акырын үн катты.
– Апа?
– Эмне болду?
– Менин окуум тууралуу кийин сүйлөшөбүз дедиң эле го. Аз күндө...
– Сен эле калсаң да коё турчу, кайдагы окуу, ыя?! Атаңдын кебетесин карачы, менин кенедей маянам тамак-ашыбызга араң жетип жатат. Кайдагы окуу, ыя?
– Апа, сен мага убада бердиң эле го.
– Хм, апаңа убада бергендер сөзүнө туруштубу? Демек, эч ким убадасына турбайт. Бул турмуштун биринчи сабагы, кызым.
– А мен эмне кылам?
Аял башын көтөрүп кызын көпкө тиктеп турду да, кесе сүйлөдү.
– Сен Түркияга кетесиң! Иштеп акча таап, бизди могу жакырчылыктан чыгарасың, уктуңбуңбу?! Жетишет мага, канчага чейин жалгыз сүйрөйм. Сен да мага жардам кыл. Чоңойдуң эми, мага акча керек, түшүндүңбү? Мага кө-өп акча керек! Карыздан кутулбасак, биз көчөдө калабыз.
Кызынын эси чыга бакырайып тиктеп турган көздөрүнөн апасы көзүн ала качты. Айласыздан өзүн-өзү актап жиберди. "Башка айлам жок. Жамиляны чет өлкөгө жибербегенден башка айлам жок".
Кызыгы, ал кызынын болгон кыялын талкалап, тебелеп-тепсеп жатканын билип турду. Кооптуу, аркасына кайта турган жолу жок узак сапарга жиберип жатканын да түшүнүп турду. Бирок артка кайта албайт эле. Анткени Жамиля анын жалгыз үмүтү болчу...

(Уландысы кийинки санда)

Айлин.Д



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  3 
Башка сандарда:
Комментарийлер(4)
04.07.2017. 09:01 
Тайпасы:
Жаран
Комментарийлердин саны:
12
Катталган:
11-10-2014
Соӊку аракети:
18-11-2018 12:29
Жынысы:
Белгисиз
0
окунучтуу! Кыйнайтко чиркин
04.07.2017. 18:00 
Тайпасы:
Жаран
Комментарийлердин саны:
140
Катталган:
15-02-2013
Соӊку аракети:
18-11-2018 22:29
Жынысы:
Белгисиз
Калаасы:
Бишкек Новосибирск
+1
Мына ушинтип эле кобуроок жазса болот экенго
05.07.2017. 15:47 
Тайпасы:
Жаран
Комментарийлердин саны:
55
Катталган:
01-02-2017
Соӊку аракети:
19-09-2017 23:10
Жынысы:
Белгисиз
0
Ооба коп жазыптыр. Рахмат
13.03.2018. 10:07 
Тайпасы:
Жаран
Комментарийлердин саны:
76
Катталган:
16-02-2018
Соӊку аракети:
18-11-2018 18:37
Жынысы:
Белгисиз
Калаасы:
Бишкек
0
Байкуш Диананын аракети текке кетпесе экен эми
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 1 колдонуучу (Катталган: 0, коноктор: 1) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: