Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

МАЙ ЖАНА КАНТ – БАҢГИЗАТ КАТАРЫ

№392 7-13-май, 2010-ж.


Билип ал

Жашоонун жакшырышынан улам тамак-аш курсакты тойгузуу гана эмес, рахат алуунун булагына да айланды. Албетте, даамдуу, таттуу тамак кимди кайдыгер калтырсын? Бирок ошол эле кезде адамдар тамактан рахат алуу баңгизаттан, тамекиден, ичкиликтен, спортто жеңиштен рахат алуу менен тең экенин биле беришпейт.
Мисалы, биз кантты, таттуу же майлуу азыкты (колбаса, майлуу эт ж.б.) кабыл алсак, мээде рахат гормону – дофамин бөлүнүп чыгат. Таттуу жана майлуу азыктарды кабыл ала берсек дофаминдин бөлүнүп чыгуусу өсөт да, организм ага баңгизат катары көнө баштайт. Башкача айтканда, организм бизден таттуу жана майлуу тамактарды талап кылууга өтөт. Адам башка азыктарга алымсынбай калат. Толуп баратканына карабай кайра эле майлуу жана таттууларды жегенди улантып, дагы да семире баштайт. Мурун тамакты жакшы жасоону билбегендер да толгондон тартып даамдуу жасоого үйрөнүшөт. Анткени анын организми даамдуу, таттуу же майлуу тамактын кезектеги порциясын талап кылат. Ошентип адам толуп, аны менен кошо организминде оорулар да жарала берет. Бир эле мисал келтирсек, адам 1 килограмм семиргенде денеде узундугу 1 чакырымга жете турган майда кан тамырлар жаралат. Бул болсо жүрөккө күч келтирет. Башкача айтканда, кан айлантууда жүрөккө оордук келет.Андыктан айта турган нерсе, майлуу жана таттуу тамактарды рациондон азайтуу кажет.

ПАСТЕРИЗАЦИЯ – АЗЫКТЫ БИР ЫСЫТЫП АЛУУ
Пастеризация – тамак-аш өнөр жайында суюктукту (сүттү, сыраны, шарапты ж.б.) же азык түрүн 60-70 градуста 15-30 мүнөт ысытып алуу. Мында бардыгы болбосо да кээ бир бактериялар түрү өлөт. Муну окумуштуу Л.Пастер ойлоп тапкандыктан, ыкма анын атынан коюлган.
Ыкманы колдонуудагы башкы максат – азыктын эрте бузулуп кетүүсүнүн алдын алуу. Тактап айтканда, сакталуу мөөнөтүн узартуу. Каймакты, айрым шире менен суусундуктар түрүн 100 градус температурада ыкчам пастеризациядан өткөрүү түрү да бар. Анан аларды атайын идиштерге куюп, сатыкка чыгарышат.
Алдын ала бөтөлкөгө же консерва банкасына куюлган азыктар ысык буу менен ысытылып, пастеризациядан өткөрүлөт. Пастеризациядан өткөрүлгөн азыктар өзгөчө жаш балдарга сунушталат.

ПАРАЦЕТАМОЛ АЛЛЕРГИЯГА АЛЫП КЕЛЕТ
Окумуштуулардын изилдөөсүндө, парацетамол жаш балдарга оору алып келет. Мындай жыйынтыкты алар Англиядагы медициналык журналдардын бирине жарыялашкан.
Көрсө, 2-3 жашка чейинки балдар ооруган сайын парацетамол дарысы берилсе, андай балдарда кийин аллергияга кабылуу коркунучу чоң экен. Окумуштуулар мындай жыйынтыкты 31 өлкөдөгү 20 миңден ашуун баланы изилдөөдөн өткөргөн соң чыгарышкан. Кичинесинде парацетамолду көп кабыл алган балдар кийин аллергиядан тышкары астма, экземага чалдыгуусу аныкталган. Илимпоздор буга далил катары акыркы 50 жылда балдардын арасында астма менен ооругандардын санынын өскөнүн көрсөтүшөт.

БИФИДОБАКТЕРИЯ ДЕГЕН ЭМНЕ?
Адамдын ичегисинде, терисинде, оозунда, аялдардын жыныс кынында түрдүү микробдор бар. Алардын ичинде пайдалуулары да, көбөйүп кетсе оору жарата тургандары да бар. Иммунитет аларды тең салмакта кармап турат. Иммунитет төмөндөгөндө жана адам ооруганда пайдалуусуна караганда зыяндуулары көбөйүп, оору келип чыгат.
Мисалы, жаш балдарда кездешүүчү оозул. Ичегидеги пайдалуу бактериялар азайса, анда дисбактериоз жана бир топ оорулар (мисалы, ичтин көбүшү; ичтин өтүшү же катып калышы; тамактын сиңишинин кыйындашы; диатез; тамак-аштан аллергия) келип чыгат. Ал эми аялдардын жыныс кынындагы керектүү бактериялар азайса, кандидоз (молочница) оорусу жаралат.
Бифидобактерияга келсек, булар сүт кычкылынын бактериялары болуп эсептелет жана адамдардын ичегисинде болот. Ичегидеги бактериялардын 80-90 пайызын түзөт. Бифидобактериялар оору жаратуучу жана тамак-ашты чирүүгө жеткирүүчү бактериялардын көбөйүүсүнүн алдын алат. Башкача айтканда, организмдин сактоочу калканчы жана ичеги ооруларынын алдын алуучу, тамак-аштын бат сиңүүсүнө жардамчы болуп эсептелет. Андыктан адамдарда, көбүнчө балдарда дисбактериоз жаралган учурда бифидобактериялар кошулган сүт жана сүт азыктары сунушталат. Аны кабыл алган соң ичегидеги бифидобактериялардын катары толукталып, иммунитет жогорулайт. Дисбактериоз да акырындап жоголот.

ЭМНЕ ҮЧҮН ТИРҮҮ ЙОГУРТ?
Йогурт сүт азыгы жана табигый антибиотик болуп саналат. Ал эми тирүү йогурт пастеризациядан өткөн нак сүткө болгар лактобактериясы, термофилдүү стрептококк (экөө тең пайдалуу бактерия түрү) кошулуп даярдалат. Андыктан андагы витаминдер организмге бат сиңет. Мисалы, 1 саатта сүттүн 32 пайызы сиңсе, ушул эле убакытта тирүү йогурттун 91 пайызы сиңет.
Жөнөкөй йогурттун тирүү йогурттан дагы бир айырмасы – анда белок, кальций, магний, көмүртек, фосфор, ар кандай ферменттерден тышкары Д жана В витаминдер тобу бар болгондугу.
Тирүү йогурт ичегидеги тамак-ашты аш кылуучу бактериялардын көбөйүүсүнө жол ачып, тамак сиңирүүнү жакшыртат жана зыяндуу бактерияларды өлтүрөт. Тирүү йогурт аталышы мына ошондон чыккан.


Элдик медицинадан

ВАРИКОЗДО...
Бутка компресс. Варикоздон жапа чеккендер бутуна эрменден компресс жасаса болот. Упадай абдан майдаланган 1 аш кашык эрменге 1 литр жаңы уюган айранды кошуп аралаштыруу кажет. Анан дакини ал аралашмага нымдап алып, ооруган жерге 2-3 саат тартуу керек. Бул бир күндө 2 жолу кайталанат. Эрмен болбосо, анын ордуна теңге гүл (календула) же ромашканы колдонсо болот. Дарылануу курсу 4 күн.
Бутка ванна. Мажүрүм талдын же эмендин кургатылган кабыгын абдан жанчып, упадай майдалап алуу кажет. Андан 2 аш кашык алып үстүнө 400 грамм ысык суу куюп, 15 мүнөттөй жай отко кайнатуу зарыл. Эми бутка ванна жасай берсе болот (бутту тизеге чейин салуу ылайык). Ваннага бутту 30 мүнөт кармоо талапка ылайык. Дарылануу курсу 4 күн.
Помидор тартуу. Бышкан помидорду тегерек кылып кесип алып, кеңейип кеткен тамырлардын үстүнө жабуу керек. 3-4 сааттан кийин жаңы помидордун кесимдери менен алмаштыруу кажет.
Картошка тартуу. Картошканы сүргүчтөн өткөрүп, ботконун калыңдыгын 1 сантиметрдей кылып тартуу керек. Үстүн целлофан, мата менен жаап коюу талапка ылайык. Компресс 4-5 саат коюлат.

Эскертүү! Элдик медицинаны колдонуудан мурун дарыгер менен кеңешүү сунушталат.

Канымжан Усупбекова
kenesh@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(1)
10.05.2010. 22:10 
Тайпасы:
Кыймылы жок
Комментарийлердин саны:
45
Катталган:
10-04-2010
Соӊку аракети:
07-06-2010 16:08
Жынысы:
Белгисиз
0
арыктайлы туугандар!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: