реклама
Супер-Инфодо жарнама
SUPER.KG порталында жарнама
Реклама в Супер-Инфо
Реклама на SUPER.KG
Архив
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ПРЕЗИДЕНТТИК ШАЙЛООДО КИМГЕ ДОБУШ БЕРЕСИЗ?

(11-сентябрь - 24-сентябрь, 2017-жыл)

Жыйынтык

Добуш берүү үчүн телефон номериңизди жазып жөнөтүңүз. Сизге алты сандан турган СМС-код келет. Добуш берүү акысыз.
СМС аркылуу келген кодду төмөнкү формага жазып добуш бере аласыз:
Код:

 

semetei

Изги ишти улантып: СООРОНБАЙ ЖЭЭНБЕКОВДУН ТУШУНДА АЛГА ЖЫЛГАН БИЛИМ ТАРМАГЫ

№775 8-14-сентябрь, 2017-ж.


БИЛЕКТҮҮ БИРДИ, БИЛИМДҮҮ МИҢДИ ЖЫГАТ

Быйылкы Билим күнү (1-сентябрь) ыйык Курман айт майрамы менен бир келди. Чүй облусунун Аламүдүн районундагы Чоң-Таш айылында Сүймөнкул Чокморов атындагы мектептин жаңы имаратын ачуу аземине катышкан президент Алмазбек Атамбаев элибизди кош майрамы менен куттуктап, бул жаатта аткарылып жаткан иштерге учкай токтолду. Агартуу тармагындагы жетишкендиктерге Сооронбай Жээнбековдун өкмөтү да чоң салым кошконун эске салабыз.
Баланы билим алууга тарбиялоо, ага туура багыт берүү – ата-эненин милдети. Мамлекет башчысы өз сөзүндө Чоң-Таш апасынын туулган айылы экендигин, анын инсан катары калыптанышына энеси көп эмгек жумшаганын билдирди. «Менин окуп, жакшы билим алышыма апамдын эмгеги зор»,- деди Алмазбек Атамбаев.
Президенттин эскеришинче, атасы 60 жашында көргөн кенже уулун жанынан чыгаргысы келбесе керек, «эң кичинекейибиз Алмазбек окубай эле жаныбызда калсынчы» десе апасы ага көнбөй окутуптур. «Мен чөп чапканды, багбанчылыкты, эгин сугарганды жакшы көрчүмүн, эгер апам окутпаганда сугатчы болмокмун»,- дейт А.Атамбаев. Андан ары мектепте окуп жүргөндө штанга көтөрүүгө, күрөшкө, бокско кызыгып кетсе керек, апасы «билектүү бирди жыгат, билимдүү миңди жыгат» деп билим алууга үндөгөнүн эскерди. Билгенге бул сөздөрдүн чоң тарбиялык мааниси бар.
Чоң-Таш айылындагы Сүймөнкул Чокморов атындагы мектеп 1929-жылы курулган. Айылдын жашоочулары өткөн жылдын сентябрь айында президент барганда спорт залы, бардык шарты бар мектептин жаңы имаратын куруп берүү өтүнүчү менен кайрылышкан. Мамлекет башчысынын өкмөткө берген тапшырмасы аткарылды.
Алмазбек Атамбаев мектептин жаңы имараты менен таанышып, окуу кабинеттерин жана спорт залды көрүп чыкты. Ошондой эле мектепке интерактивдүү доска менен жаңы окуу китептерин белекке тапшырды.

СООРОНБАЙ ЖЭЭНБЕКОВДУН ӨКМӨТҮ МЕКТЕП РЕФОРМАСЫН АЛДЫГА ЖЫЛДЫРДЫ

XXI кылым – илимдин, инновациялык технологиянын, интернеттин кылымы. Ага жараша дүйнө өтө тездик менен өзгөрүүдө. Бүгүн көргөнүң эртеңкиге окшобогон мындай учкул заманда мамлекеттин өсүп-өнүгүшү жогорку технологияларга байланышып калган. Мындай шарттарда Кыргызстандын бүгүнкүсү жана эртеңки келечеги илим-билимсиз бир кадам да алдыга жыла албайт. Ушул жагынан алганда Кыргызстан билим берүүгө бюджеттин 24 пайызын бөлгөн дүйнөдөгү 11 өлкөнүн бири.
Мектептерге көңүл буруу, жаңы мектеп имараттарын салуу, базасын чыңдоо, компьютерлештирүү сындуу алгылыктуу иштер Алмазбек Атамбаевдин президенттик мөөнөтүндө жүзөгө ашырылды. Ал эми Сооронбай Жээнбековдун өкмөтү бул тармакка өзгөчө көңүл буруп, мектеп реформасын алдыга жылдырганы менен эсте калды. Буга Сооронбай Жээнбеков баштаган министрлер кабинетинин 1,5 жылга чукул аралыкта 134 мектептин, 100 бала бакчанын курулушун бүтүрүп, пайдаланууга бергени далил.
Мугалимдердин маянасы орточо айлык акынын деңгээлине Сооронбай Жээнбековдун тушунда жетти. Бул абдан курч социалдык көйгөй болчу. Натыйжада убагында мектепти таштап кеткен мугалимдер сүйүктүү кесибине кайрылып келе башташты. Маселен, беш жыл мурда мектептерде 3800 мугалим жетишпесе, бүгүнкү күндө республика боюнча болгону 401 мугалим тартыш. Бүгүнкү күндө агартуучулардын орточо айлык акысы 13 800 сомду түзсө, 2010-жылы бул көрсөткүч 3500 сомго барабар эле.

МЕКТЕПТЕРДЕГИ ИНТЕРНЕТ БАЛДАРГА БИЛИМ БЕРҮҮ САПАТЫН ЖОГОРУЛАТАТ

Азыр интернеттин арааны жүрүп турган мезгилде мектептер да четте калбашы керек. Анткени интернеттин өзү билим булагына айланганы качан. Сооронбай Жээнбеков өкмөттү жетектеп турган кезинде өткөргөн жумушчу кеңешмеде мектептерди интернетке кошуу боюнча иштер тынбай жүрүп жатканын билдирип, ишти тездетүү талабын койгон. «Жаңы окуу жылынын башталышы менен өлкөбүздө дагы 775 мектеп интернетке туташтырылат. Мунун ичиндеги 27 мектеп өлкөнүн алыскы чек ара райондорунда жайгашкан. Буга чейин 400дөн ашык мектеп интернетке кошулган. Ошону менен өлкөдөгү мектептердин 60 пайызы интернетке кошулуп, калгандары 2018-жылы «Таза коом» долбоорунун алкагында туташат. Буга катар билим берүү тармагына мамлекеттик казынадан тиешелүү каражаттар бөлүнүп жатат. Өкмөттүн бул тармакка камкордугу токтобойт»,- деген Сооронбай Жээнбеков бул максатта
112 миллион сом бюджеттен каралганын баса белгилеген.
Мектептердин дагы бир көйгөйү – окуу китептеринин тартыштыгы. Ал эми мектептерди интернетке кошуу менен бул көйгөйдү дээрлик жоюу мүмкүнчүлүгү бар. Учурда 360 окуу китептеринин электрондук варианты киргизилген. Ошондой эле Кыргызстандын мектеп окуучулары жана алардын ата-энелери интернеттен 566 диссертация жана 794 сейрек цифралаштырылган китептер менен таанышып, керек болсо, аларды көчүрө алышат. Ошону менен учурда мектептердин базасында ар бир райондо жана шаарларда 60 электрондук китепканалар түзүлдү.

ДЕН СООЛУККА КАМКОРДУК – МУГАЛИМДЕРГЕ ШАРТ

Өз кесибин мугалимдиктен баштаган Сооронбай Жээнбеков премьер-министрлик кызматта турганда мугалимдердин түйшүгүн жакшы билерин көрсөттү. Келечек муундарды тарбиялап жаткан мугалимдердин ийгиликтүү иштеши үчүн мамлекет алардын ден соолугу үчүн да кам көрүү зарылдыгын эске алып, 2017-жылдын июнь айында Ысык-Көл районунун Сары-Ой айылындагы «Асыл» пансионатын Билим берүү жана илим министрлигине өткөрүп берүү боюнча өкмөттүн чечимине кол койду. Сооронбай Жээнбеков үстүбүздөгү жылдын 1-июнунда Ысык-Көл облусуна жасаган жумушчу сапарында «Асыл» пансионатынын имаратын ремонттоону тез арада баштоону жана анын аймагында 400 орунга ылайыкталган беш кабаттуу ден соолукту чыңдоо борборунун жаңы имаратынын курулушун баштоо тапшырмасын берген. Ал үчүн республикалык бюджеттен
377 миллион сом бөлгөн. Көз карандысыздыкка ээ болгон
26 жылдан бери бир да эс алуу борбору жок мугалимдер мындан ары жыл бою кезек-кезеги менен Ысык-Көлдүн жээгинде эс алып, ден соолугун чыңдай алышат.

ТОК ЭТЕРИН АЙТКАНДА...

2017-жылдын 1-сентябрында Кыргызстан боюнча 140 миң бала мектеп босогосун алгачкы ирет атташты. Жалпысынан жаңы окуу жылында мектептерде
1 миллиондон ашуун окуучу билим алып, 79 миңден ашуун мугалим иштеп жатышат.
Расмий статистикага кайрылсак, 2005-2009-жылдарда болгону 127 билим берүү мекемелери (бала бакча, мектеп баары биригип) курулса, акыркы алты жылда бул көрсөткүч 2,5 эсе көбөйүп, 309 жаңы мектеп бүтүрүлүп, пайдаланууга берилген. Ал эми 2016-жылы 98 мектепте капиталдык оңдоо жасалып, бул максатта бюджеттен 1 миллиард 39 миллион сом жумшалган. Булар дагы бардык шарты бар жаңы мектептердин катарына кирет.
Мектеп окуучуларынын жол коопсуздугу да олуттуу маселеге айланды. Сооронбай Жээнбеков өкмөттү жетектеген кезинде жолго жакын мектептерге светофорлорду орнотуу, жол полициясын, жол белгилерин тез арада коюуну талап кылган. Учурда 1232 жол белгиси, 218 жол полицейлери жаткырылып, 215 чийүү белгилери жасалды. Ошондой эле Нарын, Ош шаарларында мектептердин тушуна 7 светофор орнотулуп, иштеп жатат.
Чоң-Таш айылындагы мектептин ачылышында сүйлөгөн сөзүндө: «Айрымдар өздөрүн мусулман деп эсептегени менен, жадакалса исламдын негиздерин билишпейт. Мухаммед пайгамбарга жөнөтүлгөн биринчи аяттын биринчи сөзүндө «Оку!» деп айтылат»,- деген президент Алмазбек Атамбаев илимге арналган бир саат түнү менен намаз окуганга барабар экендигин айтты. Ошондой эле ал динди эч качан Жараткандан жогору коюуга болбостугун, ар дайым билимге умтулуп, маданиятты дин менен чаташтырбаш керектигин баса белгиледи.

Ибрагим Жусуев

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -1 
Талкуу жабык.
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макалага кирди:

Макалалардын саны:
19459;
 
Маалымат-маанайшат порталы
2006-2017 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда:
0,1864161491394