Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

САЯСАТ ЖАНА КООМ ЖАҢЫЛЫКТАРЫ

№391 30-апрель - 6-май, 2010-ж.


ЛУКАШЕНКО БАКИЕВДИ КАЙТАРЫП БЕРҮҮГӨ АРГАСЫЗ БОЛОТ
Убактылуу өкмөт Жогорку Кеңештин ыйгарым укуктарына ээ болгондуктан, мурунку президент Курманбек Бакиевди юридикалык жактан кол тийбестигинен ажыратуу жөнүндө декрет кабыл алды”,- дейт Убактылуу өкмөттүн төрайымынын орун басары Азимбек Бекназаров. Анын айтымында, эми укук коргоо органдарынан аны кармоону сурашат. Андан сырткары мурдагы мамлекет башчыны күчтөп алып келүү декрети даярдалып жатканын жана ага жакында кол коюларын билдирди. Беларусь өлкөсү Курманбек Бакиевди Кыргызстанга берүүдөн баш тартса да, Эл аралык конвенция боюнча кайра мекенине жөнөтүүгө аргасыз болот. Курманбек Бакиевге Баш прокуратура тарабынан КЖКнын 97-беренеси (массалык өлтүрүү) жана 304-беренеси (кызмат абалынан кыянаттык менен пайдалануу) боюнча кылмыш иши козголгон.


КУРМАНБЕК БАКИЕВГЕ КӨП АЯЛДУУЛУК БОЮНЧА
КЫЛМЫШ ИШИ КОЗГОЛОБУ?
Кыргызстандагы укук коргоочулар Көп аялдуулук беренеси боюнча Курманбек Бакиевге каршы кылмыш ишин козгоону талап кылып жатышат. Укук коргоочу К.Умуралиеванын айтымында, К.Бакиев Кылмыш-жаза кодексинин 153-беренесин бузуп, бир эле убакта бир нече аялга үйлөнгөн. Беларуска Айнагүл аттуу жубайын, 9 жашар кызын жана 5 жаштагы Акжол аттуу уулун алып кеткендиги билинген соң «мурунку ажо көп аял алгандыгы үчүн да сот жообуна тартылышы мүмкүн» деген пикирлер айтылды. Бирок бул маселе көптөгөн аткаминерлерге жакпай турганы анык. Анткени экс-президент бул иши боюнча мыйзам алдында жооп берсе, артынан бир топ чиновник, саясатчы, депутаттарды чуурутуп ала кетиши мүмкүн.
Эскерте кетсек, К.Бакиевдин расмий түрдөгү жубайы Татьяна Бакиева болуп эсептелет. Алардын ортосунда Марат жана Максим аттуу балдары бар экени жалпы журтка маалым.


7-АПРЕЛЬ ОКУЯСЫ: 9 АДАМГА КЫЛМЫШ ИШИ КОЗГОЛДУ
Башкы прокуратура Бишкек шаарындагы «Ала-Тоо» аянтында 7-апрель күнү болуп өткөн окуяга байланыштуу 9 кишиге кылмыш ишин козгоду. Алар кызмат абалынан ашыкча пайдалануу жана адамдарды өлтүрүү боюнча айыпталышууда. Алсак, Мамлекеттик күзөт кызматынын (МКК) төрагасынын мурунку орун басары Данияр Дунганов жана мурунку Коргоо министри Бакыт Калыев камакка алынган. Президенттин Коргоо жана коопсуздук иштери боюнча мурунку мамлекеттик кеңешчиси Элмурза Сатыбалдиев өз ыктыяры менен келип, көрсөтмө берүүдө. Мурунку Ички иштер министри Молдомуса Конгантиев Москва шаарынан кармалып келинип, учурда ага да “кызмат абалынан ашыкча пайдаланган” деген айып коюлуп, камакка алынган. “Конгантиев учурда МУКК­нын тергөө изоляторунда. Ага врачтар жана жакындары тоскоолдуксуз киргизилүүдө”,- деп билдирет Азимбек Бекназаров. МККнын мурдагы төрагасы Жаныш Бакиев, Мамлекеттик улуттук коопсуздук кызматынын мурунку башчысы Мурат Суталинов, МУККнын башчысынын мурунку орун басары Марат Бакиев, мурунку өкмөт башчы Данияр Үсөнов жана МККнын төрагасынын мурунку биринчи орун басары Н.Темирбаевге сырттан айып коюлуп, бешөөнө издөө жарыяланды.


ЭКИНЧИ ЖОЛУ ТӨРАГАЛУУ БОЛГОН БШК
Борбордук шайлоо комиссиясынын төрагасынын милдетин аткаруучу болуп Акылбек Сариев шайланды. Буга чейин Убактылуу өкмөт тарабынан аталган кызматка “Жарандар паракорчулукка каршы” укук коргоо борборунун төрайымы Т.Исмаилова дайындалган эле. Бирок ал жетекчиликтен баш тарткан. Андан сырткары жаңы декрет боюнча БШКга 19 мүчө бекитилмек. Анын ичинен алтоо БУУнун өкүлдөрү болмок. Бирок мындай уюмдун кайсы бир өлкөнүн ички ишине кийлигишүүгө укугу жок экени эске алынып, алар мүчөлүккө кабыл алынган жок.
Акылбек Сариев Каржы министринин милдетин аткаруучу Темир Сариев менен эч кандай туугандыгы жок, болгону фамилиясы окшош.


КЫРГЫЗСТАН-КАЗАКСТАН ЧЕК АРАСЫ АЧЫЛА ЭЛЕК
Кыргызстан тарабынан Казакстандын чек арасын ачуу боюнча өтүнүчтөргө карабастан жол ачылган жок. “Чек араны күчөтүлгөн режимде коргоо улантылып, өткөрүү пункттарындагы чектөө алына элек”,- дейт Казакстандын чек арасынын өкүлү. Ал Кыргызстандын ичиндеги кырдаал жөнгө салынгандан кийин гана ачылышы ыктымал. Маалыматтар боюнча жабылган чек аралардын айынан эки тараптуу зыяндын көлөмү миллиарддаган сомго жеткен. Ошондой эле кыргызстандыктардын Казакстанда жүрүү эрежеси 90 күндөн 30 күнгө кыскартылды. Бул тууралуу Казакстандын Бишкектеги элчилиги билдирүү таратты. Ага ылайык, мындан ары Казакстандын аймагына кирген кыргызстандыктар барган жериндеги дарек боюнча 5 календарлык күн аралыгында милициянын каттоосуна туруусу керек. Андан кийин 30 күн визасыз жүргөнгө укуктуу болот. Кошумчалай кетсек, кыргызстандык атуулдар 2008-жылдын 1-июлунан тарта каттоосуз жана визасыз Казакстанда 90 күн эркин жүрүүгө укуктуу болчу.


ЖАШТАРДЫН ИШИ БОЮНЧА МИНИСТРЛИК ТҮЗҮЛӨТ
Убактылуу өкмөт жаштардын иши боюнча министрлик түзүү жөнүндө декрет кабыл алды. “Жаштар 7-апрелдеги окуяда өлкөдө бийликтин алмашышына салымын кошуп, жан беришти”,- дейт Убактылуу өкмөттүн төрайымынын орун басары Алмазбек Атамбаев. Ал эми Каржы министринин милдетин аткаруучу Темир Сариевдин айтымында, бир катар органдардын аппараты кыскартылат. Анын эсебинен бөлүнгөн каражат жаңы түзүлгөн министрликке сарпталат. Андан сырткары Инвестиция жана инновацияны өнүктүрүү боюнча борбордук агенттиктин имараты аталган министрликке өткөрүлөт.
27-28-апрелде өткөн жаштар форумунда бир катар уюмдар Убактылуу өкмөттүн курамында жаштарга кызмат берилишин талап кылышты.
Ошондой эле Кыргызстандагы бир топ жаштар уюму биргелешип “Кыргызстан Улуттук Жаштар Конгрессин” 3-майда Бишкектеги Улуттук филармонияда өткөрүү чечимин кабыл алышты. «Андыктан Кыргызстандын келечегине кайдыгер карабаган жүрөгүндө оту, журт сүйөрлүк деми, жүлүнгө жетер кеби, келечекти түзүүгөөэби бар бардык жаштар келип, омоктуу ойлорун ортого салып кетсе» дешет Конгресстин уюштуруучулары. Бардык каалоочуларга эшик ачык.
Уюштуруу комитети: (0312) 911 618; (0778) 858 416; (0772) 546 511.


УТРК КООМДУК ТЕЛЕКАНАЛГА АЙЛАНАТ
Кийинки аптадан баштап Кыргызстандын Улуттук телерадиокорпорациясы Коомдук телевидение болуп түзүлөт. Бул тууралуу Убактылуу өкмөттүн төрайымынын орунбасары Өмүрбек ­Текебаев билдирди. Анын айтымында, өлкөдөгү илимий жана маданий ишмерлерден, саясатчылардан, коомдук лидерлерден турган Байкоочу кеңештин курамына 15 адам киргизилет. “Мамлекет тарабынан каржыланганы менен аталган телеканал, бийликке эмес коомго кызмат кылат”,-­ дейт Өмүрбек мырза.


БАШ МЫЙЗАМДЫН ЖАҢЫ ДОЛБООРУ ЖАРЫЯЛАНДЫ
Убактылуу өкмөт Конституциянын жаңы долбоорун коомчулуктун талкуусуна сунуш кылды. Анда президенттин ыйгарым укуктары чектелген. Мисалга алсак, жаңы долбоор боюнча президент өз алдынча референдум жарыялай албайт. Референдумду 300 миң шайлоочу же Жогорку Кеңештин депутаттарынын көпчүлүгүнүн демилгеси менен гана жарыялоого мүмкүн. Ошондой эле бир палаталуу ЖКдагы 90 депутаттык орунду 105 же 120га чыгаруу сунушталган. Коомчулуктун талкуусунан соң аталган долбоор 19-майда такталат. Ал эми 27-июнда жаңы Баш мыйзамды кабыл алуу боюнча жалпы Элдик референдум өткөрүлөт.


КЫРГЫЗСТАНДЫ БӨЛҮҮ ЖӨНҮНДӨ ЧАКЫРЫК ТАШТАГАНДАР КИМДЕР?
“Демократиялык Түштүк Кыргызстан Республикасын түзүү” тууралуу үгүттөө кагаздары калктын арасында таркатылып жатат. Анда мурдагы мамлекет башчы Курманбек Бакиевдин 7-апрелдеги кандуу окуяга тиешеси жоктугу жана ага оппозиция мүчөлөрү жооптуу экендиги айтылган. “Азаттык” маалымат агенттигинин айтымында, мындай кагаз менен компакт-дисктерди ачык эле базарларда таратып, үйлөрдүн алдына таштап кетишүүдө. Ички иштер министринин милдетин аткаруучу Бактыбек Алымбековдун айтымында, ушундай маанидеги кагаз жана кассеталар Ош облусунун Кара-Суу районунда, Жалал-Абад облусунун Сузак, Базар-Коргон жана Ноокен райондорунда жайылтылган. Ички иштер министрлигинин басма сөз кызматынын маалыматы боюнча чакырык таратып жүргөндөрдүн аты-жөнү такталып, аларды жоопкерчиликке тартуу маселелери чечилип жатат.


БЕРМЕТ АКАЕВА БИШКЕКТЕ
Кыргызстандын экс-президенти Аскар Акаевдин тун кызы Бермет Акаева мекенине эки жарым жылдан кийин кайтып келди. Ал “CA-News” агенттигине берген маегинде 7-8-апрелдеги кандуу окуяга Акаевдинүүй-бүлөсүнүн эч кандай тиешеси жоктугун билдирген. Өзү болсо бул күндөрдө Москвада болгондугун жана саясатка аралашуу боюнча конкреттүүүчечим кабыл ала электигин да билдирди.


ЭКС-ПРЕЗИДЕНТТИН ИШ БАШКАРМАЛЫГЫНАН АКЧА ТАБЫЛДЫ
Кызматтан кетирилген президент Курманбек Бакиевдин иш башкармалыгы тинтүүгө алынды. Тинтүү кезинде ири суммадагы акча табылган. Бул тууралуу Башкы прокуратуранын басма сөз кызматы билдирди. Маалыматка караганда, тинтүү учурунда 11 миллион 139 миң сом, 52 миң 887 доллар, 25 миң 340 евро, 44 миң 384 рубль, 52 миң 520 беларусь рубли, 1 миң 250 чех крону жана 2 миң 200 венгер форинти табылган. Табылган акчалар Улуттук банкка өткөрүлүп берилди.


АЙРЫМ ИШКАНАЛАР МАМЛЕКЕТТИН КАРАМАГЫНА КАЙТАРЫЛДЫ
Бишкек мунайзат компаниясы жана Бишкек арак заводунун улутташтырылганы маалым болду. Айта кетсек, Бишкек мунайзат компаниясы Максим Бакиевге таандык болчу. Ал эми Бишкек арак заводун Аскар Акаевдин үй-бүлөсү мамлекеттен өз карамагына өткөрүп алышса, Бакиев бийликке келгенде завод мурунку “үй-бүлөдөн” кийинки “үй-бүлөгө” өткөн.
Ошондой эле «МеgаСом» уюлдук компаниясынын 49 пайыз акциясы мамлекеттин карамагына өткөрүлдү. Кирешелүү компаниянын калган 51 пайызы боюнча иликтөө уланууда.


БИШКЕКТЕ ЫСЫК СУУ БЕРҮҮ 11-МАЙДА ТОКТОТУЛАТ
Шаардын жылуулук түйүндөрүндө оңдоо иштерин жүргүзүү максатында ысык суу берүү 11-майдан 11-июнга чейин токтотулат. Бул убакыт аралыгында 2010-2011-жылдагы жылытуу сезонуна даярдык көрүлөт. Бул тууралуу Бишкек мэриясынан билдиришти.

Айбек Кочкоров, Эльвира Караева
politika@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(14)
05.05.2010. 13:00 
Тайпасы:
Кыймылы жок
Комментарийлердин саны:
7
Катталган:
26-04-2010
Соӊку аракети:
16-08-2010 15:08
Жынысы:
Белгисиз
0
Posmotrim chto nashi budushie ministry i president sdelajt...Nadejus oni opravdajut nashi ojidanija.Kak to ne veritsja.
05.05.2010. 14:21 
Тайпасы:
Жаран
Комментарийлердин саны:
225
Катталган:
19-03-2009
Соӊку аракети:
16-06-2018 11:26
Жынысы:
Белгисиз
Калаасы:
Бишкек
0
Я лично не верю, и старой и новой власти, надо совсем политика 2-или 3-уровня избирать,презилентом станет если из действуюших министром, я уверен картина не поменяется. Среди них нету талкого политика.
05.05.2010. 14:32 
Тайпасы:
Комментарийлердин саны:
0
Катталган:
01-01-1970
Соӊку аракети:
01-01-1970 00:00
Жынысы:
Белгисиз
0
Бермет Акаева Кыргызстанга спокойна еле кирип чыгып жатса, значить 2,5жылдан кийин Бакиевтин уй-булосу да келип кетип турат турбайбы е Кыргызстанга?
05.05.2010. 15:52 
Тайпасы:
Кыймылы жок
Комментарийлердин саны:
104
Катталган:
30-04-2010
Соӊку аракети:
03-09-2015 17:52
Жынысы:
Белгисиз
Калаасы:
Бишкек
0
Бермет Акаева эмне жок дейм да, кыйратып ийчудой болуп. Жыргатса мурун эле жыргатпайт беле.
05.05.2010. 23:33 
Тайпасы:
Кыймылы жок
Комментарийлердин саны:
2
Катталган:
05-04-2010
Соӊку аракети:
06-07-2013 16:45
Жынысы:
Белгисиз
0
кыргызстан бутуна туруп кетээрине козум жетпейт, политиктердин баары бир бироосу президент болот да ошол эле плостинка айлана берет,кыргызстанда калган бар нерсени сатып ал деле качып кетет
06.05.2010. 16:54 
Тайпасы:
Комментарийлердин саны:
0
Катталган:
01-01-1970
Соӊку аракети:
01-01-1970 00:00
Жынысы:
Белгисиз
0
Конгантиевди азыр соттор камап жатат.Анан 5 жылдан киыин дагы кокус ынкылап бол4у болсо ошол эле сот кайра актап койот.Исаков деле ошондой болбодубу.Эми Бакиевдин жугурдоктору оппозиция болот дагы убактылуу окмоттун иштерин чукулап баштайт.Ушинтип айлана берет.Бирок,10 жылдан кийин азыркы советтин калдыктарыны суруп салчулар келет.Гарантия 100%
06.05.2010. 16:57 
Тайпасы:
Комментарийлердин саны:
0
Катталган:
01-01-1970
Соӊку аракети:
01-01-1970 00:00
Жынысы:
Белгисиз
0
Казакстан,Озбекистан,Орусия баары баары Кыргызстанга Экономикалык бойкот жасап атат.Ынкылапты уюштурардан мурун ойлош керек эле ушуларды.УТРК коомдук дейсинер баарыбир бийликтин кункарамасы болот.Эртен шайлоого жакын Биз "Отунбаевага ишенебиз", "Албетте,Отунбаева" деген ураандар менен жатып эле калса керек.Эгер Отунбаева кандидатурасын койсо.
06.05.2010. 17:04 
Тайпасы:
Комментарийлердин саны:
0
Катталган:
01-01-1970
Соӊку аракети:
01-01-1970 00:00
Жынысы:
Белгисиз
0
Баш мыйзамды ат тезегин кургатпай орусчалап уруп-согуп жазып атасынар.Текебаев "Баш мыйзамды Кыргызча жазчу кадрлар жок дейт".Кыргызстандагы тил профессорлору куруп калыптырбы.же,Орус байкенер чымчылап атабы.Казактар менен Озбектертерде мамлекеттик тил бироо эле го.Биз дагы ошондой кылсак болбойт бекен.Эгер ушул маселени чече албасанар анда азыркы Убактылуу Бийлик эчтекеге жарабаган "л.." болуп каласынар.Отунбаева Кыргызча уйронсо жакшы болмок бакчадагы баладай 2 созундо бир такала бербей.
06.05.2010. 17:42 
Тайпасы:
Кыймылы жок
Комментарийлердин саны:
45
Катталган:
25-04-2010
Соӊку аракети:
26-10-2013 18:06
Жынысы:
Белгисиз
0
Урматтуу жердештер азыркы жаны власть деле жыргатпайт,жаны конституциясы беш жылдан кийин оздоруно тийет.Акаевага бала бар бекен Кыргызстанда.??? "Кыргыз" Отунбаева койо албайт кондидатурасын анын жашы 62 экен,анан эч ким колдобойтго дейм....
07.05.2010. 23:04 
Тайпасы:
Кыймылы жок
Комментарийлердин саны:
28
Катталган:
19-12-2009
Соӊку аракети:
23-07-2013 02:47
Жынысы:
Белгисиз
0
Emnege onolboit onolboit dep jazasynar baarynar, kelgile andan koro Jany kele turgan okmotu bolobu, prezidenti bolobu Kudaidan suranaly MEE bersin dep. Ishenbei otura bersener alardy kim koldoit? Ozubuz dagy aitchy nerseleribizdi aityp, kichine aldyga umtulsak dele bolot da, asylyp ele otura berbei. Bul chyndyk. Kartan kempirleerdin ushagyndai kylbai ozunor kyimyldabaisynarby, je Kudaidan tilengile Akylduusu kelsin dep.
Iigilik baarynarga jana ushaktashkandan koro Alladan tilengenibiz er
07.05.2010. 23:08 
Тайпасы:
Кыймылы жок
Комментарийлердин саны:
28
Катталган:
19-12-2009
Соӊку аракети:
23-07-2013 02:47
Жынысы:
Белгисиз
0
Bir az jakshy janylyk okup alyp ele el kaira ushaktashkandan bashka ech nerseni bilishpeit, kachan yntymaktuu bolup biri biribizge koldoo korsotuunu uironobuz?
Evropada jurup ushul kommentariilerdi okup jaman bolosun. Jamandagandan bashka ech nerseni bilbeisiner.
Kechirgile kiminerge tiip jatsam, birok bul chyndyk.
08.05.2010. 19:04 
Тайпасы:
Кыймылы жок
Комментарийлердин саны:
26
Катталган:
24-02-2009
Соӊку аракети:
17-03-2011 17:06
Жынысы:
Белгисиз
0
Baarybys ele bilip turabys shany okmot dele eskidey ish kylaaryna, bul kyrgys elinin kanynda da, tuuganyna shardam berish, aga shardam berbese, kijin aga shardam berbey koet, oshon uchun tuugan ,tuushkandaryna ish berip, mamleket uchun emes, osu uchun ishtegender kyrgysda toltura. Misaly uchun, men dele ministr bolsom, tuuganymdy shanyma shumushka alypn , shardam beruuga araket kylam. Bul chyndyk, ar biroobus ele ushundaybys.
Emi ushunun baaryn ugup, okup shatkan bijliktegiler namystany
08.05.2010. 19:05 
Тайпасы:
Кыймылы жок
Комментарийлердин саны:
26
Катталган:
24-02-2009
Соӊку аракети:
17-03-2011 17:06
Жынысы:
Белгисиз
0
p, anday emes, bis mynday ishteybis dep, Kyrgystandy krisisten alyp chygyshsa, kanday sonun bolor ele da? Rosa eshe shana Co, kanday deysiner?
10.05.2010. 07:15 
Тайпасы:
Кыймылы жок
Комментарийлердин саны:
45
Катталган:
10-04-2010
Соӊку аракети:
07-06-2010 16:08
Жынысы:
Белгисиз
0
жакшы да жаманда кабарынар бар экен бирок чоон рахмат
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: