Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

8 жашар кыздын энеси: "КООМГО КОРКУНУЧ ТУУДУРГАН АДАМ ЭРКИНДИКТЕ ЖҮРГӨНҮ ӨКҮНДҮРӨТ"

№771 11-17-август, 2017-ж.


10 ЖАШТАГЫ БАЛАНЫ ЗОРДУКТООГО АРАКЕТ КЫЛДЫ ДЕП ШЕКТЕЛГЕН АДАМ КАРМАЛДЫ

2017-жылдын 3-август күнү Жети-Өгүз РИИБинин нөөмөт бөлүмүнө 2-август күнү Барскоон айылынын К.М. аттуу 26 жаштагы тургуну 10 жашар айылдашын зордуктоого аракет кылгандыгы жөнүндө маалымат келип түшөт. Аталган жерге барган милиция кызматкерлери окуяны толук териштирип, кылмышка шектүүнү кармашкан. Бул окуя тууралуу Жети-Өгүз РИИБинин жаш өспүрүмдөр менен иштөө инспекциясынын башчысы Асел Жакшылыкова буларды айтып берди:

– Кылмышка шектүү жабырлануучу баланын атасынын досунун уулу болгон. Ошол күнү эгин сугарууга барышып, өспүрүм баланын атасынын резина өтүгү ошол жакта калып калган. Шектүү ошол өтүктөрдү чогуу барып алып келели деп баланы апасынан сурап чыккан. Үйдөн алыс узабай эле баланы жерге жаткырып, күч колдонуп зордуктоого аракет кылган. Бала ата-энесине бул тууралуу айтарын айтса, аны чаап коркуткан. Уулунун кечигип жатканынан кабатыр болгон апасы эшикке чыгып кыйкырганда шектүү баланы коё берип, өзү качып кеткен. Шектүү ал учурда мас абалында болгондугун айтууда. Бул окуя боюнча Жети-Өгүз РИИБинин тергөө бөлүмү тарабынан Кылмыш-жаза кодексинин 133-беренеси (ыплас аракеттер) менен кылмыш иши козголду. Шектүү катары кармалган К.М. РИИБдин убактылуу кармоочу жайына киргизилип, соттук-медициналык экспертиза дайындалды.

КӨЛДӨ ДАГЫ БИР БАЧАБАЗ КАРМАЛДЫ

Ысык-Көл облусунда дагы бир бачабаздык катталып, кылмыш иши козголду. Бул тууралуу Ысык-Көл ОИИБинин маалымат катчысы Сталбек Усубакунов билдирди. Маалыматка ылайык, 7-август күнү Ысык-Көл районунун Өрнөк айылында 7 жашар балага сексуалдык мүнөздөгү зомбулук аракеттер болгондугу тууралуу милицияга кабарланган. Кылмышка шектүү катары 1981-жылы туулган Чүй облусунун тургуну кармалган. Ысык-Көл РИИБинин тергөө бөлүмү тарабынан Кылмыш-жаза кодексинин 130-беренеси (сексуалдык мүнөздөгү зомбулук аракеттер) менен кылмыш иши козголуп, шектүү убактылуу кармоочу жайга киргизилген. Ата-энеси Орусияда иштеп жүрүшкөндүктөн, 7 жаштагы жабырлануучу бала кылмышка шектелип кармалган таякесинин колунда тарбияланып келген. Анын буга чейин да жээнине карата зомбулук кылган-кылбаганы текшерилүүдө.

"КЫЗЫМ "АПА, ЭШИКТИ ЖАБЫҢЫЗЧЫ, МЕНИ УУРДАП КЕТЕЙИН ДЕДИ" ДЕП КЕЛДИ"

Ушул сыяктуу окуя Сокулук районуна караштуу айылдардын биринде да катталган. Бирок тилекке каршы, 8 жаштагы кызды сүйрөп кетүүгө аракет кылган адам акыл-эси жайында эмес болгондуктан жазадан кутулуп кеткен. Наристенин энеси кылмышкерлердин кутулуп кетишине жол берген мыйзамдарга, аны каалаган жагына калчаган кызматкерлерге нааразычылыгын төмөнкүчө айтты:
– Менин кызым Бишкек шаарындагы гимназиялардын биринде окуйт. Шаардын четиндеги айылда жашагандыгыбыздан, тынбай маршруттук кичи автобустар каттайт. Биринчи класста окуп жүргөндө кызымды мектепке өзүм эле алып барып келчүмүн. 2-класста окуп жатканда төрөп калып, мектепке алып бара албай калдым. Атасы эртең менен мектепке жеткирип койчу, сабак бүткөндө кызым маршруткага отуруп өзү келе берчү. Ушул жылдын 3-февралында түш ченде үйгө ыйлап кирип келип эле, "апа, эшикти жабыңызчы, бирөө мени уурдап кетейин деди" деп жиберди. Түшүнбөй эле туруп калдым. Кызым сабактан чыгып, маршруткага отурса жанына 25-30 жаштардагы бирөө отуруп, жол бою сүйлөшүп келишиптир. Ага кайсы мектепте, канчанчы класста окуй турганын, үйдө ким бар экенин, телефон номеринен бери айтып бериптир. Ал жигит башка номерди айтып жатабы дегенби, маршрутканын ичинде эле кызымдын номерине чалып көрүптүр. Биз жашаган көчөгө келгенде кызым түшүп калып, 100 метрдей басканда артынан ал жигит чуркап жетип келиптир. Анан эле ал кызыма "шоколад, балмуздак алып берем, жүрү мени менен" деп алдай баштаптыр. Көнбөй койсо, көтөрүп сүйрөп кеткенге аракет кылганда, кызым кыйкырып жиберип, анан коё бериптир. Кызымдын айтуусунда ары жакта кишилер жүргөн экен. Кызым үйгө качып кирип, мага айтып жатканда телефонуна чалуу келип калды. Ал коркуп кетип "мына, ошол ууру чалып жатат" дегенинен, "Коркпо, алып сүйлөшө бер, мен жаныңда турам го" деп жоошутуп сүйлөштүрдүм. Чалган адам "эч кимге айткан жоксуңбу?" деп сурады эле кызыма ишарат берип "жок" дедирип койдум.

"КАРМАЛГАНДА "МЕН ЖИНДИМИН" ДЕП ЖИБЕРИПТИР"

– Бул тууралуу жолдошума айттым. Ал айылдык милиция бөлүмчөсүнүн жетекчисинин телефон номерин таап чалып окуя тууралуу айтса, "келип арыз жазгыла" дептир. Жолдошум жумуштан келгенден кийин барып арыз жазып, ал адамдын телефон номерин берди. Тилекке каршы, милиция кызматкерлери 3 күн бою эч кандай аракет кылбай коюшту. Бул убакыттын ичинде ал адам кызымдын телефонуна бир нече жолу, ал тургай түнкү 1лерде да телефон чалып жатты. Ал эми Сокулук РИИБинин кызматкерлери болсо соттон уруксат алып гана телефондун ээси кайда экендигин тактай алабыз деп жатышты. Айла кеткенде жолдошум Чүй ОИИББинин жетекчисине кирип айтканда гана, ал облустук кызматкерлерди бөлүп бериптир. Ал кылмышкер дагы 3 күндөн кийин гана кармалды. Көрсө, телефонунан чалып, кайра өчүрүп коёт экен. Милиция кызматкерлери телефону иштеген жерге баргыча өчөт экен да, бир топ убакыттан кийин башка жактан иштейт экен. Ал жакка баргыча телефону кайра өчүп калып жатыптыр. Кармалганда эле ал "мен жиндимин" деп жибериптир. Милиция кызматкерлери кармалды деп билдиргенде жолдошум барып ага жолукса калтырап-титиреп өлүмүш болуп туруп алыптыр. Ал Жоомарт деген 30 жаштагы Лейлектин бир айылынын тургуну экен. Жолуктурганда, кызым "ушул" деп көрсөтүп бериптир. Ал болсо "мен тааныбайм" деген экен, тергөөчү "эмне кылайын дедиң эле?" деп сураса, "жөн эле кар чачышып ойноюн дегем" деп коюптур.

"НААЛАТ АЙТКЫМ КЕЛЕТ, БИРОК..."

– Бирок эң өкүнүчтүүсү ушундай коркунучтуу адамдын эркиндикте жүргөнү. Соттук-психиатрдык эксперттер аны психикалык жактан оорулуу, амбулатордук түрдө дарылансын деп чечим чыгарыптыр. Ал эми тергөөчү ошол замат ишти жаап, бизге айтпай жүрүптүр. Иш эмне болуп жатканын тергөөчүгө телефон чалып сурасак, "экспертизанын жыйынтыгы чыкпай жатат" деп жаткан, анан эле чалууларыбызды албай калды. Июнь айынын башында кабар алганы барып иш жабылып калганын билип жатабыз. Жолдошум прокуратурага барса, ал жактан "иш чала тергелип калыптыр. Ошондуктан кайра тергөөгө жөнөткөнү жатканбыз. Бүгүн эле кайра тергөөгө жөнөтөбүз" дептир.
3 күндөн кийин жолдошум Сокулук РИИБинин жетекчисинин орун басарына жана тергөө бөлүмүнүн жетекчисине жолугуп "тергөөчүнү алмаштырып бергиле жана башка психиатрдык эксперттерди дайындагыла. Биз бул чечимге макул эмеспиз" деп айтып келген. Ошондон бери дагы 2 ай өттү, эч кандай кабар жок.
Дагы Кудай сактады, эгер кызым бир нерсе болсо эмне болот эле? Ушундай коркунучтуу иш кылганга аракет кылган адамды эркиндикке чыгарган адамдарды силердин да башыңарга ушундай иш түшүп калсын деп наалат айткым эле келет, бирок алардын балдарында эмне күнөө деп өзүм чочуп кетем.
Биз эмне себептен ушундай адамды үйүндө дарылансын деп чечим чыгарганын билүү үчүн Республикалык психикалык ден соолук борборунун психиатр-эксперти, кылмышка шектелип кармалган адамга корутунду чыгарган комиссиянын мүчөсү Мүзүрхат Курманалиевге барып жолуктук. Ал бул иш боюнча жооп бере албастыгын айтып, суроолорубузду жоопсуз калтырды.
Ал эми Чүй ОИИББинин басма сөз кызматынан төмөнкүлөрдү билдиришти: "Кылмышка шектүүгө карата соттук- психиатрдык экспертиза дайындалган. Анын жыйынтыгына ылайык кылмышка шектелип кармалган жарандын акыл-эси толук калыптанган эмес жана мындан ары абалы өзгөрүлбөйт. Ага жашаган жеринен амбулатордук дарылануу каралып, дарыгерлер тарабынан көзөмөлгө алынат. Ушул экспертизанын жыйынтыгына ылайык 16-июнда кылмыш иши токтотулду".

10 ЖАШАР КЫЗДЫ ЗОРДУКТАГЫСЫ КЕЛГЕН АДАМ 20 ЖЫЛГА ЭРКИНЕН АЖЫРАТЫЛДЫ

4-июнда кичинекей кызды зордуктаганга аракет кылып жаткан адамды чогулган эл жазалайбыз деп сабап жаткан видео интернетке тараган эле. Бул видео ушул жылдын 3-апрель күнү Бишкек шаарынын Ак-Ордо жаңы конушунда 10 жаштагы кызды 33 жаштагы Б.А. аттуу жаран зордуктоого аракет кылып жатканда кармалып, жергиликтүү эл аны сабап жатканда тартылганы билинген. Белгилүү болгондой, кылмышка шектүү 10 жаштагы кыз дүкөндөн нан алып келе жатканда аны курулушу бүтө элек ээн үйгө сүйрөп алып кирип зордуктамакчы болгон. Кыздын бакырып ыйлаганы кошуна-колоңго угулуп, алар убагында жардамга келгенге үлгүрүшкөн. Ал жергиликтүү тургундар тарабынан кармалып, милиция кызматкерлерине өткөрүлүп берилген.
Окуянын күбөсү окуя тууралуу буларды айтып берди: "окуя 3-апрель күнү күндүзгү саат 10-11 чамасында болгон. Биз зордукчунун артынан жетип кармаганда анын колунда бычак бар экен, жыгылганда бычагы колунан ыргып кетти. Колун байлап, укук коргоо органдары келгичекти кармап отурдук, айрымдары аны ур-тепкиге алып, "ташбараңга алабыз" деп да жатышкан". Бирок милиция кызматкерлери келип, аны алып кетишкен.
Бул иш боюнча Сокулук РИИБинин тергөө бөлүмү тарабынан Кылмыш-жаза кодексинин 28-129-беренеси (зордуктоого аракет жасоо) менен кылмыш иши козголуп, тергөө аяктаганда сотко өткөрүлүп берилген. 5-июлда Сокулук райондук соту кылмышка шектүү Б.Аны күнөөлүү деп таап, 20 жылга эркинен ажыраткан.

Айсалкын Качкынбекова
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -1 
Комментарийлер(17)
15.08.2017. 11:47 
Тайпасы:
Жаран
Комментарийлердин саны:
1
Катталган:
03-11-2016
Соӊку аракети:
20-09-2018 13:20
Жынысы:
Белгисиз
+19
Мындайларды камаса деле дарыласа деле адам болбой.Атууга же омур бою камаш керек.Кучу жеткендерди кордой беришет да чыкканда деле
15.08.2017. 12:06 
Тайпасы:
Жаран
Комментарийлердин саны:
320
Катталган:
01-02-2017
Соӊку аракети:
20-09-2018 12:38
Жынысы:
Белгисиз
+21
Ушундай зөөкүрлөрдү бутуна жипти байлап атка эки сүйрөш керек!
15.08.2017. 14:08 
Тайпасы:
Жаран
Комментарийлердин саны:
3
Катталган:
13-05-2017
Соӊку аракети:
13-04-2018 17:17
Жынысы:
Белгисиз
+16
Мындай адамдар кобойуп жатат эмнега мындайларды олум жазасына тартпайт бекер эле аламдын санын кобойтуп камай бербей
15.08.2017. 22:18 
Тайпасы:
Жаран
Комментарийлердин саны:
7
Катталган:
22-03-2017
Соӊку аракети:
20-10-2017 22:14
Жынысы:
Белгисиз
+9
Jakshylykkg, туура айтас олум жазасына тартса жакшы болмок
15.08.2017. 14:09 
Тайпасы:
Жаран
Комментарийлердин саны:
3
Катталган:
13-05-2017
Соӊку аракети:
13-04-2018 17:17
Жынысы:
Белгисиз
+11
Бекер эле адамдын санын кобойтуп камай бербей
15.08.2017. 22:17 
Тайпасы:
Жаран
Комментарийлердин саны:
7
Катталган:
22-03-2017
Соӊку аракети:
20-10-2017 22:14
Жынысы:
Белгисиз
+13
Айбандар, чирип калса экен ошол зордуктоочу жерлери...
15.08.2017. 23:43 
Тайпасы:
Жаран
Комментарийлердин саны:
80
Катталган:
10-12-2013
Соӊку аракети:
19-09-2018 18:56
Жынысы:
Белгисиз
+8
Кудайым деги элибизге ыйман берсинчи. Ушундай окуяларды угуп балдарындан коркосун. Оз кызыкчылыктарын ойлобой ушундай айбандарга катуу жаза колдонсо болот эле бийлик тоболдору.
15.08.2017. 23:47 
Тайпасы:
Тартип бузгандар
Комментарийлердин саны:
54
Катталган:
23-04-2017
Соӊку аракети:
16-06-2018 22:02
Жынысы:
Белгисиз
+4
өлтүрүш керек адам эмес алар!!!
16.08.2017. 04:07 
Тайпасы:
Жаран
Комментарийлердин саны:
50
Катталган:
12-03-2015
Соӊку аракети:
30-06-2018 07:56
Жынысы:
Белгисиз
Калаасы:
Польша
+6
Зордуктап койсо дагы, коркуп,ата энесине айтпай калгандары, укпай калганбыз дагы канча бар? Жазаны айосуз бериш керек. Иш кылаарда ойлоно тургандай.
16.08.2017. 08:43 
Тайпасы:
Жаран
Комментарийлердин саны:
20
Катталган:
06-05-2011
Соӊку аракети:
20-09-2018 14:07
Жынысы:
Белгисиз
+6
мындай айбандарды жазадан кутулткандарды биринчи камаш керек. ошолор акча учун бардыгын кылып атышат
16.08.2017. 11:37 
Тайпасы:
Жаран
Комментарийлердин саны:
7
Катталган:
17-01-2014
Соӊку аракети:
20-09-2018 11:17
Жынысы:
Белгисиз
Калаасы:
Анкара
+5
Эмнеге ушундай окуялар коп болуп жатат.Каттуу чара корушсо болбойбу. Менин оюмча мындай акмактарды элге салып бериш керек таш баранга жол бериш керек. А то милицияларга да ишенич жок акча менен баарын кылып жаап жатат. Мен бир гана таш баранга алып олтурулушун каалайм!!!
16.08.2017. 15:56 
Тайпасы:
Конок
Комментарийлердин саны:
1
Катталган:
15-08-2017
Соӊку аракети:
28-09-2017 11:54
Жынысы:
Белгисиз
+3
Аябай окунучтуу
18.08.2017. 15:02 
Тайпасы:
Жаран
Комментарийлердин саны:
4
Катталган:
14-06-2016
Соӊку аракети:
15-05-2018 17:59
Жынысы:
Белгисиз
+1
Муну камабасанар эртен чыгып башкасын зордуктайт .
19.08.2017. 11:57 
Тайпасы:
Жаран
Комментарийлердин саны:
12
Катталган:
30-04-2017
Соӊку аракети:
26-11-2017 10:04
Жынысы:
Белгисиз
0
Илгери, 7-9 кылымда Кыргыз каганаты окум суруп турган кезде кылмышкерге катаал чара колдонулган экен. Алсак, ууруну кармап алышса аны олтуруп анын башын алышып аркан жип менен атасынын моюнуна илип коюшчу экен. Атасы уулунун башын омур откончо илип журот экен. Уурулук такыр эле жоюлуп жок болуптур. Албетте, заман талабына ылайык,мындай чара колдоно албайбыз. Эн жакшы чечим- олум жазасы. Анын соогун орттоп кулун таштандыга тогуп салуу керек!!!
20.08.2017. 12:50 
Тайпасы:
Жаран
Комментарийлердин саны:
15
Катталган:
22-08-2014
Соӊку аракети:
18-08-2018 21:12
Жынысы:
Белгисиз
Калаасы:
россия тюмень
0
Мындай ишке барган адамды Эл алдында атып салыш керек.
21.08.2017. 16:50 
Тайпасы:
Жаран
Комментарийлердин саны:
1
Катталган:
28-12-2016
Соӊку аракети:
19-09-2018 16:01
Жынысы:
Белгисиз
0
мындайларды бекер эле бага бербей атып олтуруш керек.
22.08.2017. 02:00 
Тайпасы:
Жаран
Комментарийлердин саны:
160
Катталган:
23-05-2015
Соӊку аракети:
20-09-2018 01:33
Жынысы:
Белгисиз
Калаасы:
Ордолуу Ош
0
Телефон менен чалып кайра дайынын таптырбас учун очуруп койгон адам оорулуу болмок беле,эч кандай оорусу жок эле таптаза адамдар кылмыш иши билинип калса психикалык жактан жабыркаган болуп чыга келишет. Сот жообуна тартылбаш учун ушинтип кутуласынар Кудай алдында оз жазанарды аласынар!!! Аллахым озу сактасын мыкаачы адамдардан кичинекей бейкуноо,аруу наристелерибизди
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: