реклама
Супер-Инфодо жарнама
SUPER.KG порталында жарнама
Реклама в Супер-Инфо
Реклама на SUPER.KG
Архив
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
semetei

Ысык-Көлдүн тургуну: «ҮЙ-БҮЛӨЛҮК ЛОТОНУН» БАШЧЫСЫ ӨЛКӨДӨН КАЧЫП КЕТИП, АКЧАБЫЗДЫ БЕРБЕЙ ЖАТАТ»

№766 7-13-июль, 2017-ж.


Өлкөдөгү мамлекеттик лотереядан башка лотереялардын ишмердүүлүгүнө тыюу салган мыйзам долбооруна президент Алмазбек Атамбаев 2017-жылы 13-майда кол коюп, документ күчүнө кирген. Мындан улам «Үй-бүлөлүк лото» мекемеси да ишмердүүлүгүн токтоткон. «Ишкана билеттерди сатып, оюнду ойнотпой же акчабызды кайтарбай утуштарды бербей жатат» деген арыздануу менен Ысык-Көлдүн тургундары редакциябызга кайрылышты.

«ИШКАНА ЖАБЫЛДЫ, САТУУНУ ТОКТОТКУЛА ДЕШТИ»

Аталган окуя боюнча бизге кайрылган ысык-көлдүк Канатбек Барктабасов "ишкананын жетекчиси Арменияга качып кетиптир" дейт:

– Мен Каракол шаарында жашайм. Жашым 60та. "Үй-бүлөлүк лотонун" билеттерин сатып 8 жылдан бери иштейт элем. Көптөгөн убакыттан бери иштеп келе жаткандан кийин ишкана жабылып калып, алдап кетет деп ойлочу эмеспиз. 15-май күнү 462-тираж ойнотулуш керек эле. Ошол оюнга карата 24-апрелге чейин элге 200 билет саткам. 24-апрелде бизге "ишкана жабылды, сатууну токтоткула" деген кабар келди. 25-апрелде болсо сатылган лотереялардын акчасын алып, ишканага тапшырчу(дилер) Индира Коңурбаева деген кызга саткандарымдын акчасын бергем. Ошондон кийин сатуу иштерин токтотуп, отчёт тапшыргам. 15-майда телеоюн көрсөтүлбөй калгандан кийин лотерея сатып алгандар акчаларын талап кылып, үйгө келе башташты. Ушул кезге чейин кардарларым 200 лотереяны кайтарып беришти. Акчасын төлөп берем деп баарынын тизмесин түзүп, кол койдуруп алдым. Акчаны сурасам дилерибиз да эч нерсе дей албай жатат. "Бишкекке кайрыл" деген. 26-май күнү Бишкектеги башкы кеңсеге келсем жабылып калыптыр. Ошол күнү саткан лотереялардын акчасын кайтарып алуу максатында Каржы рыногун жөнгө салуу жана көзөмөлдөө кызматына арыз тапшырдым. Алар бул маселени бир айдын ичинде чечип беребиз дешкен. Бирок бир айдан кийин, 30-июнда кайрадан кайрылсам "биз эч нерсе кыла албайбыз" деп жооп беришти. Ошол жерден "Үй-бүлөлүк лотонун" башкы эсепчисинин номерин алып, байланыштым. Эми ал бизге жолукпастан ар шылтоону айтып, качып жүрөт. Башка лотереясы жабылып калганда элге акчасын кайтарып берген болчу. "Үй-бүлөлүк лотонун" башчысы армениялык эле. "Ишканалар мамлекетке өтө баштагандан кийин Арменияга качып кетиптир" деп жатышат. Буга чейин мындай окуя болгон эмес. Бирок оюндан ири акча уткандар утушун ала албай жатыптыр деген сөздөр айтылчу. Азыр мага акчаларды ээлерине кайтаруу үчүн 20 миң сом керек. Силер коомчулукка маалымдасаңар тийиштүү мекемелер ойгонор деген үмүтүм бар.

«30 МИҢ СОМ УТУШУМДУ БЕРБЕЙ ЖАТЫШАТ»

"Үй-бүлөлүк лотону" көп жылдардан бери ойноп жүргөн Калыс Темиркулов  утушун ала албай жатканын айтты:

– Ысык-Көл облусунун Жети-Өгүз районунда жашайм. 69 жашка толдум. "Үй-бүлөлүк лотонун" Жаңы жылга карата өткөрүлгөн майрамдык 459-тиражында кызым экөөбүз 20 лотерея сатып алганбыз. Ошонун ичинен экөөсү 15 миң сомдон 30 миң сомдук утушка ээ болгон. Эми акчаны бербей жатышат. Уткан акчаны алуу үчүн кызым ишканасына барса "бир айдан кийин акча чогулганда беребиз" деп жооп бериптир. 2-3 айдан бери кайра-кайра "ушул айда сөзсүз болот" деп убакытты жылдыра берип, акыркы чек июндун аягына белгиленген. Кайрадан барсак Бишкектеги кеңсесинде эч ким жок, иштебей калыптыр. Эми ушул маселе боюнча укук коргоо органдарына кайрылайын деп жаткам. Акыркы 462-тиражындагы оюнга карата Караколдон 12 лотерея билетин сатып алгам. Оюн болбой калганын уккандан кийин акчасын кайтарып берүүсүн талап кылганбыз.

«БУЛАР УШИНТИП ЭЛЕ АКЧА ТАБЫША БЕРЕТ ЭКЕН»

Пенсионер Бүбүйна Тыныстанова элдин акчасын алдап алып жатат деп ишканага нааразы:

– Жашым 66да. Мен 9-январь күнү болгон оюндан 27700 сомдук утушка ээ болгом. "Үй-бүлөлүк лотонун" башкы кеңсесиндегилер "жакында беребиз" деп отуруп, ушул убакытка чейин акчамды бере элек. Январда кайрылсам "биздин мыйзам боюнча 3 айдан кийин утуш берилет, майда алып кетиңиз" деген. Мага окшоп облустан миңдеген адамдар сатып алган да. Булар ушинтип эле акча табыша берет экен. Эмнеге иштебей калдыңар деп кеңседегилерге кайрылсак "депутаттар биздин ишти жаап салып, мамлекетке өткөзүп жатышат" деп жооп беришти.

«БАШКЫ КЕҢСЕДЕГИЛЕРДИ КӨРГӨН ЭМЕСМИН»

Бир нече жылдан бери "Үй-бүлөлүк лотодо" дилер болуп иштеп жаткан Ысык-Көлдүн тургуну өзү жөнүндө маалымат берүүдөн баш тартып, ишкананын ишмердүүлүгү тууралуу айтып берди:

– Аз суммадагы акчалай утуштар сатуу кеңселеринин өзүнөн берилет. Акыркы тираждан сатылган билеттердин акчасы да ошол сыяктуу уткан адамдарга иштетилип кеткен. Ал эми ири утушка ээ болгон билеттерди сатуучулар (реализаторлор) кардарлардан алып, мага алып келишет. А мен болсо ошол утуштарды ээлерине алып берүү үчүн башкы кеңсеге уткан билеттерди такси менен салып жиберчүмүн. Акыркы оюндан уткан 13 миң билет да ушул жол менен Бишкекке жиберилген болчу. Ар дайым эле ушинтип иштечүбүз. Алдыда болчу оюнга сатылган билеттин акчасын мурда уткан кардарларга берип келгенбиз. Ошентип ишкана жабылып калып, утушка ээ болгон кардарларга акчасы берилбей калды. Башка облустарда ушул тармакта иштеген эч кимди тааныбайт экенмин. Менин Ысык-Көлдө бир гана сатуучум бар. Ал да эсепке так болуп, отчётторун учурунда тапшырчу. Угушума караганда, жетекчибиз өлкөдөн чыгып кеткен экен. Телефон менен гана байланышкандыктан Бишкекте иштегендерди көргөн эмесмин. Ири суммада уткан жарандар акчаларын башкы кеңседен эле алышчу. Жаңы жылдан бери акча уткандардын утуштарын учурунда төлөй албай эле кыйналып жатышкан. А биз болсо 100-1000 сомдун тегерегиндеги гана утуштарды сатып алган жеринен жеңүүчүгө тапшырчубуз. Ишкана жабылгандан бери биз менен иштешип жаткан адамыбызга да байланыша албай жатабыз. Телефон чалсак албайт.

«ЛИЦЕНЗИЯСЫ ЖОККО ЧЫГАРЫЛГАНДЫКТАН ЖАРДАМ БЕРЕ АЛБАЙБЫЗ»

Жабырлануучулардын арызы боюнча Каржы рыногун жөнгө салуу жана көзөмөлдөө кызматынан лицензия жокко чыгарылгандыктан эч кандай чара көрө албай тургандыгын айтты. "Лотерея боюнча мыйзам күчүнө киргенден кийин жеке компаниялардын лицензиясы жокко чыгарылды. Мындан улам аларга көзөмөл жүргүзүп, жардам бере албайбыз. Бирок "Үй-бүлөлүк лотонун" башкы эсепчисине элден түшкөн арыздар боюнча "акчаларын кайтарып бергиле"деп кайрылганбыз. Бизге алар өткөн жумада кардарлардын акчалары акырындан кайтарылып жатканын айтышкан",- деп билдиришти аталган мекемеден.

«АКЧАЛАР АВГУСТКА ЧЕЙИН КАЙТАРЫЛАТ»

"Үй-бүлөлүк лотонун" жетекчилиги менен байланышуу түйшүккө турду. Аталган мекеменин атынан жооп бере алчу "башкы эсепчи" деп айтылып жаткан Мехри Муминова аттуу аял ишкананын катчысы болуп чыкты. Ал менен телефон аркылуу сүйлөшкөнүбүздө жетекчиси Анушаван Шаинян аттуу адам учурда Арменияда эмес, АКШда экенин айтты. "Жетекчибиз АКШда. Биз бардык акчаларды ээлерине кайтарабыз. Биздин план боюнча август айынын ортолорунда карыздардан кутулабыз",- деп жооп берди Муминова. Элдердин ал менен байланыша албай жатканын жумуштарынын көбөйүп кеткени менен түшүндүрдү.

Бектур Токтоноев
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(6)
11.07.2017. 10:12 
Тайпасы:
Жаран
Комментарийлердин саны:
138
Катталган:
28-12-2013
Соӊку аракети:
16-11-2017 00:45
Жынысы:
Белгисиз
+3
Тообо,чыдасанар ойнойтпойсунарбы бул оюнду... Карапайым элди эле кыйнабай... Биздин чондордо "акчаны жыйнап,чет олкого кач" деген макал бар окшойт... Уят да ушул кылгандары...
11.07.2017. 13:37 
Тайпасы:
Жаран
Комментарийлердин саны:
88
Катталган:
11-01-2017
Соӊку аракети:
24-11-2017 02:24
Жынысы:
Белгисиз
+3
Аты эле шумдук.
11.07.2017. 13:39 
Тайпасы:
Жаран
Комментарийлердин саны:
216
Катталган:
07-11-2016
Соӊку аракети:
23-11-2017 19:39
Жынысы:
Белгисиз
Калаасы:
Бишкек
+11
27700 акчамы деп алыпсынар да,ал мандай тери мн тапкан жоксунар ошого буйрубай аткан го.Билетинердин эле акчасын кайтарып алгыла,байкуш билет саткан кишиге жалко.Негизи бут эле лотолорду жоюп салса жакшы болмок,эл оз эмгеги мн акча таап баштайт.
11.07.2017. 17:14 
Тайпасы:
Жаран
Комментарийлердин саны:
235
Катталган:
12-03-2014
Соӊку аракети:
22-11-2017 19:39
Жынысы:
Белгисиз
0
афферистер.
12.07.2017. 14:28 
Тайпасы:
Жаран
Комментарийлердин саны:
80
Катталган:
06-11-2016
Соӊку аракети:
22-11-2017 21:50
Жынысы:
Белгисиз
+6
лотереялар да арам акчага кирет. Чубак ажыдан сурасанар. ошол арамдан алыс эле болгулачы. и так эле арам- адал маселесинде карангы болуудабыз
12.07.2017. 15:49 
Тайпасы:
Жаран
Комментарийлердин саны:
41
Катталган:
29-01-2015
Соӊку аракети:
12-11-2017 19:31
Жынысы:
Белгисиз
+3
Армияанга ишенип литсензяны берген биздин чондор аман эле болсунда армияан кыргыстандада кидала кылыптырда озу бул армияан калкы толка адамдарды кидала кып жан багат
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макалага кирди:

Макалалардын саны:
19838;
 
Маалымат-маанайшат порталы
2006-2017 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда:
0,18908095359802