ӨЛКӨДӨ ВИЧ ИЛДЕТИН ЖУКТУРГАНДАР 7 ЖАРЫМ МИҢГЕ ЖЕТТИ

Кыргыз мамлекетинде 2017-жылдын 1-августуна карата 7499 адам ВИЧ илдетине чалдыкканы аныкталган. Анын ичинен 6,4 миңи кыргыз жарандары. Аталган маалыматты республикалык СПИД борборунун жетекчиси Улан Абдыкадыров билдирген. Анын айтымында, 2018-жылга карата ВИЧ илдетине каршы күрөшүү үчүн Каржы министрлигинен 20 миллион сом алынууда. Бул багытка негизинен бюджеттен 40 миллион сом, ошондой эле республикалык СПИД борборунан 3 миллион сом бөлүнөт. Бирок бул каражат да жетишсиз дешет адистер. Статистикалык маалыматтарга караганда, учурда ВИЧ-инфекциясы жыныстык жол менен көп жугууда. Ушул жылы эл аралык донорлор Кыргыз мамлекетине бул багытка каржылоону азайтканына байланыштуу өкмөттүн колдоосу керектигин адистер тынбай айтып келишүүдө.

Бектур Токтоноев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 772, 18-24-август, 2017-ж.