Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Кенже Кубатова, Кыргыз Республикасынын Эмгек сиңирген артисти: «ЭНЕМИН ДА, ЖҮРӨГҮМ БАЛАМ КИШИ КОЛДУУ БОЛУП КАЗА ТАПТЫ ДЕП СЕЗИП ЖАТАТ»

№771 11-17-август, 2017-ж.


Ушул жылдын 30-июнь күнү коомчулукка суук кабар тарап, ырчылар Токтобек Асаналиев менен Кенже Кубатованын уулу Канат Наматбеков каза тапкан. Уулун жоготкон Кенже Кубатова «1 күнү жакшы жүрсөм, 10 күнү төшөктө жатмай, 3 күнү жакшыраак бассам, 5-6 күн баспай жатмай...» деп муңкана маек куруп берди.

– Кенже эже, саламатсызбы? Эне үчүн баласынан айрылгандан өткөн кыйноо да, сыноо да жок болуш керек. Уулуңуз Канаттын жаткан жери жайлуу болсун. Бул суук кабарды сизге ким угузду?
– Азыркыга чейин эле эмне болгонун түшүнүп-түшүнбөй, эс-мас абалдамын. Канат каза болордон 3 күн мурун жаным кыйналып бир кызыктай боло бердим, көрсө, жүрөгүм жамандыкты сезген тура. Жолдошум Зайнидин (ред.: Иманалиев) «1 күн болсо да тоого чыгып таза аба жутуп, кымыз ичип келели» деп дал ошол каза болгон күнү, 30-июнда жайлоого чыкканбыз. Ошол жакта жүргөндө түшкү саат 3-4төрдө абышкама акын Мирлан Самыйкожо чалып кабарлаптыр. Мага болсо жүрөгү кармап калат деп жайлоодон түшүп келгенден кийин, кечки саат 6-7лерде кошуна-колоңдор чогулуп келип угузушту.
Анан менин жүрөгүм кармап эс-учумду жоготуп Кочкордогу оорукананын жандандыруу бөлүмүнө түшүп калыптырмын.Буту-колум иштебей жакындарым сүйөп барып, сүйөп келишти. Сөөк чыгарар күнү таң эрте «Канатымды көрөм» деп болбой жатып кирдим. Кирип эле баламды тааныбай калдым... Жалгызым, ай... Көпкөк эле бир нерсе жатканын көрүп эжеме «бул ким?..» деп айтканымды билем. Мага балам кепин эмес, мүшөккө салынгандай сезилди. Мен ал жакка жеткиче «чекесинен сылап, ак сүтүмдөн кечтим деп айт» деп какшап барышкан. Анан баламдын чекесинен сылайынчы деп карасам мурдунан аккан каны да сүртүлбөптүр, эки чыкыйы тең сыйрылгансып калыптыр. Эки кашынын ортосунда гана кан болбогон жери бар экен, ошол жеринен болсо да сылайын десем, сылаттырбай коюшту. Эжем «сени ошол эңкейип кучактаган бойдон жүрөгү кармап турбай калат го деп ойлодук» дейт. Энемин да, жүрөгүм балам киши колдуу болуп каза тапты деп сезип жатат, билбейм.
Сөөктү чыгарып жатканда оюмда жакшы эле кыйкырып жаткам «карегим, жалгызым каралдым...» деп, менин жакшы эле үнүм бар экенин билесиңер го. Бирок эжемдер айтышты, эч үнүм чыкпаптыр...

– Токтобек агай менен чоо-жайын сүйлөшүүгө мүмкүнчүлүк болдубу?
– Жок. Менин 2 бутум баспаган оор абалымды көрүп туруп Токтобек деле, ошол жакта жүргөн сакалдуусу же Токтобектин теңтуштарынан шайланып чогулуп келип бир себебин түшүндүрүп айтып коюшпайбы? «Сен азыр сөөктү көрөсүң. Ар кандай ой келбесин, тиги-бу» деп. Мен аларга эмне жамандык кылдым?! Керек болсо аларга тулпардай болгон келечектин чоң комузчусун төрөп бердим. Канат Асаналиевдердин үйүндөгү эң биринчи эркек небере болду.
Сөөк чыккан күнү ден соолугум начарлап кайра Ат-Башынын ооруканасынын жандандыруу бөлүмүнө түштүм. Эсиме келгенде Канат менен кошо ууланды деген Токтобектин карындашынын баласына кирип сурайын десем, киргизбей коюшту. Алардын айтымында, порошокту Канат алып келген имиш. Жанындагысы бир-эки жолу тартып көргөндөн кийин эле эс-учун жоготуптур. Анан Канат жүрөгү ооруп жүргөндүктөн көп тартып алып жүрөгү токтоп калды деп айтышты. Канаттын жүрөгү башка себептер менен оорушу мүмкүн, бирок мурда-кийин чексе билинмек, жөн жерден жаманатты кылып жатышат. Балам жылыга эле каникулга барып аман-эсен келчү, анан кандай эле быйыл порошок пайда болуп калды, аны ким алып келиптир? Андай кишини өлтүрчү күчтүү порошок арзан акчага келбейт да же Канатта андай акча болбосо? Ал порошокту чеккенге ким түрткү болуп жатат? Жалгыз баласынын сөөгүн көргөн эне эле эмес, башкасы деле күмөн ойлойт да, туурабы?!
Өз туугандарында өлгөн үчүн унчукпай турушат, менин колумда жүрүп каза болсо «өлтүрдүң-житирдиң» деп тамтыгымды чыгарышмак. Же мени бакпай калганым үчүн басынтып жатышабы?!
Андан кийин деле «киши колдуу болгон го, э? Сотко бербейм, эч нерсе кылбайм, айтып койгулачы санаам тынчысын» деп Токтобектин эжесинен, карындашынан, мен тааныган адамдардан сурай бердим, баары эле ийин куушурат. Алар эле акылдуу, мен таптакыр келесоо эмесмин да. Бизде да тааныш-билиш бар судмедэкспертизада, укук коргоо органдарында иштеген, аларга баламды сүрөттөп айтып берсем, «нашаанын кандай түрү болбосун же нашаага окшош башка чөппү, 1-жолу тартабы же көп жолу тартабы андан өлгөндө мурундан кан кетпейт. Башка себеби бар го» деп айтып жатышат. Мен болгону көргөнүмдү айттым, киши колдуу болуп өлүптүр деп так айткан жокмун.
Кудай сүйүп берген пендесин сүйүп алды. Балам өлүп калгандан кийин териштиргенден табар пайдам эмне? Болгону баламды тынч уктатпай эки күндүн биринде ушул жерде мушташып ызы-чуу болуп жүргүм келбейт. Абышкам «эл болгондон кийин бир күн болбосо бир күн угулат. Ажал улук, алып кетти баланы. Териштирип эмне кыласың, өзүңдү кара» деп сооротуп отурат.
3-августта кыркылыгы өттү, куран окуттук.

– Буга чейин Канат менен байланышып, жолугуп турчу белеңиз?
– Ооба. 2014-2015-жылы Бишкекте катарынан концерт бердим, биринчи концертиме катышкан. Жанында болбосом да сыртынан сураштырып, көзөмөлдөп турчумун.
2016-жылы августта Бишкекке көчүп бардым иштейм деп, үй-бүлөм Кочкордо калды. Искусство университетинде, Нурзат Токтосунованын мектебинде, Мирлан Самыйкожонун окуу жайында, №5 музыкалык мектепте да иштедим. Бишкекте эл мени кучагын жайып тосуп алат, 2 күндүн биринде тойго барып ырдап укмуш болуп кетем деп ойлоптурмун. Андай болгон жок, азыркы заман башка болуп калыптыр. Бир топ кыйналдым-чайналдым. Анан ойлонуп, мени ким бул жакта кыйналып иште деп жатат деп ушул жылдын май айында кайра келе бергем. Бишкекте жүргөндө бир жолу Искусство университетине устатым Улукмырза Полотовго жолукканы барсам, Канат жүрүптүр. Ошол жерден жолугуп сүйлөшкөнбүз, акыркы жолу көргөнүм, сүйлөшкөнүм ошол болуптур.

– Канаттын балалыгын эске салсаңыз...
– Тун уулумду 19 жашымда, студент кезимде төрөдүм. 1 жашка чейин эмизип бактым, анан бир чети эмчектен чыгарайын деп, бир чети Токтобек 1 айга Америкага кетмек болуп, "сен кыйналасың, апам багып берсин" деп сүйлөшүп чоң ата, чоң энеси Ат-Башыга алып кетишти. Баласаак жаным башында боздоп ыйлап жүрдүм, Токо «Америкадан келгенде барып келебиз» деген, бирок келгенден кийин «сени көрсө ыйлайт, алып келип алсак кантип окууну бүтүрөбүз» деп алып барбай койду. 4 айдан кийин барсам балам мени тааныбай калыптыр, кийин баскан-турганын сүрөткө тартып келип тынчтандырып койчу.
5 жашка чыкканда гана алып келип, «мына, бербейсиң эле дейсиң. Өзүң окутуп, тарбиялап ал» дешти. Айылдын кенен жашоосуна көнгөн балам башында айылды сагынып кыйналып жүрдү. 6 жашында №69 орто мектепке, ошол эле учурда комузга бердик. Жарым жылча кыйналды, анан жөндөмдүүлүгүнүн арты менен жетишип кетти. Азыркы жолдошум Зайнидин устаты болуп 3 жыл окутту, анын аркасы менен балам 8 жашында эл аралык «Түрк дүйнөсү» фестивалына катышып, алтын медалга татыган.
Тагдыр жазмышы менен Токо экөөбүз Канат 8 жашка чыкканда ажыраштык. 1 жылдай балам экөөбүз жалгыз жашадык, атасы туулган күнүндө белек-бечкегин берип турчу. Менин катуу кармаганым, «сабак оку, комуз черт» дегенимден качтыбы, же балалык кылдыбы, «атам менен жашайынчы» деп туруп алды. Чечимине каршы болбой коё бердим, бирок көпкө чейин балама таарынып ыйлап жүрдүм.
Жолуксак эле ыйлай берчүмүн, «апа, ыйлабаңызчы, мен чоңойдум, сизге жаман сөз тийгизбейм. Сарсанаа болбоңуз. Сиздей ырчы жок Кыргызстанда, өз баркыңызды билбей жүрбөйсүзбү» десе «ии, чоңоюп, ак-караны таанып калган тура» деп сүйүнгөн элем. Чоңойгондо деле бир серпилген кабагын көргөн жокмун баламдын. Кыздарымды көрүп, учурашып жүргөнү менен, жакындан таанышканга жетишпей калды.
Канаттын «башка өлкөгө барып окуп, иштесем» деген кыялы ишке ашпай калды. Анан дагы "өзүмдүн жаз же рок группамды түзөм" деп максат кылчу. Мен деле мейли чет жерге чыкса, үйлөнүп-жайлангандан кийин апам деп кайрылып келсе келер, болбосо балама таарынмак белем дечүмүн. Кийин бакпаса деле мейли, басып жүргөн карааны канча эле баламдын... Караанына эле семирип жүрүптүрмүн го... Жаш болсо да артына из калтырып кетти, элине таанылды, ошого шүгүр айтып отурам эми.

– Канаттын жаркын элеси бүтүндөй кыргыз элинин эсинде сакталат. Сабыр кылыңыз. Маегиңизге рахмат.

Асыл Орозбекова
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  3 
Комментарийлер(15)
15.08.2017. 09:56 
Тайпасы:
Жаран
Комментарийлердин саны:
203
Катталган:
28-01-2012
Соӊку аракети:
23-09-2018 23:47
Жынысы:
Белгисиз
Калаасы:
белгисиз
+29
Сабыр кылыныз эже, эч кимге баланын жамандыгын корсотпосун. Арманыныз тоодой, бакпай калганыныз бир арман болсо, жаш кеткени андан ашып тушуптур. Канаттын жаткан жери жайлуу болсун...
15.08.2017. 10:11 
Тайпасы:
Жаран
Комментарийлердин саны:
320
Катталган:
01-02-2017
Соӊку аракети:
23-09-2018 07:15
Жынысы:
Белгисиз
+26
Сабыр кылыңыз эже. Эч бир ата эне баласынан айрылбасын.
15.08.2017. 17:02 
Тайпасы:
Жаран
Комментарийлердин саны:
34
Катталган:
14-12-2013
Соӊку аракети:
23-09-2018 01:41
Жынысы:
Белгисиз
-15
Kantip berdi birinchi balasin kuioosuno,ene bolup turup, baikush bala karalbai kalgan eken da, bawka kuiogoo tiyip baldarin torop, bul bala keregi jok bolup kalgandai. Negizi bala ene menen ele bolgonu jakwi ajirawkanda...... Enedei balani ech kim karabait, tuura emes kilgansiz balani atasina jiberip
17.08.2017. 10:41 
Тайпасы:
Жаран
Комментарийлердин саны:
131
Катталган:
08-03-2016
Соӊку аракети:
24-09-2018 00:48
Жынысы:
Белгисиз
+4
laboom,бала өзү атасы менен жашайынчы деген деп атпайбы
18.08.2017. 19:00 
Тайпасы:
Жаран
Комментарийлердин саны:
34
Катталган:
14-12-2013
Соӊку аракети:
23-09-2018 01:41
Жынысы:
Белгисиз
-5
mishonia8077,jakwi eneden bala ech kachan kachbait
17.08.2017. 23:03 
Тайпасы:
Жаран
Комментарийлердин саны:
300
Катталган:
07-08-2014
Соӊку аракети:
10-05-2018 22:54
Жынысы:
Белгисиз
Калаасы:
Ай
+2
laboom,аны Сен башына келгенде тушуносуздор
18.08.2017. 19:03 
Тайпасы:
Жаран
Комментарийлердин саны:
34
Катталган:
14-12-2013
Соӊку аракети:
23-09-2018 01:41
Жынысы:
Белгисиз
-4
Deniza88,senin bashina kelip tushunup oturasinbi...? Men tushunup ele atam, birok balani oz enesinen bashka adam jakshi karabait, ene degen ene...
19.08.2017. 08:31 
Тайпасы:
Жаран
Комментарийлердин саны:
102
Катталган:
15-04-2014
Соӊку аракети:
23-09-2018 21:37
Жынысы:
Белгисиз
0
laboom,атасы бербей койгон. Колокого карап тон бычпагын, тууган.
20.08.2017. 19:29 
Тайпасы:
Жаран
Комментарийлердин саны:
659
Катталган:
31-05-2017
Соӊку аракети:
23-09-2018 14:41
Жынысы:
Белгисиз
+1
laboom,баласынан айрылып олтурса,космостон суйлогонунорго жол болсун. Ким билет тцрмушунда эмне болгонун бул ырчынын
21.08.2017. 02:19 
Тайпасы:
Жаран
Комментарийлердин саны:
34
Катталган:
14-12-2013
Соӊку аракети:
23-09-2018 01:41
Жынысы:
Белгисиз
0
Nanei,osho kim bilet, maga dagi jalko ejeni dagi, balasina dagi, andaidi ech kimge berbesin negizi, birok ar bir bala enesi m.n jawaw kerek degen oidomun
22.08.2017. 21:56 
Тайпасы:
Жаран
Комментарийлердин саны:
6
Катталган:
26-02-2016
Соӊку аракети:
19-09-2018 02:43
Жынысы:
Белгисиз
Калаасы:
Россия
0
laboom,ой тообоо апасында эмне жазык?Айтып жатат бала озу кетти деп.Озу атам менен жашайм десе апасы каршы болмок беле.Бала деле атасы менен жашагысы келгендир.Бироонун кайгысы зоодой болуп турса билип-билбей туруп энеси жакшы караган эмес деп жазганыныз туура эмес го.Эмне болгонун бир оздору бир Кудай билет
16.08.2017. 19:34 
Тайпасы:
Жаран
Комментарийлердин саны:
105
Катталган:
21-07-2014
Соӊку аракети:
23-09-2018 19:13
Жынысы:
Белгисиз
Калаасы:
Деңиз жээгинде.
+3
Алла рахматына алсын! Эжеге сабыр тилейм!
16.08.2017. 19:47 
Тайпасы:
Жаран
Комментарийлердин саны:
103
Катталган:
12-03-2016
Соӊку аракети:
22-06-2018 15:55
Жынысы:
Белгисиз
Калаасы:
Санкт-Петербург
+7
Жаткан жери жайлуу болсун
17.08.2017. 15:38 
Тайпасы:
Конок
Комментарийлердин саны:
16
Катталган:
16-08-2017
Соӊку аракети:
17-10-2017 17:17
Жынысы:
Белгисиз
+3
Кенже эже сабыр кылыныз. Канаттын жаткан жери жайлуу болсун. Мындай азапты эч бир ата-эненин башына салбасын.
17.08.2017. 16:16 
Тайпасы:
Жаран
Комментарийлердин саны:
212
Катталган:
15-08-2017
Соӊку аракети:
22-09-2018 18:23
Жынысы:
Белгисиз
+3
Сабыр берсин сизге.Баарынан да ата-энеден мурда баланы алып кетпесин кудайым
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: