Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Съездбек Искеналиевдин эжеси Элмира: «СЪЕЗДБЕК ЧАЧЫН ШИЛЕКЕЙЛЕЙ БЕРЧҮ»

№391 30-апрель - 6-май, 2010-ж.


Бир тууган

Съездбек Искеналиев он бир туугандын онунчусу. “Бир тууган” рубрикасынын коногу ырчы жигиттин эжеси Элмира Искеналиева болмокчу.

«СЪЕЗДБЕКТИН АТЫН АТАМ ОЛИМПБЕК КОЁМ ДЕП...»
– Биз 11 бир тууганбыз. 6 кыз, 5 уул. Съездбек төрөлгөн жылы КПССтин 26-съезди, анан да спорттук Олимпиада болуп жаткан кез эле. Атам партиянын кишиси болгондуктан, “уулумдун атын Олимпиаданын атынан Олимпбек коём” деп калды. Анан апам экөө сүйлөшүп, кайра Съездбек деген ысымды ыйгарышкан эле. Ошентип, кичинекей Съезддин ысымы аз жерден Олимпбек болуп кала жаздаган. “Эгерде Олимпбек койсок, ким билет, артист болбой эле спортчу болуп кетмек беле?” деп ойлоп калабыз. Кичинекейиндеги кылык-жоруктарын эстей албай жатам. Бирок ашыкча тентектик кылчу эмес. Мүнөзү жумшак, өтө назик, анан боорукер бала болчу. Ошол мүнөзүнөн дале жазбады, кагылайын.

«ЧАЧЫН АРТКА ШИЛЕКЕЙЛЕП ЖАТКЫЗЫП, БИЙЛЕП КИРЧҮ»
– 1984-жылы окуумду бүтүп, иштеп калдым. Анда инимдин 4-5 жаштагы чыт курсак кези. Айылга барсам жолумдан тосуп чуркап чыгат да, үйдөгүлөргө сүйүнчүлөйт. Кичинекейинде шурулар менен кооздолгон, өзүнө куп жарашкан өзбек топусу бар болчу. Анан да өзүнө чак костюм-шымы бар эле. Үй-бүлөбүз чогуу отуруп калганда костюмунун этегин тартып-тартып коюп ырдап кирчү. Чачын шилекейлеп, колу менен артка тарай берген адаты менен боорубузду эзчү. Тим эле кыйшалаңдап бийге түшүп, “белестеги беш ыргай, беш ыргайды мен кыйбай...” деп шаңшып калар эле. Анда менин жолдошум, жездеси кубаттап, колуна момпосуй же акча кармата салат. Белекти алган Съезд ого бетер бийге түшүп, ырдап көңүлүбүздү ачат. Көрсө, ошондо эле чымыны бар экен. Жайкы эс алууда Съездди шаарга көп эле жолу ээрчитип келдим. Каякка ээрчитпейин, момпоюп жүрө берчү. Башка балдардай болуп “муну алып бер, тигини алып бер” деп чаң салчу деле эмес.

«ИТТЕН ЖҮРӨГҮ ТҮШҮП...»
– Бир билгеним, сиңдим Бурул экөө абдан жакын эле. Ал ашканага кирсе, бул жанында ырдап турат. Съезд сыртка чыгып отун жарса, эжеси ырдап турат. Айтор, экөөнүн тандеми сонун эле. Негизи, бала чактан экөө жакын өсүштү. Сиңдим да ооз комуз чертип ырдайт. Экөө тең райондук, облустук ар кандай ыр сынактарга барып жүрүштү.
Съезд мектепти бүтүргөн соң Бишкекте биздин үйдө жашап калды. Үйдө пианино бар. Өзүнчө отуруп алып пианинодо ойнойт. Бизден бир тыйын сурабай, өзү акча тапчу. Жездеси түрктөрдүн батон чыгарчу заводуна жумушка орноштуруп койду. Күнүгө таң эрте саат 4тө туруп, батон сатканы базарга жөнөйт. Айтор, тырышып окууга да, жумушка да жетишчү.
Бир күнү эле эртең менен чыгып кетип эле “апа-а...” деп бакырып калды. Жездеси экөөбүздүн жүрөгүбүз түшүп чуркап чыктык. Сыртка чыксак, кошунабыздын ити Съезддин желкесине асылып алыптыр. Биз чыгарыбыз менен ит качып кетти, а Съезд болсо өң-алеттен кеткен, алайган көздөрү ого бетер алайып калыптыр. Коркуп калган экен, бир топко чейин чочуп жүрдү. Ошондо базарга чыкканын таштайт го дегем, бирок тырышчаак экен, батон сатып акча тапканын токтоткон жок.

«ЖЭЭНДЕРИ ТАЯКЕ ДЕБЕЙ БАЙКЕ ДЕШЕТ»
– Ошентип, биздин колдо 4 жылдай жашады. Окуусун ийгиликтүү бүтүрдү. Алгачкы ийгилиги “Ашыкмын” аттуу клиби болду. Клиптин ачылыш аземинде апам, бир туугандарыбыз болуп баарыбыз бардык. Залда отуруп толкунданып, инибиздин ийгилигинен бүт жакындарыбыздын көздөрүнөн сүйүнүчтүн көз жашы агып турду. Концерттерине калбай барып, дайыма колдоп турабыз.
Балдарым болсо Съездди таяке дебей, "бир тууган байкебиз" дешет. Жээндери Съезд концерт берет дегенде үй бетин көрбөй калышат. Баса, “Боз салкынга” тартылып жүргөн учурда чачын өстүрүп, имиджин өзгөртүп калды. Сурасак, “ролум ушундай, жакында тасманы көрүп түшүнөсүңөр” деп койду. Айткандай эле аталган тасмада роль жаратты. Жездеси болсо “кайним актёр да болду, ичимдик ичпеген жаны тасмадан соң ууртап да калды” деп күлүп калат.

«ҮЙҮБҮЗГӨ КОНОК КЕЛГЕНДЕ СЪЕЗДБЕКТИ «ПОЧЁТНЫЙ»
КЫЛЫП ЧАКЫРАБЫЗ»
– Үйгө конок келгенде “почётный” конок кылып Съездбекти да чакыра калабыз. Бир туугандар чогуу отуруп калганда сөзсүз инибизди ырдатабыз. Апам да кыздарынын үйүнө көп барбайт. Шаарга келсе эле Съездбектикинде жүрөт. Биз болсо барып учурашып келебиз.
Келинибиз Жаркынай да жароокер, элпек чыкты. Биздин үй алардыкына жакын болгондуктан, жума сайын эле инимдикине бара беребиз. Кызы Даткайымдын азыр тили таттуу мезгили. Апасынан мурун эле “келип калдыңарбы, саламатсыңарбы?” деп мойтоюп тосуп алат. Биздин үйгө келгенде болсо босогодон кире элек жатып "мен келип калбадымбы, тосуп албайсыңарбы" деп баарыбызды күлдүрөт.
Съездбектей иним бар экени чоң сыймык. Гезит-телеге чыкса деле кошуналар "ой, иниң ырдап жатат, иниң гезитке чыгыптыр" деп кабарлап турушат. Сыртымдан билдирбегеним менен, ичимден кубанып калам.Кыскасы, инимдин таланты өсө берсин, үй-бүлөсү менен бактылуу болсун, бар болсун деп тилек кылам.

БИР ТУУГАН ИСКЕНАЛИЕВДЕР:
Мирагүл, 48 жашта, 3 баланын энеси, врач
Гулера, 46 жашта, 3 баланын энеси, технолог
Элмира, 44 жашта, 3 баланын энеси, бухгалтер
Бурул, 43 жашта, 2 баланын энеси, технолог
Кубанычбек, 41 жашта, 3 баланын атасы, жеке ишкер
Рахатбек, 39 жашта, 3 баланын атасы, соода менен алектенет
Назгүл, 37 жашта 4 баланын энеси, мугалим
Айбек, 36 жашта, 4 баланын атасы, мал чарбачылыгы менен алектенет
Азамат, 34 жашта, 3 баланын атасы, иштебейт
Съездбек, 29 жашта, 1 кыздын атасы, ырчы
Азема, 27 жашта, 2 баланын энеси, мугалим

Бурул Исмаилова
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(5)
03.05.2010. 15:05 
Тайпасы:
Кыймылы жок
Комментарийлердин саны:
43
Катталган:
04-11-2009
Соӊку аракети:
02-10-2013 22:20
Жынысы:
Белгисиз
0
ой какой он хороший молодец оркундой бер
04.05.2010. 11:35 
Тайпасы:
Жаран
Комментарийлердин саны:
32
Катталган:
16-03-2010
Соӊку аракети:
06-08-2018 23:55
Жынысы:
Белгисиз
Калаасы:
Москва
0
Бактылуу экенсиз Съездбек байке дайыма кыргыз элинин суйуктуу ырчы жигити болуп журо бериниз ийгилик сизге,бир туугандарыныз менен бактылуу болунуз Оштон Гулбурак!
05.05.2010. 18:07 
Тайпасы:
Комментарийлердин саны:
0
Катталган:
01-01-1970
Соӊку аракети:
01-01-1970 00:00
Жынысы:
Белгисиз
0
Ишине ийгилик Съездбек!
07.05.2010. 23:38 
Тайпасы:
Кыймылы жок
Комментарийлердин саны:
28
Катталган:
19-12-2009
Соӊку аракети:
23-07-2013 02:47
Жынысы:
Белгисиз
0
Ishine jana Jashoono en jakshy tilekterimdi aitam. Bar bol!!!
10.05.2010. 09:24 
Тайпасы:
Кыймылы жок
Комментарийлердин саны:
45
Катталган:
10-04-2010
Соӊку аракети:
07-06-2010 16:08
Жынысы:
Белгисиз
0
бар бол, талантын ташкындасын!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: