Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

САЯСАТ ЖАНА КООМ ЖАҢЫЛЫКТАРЫ

№392 7-13-май, 2010-ж.


БАКЫТ БЕШИМОВ ЭЛЧИЛИКТЕН ЭМНЕГЕ БАШ ТАРТТЫ?

АКШдан баш паанек алган оппозиция өкүлү Бакыт Бешимов Убактылуу өкмөт сунуштаган Кыргызстандын АКШдагы элчиси кызматынан баш тартканы маалым болду. КСДПнын көрүнүктүү лидерлеринин бири болгон бул инсан Убактылуу өкмөт менен эмнеге тил табыша албаганын түшүндүрө элек.
Б.Бешимов өткөн жылы президенттик шайлоодо талапкер Алмаз Атамбаевдин шайлоо боюнча штабынын жетекчиси милдетин аркалаган. Шайлоодон кийин “бийлик тарабынан куугунтук көрүп жатам” деп АКШга качып кеткен. Ага чейин 4-чакырылыштагы ЖКнын депутаты жана парламенттеги КСДП фракциясынын жетекчиси болуп келген.


ЖАҢЫ ДОЛБООРДО НЕГИЗГИ 4 МАСЕЛЕ КАРАЛАТ

Убактылуу өкмөттүн төрайымынын орун басары Өмүрбек Текебаев: “Жалпы элге сунушталган Баш мыйзамдын жаңы долбоорунда негизинен төрт маселе бар”,- дейт. Алардын биринчиси – президенттин ыйгарым укуктарын азайтуу, экинчиси – парламенттик шайлоо системасы, үчүнчүсү – өкмөттү калыптандыруу эрежелери, төртүнчүсү – Конституциялык Соттун тагдыры. “Бул маселелер боюнча Убактылуу өкмөттүн максаты бир. Буларды түздөн-түз өзгөртө албасак да, бийлик бутактарына ыңгайлуу тең салмактуулукту түзүп берүүгө мүмкүнчүлүгүбүз бар”,- дейт Өмүрбек мырза. Ошондой эле ал аталган маселелер боюнча коомчулуктан сунуштар болсо, Убактылуу өкмөт бул сунуштарды эске аларын кошумчалайт.


ПАРТИЯЛАР ОЙГОНО БАШТАШТЫ

Убактылуу өкмөт жаңы Баш мыйзамдын долбоорун жарыялап, Кыргызстанга парламенттик башкаруу системасы керектигин жар салды. Аны коомчулук талкууга алып, айрымдары макул болушса, айрымдары терс пикирлерин билдиришүүдө. Ал ортодо Утурумдук өкмөттүн башчысынын орун басары Өмүрбек Текебаев 27-июнда жалпы элдик референдум өтөрүн жарыялады. Канткен күндө да референдум болуп, андан соң 10-октябрда парламенттик (балким, бир эле күндө президенттик да) шайлоо өтөрү азыртадан белгилүү болуп калды.
Маалым болгондой, парламенттик башкаруу системасы кабыл алынса, саясий аренадагы чыныгы күрөш парламенттик шайлоодо кызый турганы анык. Бакиев бийлигине оппозиция болуп күрөшүп келген жана бийликтин кулашына түздөн-түз салым кошкон “Ата Мекен”, КСДП, “Ак шумкар” өңдүү партиялардан сырткары Кыргызстанда аты бар, заты жок 100дөн ашык саясий партия катталган. Парламенттик шайлоого карата бул партияларга көз салып көрөлү.
Учурдагы Убактылуу өкмөттүн курамында “Ата Мекенден” Өмүрбек Текебаев, КСДПдан Алмазбек Атамбаев, Роза Отунбаева, “Ак шумкардан” Темир Сариев, “Улуу биримдиктен” Эмил Каптагаев жана “Эркиндиктен” Топчубек Тургуналиев бар. Булардан тышкары “Асаба”, “Туран”, “Ар-намыс”, “ЭрК” сыяктуу акыркы 5 жылда саясат майданында көп көрүнбөй кеткен партияларды да белгилей кетүү керек. Ал эми учурдан пайдаланып Аликбек Жекшенкулов “Акыйкат үчүн!” республикалык партиясын түзсө, Мирослав Ниязов “өлүккө” айланган “Эл арманы” партиясын жаңы адамдар менен бирге кайра тикелөөнүн камын көрүүдө. Экс-президент Аскар Акаевдин кызы Бермет Акаеванын Кыргызстанга келип, таасирдүү адамдарга жолуга баштаганына караганда, парламенттик шайлоого чейин “Алга, Кыргызстан!” да ойгонот деген ой жаралат. Ал эми мурдагы бийликтин камчысын чаап келген “Ак жол” жана “Жаңы Кыргызстан” партиялары азырынча дымып турган кези.


КУРМАНБЕК БАКИЕВДИ ЖАКТАГАНДАР ҮН САЛДЫ

Экс-президентти коргоо боюнча комитетинин өкүлү Жанара Молдокулованын айтымында, 17-майда өтө турган митингге алардын тиешеси жок. Анын маалыматына таянсак, азыркы учурда К.Бакиевдин 1,5 миңдей тарапташтары Жалал-Абадда чогулуп, иш алып барышууда. “Биз президентибиздин келишин күтөбүз жана ал сөзсүз келет. Бирок анын кайра мекенине келүүсү калк ичинде кагылышууга алып келиши ыктымал. Ошондуктан Курманбек Бакиевге Кыргызстанга кайтууга азырынча эртелик кылат”,- деп эсептейт Ж.Молдокулова.


КЕЗЕК ИГОРЬ ЧУДИНОВДО

Баш прокуратура тарабынан мурдагы өкмөт башчы Игорь Чудиновго карата кылмыш иши козголду. Ага “Кыргызгаз” Ачык акционердик коомунун баш директору болуп иштеп тургандагы (2005-жылдын апрель айынан 2007-жылдын 8-февралына чейин) айрым иш-аракеттери боюнча айып коюлууда. Экс-өкмөт башчы КЖКнын 171, 215 жана 211-беренелери: “Карамагына берилген мүлктү ээлеп алуу, аны орунсуз жок кылуу”, “Каржы жеңилдиктерин мыйзамсыз берүү жана алуу”, “Коммерциялык жана башка уюмдардын кызматкерлеринин укугунан кыянаттык менен пайдалануу” боюнча айыпталууда. Бул кылмыш иштеринин жыйынтыгында Игорь Чудинов “Кыргызгаз” ААКсына 4,5 миллион доллар жана мамлекетке 3,5 миллион доллардан ашуун зыян келтирген” деп
а­йыпталууда.


ОРУСИЯ 10-МАЙДАН БАШТАП КҮЙҮҮЧҮ МАЙ ЖӨНӨТӨТ

Кыргызстанга Орусиядан күйүүчү май алып кирүү 1-апрелде убактылуу токтогон эле. Бирок 10-майдан баштап жаңы бажы салыгы киргизилип, тактап айтканда, ар бир тоннасына 203,7 доллар төлөм акысы коюлду. Ага чейин мындай салыктын баасы 193,5 доллар экендиги айтылган эле. Расмий маалыматтар боюнча, Кыргызстан орточо эсеп менен бир жылдын ичинде Орусиядан 1,2 миллион тонна нефти продуктусун алып турат. Бул тууралуу Кыргызстандагы Нефтетрейдерлер ассоциациясынын президенти Базарбай Мамбе­­тов билдирет. Күйүүчү майды темир жол аркылуу ташышат.


