"Кырсык каш-кабактын ортосунда" деген сөз бекеринен эмес. Кыргыздын таланттуу кыздарынын бири Кенже Көбөкова учурда ооруканада. Өзү менен байланышууга мүмкүнчүлүк болгон жок. Жакындарынын айтымында, ырчы кыз өзү жашаган көп кабаттуу үйдүн 3-кабатындагы батиринин терезесин жууп жатып кулап кеткен. Денесинен оор жаракат алганын, учурда абалы жакшырып, бирок өз алдынча басууга эрте экенин да кошумчалашты. Ырчынын тез сакайып, сахнага кайтып келишин каалайбыз.