Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

МЕН АСКЕРДЕГИ КЕЗИМДЕ...

№225 23-февраль-1-март, 2007-ж.


Урматтуу окурман, атактуулар аскердик милдетин кантип өтөгөнүн, азыркы армия жөнүндө ойлору кандай экендигин билгиңиз келеби? Анда биздин 23-февраль Ата Мекенди коргоочулар күнүнө карата даярдаган макала назарыңыздарда.

Турусбек Жумалиев:
– Мен 1985-1987-жылдары Алматыда бир жарым жыл аскердик милдетимди өтөп, улуу лейтенант наамын алып кайткам. Аскерде жүргөндө мекениңдин баркын билип, жериңди, элиңди сагынасың дегендей. Биздин казарма алма бакка жакын жайгашкан эле. Ошондуктан, бош убактыбызда деле, курсак ачса деле алма жей берип, алмадан көңүлүм абдан калса керек, ошондон бери такыр алмага жокмун. «А-Студио» тобунун биринчи солисти Батырхан Шукенов менен бир жерде аскер кызматын өтөгөн элек. Азыр ал экөөбүз жакын достордонбуз. Анда Батырхан Алматыда жашачу. Кечинде үйүнө барып куртка, шым сыяктуу граждандык кийимдерди алып келчү. Аларды кийип алып, элге окшоп кечкисин Алматыны кыдырып кетчүбүз. Ал кезде бизди тамак жагынан да, кийим жагынан да жакшы карачу. Азыр угуп жүрөм аскерге баргандарды жакшы карашпайт экен деп.

Юрий Бобков:
– Мен аскердик милдетимди Москвада 1974-1976-жылдары өтөгөм. Институтта окугандыгыма байланыштуу аскерге кеч бардым. Аскерде ар улуттун эр жигиттери кызмат өтөгөн­дүк­төн, бири-бирибиздин сөзүбүзгө жакшы түшүнчү эмеспиз. Улутум орус болсо да эч ким мени орус деп ойлочу эмес, анткени, чачым кара болчу. Орус экениме карабай орусча билбеген адам болуп да койчумун. Чачымдын каралыгынын пайдасын аскерде жакшы эле пайдаландым. Батальондогу «деддер» кээде ашыкча эле кыйнап коюшчу. Ошентсе да аскерге барганымдын тарбиялык пайдасы мен үчүн зор болгон.

Абдылда Иманкулов:
– Ал кезде Союз өкүм сүргөн­дүктөн, аскерге чакырылган балдар Союздун ар тарабына бөлүн­чү. Мен Россиянын Свердловск шаарына, танк полкуна туш болуп, 2 жыл кызмат өтөгөм. Тартип бекем болуп, аскердик машыгуулар абдан катуу өткөрүлчү. Бир жолу аскердик машыгуу учурунда мен айдаган “МТ” маркасындагы аскердик танк бузулуп калбаспы. Ошентип, жанымдагы шеригим экөөбүз үч күн ак кар чүмкөнгөн ай талаада калдык. Ошондо ачкачылык эмне экендигин башыбыздан өткөргөнбүз. Уктасак да түшүбүздө, ойлосок да оюбузда нан, анан «эмне кылабыз?» деген ой болуп калды. Айла кеткенде кар жеп коёбуз. Командирибиз үчүнчү күн дегенде гана издеп келгенде атабызды көргөндөй сүйүнгөн элек. Азыр балдар аскердик милдетин бир гана жыл, болгондо да Мекенинде өтөшөт. Биздин учурдагыдай катуу машыгууларды, катуу тартипти көрө беришпейт.

Кубик Калыков:
– Мен 1987-жылдары Москва шаарында аскердик милдетимди өтөп келгем. Салмагым жетпей калгандыктан, эки жыл калып калгам. Андан кийин эле семизин, кулагы укпаганын да, көзү кылыйын деле аскерге айдап, ошолор менен кошо мен да кеткем. Жаңы барганда көнө албай бир топ эле кыйынчылыктарды башымдан кечирдим. Айрыкча, бир окуя эсимден кетпейт. Бир күнү командир кирип келип: «Баарыңар катарга тизилип, өтүгүңөрдү чечип, оң бутуңарды көтөргүлө» деп буйрук берип калды. Баарыбыз оң бутубузду көтөрүп туруп калдык. Командир буттарыбызды текшерип келе жатып, мага келгенде менин өскөн тырмактарымды көрүп: «Аа, сен даракка чыгасыңбы?» десе коркконумдан «ооба» деп жооп бериптирмин. Баары күлүп жиберишти. Көрсө, ал «маймылсыңбы?» деп мыскылдаганы экен да.
Аскерге музыкалык билимге ээ болгондон кийин баргандыктан, ал жакта оркестрде музыкалык аспаптардын түрлөрүн ойноп жүрдүм. Айрыкча, парадга чыкканда барабанды көтөрө албай эңкейип калчумун.

Кутман Жолдошов:
– Мен аскердик милдетимди Германияда өтөгөм. Балалык кезде ата-энемдин кашында эрке өссөм да, аскерде кийимимди өзүм жууп, үтүктөп, жыртылган жерин жамаганды үй­рөн­гөм. Катуу режимге да көнгөм. Немисчени эмес, орусчаны жанымдагы казак балдардан 6 ай дегенде үйрөнгөм. Командирден бир жакка барып келейин дегенди орусча айта албай, казак балдардан сурап жаттап алып, анан барып суранчумун. Германияда бир жолу шаар аралап жүрүп, бир жерден эшек көрүп аябай сүйүнгөм. Анткени, эки жыл бою эшек көрбөй жүрүп көрсөң, айылыңды , балалыгыңды эстеп жыргап алат экенсиң да.
Азыр кээ бир балдар аскердик милдетти өтөөнү милдеттүү деп санабай калышты. Ушунун өзү туура эмес көрүнүш деп эсептейм.

Ынак Осмоналиев:
– 1995-1997-жылдары Ички иштер министрлигине караштуу Жогорку Бишкек Мектебинде окуу менен бирге аскердик милдетимди өтөгөм. Тактап айтканда, кадимки аскердегидей болуп, бир жыл казарма турмушунда жашаганбыз. «Дедовщина» деген бар болчу. Машыгуу учурунда мээ кайнаткан ысыктан кээ бир балдар эстен танып жыгылып калган учурлар кездешкен. Мен музыкалык оркестрдин командири болчумун. Ички иштер министрлигине карагандыктан, тамак-ашыбыз жакшы болчу. Кыскасы, катуу тартип менен түрлүү машыгуулардан өтүп машыкканбыз.
Азыр аскердин кадыр-баркы жоголуп бараткансыйт. Мурда менин байкелерим аскерден келишсе той менен тосуп алышчу. Аскерге барбаган жигиттерди кыздар карачу эмес, азыр андай болбой калган.

Жамбыл Камчиев:
– Мен аскердик милдетимди Белорусияда 1972-1974-жылдары өтөп келгем. Менин аскерге барганымдын өзү кызык, анткени, барып эле Минск шаарына түш­көнү­бүздө менин документим Фрунзеде калып калыптыр. Ошентип, документим жок талаада калгам. Аскер бөлүмүнө арызданып атып араң аскерге кабыл алынганмын. Башында 6 ай аябай кыйналдым, арыктап кеттим, анан экинчи 6 айда араң семирдим. Анан үйдөн ата-энем берип жиберген акчаны кайра өздөрүнө жөнөтө баштадым. Аскерден мен көп нерсени үйрөнүп келдим. Мисалы, орусча сүй­лөш­­көндү да орус кыздарынан үйрөндүм. Ошондой эле кыз-жигит болуп сүйүш­көндү да орус кыздарынан үйрө­нүп, аларды сүй­гөм дагы. Кыскасы, мен орустардан көп нерсе үй­рө­нүп келгем.


Бир собол

АСКЕРГЕ БАРБАГАНЫҢДЫН СЕБЕБИ ЭМНЕДЕ?

УРМАТ УСЕНОВ:
– Мен окууга аябай зээндүү болгондуктан, окууга көбүрөөк басым жасап алыпмын. Окуу деп жүрүп жашым да өтүп кетиптир. Негизи, аскерге баруу ар бир кыргыз жигитинин ыйык милдети болуп саналат эмеспи.

МИРБЕК АТАБЕКОВ:
– Аскерге баруудан коркпоймун. Болгону, ата-энемдин сөзүн кыя албай гана барбай калгам. Бирок, курал колдонгонду эң жакшы билбесем да, кыргыз элимдин башына кыйынчылык түшсө, жоодон коргогонго аттанмакмын.

МИРБЕК ИМАНБЕКОВ:
– Мен болгону окуума байланыштуу аскерге барбай калгам. Чакырса, балким, барып ка­лышым да мүмкүн. Бирок, курал колдонгонду жакшы эле билем. Кичинекейимде атам менен аңчылыкка чыгып жүрүп мылтык атууну үйрөнгөм.

АКБАР СҮЙҮНБАЕВ:
– А мен болсо окуу деп, андан кийин ырдайм деп жүрүп аскерге барбай калгам. Бирок, барууга аябай аракет кылганмын. Ошентсе деле курал кармап элимди коргогонго жараймын.

Даярдаган Замира Рахманбердиева


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: