Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ПАДЫШАНЫН ҮЙҮ – МАЙЫПТАРДЫН ҮМҮТҮ

№391 30-апрель - 6-май, 2010-ж.


Репортаж

“Үмүт – коштошууга болбой турган жалгыз жакшылык”,- деп айткан экен бир акылман. Экс-президенттин үйүн убактылуу ээлеп турган майыптардын көз карашынан бүлбүлдөп турган үмүт отун көрдүм. Алар өлкөбүздүн оңолуп кетишине, жакшылык болоруна, деги эле эртеңки күнгө ишенип турушкандай.

ЖЕР ТӨЛӨНҮН БАЛДАРЫ
Кандуу ыңкылаптан кийин экс-президент Курманбек Бакиевдин үйү талап-тоноочулардын запкысынан жабыркаганы атпай журтка маалым. Өрттөн кийин араң турган шыптардын түшүп кетеринен коркпогондор эки күн бою Бакиевдин оокатын ташып бүтпөй жатышкан. Ошол талап-тоногондорду: “Койгула, бул үйдүн кереги силерге тийбесе, бизге тиет”,- деп токтоткон майыптар болду.
Алар редакциябызга чалып, өз­дө­рүнүн маселесин чагылдырып берүүнү сурашканда, жок дей албадык. Кейпи кетип, кара күйүккө айланып турган үйгө баш бакканыбызда, майыптардын тобу тосуп чыгышты. Балдакчаны, майыптардын арабасында отурганы, баса албай жер боортоктоп жүргөнү да бар. Үй жашаганга жарабай калгандыктан, эки капталындагы ачык бастырмадан орун алышкан экен. "Ашкана" аталган бурчта азык-түлүктөрү турат. Стол-стулдарды таап келип, жасалгалап алышыптыр. Жыш коюлган керебеттерде тизиле отурган майыптарды көрүп, аргасыздан “Жер төлөнүн балдары” деген аңгеме эсиме түштү. Бул “Жаш майыптар коому” деп аталган топ экен. Сапар аттуу мырза топ тууралуу төмөнкүлөрдү айтып берди:
– Биздин топ 2005-жылы түзүлгөн. Ан­да 336 адам бар. Азыркы заманда майып эмес, буту-колу соолор кантип жашаштын айласын таппай калышпадыбы. Биздин максатыбыз – майыптарга ар кандай колдоо көрсөтүү. Арабызда протезди кантип алууну билбей 7-8 жылдан бери төшөктө жаткандар да, майыптарга протез акысыз экенин билбей шылуундарга алдангандар да бар. Сырттан келген гуманитардык жардамдарга өзүбүз ээ болбой калган учурлар кездешет.

«ТАГДЫРЫБЫЗ ЖАҢЫ ӨКМӨТТҮН КОЛУНДА»
– 9-апрель күнү атуулдук милдетибизди аткарып, эл алдында сүйлөйлү деген ой менен 5-6 бала болуп ЭлТР телеканалына келгенбиз. Кулак тушумдан бирөө: “Ой, Бакиевдин үйүн талкалаганча, майыптарга же карыларга берип койсо сонун болбойт беле?!”- деп калды. Ошол замат балдарга “топтолуп келгиле” деп чалып, анан таланган үйдү коруй баштадык. Биздин максатыбыз – бул жерге майыптарга ишкана ачуу. Анткени 1-2-топтун майыбымын десең, эч ким, эч жерге жумушка албайт. Бизге бул жерди берип калса, ар бирибиз иш менен камсыз болот элек. Кыздарыбызга тигүү цехин, балдарыбызга эмерек чыгаруучу жай, каалагандарга компьютердик курс, ырдайм дегендерге студия ачып бере турган пландарыбыз бар. Биздин дагы коомго жардамыбыз тийип, өз ишибизди, өз келечегибизди түптөп алууга эмнеге болбосун?! Карасаңыз, бардыгы жапжаш, мөлтүрөгөн кыздар-балдар. Тагдыр буларды бир мүчөсүнөн ажыратканы менен, жашоого болгон сүйүүсүнөн, эмгектенип өз келечегин түзүүдөн айырбаса керек.
Бул жерге келген күндөн баштап 5000 адамдан кол чогулттук. Бакиевдин үйүн бизге биротоло Майыптар үйү кылып каттатып берсе деген тилекте Убактылуу өкмөттүн мүчөлөрүнө кат жазганбыз. Бирок катыбыз алигиче жоопсуз. Балким, өлкөдөгү баш аламандыктан улам алардын бизге чолосу тийбей жаткандыр.

«МИТИНГДЕН ЭЛ ДА ТАЖАП БҮТТҮ»
Үмүт кылуудан чарчабаган майыптар “эгер жаңы бийлик бизди укпаса, 26-апрелден баштап ачкачылык жарыялайбыз” деген сөздү айтышканын уккан элек. Бул тууралуу Сапар байке мындай жооп берди:
– Азыр митинг уюштуруу көбөйүп кетпедиби. Кай бири жер басып алып жатса, кай бири экс-аткаминерлердин кызыкчылыгы үчүн деле митинг уюштуруп жатышат. Азыр эл, жаңы өкмөт деле мындайдан башы жарылып кете жаздап отурса керек. Андан көрө иштей туралы деп азыр балдарды тараттым. Биз митингге чыгып, “эми ушул чолоктор эле калды беле?..” дегендей пикир түзгүбүз келген жок.

Майыптар менен коштошуп жатып, дени-карды соо айрымдар жеңил оокатты көздөп, дүкөндөрдү талап, экинчиси жер талашып жүрсө, майып болуп туруп баркын түшүрбөгөн бул инсандарга баа берип, жолума түштүм.

Убактылуу өкмөттүн төрайымынын Борбордук аткаруу комитетинин аппарат башчысы ЭДИЛ БАЙСАЛОВ:
– Элдин казынасынан уурдап салынган үй элдин керегине жарашы керек. Бул менин жеке пикирим. Ал эми бул маселени чечүүгө убакыт керек. Эки-үч күндүн ичинде чечиле калчу иш эмес. Майыптардын каты бизге келип жеткен. Аларга “ошол жерде жашап, коргоп тургула” деп айтканбыз. Кудай буюрса, оң жагына чечилиши керек.

МЫЙЗАМГА КЕЛСЕК...
Жуматай уулу Акун, адвокат:
– Алгач үй расмий түрдө Курманбек Бакиевге тиешелүү экендигин аныктоо керек. Анан ага каршы кылмыш иши козголуп, соттун өкүмү менен мүлкү конфискацияланып, мамлекеттин карамагына өтүшү керек. Ушундан кийин гана Убактылуу өкмөт чечим чыгарып берсе, анда бул турак жай майыптардын мыйзамдуу үйү болуп калышы толук мүмкүн.


«ӨЗ КЕЛЕЧЕГИБИЗДИ ТҮЗГҮБҮЗ КЕЛЕТ»

– Өзүң тууралуу айтып берсең...
– Атым – Элнура. 19 жаштамын. 2008-жылы күйүктөн улам доктурлар бир бутумду кесип салышкан. Өзүм Финансы техникумунда сырттан окуйм. Эгерде бул жерде бизге ишкана ачылып берилсе, окуумду бүтүп келип, бухгалтер болуп иштейт элем. Болбосо, мени башка жерде ишке албайт да.

Майрам аттуу кыз да өзүнүн тилегин айтып өттү.
– Мен оорунун айынан бир бутумду кестиргенге аргасыз болгом. Орто мектепти да толук бүтпөй калгам. Бул жакта тигүү цехин ачса, иштеп, өз келечегимди түзгөнгө аракет кылмакмын. Анын үстүнө маршрутка менен келгенге да ылайыктуу экен.

Ал эми балапан түгү түшө элек Адилеттин тилеги мени өзгөчө кубантты.
– Мен 15 жаштамын. Мектепте окуйм. Ата-энем Орусияда жүргөндө бутум үшүккө чалдыгып, майып болуп калган элем. Спорт чебери болгум келет. Баарынан да Кыргызстан, эл тынч болсунчу, анан баары болот.

Нуржамал Жийдебаева
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(6)
03.05.2010. 13:50 
Тайпасы:
Кыймылы жок
Комментарийлердин саны:
43
Катталган:
04-11-2009
Соӊку аракети:
02-10-2013 22:20
Жынысы:
Белгисиз
0
Адилет тилегин орундалсын баары жакшы болот
05.05.2010. 15:34 
Тайпасы:
Кыймылы жок
Комментарийлердин саны:
7
Катталган:
26-04-2010
Соӊку аракети:
16-08-2010 15:08
Жынысы:
Белгисиз
0
Мен силердин планынарды толугу менен колдойм!майыпбыз деп отура бербестен ушундай иштерди аткарып ,жакшы жашоого умтулуп жатканынарга баа берем жана чон ийгиликтерди каалайм.
05.05.2010. 23:40 
Тайпасы:
Кыймылы жок
Комментарийлердин саны:
25
Катталган:
16-04-2010
Соӊку аракети:
31-03-2013 12:39
Жынысы:
Белгисиз
Калаасы:
Бишкек
0
Силердин отунучунор жоопсуз калбашына тилектешмин.
06.05.2010. 04:48 
Тайпасы:
Кыймылы жок
Комментарийлердин саны:
18
Катталган:
14-03-2010
Соӊку аракети:
20-09-2013 13:19
Жынысы:
Белгисиз
Калаасы:
Texas
0
Jaratkanym koldosun....
07.05.2010. 01:54 
Тайпасы:
Комментарийлердин саны:
0
Катталган:
01-01-1970
Соӊку аракети:
01-01-1970 00:00
Жынысы:
Белгисиз
0
Аллах колдосун силерди бир туугандар. Баардыгы Аллахтын колунда, тилегинерди Аллах таала орундатсын. Ассалому алейкум
08.05.2010. 02:49 
Тайпасы:
Комментарийлердин саны:
0
Катталган:
01-01-1970
Соӊку аракети:
01-01-1970 00:00
Жынысы:
Белгисиз
0
Оюнар жакшы екен эми буйурса баары жакшы болуп бул уй силерге берилип калар.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21503;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: