time: 08:59 23-07-2017
Баннер
Супер-Инфодо жарнама
SUPER.KG порталында жарнама
Реклама в Супер-Инфо
Реклама на SUPER.KG
Архив
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
semetei

Валентина Шевченко, UFC мушкери: «9-ИЮЛДА UFC ЧЕМПИОНУ АТАЛЫШЫМ КЕРЕК!»

№766 7-13-июль, 2017-ж.


Кыргыз жеринен чыккан эң белгилүү спортчулардын бири Валентина Шевченко учурда эрежесиз уруш боюнча UFC уюмун дүрбөтүп жаткан убагы. Анда 62 килограмм салмак ченинде бир катар беделдүү атаандаштарын жеңип, 9-июлда чемпиондук кур үчүн октагонго чыгат. Бул беттештин алдында ушундай даражага кандайча жеткендиги жана кандай жолдорду басып өткөнү тууралуу кенен баяндап берди.

Аты-жөнү
– Валентина Шевченко Анатольевна
Каймана аты – «Ок» ("Тhe Bullet")
Туулган жылы – 1988-жыл, 7-март
Туулган жери – Бишкек, Кыргызстан
Жетишкендиктери – Тай боксу жана К-1 версиясы боюнча Дүйнөнүн 17 жолку чемпиону, тай боксу боюнча аялдар арасында Дүйнөнүн мыкты спортчусу наамынын ээси. UFC уюмунун 62 килограммга чейинки салмак категориясынын рейтингинде 1-орунда турат.
Үй-бүлөлүк абалы – Бойдок

«СПОРТ МЕНЕН ТААНЫШУУ «ФУЧИК» СЕЙИЛ БАГЫНДА БАШТАЛГАН»

– Мен Бишкек шаарында төрөлгөм. Апам Елена Шевченко таэквондо боюнча кара кур ээси, 3-дан. Андыктан эжем Антонина экөөбүз спорттон алыс кеткен жокпуз. Беш жашымда «Фучик» сейил багындагы таэквондо секциясына алып барган. Эжем экөөбүздү Павел Федотов машыктырып баштаган. Ошол кезде жолубуз ушундай деңгээлге чейин жетет деп эч кимибиз ойлобосок керек. Алгачкы мелдештериме 6 жашымдан тарта чыга баштагам. Кичинесинен тартып мелдештерге чыгуунун артыкчылыгы спортчунун калыптануусуна өбөлгө түзөрүн түшүнүп жатам. 12 жашымда алгачкы профессионалдык беттешке Орусияда чыктым. Атаандашым менден 5 жаш улуу эле. Элестеткиле, 17 жаштагы спортчу менен 12 жаштагы мени. Ал беттешти жеңип алгам. Устатыбыз бизди бир канча спорт түрү менен машыктыра баштады. Ал кезде Кыргызстанда кулатуу, кикбокс, ушу-саньда сыяктуу спорт түрлөрү жайыла баштаган. Павел Федотов «бир эле спорт түрүн өздөштүрсөңөр, атаандаштын алдында алсыз болуп каласыңар» деп көп айтчу.
2003-жылы Түштүк Кореяда ММА боюнча Дүйнө чемпиондугун жеңсем, ошол эле жылы тай боксу боюнча ИФМА версиясы боюнча Дүйнө биринчилигин утуп алгам. Булар менин алгачкы эл аралык мелдештердеги жеңиштерим эле, алар алга умтулуума чоң түрткү болгон. Учурда менин тай боксу, К-1 жана ММА боюнча 17 дүйнөлүк наамдарым бар. Кызыгы, учурдагы UFC`нин жеңил салмактагы чемпиону Жонна Йенжейчик менен тай боксу боюнча Дүйнө биринчиликтеринде 3 жолу кезигип, бардыгында жеңишке жетишкем.

«ӨСҮҮ ҮЧҮН ӨЛКӨДӨН ЧЫГУУ КЕРЕК БОЛДУ»

– Ошол кезде машыктыруучубуз Павел Федотов спортчу катары өсүш үчүн жогорку деңгээлдеги мелдештерге бат-баттан чыгуубуз керектигин түшүндүрөт эле. «Алга кетүү үчүн ар бир мүмкүнчүлүктү пайдалануу зарыл» деп айтчу. Алгач 2005-жылы Орусиянын Сочи шаарына бардык. Ал жактан тай боксу, бокс жана ММА менен машыгууну улантып, мен 4 жолу тай боксу боюнча Дүйнө чемпиондугун багынттым. Профессионалдык беттештерге чыгып, аягында биз менен чыга турган татыктуу атаандаш калбай калды. Ошентип Латын Америкага барууну туура көрдүк. Тагыраагы, Перу мамлекетине көчүп кеттик. Биз, Павел Федотов жана эжем экөөбүз тай боксу боюнча семинарларды өткөрүп баштадык. Перу гана эмес, Бразилия, Аргентина, Парагвай жана Мексикага чейин бардык. Антонина экөөбүз аталган өлкөлөрдүн чемпиондору менен күч сынашып, бардыгын жеңгенбиз. Муну менен чектелбей, жыл сайын бир канча ай Таиландда, Макао, Кытай жана Малайзия өлкөлөрүндө машыгууларды өткөрүп жаттык. Дүйнөнү кезүү мол тажрыйба, алга умтулуу жана кызыктуу жашоо тартуу кылат экен.

«UFC`де САРА КАУФМАНГА ЧЫГАСЫҢБЫ?» ДЕШТИ, ОЙЛОНБОЙ ТУРУП ЧЫГАМ ДЕДИМ»

– Американын Орландо шаарында өтө турган UFC уюмунун мелдешине биз Балиде жүргөндө сунуш түшкөн. Эс алууда жүргөндө менин менеджерим Роджер Аллен чалып «UFC`де Сара Кауфманга чыгасыңбы?» деп сураганда, ойлонбой туруп чыгам дедим. Негизи ойлонууга бир саат убакыт берген экен. Беттеш болоруна бир жумадай гана убакыт калган. Дароо келишимге кол коюп, биринчи рейс менен машыгууга Орландого учуп кеттик. Strikeforce чемпиону болгон Кауфманды 3 раунддун жыйынтыгында жеңип алдым. Бул жеңиштин артынан UFC жетекчиси Дана Уайт аталган уюмда дагы 7 беттеш өткөрүү келишимин сунуштаган.
Октагондо урушуу өзгөчө. Мында тай боксунун стили ылайыктуу, күрөшүүгө дзюдо менен эркин күрөш ыкмаларын өздөштүрүү керек. Партерде грепплинг менен жиу-житсу ыкмаларысыз көпкө узабайсың. Мунун бардыгы ММА спортчусун калыптандырат. Бүгүнкү күндө ММА уруш түрү эмес, өзүнчө спорт болуп калды. Кыргызстанда бул өнөр 1993-жылдан тарта эле бар. 2001-жылы Кулатуу-Эр таймаш федерациясына баш багып, 7-10 жаштагы балдардын машыгып жатканын көрүп, бул балдардын келечеги бар деп ойлоп койгом. Азыр ошондой эле болду, мен көргөн жаш балдар учурда күчтүү ММА чеберлери болуп чыга келишти.

«АМАНДА НУНЬЕС МЕНЕН ЧЕЧҮҮЧҮ БЕТТЕШ БОЛОТ»

– Ушуга чейин UFC уюмунда 4 беттеш өткөрүп, үчөөсүндө жеңип, бирөөсүндө утулуп калдым. Анда бразилиялык Аманда Нуньеске жеңилгем. Азыр ал мушкер учурдагы чемпион саналса, мен ошол салмакта рейтингде 1-орундамын. 9-июлга караган түнү Лас-Вегаста Аманда Нуньес экөөбүздүн ортобузда беттеш орун алат. Башкы максат – чемпиондук курду жеңүү. Бул беттешке машыгууларды АКШнын Колорадо штатында өткөрдүк. Даярдык деңиз деңгээлинен 3 миң метр бийик жерде болуп жатты. 5 мүнөттүк 5 раунд марафонго чыккандай эле болот. Бул үчүн атайын чыдамдуулукка басым жасоо керектелди. Жеңишке ишенем жана буга жетүү үчүн бардык аракеттерди көрөм. Албетте, мекендештеримдин колдоосу мен үчүн абдан маанилүү болот.

Елена Шевченко, апасы: «ВАЛЯ ҮЙГӨ КАРООСУЗ КАЛГАН МЫШЫК МЕНЕН ИТТЕРДИ АЛЫП КЕЛИП АЛЧУ»

– Кыздарым Бишкекте төрөлүп, өсүштү. Жаштайынан эле спорт менен машыгууга берип койгонума сүйүнөм. Ушундай жетишкендиктерге жетишип жатышкандарына сыймыктанбай коё албайсың. Валентина кичинекей кезинен эле шайыр, токтоо болуп чоңойду. Анын достору да көп эле. Кыздарым бий, ырдоо жана сүрөт тартуу менен да алектенишчү, бирок алардын арасынан спорт кызыктуу болгон окшойт. Алар спортко келгенде мен тай боксу боюнча машыктыруучу элем. Энеси болгондуктан, мен алар үчүн машыктыруучу болгум келген жок.
Валя кичинекей кезинде үйгө кароосуз калган мышык менен иттерди алып келип алчу. Бир жолу кышында ал көчөдөн чычкан таап келиптир. Чоң апасы дароо чычканды жогот деп чыккан. Бирок Валентина менен Антонина болбой эле чычканды үйдө багып алышкан. Бир шумдукту башташса, экөө ушинтип чогуу башташат эле. Мына, спортто да ушинтип жүрүшөт.

Антонина Шевченко, эжеси: «АНЫН МҮНӨЗҮНӨ СПОРТ ТӨП КЕЛГЕНДЕЙ»

– Сиңдим менен башынан эле мамилебиз жакшы. Бир туугандар кичинекей кезинде урушуп-талашат эмеспи, бизде андай деле болгон эмес. Мени ар дайым угат эле. Эстесем, эжеси катары ар кимден коргоо деген деле болбоптур. Анткени Валентина өз алдынча болуп өстү. Чогуу спортко аттанып, ийгиликтерге да чогуу жеттик. Анын жашоосун спортсуз элестетүү мүмкүн эмес. Биз эч качан бири-бирибиз менен рингге чыгып, атаандаш болуп көргөн эмеспиз. Машыгууларда гана спарринг беттештерди өткөрүп келебиз. Бош убакыты болуп калса да, аны кыймыл менен өткөрөт. Ок атуу боюнча бир канча мелдештердин жеңүүчүсү болду. Бий боюнча да профессионалдуу түрдө машыгат. Валентинанын мүнөзүнө спорт төп келгендей.

«Канчалаган өлкөлөрдө болдум, канчалаган адамдарды көрдүм, бирок мага техастыктардын стили жагат».


«Жеңишке жетүү үчүн бир команда болуп иштейбиз».

Адилет Керимбек уулу
sport@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  9 
Комментарийлер(8)
11.07.2017. 10:33 
Тайпасы:
Жаран
Комментарийлердин саны:
63
Катталган:
16-04-2011
Соӊку аракети:
21-07-2017 16:47
Жынысы:
Белгисиз
+5
Супсулуусуз Валентина!
11.07.2017. 12:04 
Тайпасы:
Конок
Комментарийлердин саны:
6
Катталган:
01-05-2017
Соӊку аракети:
20-07-2017 11:07
Жынысы:
Белгисиз
+7
каап мелдеш болбой калды кантсе да Нунус отмазит этти Эми сага ийгилик чемпиондук курдун ээси бол озунду бир корсот
11.07.2017. 15:17 
Тайпасы:
Жаран
Комментарийлердин саны:
1
Катталган:
22-10-2015
Соӊку аракети:
22-07-2017 16:07
Жынысы:
Белгисиз
+3
алга вася
12.07.2017. 07:30 
Тайпасы:
Жаран
Комментарийлердин саны:
19
Катталган:
01-12-2014
Соӊку аракети:
23-07-2017 11:53
Жынысы:
Белгисиз
+2
Ийгилик
13.07.2017. 00:07 
Тайпасы:
Жаран
Комментарийлердин саны:
73
Катталган:
01-11-2013
Соӊку аракети:
23-07-2017 11:27
Жынысы:
Белгисиз
Калаасы:
Озгонский
+4
Эки созунун биринде Кыргызстанды мактайт экен,ошон учун кандай жардам керек болсо бериш керек мамлекет,финансы жагынанбы же башка жагынанбы.Дуйнолук аренага Кыргызстандын желегин алып чыгып жатат кантсе дагы.
Ийгилик Валентина биз сени мененбиз!!!
14.07.2017. 18:24 
Тайпасы:
Конок
Комментарийлердин саны:
7
Катталган:
19-06-2017
Соӊку аракети:
22-07-2017 22:25
Жынысы:
Белгисиз
0
Алга алга жана алга. Страшная Аманданы биринчи раундта нокаут кылып койчу
16.07.2017. 17:59 
Тайпасы:
Конок
Комментарийлердин саны:
8
Катталган:
20-05-2017
Соӊку аракети:
23-07-2017 00:14
Жынысы:
Белгисиз
0
Жаным го,жаным.Суйом го,суйом.Алга-ааа
17.07.2017. 20:06 
Тайпасы:
Жаран
Комментарийлердин саны:
1
Катталган:
11-07-2014
Соӊку аракети:
19-07-2017 16:43
Жынысы:
Белгисиз
0
super!
otlichno!! [img]http://www.super.kg/upload/images/766/16.5.jpg[/img]
1
Комментарий калтыруу үчүн өз ысымыңыз менен кириңиз же каттоодон өтүңүз.
 

Учурда 0 адам бул макаланы кароодо

Супер-Инфонун статистикасы

Макалалар:
19110

Колдонуучулар:
68962
Жаңы катталган:
Juma2017
Эң көп колдонуучу:
43614
02 февраль 2017 10:01
 
Маалымат-маанайшат порталы
2006-2017 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда:
1,2099440097809