Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

“АК ИЛБИРСТИН ТУКУМУ”

№391 30-апрель - 6-май, 2010-ж.


Кыргыз киносу

“Кыргыз керемети” аталган кино искусствосу эмне үчүн өз учурунда атактуулукка жетишкенин билесизби? Ириде тасмалардын ийгилиги жашоону эч жасалмасыз чагылдырып, ачуу чындыкты ачып бергенинде эле. Ошондой фильмдердин бири – «Ак илбирстин тукуму».

Режиссёру – Төлөмүш Океев
Сценарийин жазгандар – Мар Байжиев, Төлөмүш Океев
Жанры – Драма
Оператору – Нуртай Борбиев
Композитору – Муратбек Бегалиев
Башкы ролдордо – Догдурбек Кыдыралиев, Ашырбек Чокубаев, Алиман Жанкорозова, Марат Жанталиев, Жамал Сейдакматова, Гүлнара Алимбаева, Гүлнара Кыдыралиева

КЫЗЫКТУУ

  • Догдурбек Кыдыралиев бул ролу үчүн 8000 рубль гонорар алган.
  • Сценарийдин негизги бөлүгү “Кожожаш” эпосунан алынган.
  • Зулайка менен Айкенин ролун аткаргандар чыныгы жашоодо жакын санаалаш курбулардан.
  • Карагулдун ролундагы кичинекей бала Айбек азыр үй-бүлөлүү. Бирок ал экинчи ирет тасмага тартылган эмес.

КЫСКАЧА МАЗМУНУ
Мергенчиликти мурас кылып жашап келген кыргыз уруусу кышта ачарчылыкта калат. Өздөрүн “ак илбирстин тукумубуз” деп атап келген бир ууч айылдын үмүтү Кожожаш мергенде эле. Элин кыйын учурда сактап калуу үчүн ашууну ашып, Мундузбай аттуу байдын айылына түшүп жардам сурашат. Эр көкүрөк мергендердин кийин жардамы тиерин билген Мундузбай кабыл алып, элди аман алып калганга жардам берет.
Тагдырдын тамашасы менен Мундузбайдын сулуу токолу Айке менен Кожожаш бири-бирин сүйүп калышат.
Мундузбайдын айылында той болуп, Айке менен Кожожаш жашыруун жолугуп бири-бирин сүйөрүн билдиришип, махабаттуу түндү башынан өткөрүшөт. Сүйүп алган жары Зулайка менен уулу Карагул Кожожаштын бул сезимин билип калышат. Айкенин боюндагы бала Кожожаштан экенин билгени менен, мураскери жок Мундузбай “уулдуу болдум” деп элге жар салат. Айке менен уулунан ажырап калууну каалабаган Кожожаш табияттын мыйзамына каршы турганга аргасыз болот. Аларды алып кетүү үчүн Мундузбайдын айылын чаап алуусу керек эле. Мыкты мылтыктардын (мылтыктарды түрктөр бөкөндүн мүйүзүнө алмашмак) жардамы аркылуу гана Мундузбай менен күч сынаша аларын билген Кожожаш бөкөндөрдү аёосуз кыра баштайт. Ошол мергенчиликте бөкөндүн терисинен кийим кийген өз уулу Карагулду тааныбай атып алат. Карагул “ата” деп күбүрөп алып, бөкөндөрдүн катарына сулап жыгылат.

ТАСМАНЫН ТАРТЫЛЫШЫ
Режиссёр Төлөмүш Океев “Көк серек” фильминен кийин “рахатынан түйшүгү көп жапайы табиятты экинчи тартпайм” деп өзүнө сөз берген экен. Бирок кайрадан “Ак илбирстин тукумун” тартууга киришет. Режиссёрдун бардык эмгектериндей эле бул фильмдин өзөгүн адам менен жаныбардын ортосундагы мамиле, табият мыйзамы түзөт. Аталган тасма 3000-5000 метр бийиктикте жайгашкан Хан-Теңирде тартылган. Бул үчүн Москвадан альпинисттер да чакырылып, алар актёрлордун коопсуздугун көзөмөлдөшкөн. Режиссёрдун эмгеги акталып, кыргыз киносун көрсөтүү укугун дүйнөнүн 35 өлкөсү сатып алышкан. 1985-жылы Берлинде өткөн эл аралык кинофестивалда “Күмүш аюу” сыйлыгын утуп алган. Кийинки жылы Азия өлкөлөрүндө өткөн фестивалда “Дамаск кылычы” сыйлыгына ээ болгон.

КОЖОЖАШТЫН РОЛУНДАГЫ ДОГДУРБЕК КЫДЫРАЛИЕВ:
– Мен анда Москвада окучумун. Төкөм бул фильмге башкы каарман издеп жүрүптүр. Мени жактырып, киного тартылууга чакырып калды. Бул тасмага тартылып калганыма атамдын да салымы зор. Атам Исках кыйын мергенчи болчу. Аны менен чогуу жүрүп Ысык-Көлдүн тоолорунда ат чапканды, аска-зоого чыкканды жакшы өздөштүргөм. Кожожаштын аскадан секиргенин, жүгүргөнүн, ат чапканын мыкты аткарганым менен, эмоциялуу жерлерин ойной албай катуу кыйналдым. Анан да дасыккан актёрлор менен ойнодум да. Кинону Хан-Теңирде, Ат-Башынын тоолорунда, айрым жерлерин Чүйдө тартканбыз.
Кызыктын баары Хан-Теңирде жүргөндө башталды. Караколдон вертолёт менен барганбыз. Көрсө, вертолёт андай жерге коно албайт экен. Вертолёт абада асылып турган учурунда көк жалтаң муздун үстүнө кийимдерибизди, азык-түлүктөрдү тез-тезден түшүрүп салдык. Вертолёт учуп кетти. Жай мезгили болгондуктан, жегенге бадыраң, помидор салып алганбыз. Алар Хан-Теңирдин суугунда тоңуп калат экен. Суук ушунчалык катуу болгондон тамагыбыз бышпай, айтор, көрбөгөн кордукту көрдүк. Съёмка бүтсө да, баягы вертолётубуздан кабар жок. Алар тоонун башындагы тумандан улам бизге келе албай жатышыптыр. Тамак-ашыбыз түгөнүп калган. Айлабыз кетип жөө баралы десек, муздун жаракасында кала турганбыз. Бир жума катуу кыйналдык. Акыры вертолётту көргөндө Аляскада калгандай эле ураалап кыйкырган элек.
– Кожожаш аскада жабышып турган эпизод өтө коркунучтуу көрүнөт...
– Бардыгын дублёрсуз өзүм аткаргам. Менин аскада жүргөнүмө аябай таң калышкан альпинисттер: “Сен бийик зоолорду багынтасың. Жүрү, биз менен”,- дешти. Мен алардын сунушун кабыл алган жокмун. Себеби үшүп-шишип зоодо жүргөн жаккан жок. Кээде чын эле укмуш зоолордон өттүк. Касендин ролун аткарган Ашыр Чокубаевдин балдары бар болчу. Ал “мен өлүп калсам балдарымды ким багат? Сенин балдарың жок, ошон үчүн музда сен биринчи бас” деп тамашалап калчу.
– Кинодогу илбирстердин алышканы, бөкөндөрдүн кырылганы, Суречкини кууган учурлар бар. Таң калганым, ошол жаныбарларды кайдан алып тарткансыздар?
– Режиссёр атайын мергенчилерге “илбирс кармагыла” деп буйрук берген. Үч жашар илбирстин баласын мергенчилер кармап келишкен. Кийин Москвага зоопаркка өткөрдүк. Ал эми Суречкинин өзгөчө тарыхы бар. Аны да мергенчилер кармап келишкен. Аны кубалап жүргөн учурду тоону тор менен тосуп, анан тартканбыз. Съёмка бүткөндөн кийин атайын капасына камап койчубуз. Элдин баары эле баягы эчкиге чөп бере берчү. Мен да бир жолу чөп берейин десем мени жек көрө тиктеп, мүйүзү менен катуу сүзүп жиберип жатпайбы. Көрсө, аны таш менен уруп, тоодон- тоого кубалай бергенимди эчки билип калыптыр. Жаныбардын да ушунчалык жек көрөрүнө таң калгам.
Кийин кино тартып бүткөндө Суречкини союп, шишкебек кылабыз деп калышты. Мен анын көз карашын эстеп калган экем. Төкөмө барып “эчкини сойбой эле зоопаркка өткөрүп жиберели. Бул касиеттүү жаныбар. Бизге ийгилик алып келет” дедим. Ошентип, Суречкини араб өлкөлөрүнө зоопаркка өткөрдүк. Эчки менен кол булгалап катуу коштошконбуз. Айткандай эле тасмабыз көп ийгиликтерге жетишти. Ал эми бөкөндөрдү Казакстандагы Моюнкум чөлүнөн тартканбыз.
– Маегиңизге чоң рахмат.

Нуржамал Жийдебаева
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(3)
03.05.2010. 22:47 
Тайпасы:
Кыймылы жок
Комментарийлердин саны:
15
Катталган:
27-03-2010
Соӊку аракети:
22-12-2012 13:15
Жынысы:
Белгисиз
0
"Эчкини сойбой эле зоопаркка өткөрүп жиберели. Бул касиеттүү жаныбар. Бизге ийгилик алып келет???"

Эми эчки эле калды эле да "ийгилик алып келе турган"

А так, сонун тасма го.. Классика...
10.05.2010. 03:12 
Тайпасы:
Кыймылы жок
Комментарийлердин саны:
11
Катталган:
30-04-2010
Соӊку аракети:
18-04-2015 15:47
Жынысы:
Белгисиз
0
Кор пендечиликке салбай кичине болсо да шикебекке кызыкпай жаныбарды аяган сезим и совет доорунун тарбиясы азыр 1жума эмес 1кун ачка калсын актёрлор сур эчки эмес илбирс баарысын кошуп жеп жиберишер.Адамдардын пейли ойдо жудаа бузулду го эх чиркин
10.05.2010. 03:14 
Тайпасы:
Кыймылы жок
Комментарийлердин саны:
11
Катталган:
30-04-2010
Соӊку аракети:
18-04-2015 15:47
Жынысы:
Белгисиз
0
Кинону кайсыл жерден жуктосо кочуруп алса болот КЫРГЫЗДЫН ШЕДЕВР КИНОЛОРУН. Супер инфо ушуну тузбойсунорбу КЫРГЫЗ кинолорунун архивин. Келгиле баардыгыбыз комоктошолу...
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: