Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Ажарлуу украин кызы АНИ ЛОРАК

№391 30-апрель - 6-май, 2010-ж.


Сөз боло турган айымда бүгүн баары бар: сулуулук, жаштык, талант, ийгилик, сүйгөн жар. Бирок толугу менен бактылуу болууга бир гана наристе жетишпейт. Украинанын эмес, бүтүндөй КМШ өлкөлөрүнүн сыймыгы болгон популярдуу ырчы, актриса Ани Лорак жөнүндө сөз кылабыз.

БАЛАЛЫКТЫН АЧУУ ДААМЫ
Бактылуу менен байлашпа, таалайлуу менен талашпа” деген кеп дал ушул инсанга туура келчүдөй. Популярдуу ырчы Каролина (Ани Лорак) бакыт көлүнө чөмүлүп, ырыс­кысына тобо деп турган чагы. Анткени ал жашоонун ачуу даамын балалыгында татып көргөн. Үй-бүлөдө үч уулдун ортосунда төрөлгөн. Бирок ырчы кичине кезинде ата-энеси ажырашып, ата тарбиясына муктаж болуп чоңойгондугун айтып келет.
Атасы жогорку билимдүү инсан. Хордун дирижёру болуп иштесе, ал эми апасы радиоберүүнүн алпаруучусу болуп эмгектенген. Каролинадан кийинки иниси төрөлгөндө атасы жубайын төрт баласы менен таштап башка аялга кетип калат. Буга жини келген эне жалгыз болсо да балдарына татыктуу тарбия берип, таштап кеткен ата кийин буларга суктана тургандай кылып чоңойтууну максат кылат. Эне күнү-түнү иштеп, балдарын атайын жатак мектепке тапшырат.
Каролина 9 жашка чыкканда үй-бүлөсүндө трагедиялуу окуя болот. Сергей аттуу эң улуу агасы Ооган окуясында каза болуп, үй-бүлө жоготууга учурайт. Өзгөчө ал кичинекей Каролинага чоң таасир берген. Ал көпкө чейин сабагынан артта калып, мурунку абалына келе албай жүргөн.
Каролина жатак мектепте окуп жүргөндө математиканы “3” деген баага окуса да, музыканы мыкты өздөштүргөн. Облустар арасында өтүүчү түрдүү музыкалык сынактарга катышып, сөзсүз жеңиш менен кайтчу. Ошонусу менен мугалимдерди сүймөнчүлүгүнө айланган. Жатак мектебинин мугалимдери “Каролина азыр мектебибиздин сыймыгы болсо, мындай таланты менен болочокто өлкөбүздүн туусу болот” дешчү. Сыягы, ошондо эле кыздын таланты кең келечектен кабар берген көрүнөт.

ЫСЫМГА КАТЫЛГАН СЫР
1992-жылы Черновицктеги «Первоцвет» аттуу фестивалга катышып, биринчиликти илип кетет. 14 жаштагы Каролинанын кең сахнага таштаган кадамы ушул болгон сыяктуу. Себеби дал ушул жерден Юрий Фалёсой аттуу продюсер менен таанышып, бирге иштешүүгө келишим түзгөн.
Кыбыраган кыр ашат болуп продюсери экөө акырындап иштешип жүрүп, 1995-жылы Орусиядагы “Таңкы жылдыз” аттуу популярдуу телеберүүгө катышмак болушат. Ага Каролина менен бирге Орусиянын башка Каролина аттуу ырчысы чыкмак эле. Ошондо атын өзгөртүш керек болуп, тез аранын ичинде Ани Лорак деген лакап ат ойлоп табат. Ал Каролинанын тескерисинен окулушу эле. Ошентип, кеңири журтка дал ушул лакап аты менен таанылат.

“ЕВРОВИДЕНИЕ-2008ди” ЖЕҢМЕКПИ?
Ани Лорак 1999-жылы белгилүү композитор Игорь Крутой менен таанышып, келишим түзүп бирге иштеп калышат. 2000-жылы “Күзгү” аттуу композициясы жарыкка чыгып, атактуулугу мурункудан да артат. Ошол эле жылы Ани Лорак дүйнөнүн 100 сексуалдуу айымдарынын тизмесине илинет.
Чыгармачылыкка баш-оту менен кирген Каролинанын күнү-түнү тынбай иштеген эмгегинин акыбети кайткан десек жаңылбайбыз. Супер популярдуулукка ал 2008-жылы “Евровидение” сынагында күмүш медалды алуу менен жеткен. Бул тууралуу белгилүү саясатчы Юлия Тимошенконун “Ани Лорак биринчи орунду алды деп кубансак болот. Анткени Орусиянын ырчысы Дима Билан биринчи орунду алган жок деп эсептейм. Орусия Биланга аны сатып беришти. Биздин кыз биринчи орунду жеңмек. Баары бир биринчилик бизде болду деп ишенүү менен айта алам” деген пикири ММКларга тараган.

САМАГАНЫ – НАРИСТЕЛҮҮ БОЛУУ
Каролина карьера деп жүрүп, жеке жашоосун артка таштап койгон эмес. Албетте, мындай чырайлуу перинин артынан чуркап, көз салгандар көп. Алардын бири жолдошу Мурат Налкакиоглу. Түрк улутунун өкүлү болгон Мурат менен Ани 2003-жылы Антальяда таанышкан. Каролина Түркияга гастролдоп барып, Антальядагы мейманканалардын бирине токтойт. Ал токтогон мейманкананын ээси ишкер Мурат Налкакиоглу эле. Мурат сулуу периге бир көргөндө көзү түшүп, ашык болот. Сүйүүсүн далилдеп отуруп артынан Украинага чейин келип жашап калган. Экөө 2009-жылдын 15-август күнү үйлөнүү тоюн өткөрүшкөн. Учурда эки жаштын самаганы – наристе. Каролина: “Балама мен көрбөгөн балалыкты көрсөтүүгө бүт аракетимди жумшайм”,- деп чыдамсыздык менен эне болуу бактысын күтүп келет.

ЭЭРЧИГЕН СӨЗДӨР
Ани Лорактын Тимоти, Филипп Киркоров, Александр Пономарёв сыяктуу популярдуу ырчылар менен жакын мамилеси бар” деген кеп бар. Бирок Ани буга: “Бул жөн эле ушак. Эң жакшысы, жолдошум ушундай кепке кулак төшөбөйт. Ал эми аты аталган инсандар менин жакын досторум”,- деп жооп берет.

КОШУМЧА МААЛЫМАТ

  • Толук аты-жөнү – Каролина Мирославовна Куек
  • Лакап аты – Ани Лорак
  • Туулган жылы – 1978-жыл, 27-сен­тябрь
  • Туулган жери – Украина, Черновицк облусу, Кицмань району
  • Украинанын Эмгек сиңирген артисти
  • “Шинелди ал”, “Баш аламан күн же Фигаронун үйлөнүүсү” аттуу мюзиклдерде роль жараткан. Мындан тышкары мультфильмдерде үн коштойт. Мисалы, “Чатырда жашаган Карлсон” аттуу мультфильмде чаян менен мышыкты сүйлөткөн.
  • Гүлдүн бардык түрүн жактырат. Үйүнүн сыртында да, ичинде да гүл өстүрүп, аны кароодон рахат алат.
  • Каролинанын гимнаст курбусу Лилия Подкопаева келбетин бир калыпта алып жүрүүсүнө жардам берип келет.


Шоу-бизнес жаңылыктары

АКТЁР ЗИБРОВГО ОК АТЫЛДЫ
“Спецназ”, “Улуттук коопсуздуктун агенти” сыяктуу тасмаларда роль жараткан актёр Андрей Зибров жубайы менен эс алып, таңга маал үйүнө келе жатканда жаман окуяга туш болду. Жолдо эки бейтааныш эркек бир аялды кордоп жатканын көрүп калат. Жардам берүүгө барган Зибровду бейтааныштын бири резина октуу тапанча менен көзгө аткан. Тез арада ооруканага жеткирилген актёрдун учурда абалы оор болгону менен, дарыгерлер жашайт деген жакшы кабар айтышты.

ШАКИРА МЕНЕН “FRESHLYGROUND” ТОБУ ГИМН ЫРДАШАТ
Колумбиялык популярдуу ырчы Шакира менен Түштүк Африканын “Freshlyground” тобун көпчүлүк тааныса керек. Мына ушул аталган аткаруучуларга футбол боюнча «ЮАР-2010» Дүйнөлүк чемпиондугунун ачылыш жана жабылыш аземинде ырдалуучу гимнди аткаруу жоопкерчилиги тапшырылды. Гимн “Time for Africa” деп аталат. 10-июнь күнү Йоханнесбургда өтүүчү чоң концертте гимн алгач ирет жаңырмакчы.

АНГЛИЯНЫН ЭҢ БАЙ МУЗЫКАНТТАРЫ АНЫКТАЛДЫ
Улуу Британиянын эң популярдуу Contactmusic интернет сайты Англиянын музыка индустриясындагы жана шоу-бизнесиндеги эң бай адамды аныктады. Биринчилик “Warner Music Group” компаниясынын директору Эдгар Бромфманга берилди. Анын 1 жылдык кирешеси 2,5 миллиард доллар болгон. Ал эми популярдуу жылдыз Элтон Жон жетинчи, Стинг сегизинчи орунда экендиги аныкталды.

ДУГЛАСТЫН УУЛУ 5 ЖЫЛГА ЭРКИНЕН АЖЫРАДЫ
Атактуу актёр Майкл Дугластын уулу Кэмерон 2009-жылы августта Нью-Йорк шаарында баңгизат менен кармалган. Соттун жыйынтыгында 5 жылга эркинен ажыратылды. Актёр уулун каматпай алып калууга бүт аракетин жумшады. Бирок сот сөзүн: “Абак Кэмерон Дугласты баңгизатка болгон көз карандылыктан ажыратат”,- деп жыйынтыктады.

ПОЛЬНА ЖОЛДОШУ МЕНЕН АЖЫРАШТЫ
Үч жыл мыйзамдуу никеде жашаган атактуу ырчы Ева Польна жолдошу менен ажырашып жатат. Ева ишкер жолдошу Сергей менен акыркы кезде көп таарынышып жүргөн. “Жашообуз мындай нукта уланганы туура эмес” деп расмий түрдө ажырашууну туура көрүштү. Эскерте кетсек, Польна менен Сергейдин ортосунда үч жаштагы Амалия аттуу кызы бар.

“ФАБРИКА” ТОБУНА ЫРЧЫ ТАБЫЛБАЙ ЖАТАТ
Продюсер Игорь Матвиенко Москвада эки күн катар өткөргөн кастингде “Фабрика” тобуна ылайыктуу ырчы кыз таппай койду. Эми андай кызды Украинадан издемекчи. Ал жакта өтүүчү кастингдин катышуучулары топтун бир нече ырларын ырдашы керек. Калыстардын катарында продюсерден тышкары “Фабриканын” үч сулуусу болмокчу.

Бактыгүл Сокушова
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: