АТАМБАЕВ-МИРЗИЙОЕВ: ЭКИ ӨЛКӨ БАШЧЫНЫН ИШ САПАРЛАРЫ ПЛАНДАЛУУДА

Кыргыз Республикасынын президенти Алмазбек Атамбаев Өзбекстанга расмий иш сапары менен барат. Мындай маалымат 17-августта Бишкектеги кыргыз-өзбек өкмөт башчыларынын жолугушуусунда маалым болду. Президенттик аппараттын түшүндүрмөсүнө караганда, азырынча иш сапардын убактысы тактала элек. 22-августта Өзбекстандын Кыргыз өлкөсүндөгү элчиси Комил Рашидов жакынкы арада өзбек президенти Шавкат Мирзийоев да расмий иш сапар менен Бишкекке келерин маалымдады. "Эки тарап иш сапарга даярданууда, убактысы да такталууда",- деди Рашидов.
Эске салсак, президент Алмазбек Атамбаев 2016-жылдын декабрь айында Өзбекстанга иш сапары менен барган. Ал эми Мирзийоевдин бул иш сапары президент учурундагы Кыргыз мамлекетине жасаган алгачкысы болот. Маалыматтарга караганда, өлкө башчылар эки тараптуу кызматташуудан сырткары мамлекеттик чек ара маселесин чечүүнү сүйлөшүшөт.

Бектур Токтоноев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 773, 25-31-август, 2017-ж.