Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

90-ЖЫЛДАРДАГЫ ЕВРОРЕМОНТТУ УНУТУҢУЗ!

№776 15-21-сентябрь, 2017-ж.


Учурда үйүндө оңдоп-түзөө иштерин жүргүзүп же жүргүзүүнү максат кылып жаткан окурмандарыбызга кандай каталарга жол бербөө жана эмнелерди эске алуу керектиги тууралуу Бишкектеги “Mossebo» курулуш-жасалгалоо (отделочный) компаниясынын прорабы ЭРМЕК РЫСКУЛОВ өз кеңешин берет.

ЖАҢЫЧЫЛДЫКТЫ ЭСКЕ АЛЫҢЫЗ!

Улуу адамдардын биринин “адамзат өткөнү менен күлүп коштошот» дегени бар. Анын сыңарындай 90-жылдарда оңдоо-түзөөлөрдө колдонулган айрым элементтер менен күлүп коштошууга эбак мезгил келген. Анда эмнелерди эске алуу зарыл?

  • Шыптын бийиктигин сактоого аракет кылуу керек. Шыпта гипсокартондон толкун, оймо, фигура, бассейн жасоонун кереги жок. Андай шып устундар уркуюп чыгып кала турган болсо гана керек. Анда да аны бетондон жасап, гипсокартонду унутуңуз.
  • Ашканадагы шыпты пластикалык панелден жасоо да модадан чыккан. Мурун ал жууп-тазалаганга ыңгайлуу катары эсептелгени менен, ысыкта күйүп кетчү. Анын ордуна керме шыптарды орнотуңуз. Бул узакка колдонулат жана ысыкта күйбөй, бырышып эле калат.
  • Ванналардагы темир түтүктөрдү пластик түтүктөргө алмаштыруу оң. Анткени дат баспайт, чирибейт, узакка кызмат кылат.
  • Кабат үйдө жашагандар эски темир батареяларды биметалл эмес, чоюн (чугун) батареяларга алмаштыруулары керек. Себеби суу түтүгүндө суунун басымы чоң, ага чоюн батареялар гана туруштук бере алат. Жылуулук электр станциялары (ТЭЦ) суу түтүктөрү чирибеши үчүн сууга жегич (щелочь) кошот, ал жегич биметаллды жеп коёт (ичинен жукарат). 1 жылдан соң батарея атылып кетиши мүмкүн. Биметаллды жер тамга эле колдонгон оң.
  • Эски алюминий кабель, өткөргүчтөрдү жезден жасалганына алмаштыруу сунушталат. Себеби азыркы үй тиричилик техникаларынын кубаты күчтүүрөөк. Бир эле мезгилде бир нечесин колдонуудан алюминий өткөргүчтөр эрий баштайт.
  • Кагаз обоилердин да модадан чыкканын айта кетели. Азыр сатыкта винил жана флизелин обоилери бар. Булардын артыкчылыгы – сүртүлөт жана жуулат.


ОҢДОП-ТҮЗӨӨГӨ КИРИШЕРДЕН МУРДА ДОЛБООР ТҮЗҮҢҮЗ

Үйүңүзгө оңдоо-түзөө иштерин баштай электе дизайн-долбоор түзүңүз. Анда розеткалардын жана эмеректердин жайгашуу орду, жылуу пол орнотуу, сатып алынуучу керектүүлөрдүн тизмеси жана аларга кетчү акча эсеби сыяктуулар болот. Долбоор иш ортолоп же аяктайын деп калганда акча каражатынын жетишпей токтоп калуусунан жана айласыз арзан курулуш материалын колдонуп жиберүүдөн сактайт. Долбоор түзсөңүз канча акча кетерин, канча убакытта бүтөрүн тагыраак билип, ошого жараша иш кыласыз. Каражат жетпей турганы билинсе, айрым бөлмөнүкүн кийинкиге калтырып, берки бөлмөлөрдүкүн толук кандуу оңдоодон өткөрөсүз.

Сантехниканын арзанын албаңыз. Бат сынып калуу жана суу ага берүү коркунучу бар.

Водоэмульсиондук красканын кымбатын алсаңыз, жууганда орду ак ала болбойт. Бул өзгөчө кичине балдары барларга керек. Анткени алар колдору менен дубалдарды кармалап кир кылып ийишет.

Бөлмөлөрдө, анын ичинде ашканада розеткалардын көп болушу зарыл. Бирок бөлмөлөрдө эмеректер кайсы жакта турарын так пландабай туруп розеткаларды орнотуу каталык. Эмерек орнотулгандан кийин розетка жабылып калса, узарткычтарды сатып алып, алар болсо бөлмөдө чубалып адамга жолтоо болот.

Розеткаларды полдон 35-40 сантиметр, ал эми жарыкты өчүрүп-жандыргычтарды полдон 90 сантиметр бийикке орнотсоңуз балдарга колдонуу ыңгайлуу.

Жуунуучу бөлмөдө фен үчүн да розетка орнотуу керек. Болбосо узарткычка күн түшөт.

Электрощитте ар бир бөлмө, кондиционер, кир жуучу машина, аристон үчүн өзүнчө автомат болсо жакшы. Мисалы, бир бөлмөдө чыңалуудан улам токтун кыска туташуусу (короткое замыкание) күтүлсө, ошол бөлмөнүн эле жарыгы өчөт. Андыктан электрощит сатып аларда андагы автоматтардын санына көңүл буруңуз.

Уктоочу бөлмөдө бир лампочкага 2 жарыкты жандырып-өчүргүч болушу шарт. Бири кире бериште болсо, экинчиси керебеттин баш жагында болот. Бул жарыкты ордуңдан турбай эле өчүрүүгө мүмкүндүк түзөт. Керебеттин жанында розетканын да болгону оң. Бул светильникти пайдаланууга же телефонду зарядга саюуга мүмкүндүк берет.

Үйдө гардероб үчүн бөлмө бөлүү оң. Анда кийим жана бут кийим салынуучу шкафтарды коюңуз. Балдарга алардын бою жетерлик жерден орун берүү же боюна ылайыктап шкаф жасатып берүү жакшы.

Асма шам тандоодо горизонталдуу плафондуусун албоо керек. Аларга чаң топтолуп, чымын-көпөлөк сыяктуулар жабышып өлүп калып, жаман көрүнөт.



Кабат үйлөрдө жашоочулар даараткана менен ваннанын шыбын керме шып кылышса жакшы. Мисалы, өйдө жактагылар суу каптатып жиберишсе суу керме шыпта топтолот. Сантехниктерди чакырсаңыз, алар шыптын бир бөлүгүн чыгарып, сууну төгүп, кайра шыпты орнотуп коюшат.

Түтүн соргуч
(вытяжка) плитадан 60 сантиметр бийиктикте болушу шарт. Андан бийик болсо жакшы сорбой калат, андан жакын болсо түтүн соргуч өзү бат ысып, бузулат.

Ашканада полго ламинат төшөбөңүз. Суу төгүлсө эле көөп чыгат. Анын ордуна кафель төшөңүз, анын алдында жылуу пол төшөсөңүз жакшы.

Обоилердин ордуна дубалга декоративдүү кыш, плитка (курамы гипс үбөлөндүсү же упасы, керамика, керамогранит, акрил сыяктуулардан түзүлөт) жабыштыруу модада. Бул бөлмөгө өзгөчө көрк берет, узакка колдонулат, бирок обоиге караганда кымбат.

Алтындай жылтыраган түстү орду менен колдонгонду билбесеңиз, колдонбоңуз. Мисалы, андай жандырып-өчүргүчтөр жөнөкөй эшик кармагычтар менен коошпой калат. Эгер мындай түстү колдонсоңуз, анда эшиктин туткасы, сууну чабыштыргыч (смеситель воды), жарыкты өчүрүп-жандыргычтардын да ошондой өңдө болушу шарт.

Ар бир бөлмөнүн полун ар түрдүү кыла берүү ашыкчалык кылат. Айталы, конок бөлмө менен уктоочу бөлмөнүн полу бирдей болсо (мисалы, ламинат же паркет), ашкана, ванна жана дааратканага плитка жаткырылса жакшы.


Канымжан Усупбекова
kenesh@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  10 
Комментарийлер(2)
19.09.2017. 12:05 
Тайпасы:
Жаран
Комментарийлердин саны:
56
Катталган:
14-02-2016
Соӊку аракети:
25-09-2018 03:59
Жынысы:
Белгисиз
+6
Эн жакшы маалымат
20.09.2017. 22:30 
Тайпасы:
Жаран
Комментарийлердин саны:
1
Катталган:
10-08-2015
Соӊку аракети:
10-08-2018 15:51
Жынысы:
Белгисиз
Калаасы:
Ордолуу Ош
0
Билип койгону жакшы маалымат экен.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21232;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: