Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«ЖАРАЙТ City» командасы: «БИЗДИН БАШКЫ АТААНДАШЫБЫЗ – ИНТЕРНЕТ»

№772 18-24-август, 2017-ж.


Бир жолу жашы 70тен ашып калган энем «Кел, «Жарайт сити» көрөбүз» деп чакырып калды. Анча кызыкпаган жаным ичимден «Ушунун эмнесин көрөт?» деп, көңүлсүз сыналгынын маңдайына отурдум. Кызыгы, берүү башталгандан бүткүчө ууртумдан күлкү кеткен жок. Ошондон кийин ар бир берүүсүн калтырбай көргөн күйөрманына айландым. Күндөн күнгө кызыктуу берүүлөрү менен күйөрмандарынын санын көбөйтүп келе жаткан долбоордун таланттары менен жолугуп, кызыктуу, позитивдүү маек курдук.

ТОПТУН ЭРКЕСИ

Толук аты-жөнү – Каныбек Рыспаев
Туулган жылы, күнү – 1992-жыл, 23-январь
Туулган жери – Бишкек
Билими – Кыргыз мамлекеттик техникалык университетинин энергетика факультетин аяктаган
Үй-бүлөлүк абалы – Бойдок
Учурда – Актёр, сценарист, алпаруучу




ТОПТУН ШАМИЛИ

Толук аты-жөнү – Шамиль Фаттахов
Туулган жылы, күнү – 1991-жыл, 19-июль
Туулган жери – Кара-Балта шаары
Билими – Кыргыз-Орус Славян университетинин жарнама факультетин аяктаган
Үй-бүлөлүк абалы – Бойдок
Учурда – Актёр, сценарист, сүрөтчү-коюучу


ТОПТУН СУЛУУСУ

Толук аты-жөнү
– Айжана Аденова
Туулган жылы, күнү – 1993-жыл, 5-август
Туулган жери – Бишкек шаары
Билими – Кыргыз-Орус Славян университетинин эл аралык байланыш факультетин аяктаган
Үй-бүлөлүк абалы – Үй-бүлөлүү
Учурда – Пиар-менеджер, «Жарайт сити» долбоорунда актриса болуп эмгектенет


ТОПТУН МУРУТЧАНЫ

Толук аты-жөнү – Нурсултан Курсанали уулу
Туулган жылы, күнү – 1993-жыл, 29-май
Туулган жери – Бишкек
Билими – Кыргыз мамлекеттик техникалык университетинин кыргыз-герман техникалык факультетин аяктаган. Москва шаарындагы Улуттук технологиялык изилдөө университетинде автоматташтыруу боюнча магистрдик билим алууда
Үй-бүлөлүк абалы – Бойдок
Учурда – Актёр, сценарист, алпаруучу



ТОПТУН БЫЙТЫКЧАСЫ

Толук аты-жөнү
– Илгиз Куватбек
Туулган жылы, күнү – 1994-жыл, 13-июнь
Туулган жери – Бишкек
Билими – Кыргыз мамлекеттик медициналык академиясында стоматология факультетинде билим алууда
Үй-бүлөлүк абалы – Бойдок
Учурда – Актёр, режиссёр, сценарист



ТОПТУН РОМАНТИГИ

Толук аты-жөнү
– Алинур Абдыкалыков
Туулган жылы, күнү – 1992-жыл, 15-июнь
Туулган жери – Бишкек шаары
Билими – Кыргыз мамлекеттик университетинин экономика факультетин аяктаган
Үй-бүлөлүк абалы – Бойдок
Учурда – Актёр, сценарист жана алпаруучу


«ЖАРАЙТ City» командасынын толук курамы:

Алинур Абдыкалыков
Илгиз Куватбек
Нурсултан Курсанали уулу

Эрболот Тойгонбаев

Ростислав Ященко

Санжар Аскаров

Марат Бадретдинов

Эльдияр Ешимбеков

Мыктыбек Мукаев

Айжана Аденова
Шамиль Фаттахов
Каныбек Рыспаев
Айпери Чотонова
Нелли Канаева

Замира Сатыбалдиева
Дамир Адраимов
Эльдар Исаков
Гүлмира Турсунбаева
Нурмухамед Курсанали уулу

Жылдыз Хусаинова
Алина Жакыпова
Арзу Бакаева


– Кош келипсиңер! Кандай эс алып жатасыңар?
Алинур: – Рахмат! Быйылкы жай мезгили биз үчүн өзгөчө болуп жатат. Себеби былтыр «Жарайт ситинин» 2-сезонун тартуу иштери менен алектенип, эс алууга убактыбыз болгон эмес. Эми ошол өткөрүп ийген күндөрүбүз үчүн да эс алып жатабыз.

Каныбек:
– Эс алуубуз Ысык-Көлдө, Бишкекте өтүп жатат. Мындан бир аз күн мурун казак досторубуздун чакыруусу менен Алматы шаарына барып келдик.

Нурсултан: – Мен Кадамжайдагы туугандарга барып келдим. Андан тышкары ата-энем көп кабаттуу үйдөн батир алган. Ошол үйдүн ичиндеги оңдоп-түзөө иштерин өзүбүз кылып жатабыз. Жаңы үйгө киребиз деп апам үй эмеректерин алып, катуу даярданууда. Балдар Көлгө бардык деп калбадыбы, ал жакка тойлорго, бүтүрүү кечелерине атайын чакыруулар болгондо барабыз. Кошумча эс алып келгенге аракет кылабыз.

– Бүтүрүү кечелеринде, тойлордо тамадалык кызматты аркалап жүрөбүз деп калдыңар, көбүнчө кайсы тилде алпарасыңар?

Каныбек:
– Тойлорго чакыруу болгондо тамада эле эмес, уюштуруучу катары да иш алып барабыз, көбүнчө кыргыз тилинде. Бизден Нурсултан, Алинур жана мен тамадалык кызмат көрсөтүп келебиз.

– Бүгүнкү даражага жетишиңерге дал ушул теледолбоор себепкер болду. Долбоордун негизделгенине канча жыл болду?

Нурсултан:
– 3 жыл болду. 2015-жылы Асхат Табалдиев, Данияр Болотбеков байкелерибиз чакырып, бизге «бир долбоордун үстүндө иштебейлиби» деп сунуш киргизишкен. Апрель айында баарыбыз ийри отуруп, түз кеңешип ойдон чыгарылган, бирок Бишкек шаарынын аналогу болгон шаар тууралуу скетчком (кыскача комедиялык сценка) тарталы дедик. Ишибиз май айында башталды. Долбоорго келгенге чейин баарыбыз эле КВНде ар кайсы командаларда ойноп жүргөнбүз.

– Эмне үчүн «Жарайт сити»? Долбоордун максаты эмне?

Алинур: – Биздин элге эч нерсе жакпайт. Унаа көп, жолдор тыгын, сатылган нерселердин баасы кымбат жана башка ушул сыяктуу нерселерге нааразы боло беришет. Биз ошол нерсенин жакшы жагы бар экенин көрсөтүп, жакшы жагынан карап жашаса болот деген максатта «жарайт» деп атадык. Анын үстүнө бизди өсүп келе жаткан жаштар көрүшөт.

Нурсултан: – Максатыбыз – коомдогу терс көрүнүштөрдү юмор аркылуу чагылдыруу.

– Кыргыз жана орус тилинде тартылган скетчтер силердин эки тилдүү күйөрмандарыңардын санын арбытса керек…

Алинур: – 1-сезон чыкканда шаар тургундары эле эмес, алыскы аймактагылар да көрүшчү. Видеолор кыргызча, орусча аралаш тартылчу. Азыр орус тилинде тартылып жатат. Анткени бизди Кыргызстанда гана эмес, океандын ары жагындагы мекендештер да көрүшөт. Ошол эле орус тилдүү элдердин да кызыгуусу бар. Эгер биз кыргызча аралаштырсак, анда түшүнбөй калышат. Ушул нерсени эске алып, долбоордун продюсери атайын кыргыз тилдүү «Эл эмне дейт?» теледолбоорун алып чыкты.

Айжана: – Биздин долбоорду бардык муундагылар көрүшөт. Бир жолу тойдон жаныма улгайган эне келип, «силердин берүүңөр аябай сонун, небере, чөбүрөлөрүм менен чогулуп көрөбүз» деп айтып жатпайбы. Жакында эле Швейцарияда жашаган досум менен сүйлөшүп калдым. Ал орусча такыр билбеген кесиптештерин отургузуп алып «Жарайт ситини» көрсөтүп, маанисин түшүндүрүп берет экен. Швейцариялыктар тилибизди түшүнбөгөнү менен, аткаруу чеберчилигибизди кызыгып көрүшөт экен. Бизде деле болот го, англис тилиндеги ырды түшүнбөйбүз, бирок клипти көрүп мазмунун түшүнөбүз.

Илгиз: – Менимче, берүүбүз шаардагы көрүнүштөр тууралуу болуп жаткандан кийин шаар тургундары көрсө керек. Биздин айрым балдар «Comedy Баттлга» катышып, жарым финалга чейин жеткенбиз. Ошондо орус күлкү жаратуучуларынын арасынан дос күттүк. 2 жыл өткөндөн кийин Орусиядан жолугуп калсак «Биз «Жарайт ситини» көрөбүз. Силерди ушундай сапаттуу, кызыктуу скетчтерди тарта алат деп ойлогон эмеспиз» дешти.

– Элди күлдүрүү үчүн күлкүлүү идея керек. Бирок канча баш болсо, ошончо идея болот да, кантип бир жыйынтыкка келесиңер? Курч идеяны кантип тандайсыңар?

Илгиз:
– Башында баарыбыз чогулуп оюбузду ортого салчубуз. Талашуу, тартышуулар абдан көп болгон. Бир күнү продюсерибиз Данияр Болотбеков «идея, сунушуңарды жазып мага бергиле» деди. Азыр жакшы. Идеяларыбызды жазып беребиз, продюсерибиз карап, иргеп чыгат. Азыр бир гана Данчик (ред.: Данияр Болотбеков) менен урушабыз (күлүп).

– Камера иштеп баштаганда ой чабытыңар күч алып, сценарийди бузуп алган учурлар көп болсо керек…

Алинур:
– Ооба, дайыма болот. Сценарийди көркүнө чыгаруу үчүн ага туз кошуш керек. Мен дайыма съёмка учурунда өзүмдүн оюмду кошконум үчүн тил угам. Бирок жыйынтыгы биз күткөндөй болот.

Илгиз: – Кокусунан жаралган каармандар бар. Мисалы, бир жолку скетчибизде сценарий боюнча жашы улуу байкени тартышыбыз керек болчу. Бирок тартуу учурунда байкебиз келбей калып, улуураак көрүнсүн деп Нурсултанга жасалма мурутту такканбыз. Андан кийинки иш Нурсултанга жүктөлүп, импровизация менен өзгөчө каармандын ролун жараткан. Бирок сценарийде такыр башка нерсе жазылган болчу.

– Видео тартуу учурунда кандай кыйынчылыктарга, тоскоолдуктарга кабылгансыңар?

Нурсултан:
– Кудайга шүгүр, 3-сезонду тартуу иштери жеңил өттү. 3 кыз, 3 баланы алганбыз. Алар административдик, декоративдик жайгаштыруу иштери боюнча жардам берип жатышат. Бул актёрлордун даяр ашка келип, жыргап кетишинен кабар бербейт. Болгону биздин студиябыз кеңейди, мүмкүнчүлүктөр пайда болду. Эң жакшысы, жума сайын жаңы скетч тартууга шарт түзүлүп жатат.

Илгиз: – Ал эми баштапкы иштерибизде бизге имарат керек болуп көп жерлерге бардык, көп кишилерге кайрылдык. Бирок көпчүлүгү баш тартып коюшчу. Азыр, тескерисинче, капысынан көрүп калса, визиткасын берип, алдын ала уруксат беришет. Макулдашуу оңой болуп калды.

– Билишимче, гонорар да алчу эмессиңер. Азыр ал маселе чечилгенби?

Айжана:
– Жок (күлүп).

Илгиз: – Эгер жөн эле съёмкага тартылган болсо төлөнбөйт. Бирок сценарий үчүн төлөнөт. Ар бирибиздин ишибиз бар, ошол иштерибиз үчүн жакшы эле акы төлөнөт. Кошумча каражатты жарнама, роликтерге тартылып табабыз.

– «Жарайт сити» долбоорун көргөндө орустардын «Наша Russia`сы» эске келет. Эки долбоордун окшоштуктары жана айырмачылыгы эмнеде?

Каныбек:
– Скетчкомдор баары окшош болот. Мисалы, концерт деп аталат, бирок анын өтүшү ар башкача болот дегендей кеп.

Илгиз: – Окшоштугу – видео башталганда кыскача түшүндүрмө бергенибизде.

Нурсултан: – Айырмачылыгы – биздин видеобуз адамдар тууралуу, бир эле каармандын түрдүү окуясына байланган эмес.

– Башкы атаандашыңар ким?

Шамиль:
– Атаандаштык медиа тармактардын бизге болгон суроо-талабын жогорулатууга алып келет. Атаандаштар пайда болсо кубанам. Азыр интернет баарына жеткиликтүү болуп, тандоо мүмкүнчүлүгү зор болуп калды. Интернет аркылуу дүйнөдөгү алдыңкы шоулорду көрө алышат. Ушул нерсе менен тең тайлашуу кыйын. Азырынча башкы атаандашыбыз – интернет.

– Кыргыз жергесинде актёрдук кесипке, чеберчиликке даярдаган окуу жайлар бар. Эмнеге тасмага, роликтерге келгенде эле экономист, журналист, менеджер жана башка кесиптин ээлери тартылышат?

Алинур:
– Акыркы кыргыз тасмаларынын көбү тамашоучуларга таандык же башкы ролдорду ошолор аткарган. Эмнеге режиссёрлор тамашоучуларды тартышат? Анткени алар таанымал. Тасманын жарнамасында, афишаларда бакыйып сүрөтү турса элде кызыгуу пайда болуп, тасманы көргөнгө барышат. Ал эми ошол эле жарнамада сиз айткан окуу жайдын бүтүрүүчүлөрүнүн сүрөтү илинип турса кызыгуу жок болот.

Шамиль: – Мындай да, бизде адистигиң боюнча иштебеш керек деген адаттан тышкары салт бар. Ошон үчүн актёрлор тасмага тартылышпайт, алардын ордуна биз барабыз дегендей.

Айжана: – Менимче, маселе актёрлордун бир образга берилип кетишинде. Эгер алар образга кирсе, андан чыгуусу оор болот. Биз 2 мүнөттүн ичинде бир образдан дароо экинчисине секирик жасап, бир образга байланбайбыз.

– Теледолбоордун келечегин кандай элестетесиңер? Алдыдагы пландарыңар кандай?

Илгиз:
– Келечекте «Жарайт сити» сериалга айланышы мүмкүн.

Шамиль: – Балким, «Жарайт такси», «Жарайт еда» деген чоң корпорацияга айланып кетебиз.

– Рахмат маегиңерге. Ишиңер илгерилей берсин!

Бактыгүл Момбекова
(Сүрөттөр каармандардын өздүк архивинен алынды)
star@super.kg


“Жарайт Сити” : “Кыргызстанда жашоо жаман эмес, жакшы деле эмес. Жарайт!”

Автор: Нуржан Сманова
Оператор: Мундуз Нурланбек уулу

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  3 
Комментарийлер(9)
22.08.2017. 09:40 
Тайпасы:
Жаран
Комментарийлердин саны:
73
Катталган:
26-03-2017
Соӊку аракети:
22-09-2018 05:56
Жынысы:
Белгисиз
-3
Чачы кантет Илгиздин эркектей болчу
22.08.2017. 10:51 
Тайпасы:
Жаран
Комментарийлердин саны:
155
Катталган:
01-07-2009
Соӊку аракети:
27-07-2018 14:39
Жынысы:
Белгисиз
+5
Aidani,мага именно Илгиздин прическасы жагат.Эркек десе эле чачы кыска болуш керекпи?Анча-мынча чачы кыска эркек сөрөйлөргө караганда Илгиздин деңгээли бир топ бийик деп ишенем.
22.08.2017. 10:56 
Тайпасы:
Жаран
Комментарийлердин саны:
75
Катталган:
15-08-2017
Соӊку аракети:
20-09-2018 23:39
Жынысы:
Белгисиз
+4
Сонун долбоор
22.08.2017. 10:56 
Тайпасы:
Жаран
Комментарийлердин саны:
155
Катталган:
01-07-2009
Соӊку аракети:
27-07-2018 14:39
Жынысы:
Белгисиз
+7
Азаматсыңар,команда! Чын эле киного тартылган актерлоргокараганда мыкты, реалдуу ойношот.Ар сериясын инетке чыгары менен кууп көрүп,жолдошум экөөбүз талкуулап,баалап келебиз!Ийгилик сиздерге!
22.08.2017. 13:42 
Тайпасы:
Жаран
Комментарийлердин саны:
45
Катталган:
13-05-2016
Соӊку аракети:
06-06-2018 22:44
Жынысы:
Белгисиз
Калаасы:
Кооз жер
+2
Эрболду неге чыгарган жоксуңар ((Илгиз дегенди 28-30жашта болсо керек дедим эле.Айжан сонун аткарат.
22.08.2017. 16:49 
Тайпасы:
Жаран
Комментарийлердин саны:
345
Катталган:
12-09-2015
Соӊку аракети:
21-09-2018 19:20
Жынысы:
Белгисиз
Калаасы:
Ню Йорк
-1
Нурсултан кишиго 93 экен корсо мен ойлогом кырктын кырында деп
24.08.2017. 11:02 
Тайпасы:
Жаран
Комментарийлердин саны:
6
Катталган:
20-09-2013
Соӊку аракети:
07-09-2018 15:54
Жынысы:
Белгисиз
-1
Shekeev969798,
Менда чоон эле кишиго дегеи
23.08.2017. 00:08 
Тайпасы:
Жаран
Комментарийлердин саны:
273
Катталган:
14-11-2013
Соӊку аракети:
22-09-2018 02:55
Жынысы:
Белгисиз
Калаасы:
Бишкекстан
+1
Айпери жок го!?
28.08.2017. 20:02 
Тайпасы:
Жаран
Комментарийлердин саны:
14
Катталган:
20-02-2017
Соӊку аракети:
21-09-2018 11:08
Жынысы:
Белгисиз
Калаасы:
Ош
0
Светофор менен суйлошкон кыз жок го?Кечиресиздер атын билбейткем)
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: