“ЭЛЕС” ТОБУНУН СОЛИСТИ ЭЛДЕН ЖАРДАМ СУРАЙТ

Легендарлуу «Элес» тобунун мүчөсү Айдин Жумалиев Стамбулдагы ооруканалардын биринде оор дарт менен алышып жаткан учуру. Музыканттын дарылануусуна каражат жетпей, элге жардам сурап кайрылган: «Бүгүн мен түрк онкологиялык ооруканасынын терезесин карап отуруп өзүмдүн келечегим үчүн кабатырланып жатам. Кокусунан пайда болгон боор оорусун жеңгим келет, жашагым келет. Эки уулумду үйлөнтсөм, 27 жыл чогуу жашаган жубайым Венеранын жанында болсом, «Элес» тобунун күйөрмандарын мындан ары да сүйүнтсөм дейм. «Элес» тобу мага жардам кылып кайрымдуулук концерт өткөрө турганын билем жана мен жан дүйнөм менен силердин жаныңарда болом. Дарылануума 25 миң доллар керек болууда, мен үчүн бул чоң акча. Менин абалымды түшүнүп, жүрөгү мээримге толгон адамдардан жардам күтөм»,- дейт. Музыканттын кесиптеши Эркин Мээрканов: «Айдин Жумалиев 1985-жылдан бери «Элес» тобунда клавишада ойнойт. Абдан адамгерчиликтүү, токтоо киши. Жакшынакай жүрүп эле 3 ай мурун боор оорусуна чалдыгып калганын уктук. Акыркы мезгилде Казакстанда иштеп жүргөн. Биз өткөрүп жаткан кайрымдуулук концерт аз да болсо дарылануусуна жардам болот деген үмүттөбүз»,- деп билдирди.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (4)

love_you

2017-09-26 10:02:34

Аллахым шыпаасын берсин! оорубайлычы,жашоодо баарын женебиз, бирок, ооруну женуу оор экен. Аллахым...

Pandora

2017-09-27 11:30:37

Дардын берген кудайым,шыпаасын кошо берсин ылайым.Эч ким! Эч качан! Оорубасынчы!!!! Аман бололучу аманат дуйнодо

Aikan1966

2017-09-27 14:44:22

Жакшы болуп кетсин,балдарына керек

aydarken

2017-09-30 02:40:10

Сакайып кетсе экен

Комментарий калтыруу үчүн өз ысымыңыз менен кириңиз же каттоодон өтүңүз.

№ 777, 22-28-сентябрь, 2017-ж.