УБАКТЫЛУУ ӨКМӨТ ИЗДӨӨ САЛАТ

Баш прокуратура, Мамлекеттик улуттук коопсуздук кызматы жана Ички иштер министрлиги тарабынан оор кылмыштарга айыптуу деп саналган бир нече экс-чиновниктерге издөө салынгандыгын Укук тартибин жана коопсуздукту камсыз кылуучу комиссиясы кабарлайт. Алар: Жаныбек Бакиев, Максим Бакиев, Ахматбек Бакиев, Каныбек Бакиев, Данияр Үсөнов, Игорь Чудинов, Алексей Елисеев, Алексей Ширшов, Сапарбек Балкыбеков, Акимжан Муйбиллаев, Курманбек Темирбаев жана Нурлан Темирбаев. Убактылуу өкмөт тарабынан бул адамдарды издөөгө жана кармоого жардам бергендерге 20 миңден 100 миң долларга чейин акчалай сыйлык берилет. Сурап-билүү телефондору: (0 312) 62-11-71 (МУКК), (0 312) 62-38-74, (0 312) 66-30-29, (0 555) 30-46-83 (ИИМ).


ЭКС-ПРЕЗИДЕНТТИН БИР ТУУГАНДАРЫ КАЙДА?

Мамлекеттик улуттук коопсуздук кызматынын төрагасы Кеңешбек Дүйшөбаевдин айтымында, азыр экс-президенттин жакындары дүйнөнүн түрдүү өлкөлөрүндө жүрүшөт. Аталган органдын маалыматы боюнча, Ахмат жана Жаныш Бакиевдер Кыргызстан, Казакстан жана Өзбекстандын ортосунда жүрүшөт. “Жаныш Бакиевди кармоо биз үчүн көйгөй жаратат”,- дейт К.Дүйшөбаев. Анын айтымында, К.Бакиевдин чоң уулу Марат Казакстанда, кичүү уулу Максим Прибалтикада. Ал эми бир тууганы Марат Бакиев Европада. Калган бир тууган инилери Түркияда жүргөндүгү тууралуу маалымат бар.


КЫРГЫЗ-КАЗАК ЧЕК АРАСЫ АЧЫЛДЫ

Убактылуу өкмөттүн төрайымы Роза Отунбаева менен Казакстандын президенти Нурсултан Назарбаев телефон аркылуу сүйлөшкөн соң чек ара маселеси оң жагына чечилди. 6-май күнү саат 11:30да чек ара ачылып, азырынча жүк ташуучу транспорттук унааларды өткөрүшүүдө. Каржы министринин милдетин аткаруучу Темир Сариевдин билдирүүсүнө караганда, кыргыз-казак чек арасы толугу менен 11-майда ачылат. Н.Назарбаев Казакстан чек арасын коопсуздукту камсыз кылуу кызыкчылыгынан улам жабууга аргасыз болгондугун билдирген.


Александр Лукашенко:
“ОРУСИЯГА МҮМКҮН ДА, БИЗГЕ МҮМКҮН ЭМЕСПИ?”

Расмий Минск К.Бакиевди кайтаруу боюнча түшкөн бардык талаптарды кабыл албай тургандыгын Беларусь президенти Александр Лукашенко “Рейтер” агенттигине билдирди. “Мага расмий түрдө эч ким кайрыла элек. Кайрылуу болсо дагы, алар Лукашенконун жообу кандай болорун билишет”,- дейт ал.
Анын айтымында, экс-президент кызматынан кеткендиги жөнүндө арызды жазса дагы, Баш мыйзам боюнча аны Жогорку Кеңеш кабыл алган эмес. Демек, ал дагы эле Кыргызстандын өлкө башчысы. “Мени Орусия дагы жемелей албайт. Анткени дал Бакиев сыяктуу эле баш калкалап качкан Аскар Акаевди алар кабыл алып эле тим болбостон, жумушка да орноштурушкан. Эмне үчүн Орусияга мүмкүн да, бизге мүмкүн эмес?”- дейт Беларустун өлкө башчысы.


МАДАНИЯТ ТАРМАГЫН КАЙРАДАН МИНИСТРЛИК КӨЗӨМӨЛДӨЙТ

Убактылуу өкмөт Кыргыз Республикасынын Маданият министрлигин түзүү боюнча декрет кабыл алды. Аталган орган Убактылуу өкмөттүн курамына кирет. Басма сөз кызматынын маалыматына караганда, бул чечим маданият маселелери боюнча мамлекеттик органдын ишмердигин жакшыртуу максатында чыгарылды.

Айбек Кочкоров, Эльвира Караева
politika@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(6)
11.05.2010. 10:10 
Тайпасы:
Кыймылы жок
Комментарийлердин саны:
41
Катталган:
05-04-2007
Соӊку аракети:
29-07-2014 14:16
Жынысы:
Белгисиз
Калаасы:
КР
0
Азаматсын Батько!
12.05.2010. 07:14 
Тайпасы:
Жаран
Комментарийлердин саны:
118
Катталган:
04-04-2010
Соӊку аракети:
04-01-2018 20:00
Жынысы:
Белгисиз
Калаасы:
Талас
0
Александр Лукашенко Бакиевди койнунда алып жата берсин. Акыры оз куносун билгенде Бакиевди котко тебиб кубат.
12.05.2010. 14:46 
Тайпасы:
Кыймылы жок
Комментарийлердин саны:
181
Катталган:
11-05-2010
Соӊку аракети:
10-10-2016 21:55
Жынысы:
Белгисиз
Калаасы:
Кыргызстан
0
Убактылуу окмот Лукашенкодон улгу алса боло.Силерге окщоп коркпой эле Орустарга короздонуп атат.Бироон анф=дай боло албайсыб го.Себеби,духунар жетпейт.Кун карама болу Орус аганардын козун карап отуп кетесинер.
12.05.2010. 19:31 
Тайпасы:
Жаран
Комментарийлердин саны:
21
Катталган:
09-07-2009
Соӊку аракети:
06-01-2017 23:53
Жынысы:
Белгисиз
Калаасы:
бишкек
0
император, блин, нищейший народ деп кемсинтип атса, ошондон улгу алыш керекпи. дух жетиш учун биринчи буттан туруш керек. а кыргызстандын бутуна бат туруп кетишине сендейлер тоскоол болуп жатат.
12.05.2010. 19:35 
Тайпасы:
Жаран
Комментарийлердин саны:
21
Катталган:
09-07-2009
Соӊку аракети:
06-01-2017 23:53
Жынысы:
Белгисиз
Калаасы:
бишкек
0
mikasa, я удивляюсь за что так восхищаешься?! за его унижение кыргызов? нашел (ла) молодца!!!
13.05.2010. 20:09 
Тайпасы:
Кыймылы жок
Комментарийлердин саны:
181
Катталган:
11-05-2010
Соӊку аракети:
10-10-2016 21:55
Жынысы:
Белгисиз
Калаасы:
Кыргызстан
0
Улуу урматтуу Айнурочка,Койсон чындап эле мендейлер тоскоол болуп жатыптырмынбы Кыргызстандын онугушуно.Далилдеп берчи менин кайсы аракетимден улам Кыргызстан онуго албай артка кетенчиктеп атат экен.Адашпасам жогоруда мен Кыргызстан кедей деп айтканы учун эмес,Орусияга короздонуп атканын улгу алгыла деп жазгам.ЧЫНДЫККА ТИКЕ КАРАЧЫ,БОТОМ,КЫРГЫЗСТАН БАЙ ОЛКОБУ?КЫРГЫЗСТАН БАЙ БОЛГОНУН УЛАМ ЖУРОБУ ОРУСИЯДА ОРУСТАРДЫН ЖАМАН СОЗУН УГУП,КАРА ЖУМУШУН КЫЛЫШЫП.МАГА АЙТЫП БЕРЧИ,КЫРГЫЗСТАН КАЙСЫ ТАРМАКТА БА
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: