Кенже Көбөкова, ырчы: «АЙРЫМДАР МЫНЧА ЧОҢ ҮЙДҮ КИМ АЛЫП БЕРДИ ДЕП ШЕКШИЙ БЕРИШЕТ»
ХОЛЛ
– Бул үйгө ушул жылы көчүп келдим. Жеңелерим айылдан келгенде үйгө кирери менен күзгүгө каранышат да, «күзгүлөрүң өтө көп, артистсиң да» деп тамашалап калышат. Концертке, тойго чыгарда ушул жерде көпкө турам.
АШКАНА
– Үйдү жаңы алганда эле биринчи ашкананын жасалгасын бүтүрүп, эмерек алдым. Досторум «конокту жакшы тососуң, тамактарың даамдуу» деп калышат. Адамдын жактырган өңү да өзгөрүп турат экен. Быйыл ак түстү жактырып, ашкананын эмеректерин бүт ак түстө жасаттым. Мен сапатка көңүл бурам. Ошондуктан биротоло эле ашканасы чоң үй алайынчы деп үч бөлмөлүү батир алдым. Батирдин жалпы аянты 111 чарчы метр. Кожоюну бир аз жашап эле, шашылыш сатып калды. Айтылган сумманын жарымын дароо төлөп бердим, калганын бөлүп төлөп жатам.
КОНОК БӨЛМӨ
– «Атаандаштык болбосо өспөйсүң» дейт элибизде. Бирок бизде атаандаштык менен кошо көрө албастык аралашып кетет экен. Канчалык өйдөлөгөн сайын артыңдан ушак тараткандар көбөйөрүн байкадым. Ошого бир аз капаланып калам. Ушул үйдү алгандан тарта «Кенже Көбөковага үйдү ким алып берди?» деп иликтөөгө ашыккандар көбөйдү. Өз мээнетиң менен тапкан акчаңа алгандан кийин андай сөздөрдү укканда күйүп кетет экенсиң. Каражатты чыгармачылыктын аркасы менен тойдон таптым, айылда үйүр жылкым бар дегендей. Конокко барганда анча даярданбайм, бирок конок тоскондо катуу даярданам. Менин конокторум мына ушул бөлмөдө мейман болушат. Мактанбайын, колум берекелүү. Апам «балам, сен акчаңдын баарын конок тосуп эле кетирет турбайсыңбы» деп калат.
УКТООЧУ БӨЛМӨ
– Өзүмдүн бөлмөм үчүн эмеректерге буйрутма бергем, азырынча келе элек. Бул чуркоочу спорттук шайманды уулум Аманга карап сатып алгам. Мен деле анда-санда чуркап калам. Чуркаган сайын жакшы ой менен таразага түшүп калам. Маанайымды көтөргөн да, түшүргөн да ушул тараза. Арыктап калсам сүйүнөм, салмак кошсом капа болом.
«УУЛУМДУН БӨЛМӨСҮ»
– Уулумдун бөлмөсүндөгү эмеректер эркек балага ылайыктуу кара-күрөң түстө. Буюрса, кыздуу болсом, эмеректерин кызыл, жашыл, көк кылам деп кыялданып жүрөм. Менин бөлмөмдө эмерек жок болгондуктан, сахнага кийилчү кийимдеримди баламдын шифоньерине илем жана баш кийимдеримди, диплом, грамоталарымды коём. ЖУУНУУЧУ БӨЛМӨ
Кенже Көбөкова: “Эл жалгыз мен эле батир алгандай кызыгууда“
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (26)
Uzakova.Z.A
2017-08-08 13:14:22
Уйу сонун экен кут болсун!
+6
aikarus8384
2017-08-08 13:48:00
Токтобек Асаналиевдин мурунку аялы беле же мен адашып атамбы
-2
Nevestkaa
2017-08-08 16:34:19
aikarus8384,ал Кенже Кубатова
+5
Lilia11
2017-08-08 14:29:59
Уйлору кенендиги жакты. Жакшылыктар болсун уйунордо....
+5
balzak
2017-08-08 14:54:40
оой сооонун экен , буюрсун уйунуз!!
+5
Tyty1990
2017-08-08 15:02:06
Мактанбайын деп кайра мактанып коюпсуз
+5
ZHaziko
2017-08-08 15:22:17
Кенже Эже сизди сыйлайм адамдык сапатыныз супер
+3
AKCAHAT
2017-08-08 15:47:52
Чон эле аял экенсиз ким эле шекшисин)))шектуу шекшинет деп сиз дагы шекшинип жатканско элдер ошентип атат деп.Конул бурбаныз сизге деле эч ким конул бурбайт деле (мындай ырчы эже бар экенин эми билдим) алса жапжаш сулуу энеси оппогон кыздарга алып берет. Ак оргонуздо дайыма тойлор, майрамдар, жакшылыктар эле боло берсин. Берекелуу куттуу уй болсун.
+4
ayana91
2017-08-08 19:20:48
Уйу жакшы экен. Кут болсун. Азамат.
+5
ayjan_90
2017-08-08 22:16:55
Бизге да жуксун ушундай чон уйлуу болом кудай буйруса
Үй баласына калат Кенже эже турмушка чыгып кетсе кыз төрөйт бюрса
+4
nazira...
2017-08-09 08:32:49
Ошко барып канча мин долларга иштеп келгемин дечи эле, ошо оштуктардын акчасына алса керек да. Козго басар Кайсы ырлары бар озу бул ырчынын билбейт экемин, анан кимэле карап туруптур мунун уйун алса алыптыр да тооба.
-4
BubleGum
2017-08-09 12:28:02
nazira..., Оштуктар менен ооруйт окшойсун (
+4
Anucha
2017-08-09 14:25:39
nazira..., зато доллар
0
Birimdik5555
2017-08-10 13:43:07
Уйун кут болсун тойлор,жакшылыктар болсун! Кичинекей бут кийимдер кобойо берсин уйундо
+2
belka
2017-08-12 01:51:17
Ак жолтой үй болсун! Көп балалуу болуп очор бачар бол! Үйүңдө тойлор болсун,дасторконуң нанга толсун!
+1
Firdaus-Muslim
2017-08-12 13:00:08
Буюруп насип кылсын. Акжолтой үйлөрдөн болсун!
+1
Комментарий калтыруу үчүн өз ысымыңыз менен кириңиз же каттоодон өтүңүз.
