реклама
Супер-Инфодо жарнама
SUPER.KG порталында жарнама
Реклама в Супер-Инфо
Реклама на SUPER.KG
Архив
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
semetei

ТАРЫХЫЙ ОКУЯ: КЫРГЫЗ-ӨЗБЕК ЧЕК АРАСЫ ЧЫР-ЧАТАКТЫН ЭМЕС, ДОСТУКТУН ДАРБАЗАСЫ БОЛУШУ КЕРЕК

№775 8-14-сентябрь, 2017-ж.


Кыргызстанга 17 жылдан кийин коңшу Өзбекстандын президенти мамлекеттик сапар менен келди. Өзбек президенти Шавкат Мирзийоевди 5-сентябрда президент Алмазбек Атамбаев өзү жылуу тосуп алып, «Ала-Арча» мамлекеттик резиденциясында кеңири курамда сүйлөшүүлөр болду.

Кыргызстан менен Өзбекстан коңшу жашаганы менен, көп жылдан бери бир пикирге келе албай, эки өлкөнүн чек ара аймактарында тынымсыз чыр-чатактар орун алып келген. Жанаша жашаган, тили, дини бир калк чек арадан каттай албай, карапайым эл эле эмес, эки өлкө тең мындай муздак мамиледен жапа чегип келген. Эми бул күндөр артта калды. Президент Алмазбек Атамбаев Өзбекстандын президентинин бул мамлекеттик сапары боордош эки өлкөнүн, эгемендүү эки республиканын мамилелериндеги жаңы доорду ачып жатканын белгилеп, мамиленин бекемделиши жалпы аймактагы саясый кырдаалга жакшы таасирин тийгизе турганын айтты. Өлкө башчысы бул күндү кыргыз жана өзбек эли 25 жыл күткөнүн белгилеп, өзбек президентине эки өлкөнүн ортосундагы көйгөйлүү маселелерди чечүүдө саясый эрктүүлүгүн жана акылмандыгын көрсөткөндүгү үчүн ыраазычылык билдирди.
«Кыргыз-өзбек эли 25 жылдан бери күтүп, самап жаткан кагаздардын маанилүүсүнө кол койдук. Ушуну менен чек аранын 85 пайызы бекитилип жатат, жол ачылып жатат. Ушунчасына тил табышкандан кийин 15 пайызга дагы тил табышабыз го деп турам. Албетте, ушундай чоң тарыхый иш-чаранын, окуянын болуп жатканына Өзбекстандын президенти Шавкат Мирзийоевдин мамлекеттик сапар менен келгени түрткү болуп жатат. Ошон үчүн Шавкат Миромоновичке, өзүмдүн досума, бир тууганыма, бурадарыма рахмат айткым келет. Башкысы, каалоо болсо, саясый эрк болсо, сүйлөшсө боло турганына ынандык. Чындыгында, биздин өлкөлөр ортосунда бир туугандык мамиле болушу керек»,- деди Атамбаев.
Президент кыргыз-өзбек чек арасы чыр-чатактын эмес, достуктун дарбазасы болушу керектигин билдирди. «Чек ара бекеттери ачык болуп, эл жакындары каза болгондо телеграмма аркылуу эмес, мурдагыдай бири-бири менен эркин катташкыдай болушу керек. Эки президенттин бир туугандык эрки бардык чек арада калыптанышы керек. Биздин чек аралар чыр-чатактын эмес, достуктун дарбазасы болушу керек»,- деди Атамбаев.

Шавкат Мирзийоев: «БУЛ ЖАКЫНДАШУУЛАРГА ПРЕЗИДЕНТ АЛМАЗБЕК АТАМБАЕВДИН САЛЫМЫ ЧОҢ»

Кыргызстан коңшу мамлекеттин президентин жогорку деңгээлде тосуп алууга күн мурунтан даярданып, тиешелүү чараларды көргөн. Өзбекстандын президенти буга өз көзү менен күбө болду жана кыргыздардын меймандостугу үчүн ыраазычылык билдирип, өз ара кызматташуунун деңгээли жогору экендигин белгиледи. «Бул жакындашууларда менин досум, бир тууганым Алмазбек Шаршенович зор роль ойноду. Самарканддагы жолугушууда биз бардыгын ачык-айрым сүйлөштүк. Бүгүн биз эң жакын досторубуздун кучагындабыз, боордош элдин кучагындабыз. Мен телевизордон көрдүм. Эл Анжиянга жана Ошко мурдагыдай барып келерине ишенбей жатат. Жетекчи катары мен элибиздин бул каалоосун аткарууга милдеттүүбүз деп эсептейм»,- деди Шавкат Мирзийоев.
Өзбекстандын президенти Шавкат Мирзийоев да эки тараптуу келишимдерге кол коюлгандан кийинки сөзүндө эки өлкөнүн мамлекеттик чек арасынын 85 пайызы такталганына токтолду. «Кыргызстан менен Өзбекстан бийлиги чек ара маселелерин чечүүгө саясый эрки жетти. 25 жылдын аралыгында бир дагы чакырым чек ара чечилген эмес. Биз бир жылга жетпей эки өлкөнүн чек арасынын 85 пайызын чечтик»,- деди ал. Ошондой эле өзбек президенти чек ара маселесин толук чечүүгө болгон аракеттер токтобой турганын кошумчалады. «Мен президент Алмазбек Атамбаевди мамлекеттик сапары менен Өзбекстанга чакырам. Менин оюмча, калган кыска аралыкта чек арадагы такталбай калган 15 пайыз тилке боюнча да болгон аракетибизди жумшайбыз»,- деди ал.
Шавкат Мирзийоев өз сөзүндө чек ара бекеттерин толук ачып, эки өлкөнүн жарандарынын эркин өтүүсүнө мүмкүнчүлүк түзүүгө умтула турганын, чек ара бекеттери достуктун бекети болушу керектигин да белгиледи.

КАМБАР-АТА ГЭСИН ЭКИ ӨЛКӨ КУРАТ

Буга чейин Камбар-Ата ГЭСин курууга өзбек тарап каршы чыгып, анын кесепети оор боло турганын жүйө кылып келген. Эки өлкөнүн президенттери бул жолку жолугушууда дал ушул маселе боюнча да орток пикирге келгени маалым болду. Өзбек президенти Шавкат Мирзийоев Камбар-Ата ГЭСин чогуу куруу боюнча кыргыз тараптын сунушун колдоого аларын жарыялап, андан башка да ири долбоорлор боюнча иш алып баруу пландалып жатканын айтты.
«Биз транспорттук коридор боюнча сүйлөштүк. Бул – ири Кытай-Кыргызстан-Өзбекстан темир жолун куруу боюнча. Ага чейин биз унаа жолун курушубуз керек. Анжияндан Ошко, андан Эркеч-Там аркылуу Кашкарга чейин жол салышыбыз керек. Бул эң кыска жол болот. Мына, саясый эрк бар. Алмазбек Атамбаев «бир дагы ГЭС Өзбекстандын катышуусусуз курулбайт» деп айтты. Мен ага толук кошулам. Биз ар тараптан: каржы, ресурс жана башка жагынан толук көмөктөшүп, Камбар-Ата ГЭСин чогуу курабыз. Анткени ал бизге керек»,- деди өзбек президенти.

МАМИЛЕ МЫНДАН АРЫ ЧЫНДАП БЕКЕМДЕЛЕТ, АТАМБАЕВ ОКТЯБРДА ТАШКЕНТКЕ БАРАТ

Эки президенттин бул жолугушуусун эксперттер жогору баалоодо. Эки мамлекет тең мамилени чындап бекемдөөгө кызыкдар болуп жатканы, 25 жылдан бери чечилбей келген маселенин кыска аралыкта чечилип жатышы жакшы жышаан катары бааланып жатат. Өзбекстандын президенти Шавкат Мирзийоев бул сапары учурунда Алмазбек Атамбаевди Ташкентке чакырды. Өлкө башчысы октябрь айында Өзбекстанга жооптуу мамлекеттик сапар менен барганы турат.
Жылуу маанайда уланган жолугушуудан кийин Кыргыз президенти Алмазбек Атамбаев жана Өзбекстандын президенти Шавкат Мирзийоев кыргыз-өзбек кызматташтыгы тууралуу документтерге кол коюшту. Алар:

  • «Чек ара өкүлдөрүнүн ишмердүүлүгү жөнүндө» өкмөт аралык документ;
  • Жогорку Кеңеш жана Улуу мажилис ортосундагы кызматташтык жөнүндө меморандум;
  • Кыргыз жана өзбек өкмөттөрүнүн ортосундагы салык мыйзамдарын сактоодо бири-бирине көмөк көрсөтүү;
  • Консулдук конвенциянын ратификациялык грамоталары менен алмашуу протоколу;
  • Соода өнөр жай палатасындагы кызматташтык жөнүндө келишим;
  • Ош шаардык мэриясы менен Анжиян шаарынын акимчилигинин ортосундагы келишим;
  • Улуттук стратегиялык иликтөөлөр институту жана Өзбекстандын президентине караштуу стратегиялык жана аймак аралык иликтөө институту ортосунда түшүнүшүү меморандуму;
  • Жогорку билим берүү тармагындагы өкмөт аралык келишим;
  • Илимий-техникалык кызматташтык тууралуу өкмөт аралык келишим;
  • Бишкек мэриясы жана Ташкент акимчилиги ортосундагы келишим.
"Кыргыз Республикасынын президенти Алмазбек Атамбаев Өзбекстандын президенти Шавкат Мирзийоев менен."

"Эки өлкөнүн канайымдары Раиса Атамбаева менен Зироатхон Хошимова."

Ибрагим Жусуев


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -1 
Талкуу жабык.
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макалага кирди:

Макалалардын саны:
19838;
 
Маалымат-маанайшат порталы
2006-2017 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда:
0,19967293739319