Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«МЕНИН КЫЯЛЫМ» (Түркиядагы мигрант кыргыз кыздын тагдыры)

№767 14-20-июль, 2017-ж.


(Башталышы өткөн сандарда)

Элеңдеп ары-бери чуркап турган кыз бирөө чыканактан алганда коркуп кетти. Кылчая калса Зина эжеси экен. Каткырып, коркутканына маашырланып турса, Жамилянын көзүнөн жаш сызылды.
– Хе-хе, мен ары жак, бери жакты караштырайын деп эле баскам. Сен эмне мынча коркуп? Жүрү, жакын жерде жумуш бериле турган жерлер бар экенин билдим. Ошол жакка барабыз.
– Ал кандай жер экен?
– Агенттик. Иш бериле турган жер экен. Тиги жактан сураштырсам бир киши жардам берди. Кел, бир аз чач-пачты түзөп алып жөнөйлү.
Көчөдө калган кургурлар ээрчишип алып иш бериле турган агенттикке жөнөштү. Имараттын ичи быкбырдай кайнаган эл. Бири келип, бири кетип, бири сүйлөшүп отурган кыргыз, өзбек, тажик, азербайжан, армян улутундагы кыз-келиндер. Эркек адамдан 3-4өө эле болбосо, дээрлик жок. Мурунку СССРдин адамдарынын баары эле чогулуп алышкандай. Аларды көрүп, орусча сүйлөшкөндөрдү угуп Жамилянын жүзүнө жылмаюу кире баштады. Зина эжеси анча-мынча сүйлөп отуруп акыры төрдө отурган баарын тизмелеп жаткан адамга жакындашты. Жамиляны алдына салган Зина отурганда тиги кишинин көзү кыздын жүзүнө тиктеген бойдон калды. "Жапжаш кыз экен го" деди ичинен.
– Жашың канчада?- деди түркчө.
Жамиля эч нерсени түшүнгөн жок, анын ордуна шакылдатып Зина эжеси жооп берип жатты.
– Жашы 19да, жаш экенине карабаңыз, колунан баары келет.
Башын жай чайкаган ал паспортторун карап бир нерселерди жазып жатты.
– Жата турган жериңер жок көрүнөт. Бизде силерге окшогондорго атайын бөлмө бар. Ошондо калгыла,- деди ал, дагы деле Жамилядан көзүн албай.
– Биздин төлөй турган акчабыз жок.
– Жок, төлөбөйсүңөр. Жумуш таап алгыча жайгашып тургула.
Экөө сүйүнө бири-бирин карашты. Иш караштырып бул жерде 1 жумадай туруп калышты. Көрсө, үйүнө үй кызматчы издегендер бул жакка телефондорун таштап, талаптарын жазып кетишет экен. Ошого жараша кызматчы табышса, агенттиктегилер чалып, жолуктуруп коёт. Экөөнө тең жакса, анда иштешип кетишет имиш. Кызмат үчүн акча төлөшпөйт экен. "Кандай болсо да жакшы болду" деп кубанып калышты. Ага чейин Жамиля 3 жолу кызмат бере тургандар менен жолукту. Тилди жакшы билбегендиктен жана тажрыйбасы жок болгондуктан Жамиляны үчөө тең жактырбады. Үмүтүн таш каап "эми эч ким жактырбай койсо кантем?" деп кыйналып, сарсанаа боло баштады. Дагы бир "минусу"кыздын жаштыгы жана сулуулугу эле. Кимдин болсо да көзүнө түшө турган жаш кызды түрк аялдары үйүнө алып эмне кылсын? Алар көбүнчө күйөөсүн тарттырып жибербеш үчүн жашы өтүп калган, токтолгон аялдарды тандап кетишчү. Зина эжеси да аптанын ортосунда жумуш таап кетти.
– Жакшы болду, бул жерде жата бергенде эмне? Иштейин деп келгенден кийин иштеш керек. Сен капа болбо, Жами, сени тигилерге жакшы табыштадым. Эми экөөбүз бири-бирибизди карап отура бергенде эмне?- деди саамайынан сылап. Көнбөскө айла жок эле. Ичинен чыйралган кыз башын ийкеди. Ошентип караан болгон Зина эжеси да кетти.
Кабинетке киргенде орто жаштагы мырза отуруптур. Ал тиктеп туруп кадимки суроолорду бере баштады.
– Кыргызсынбы?
– Ооба.
– Колуңдан эмне иш келет?
– Бала бага алам, үй жыйнай алам... Жамиля үйрөнгөн сөздөрүн түркчө айта баштады.
– Келгениңе аз болуптур, тажрыйбаң да жок экен, ошон үчүн бир аз арзаныраак төлөйбүз. Макулсуңбу?
– Канча?
– 500 доллар.
Жамиля ал канча акча экенин деле ойлонбоду. Кулагына "доллар" деген сөз шак эте жакшы угулуп кетти да, жан талаша башын ийкеди.
– Сулуу кыз, бирок сен угуп тур. Сен үй жыйнабайсың, бала бакпайсың, сен 20 жаштагы жигитти карайсың. Ал жашы 20да болгону менен, араң басат, акыл-эси 3-4 жаштагы эле баланыкындай. Ак көңүл, алдап тилин таап алсаң, жыргадың. Аты Ахмед. Ал энеси менен жашайт, кандай суроолор болсо да энеси экөөң чечесиң. Аны бастырып ойнотуу, сууга түшүрүү, тамагын берүү – сенин милдетиң. Ар дайым анын жанында болосуң.
Жамиля тиги кишинин айткандарынын жарымын түшүнүп, жарымын түшүнө албады. Бир билгени эптеп жумушка алса болду. Башын ийкей берди.
– Болуптур, мен сени эртең ушул жерден алып кетем. Баса, паспортуң ар дайым кожоюндардын колунда болот. Коркпо, эгерде жумуш жакпай калса же кеткиң келгенде паспортуңду беришет. Жамиля дагы башын ийкеди. Тиги киши бир топко сынай тигилип турду да, чыгып кетти. Ошентип, тагдырдын буйругу менен Жамиля бай үй-бүлөгө жумушка кире турган болду. Эртеси таң атпай баягы мырза келип машинеге отургузуп алып жөнөдү. Айланасын сонуркап карап келе жатып Жамиля кантип чоң дарбазага кирип келгенин байкабай калды. Чоң короодо жомоктогу ак сарайдай эки үй турган экен. Буга чейинки кинодон көргөнү, билгени бул жакта калды. "Кызык, мынча чоң үйдө канча адам жашайт болду экен?" деди оюнда. Мунун оюн окуп койгонсуп тиги адам "төрт адам жашайт" деп кобурап койду. Жамиляга эки үйдүн бирин жаңсап, жүрү дегендей кылды. Кирип бара жаткан кызды кимдир бирөө чыканактан катуу жулкуп жиберди. Коркуп кеткен Жамиля кыйкырып артына кылчайса, бою узун, араң баскан, арыкчырай жигит жалжайып күлүп туруптур. Эсин жыйып үлгүргөнчө жигит кыздын бети-башын куду итче жалагылап кирди. Коркконунан кыздын денесин майда калтырак басып, титиреп туруп берди. Бул Ахмед эле. Шордуу. Тубаса кем акыл төрөлгөнү аз келгенсип, буту да жакшы баса албайт экен. Стамбулдагы бай адамдын экинчи уулу болуп жарык дүйнөгө келгени менен, үй-бүлөсүнүн шору да ушу бала эле. Агасы Керем акыл-эстүү, келишимдүү, куу, кайдан эмне пайда табышты билген адам. Кантип кем акыл инисинен кутулам дегенде эки көзү төрт болчу. Анткени атасы байлыгынын көбүн кем акыл баласына мураска калтырып, ал эми улуусуна азыраак бөлүгүн калтырган...

(Уландысы кийинки санда)

Айлин.Д


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Башка сандарда:
Комментарийлер(8)
18.07.2017. 09:08 
Тайпасы:
Жаран
Комментарийлердин саны:
26
Катталган:
04-10-2012
Соӊку аракети:
07-06-2018 21:10
Жынысы:
Белгисиз
Калаасы:
Бишкек
0
Кобуроок жазсанар болмок...
18.07.2017. 09:59 
Тайпасы:
Жаран
Комментарийлердин саны:
7
Катталган:
15-05-2017
Соӊку аракети:
21-11-2017 17:23
Жынысы:
Белгисиз
0
Шорду кыз
18.07.2017. 14:41 
Тайпасы:
Жаран
Комментарийлердин саны:
2
Катталган:
17-04-2017
Соӊку аракети:
19-09-2018 15:27
Жынысы:
Белгисиз
0
Жакшы кино сериал жаралчудан))
18.07.2017. 17:26 
Тайпасы:
Жаран
Комментарийлердин саны:
147
Катталган:
20-04-2016
Соӊку аракети:
23-08-2018 13:02
Жынысы:
Белгисиз
+3
Иии еми тиги улуусу кызды кыйнабаса болду....кыздын кыйын кундору эми башталчудай..турк бай катындын колун келгени аз келгенсип еще тиги куу баласы бар екен
19.07.2017. 13:50 
Тайпасы:
Жаран
Комментарийлердин саны:
5
Катталган:
18-06-2013
Соӊку аракети:
04-09-2018 18:37
Жынысы:
Белгисиз
+1
stervella415, Тиги улуу куу баласы кызга тийишип, кичуу баласы кызга болушуп, коргоп...Чон суйуу махабатын жашашат го.:)))
18.07.2017. 23:51 
Тайпасы:
Конок
Комментарийлердин саны:
35
Катталган:
28-05-2017
Соӊку аракети:
20-08-2017 18:17
Жынысы:
Белгисиз
0
Ииии еми не болот байкуш кыз
19.07.2017. 09:05 
Тайпасы:
Жаран
Комментарийлердин саны:
24
Катталган:
11-06-2017
Соӊку аракети:
05-06-2018 19:25
Жынысы:
Белгисиз
Калаасы:
Бишкек
+3
Кыргызско-турецкий сериал начинается...
21.07.2017. 21:16 
Тайпасы:
Жаран
Комментарийлердин саны:
9
Катталган:
18-03-2017
Соӊку аракети:
02-05-2018 07:42
Жынысы:
Белгисиз
0
Кудайым ааай баары жакшы болсо экеен эми
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: