Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

КЛИПКЕ КӨРК КОШКОН КААРМАНДАР

№392 7-13-май, 2010-ж.


Клиптер айдыңында

Жакшы ыр кызыктуу клип менен коштолсо, ширелишип эл эсинде калары бышык. Клипмейкердин оюн каарман жеткире аткара алса, анда жакшы, эгер эптеп эле ойномуш болсо, көрүүчүнүн да кыжырын келтирет. Кеп кезегин клиптеги каармандарга бургум келип турат.


Султан Садыралиев, “СҮЙҮҮ ТАМЧЫСЫ”

Режиссёру – Сүйүн Откеев.
Султандын клибиндеги селки – Анара, 22 жашта.

Аталган клипте Султандын улам-улам телефон чалганына жооп бербей убара кылган Анара Кыргыз-Түрк “Манас” университетинин студенти. Чыныгы турмушта майып эмес, соо, сүрөтчү эмес, журналисттик кесиптин ээси болуу үчүн окуп жатат. Анарага клипке тартылууну режиссёр Сүйүн Откеев сунуш кылган. Режиссёрдун айтымында, Анара жакшы эле аткарып келатып, ыйлай турган жеринде көзүнөн жаш чыгара албай кыйналган. “Улам урушуп жатып араң ыйлаттык. Ошондо да көзүнөн араң эки тамчы жаш чыкты”,- дейт Сүйүн. Султан менен Анараны клип тартылардан мурда режиссёр тааныштырган. Тартуучу топ жалаң эркектер болгондуктан, балдар жана жалгыз Анара клипке тартылган.


Асема, “НАРИСТЕМ”

Режиссёру – Асема Токтобекова.
Башкы каарман – Элбек 30 жашта, жеке ишкер.

Асема менен жолдошу Акжол бул клипке каармандарды табууда көп ойлонушкан. Клиптин режиссёру Асема өзү болгондуктан, “кош бойлуу аялдын ролун ойноп бер” деп тааныш эжесинен суранган. Ал эми анын күйөөсүнүн ролун Элбек аттуу мырза ойногон. Элбек чыныгы жашоодо да клиптегидей эле үй-бүлөлүү, камкор күйөө, ширин кыздын сүйүктүү атасы. Ал эми анын келинчегинин ролун аткарган каарман болсо клип тартылган учурда чын эле кош бойлуу эле. Ошол үчүн клип реалдуу болгон. Клиптин аягында “сүйүнчү, уулдуу болдуңуз!” деп врач айтканда Элбек күлүп жиберип, 2-3 жолу тартканга туура келген. Эскерте кетсек, врач да чыныгы турмушта саламаттыкты сактоо кызматында иштейт. Ошондогу кош бойлуу келин азыр көз жарып, бешик терметип отурат. Ал кесиби боюнча юрист.


Дайыр Исмадияров, “КАРА КӨЗҮМ”

Режиссёру – Арсен Мендебаев.
Клиптеги Дайырдын кара көзү – Элиза аттуу селки.
Элиза учурда мектеп бүтүрүүчүсү.

Дайырдын клибине тартылуу үчүн Элиза кастингге катышып, 150 кыздын ичинен өтүп кеткен. “Кара көзүм” клибинде Дайыр досунун кызын сүйүп калат эмеспи. Досунун ролун аткарган жигит ырчынын чын эле Максат аттуу кан досу. Элиза мектеп окуучусу болгондуктан съёмка учурунда мектепте чогулуш болуп калып, макияжын жууганга аргасыз болгон. Клипте Дайыр менен Элиза экөө тең шайыр болгондуктан бири-бирин карап, боорлору эзилгенче күлүшкөн. Дайырдын Элизаны көтөрүп айланткан жерин улам-улам тартканга туура келген. Секелек Дайыр байкесинен сүрдөгөнбү же алгачкы жолу клипке тартылгангабы, айтор, уялып, тартынган. Азыр Элиза ырчы менен байланышта. Ал гана эмес, өзү катышкан клипке кайсы хит-парад болбосун добушун берип, баалап келет.


Аида Кулуева, “САГЫНДЫМ СЕНИ”

Режиссёру – Арсен Мендебаев.
Аиданын ашыгынын ролунда – Улуту уйгур Ришад, 31 жашта.

Акын Бурулкан Карагулованын калемине таандык “Сагындым сени” аттуу ырды Аида Кулуева жакшы аткарып тим болбостон, клип тартканга да жетишти. Аида бул клипке каарман издеп убара болбой эле досу Ришадга сунуш киргизген. Бото көздүн жамалына жок дей албай, Ришад мырза Аиданын ашыгынын ролуна тартылууга макулдугун берген. Ал гана эмес, чын жүрөктөн берилип ойногонун жакшылап көрсөңүз байкай аласыз. Клип тартуу учурунда кар жаап жаткандыктан, тоодон келаткан чыгармачыл топ аз жерден машина менен каналга түшүп кете жаздашкан. Ким билет, Кулуеванын кыялындагы мырзасы дал ушул клибиндеги Ришад мырза болуп калар бекен?


Ислам Сатаров, “СҮЙҮҮ БАЯНЫ”

Режиссёру – Шерзат Мухидиннов.
Киллер кыздын ролунда – Альбина, студент, 22 жашта.

Өңү да, үнү да Ырыскелди Осмонкуловго окшош ырчы жана продюсер Исламдын бул клибинде көптөгөн каармандар бар. Киллердин ролун мыкты аткарган Альбина кастингден 30 кыздын ичинен тандалып алынган. Ал эми анын сүйгөнү Сардор болсо 26 жаштагы өзбек ырчысы. Клиптеги кичинекей Шахзод Оштогу интернатта окуйт. Көзү начар көргөнү менен, балакай мыкты аткарган. Чатырдын үстүнө чыгып алып мылтыгын мээлеп отуруп, күндүн аптабына какталган Альбина клиптен соң ооруп да калган. Клип аяктаган соң Ислам Альбинага чоң жумшак оюнчук белек кылган.


“Импульс” тобу, “ЖОК, ЖОК”

Режиссёру – Айбек Дайырбеков.
Клиптеги башкы каарман – Алмаз аттуу жигит.
Алмаз “Аян” бийчилер тобунун мүчөсү.

Жаңыдан шоу-бизнестин босогосун аттаган үч кыз “Жок, жок” аттуу ырына заманбап клип да тартып салышкан. Клипти көрүп “заңгыраган үйдө тартылган экен” деп ойлоп жүрсөңүз, ал оюңуздан кайта берсеңиз болот. Себеби клип үйдө эмес, борбордогу эмерек дүкөндөрдүн биринде тартылган. Клиптеги башкы каарман Алмаз – бийчи. Алмаз өзү сахнага чыгып, чыгармачыл чөйрөгө аралашып жүргөндүктөн, режиссёрду кайра-кайра тарттырып убара кылган эмес. Режиссёр кандай аткар десе башкы каарман өзүндөй ойногонго аракетин аябаган. Клипте жигит мас болуп келген кадр бар эмеспи. Анда Алмаз 100 грамм арак эмес, 100 грамм пепси-кола гана ууртаган. Азыр клиптин каарманы ырчы кыздар менен жакшы тааныштардан болуп калган.

Бурул Исмаилова
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: