Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Айя Садырова: “КЫЗГАНЫЧКА ЖОЛ БЕРГИМ КЕЛБЕЙТ”

№392 7-13-май, 2010-ж.


Эне деген үч тамганын артында эмне деген бакыт катылуу. Ошол бакыт көлүнө чөмүлгөн ырчы Айя Садырова менен маек курдук. Ал кичинекей чүрпөсү Искандердин кареги менен тең айланып, бир дагы чоочун көзгө көргөзбөй багып жаткан учуру. Үй-бүлөм деп эле үстөмөндөн түшүп жатып албай, чыгармачылыктын да майын чыгара иштеп жатат.

“ТӨРӨГӨНДӨН КИЙИН 4 КИЛОГРАММГА ТОЛДУМ”

  • “Жолдошумда көп улуттун каны бар”.
  • “Үйлөнгөнү такыр уруша элекпиз. Бул мүнөзүбүз төп келгенинен болсо керек”.
  • “Төрөгөндөн кийин төрт килограммга толдум. Азырынча арыктагым келбей эле”.
  • “Ата-энем экөө тең кыргыз. Бирок апамда казактын каны бар”.
  • “Балдарга арналган программаларды көрүп, китептерди окуп эс алам”.
  • “Аялдардын ден соолугу төрөттөн 2-3 жыл өткөндөн кийин калыбына келет эмеспи. Ошондуктан экинчи баламды үч жылдан кийин төрөйм. Негизи, 2 же 3 баланын энеси болгум келет”.
  • “Жолдошум мүнөзүмдү аябай жактырат. Атам аскер кызматкери болгондуктан, менин чорт кыял күтүшүмө жол берген эмес”.
  • “Конок тосконду жакшы көрөм. Бирок чакыртпай келгендерди сүйбөйм”.

– Айя, эне болгону редакцияга биринчи келишиң. Бешик боо бек болсун!
– Рахмат.
– Балаңа канча ай болуп калды?
– Искандер эки айга толду. Баламдын атын Искандер деп Александр Македонскийдин урматына кайын журтум коюшту. Жолдошум Темучин коём деп чыкты. Адамдын ысымы аркылуу анын келечеги түзүлөрүнө катуу ишенем. Балабыз чечкиндүү, курч, өткүр, акылдуу адам болуп чоңоюшун тилеп, ааламдын президенти деп эркелетип жатабыз. “Адам келечегин өзү айткан сөзү менен түзүп алат” деп коюшат го. Ошонун сыңары азыркы эркелетүүбүз дал келип, чын эле кийин президент болуп калгысы бардыр.
­– Жакшы. Адатта кайнене келининин биринчи баласын багышып жардам берет эмеспи. Кайненең каралашып жатабы?
– Кайненем азыр "чоң эне" болуп иштеп жатат деп койбоюнбу. Өзүнчө жашаганыбыз менен күнүгө келип жардамдашат. Караганга өзүм деле жетишем, бирок мен азыр үчүнчү ыр жыйнагымды чыгаруу үчүн чуркап жүрөм. Башкача айтканда, күнүгө 2-3 саат жумуштарым менен көчөгө чыгып келем. Кетерде сүтүмдү саап, бөтөлкөгө куюп коём. Балам ыйлаганда апам берип коёт.
– Төрөттөн кыйналган жоксуңбу?
– Төрөгөнчө жолдошум мени менен атайын курстарга барып, ал гана эмес, толгоо тартып жатканда кандай укалоо керектигин үйрөнүп алган. Толгоом башталганда кыйналганымды бирөө-жарымдын көрүүсүн каалаган жокмун. Жолдошумду дагы, дарыгерлерди дагы сыртка чыгарып жиберип, палатада жалгыз калдым. Акыркы мүнөттөрдө гана врачтар үстүмө киришти. Жолдошум сыртка чыгып алып “сураныч, жаныңда эле болоюнчу” деп СМС жазып жибериптир. “Макул” деп жооп жазып жибердим. Бирок ал келгенде сюрприз кылып балам экөөбүз тосуп алдык. Дарыгерлер “өзүң кичинекейсиң, анан балаң 4 килограммга жакын” деп аябай таң калышты. Апам да, кайненем да сүйүнүчтөн ыйлап алышты. Анткени экөөнүн тең биринчи небереси төрөлдү да.
– Мен сени "экинчи аялы, ошон үчүн жолдошунун сүрөтүн көрсөтпөйт" деп уктум эле...
– Жок, андай эмес. Мен биринчи эле жубайымын, токолу эмесмин. Болгону, ал менден жети жашка улуу. Үйлөнөрдө “сенин чыгармачылыгың биздин үй-бүлөгө чейин кирип кетпесин. Берген интервьюларыңда абайла” деген эле. Мен анын бул сөзүн чын ниетимден колдодум. Жадакалса көпчүлүккө күйөөмдүн ысымын атагым келбейт.
– Искандерге бешик той бердиңерби?
– Ооба, кырк күндөн кийин 11-апрелде менин, жолдошумдун жакын туугандарын чогултуп, кафеде бешик той бердик. Өзүмдүн ата-энем Алматыда болгондуктан, чек ара жабык болуп келе алышкан жок. Баламды апам көргөнү менен, атам сүрөтүн эле көргөн. Кырк күнгө чейин үйдө өзүбүздөн башка эч ким болгон жок. Жаңы төрөлгөн баланын иммунитети төмөн да. Көчөдөн келгендерден микроб жугушу мүмкүн. Ошон үчүн бала көрөбүз дегендердин баарын токтотуп жаттык.
– Жолдошуң жаныңда жок болсо сагынып кетесиңби? Дегеним, командировкага көп кетеби?
– Жок, анын жумушу Бишкекте, командировкага деле барбайт. Болгону, үйлөнгөнгө чейин Францияга эки жумага кеткен. Үйлөнгөндөн кийин дагы бир жакка барыш керек эле мени таштап кете албай баш тартып койгон. Ал мага болгон сезимдеринен башкасынын баарын шахматтын жүрүшүндөй ойлонуп, пландаштырып жасайт. Ушул жагынан мага окшош. Анан чечкиндүү, катуу, акылдуу адам. Мага ушундай эркек керек болчу.
– Кыялыңдагы ханзаадаңды тааптырсың да. Эми чыгарма­чылыгыңдан кеп салсаң. “Үчүнчү ырлар жыйнагым жарык көргөнү турат” дедиң...
– Буюрса, бул жыйнактын курамын көбүнчө дуэттер түзөт. Диксон деген рэпер экөөбүз ырдаган “Как не легко” деген ырыбызга клип тартып баштадык. Дагы “у-Лица” тобундагы бир жигит менен ыр жаздырууну пландап жатам.
– Эмнеге жалаң дуэттерге басым жасай баштадың?
– Анткени "чогуу ырдайлы" деген сунуштар көп. Алардын өтө жакканына гана макул болдум.
– Улам бир жигит менен ыр жаздыра берсең жолдошуң кызганбайбы?
– Жолдошум чынында өтө кызганчаак. “Ким менен ыр жаздырып жатасың, ал эмне болгон жигит?”,- деп сурайт. Мен жооп берем. Кызганышына жол бербегенге аракет кылам. Ошондуктан той-топурда ырдагандан таптакыр баш тартып койгом. Анын “кайда, ким менен эмне кылып жүрөт?” деп сарсанаа болушун каалабайм. Үлгүлүү жар, мыкты эне болгум келет.
– Бир ырчы кыз жөнүндө роман жазып жаттың эле, бүтүп калдыңбы?
– Апам “жакында бүтөм деп мага сөз бер” дегенинен төрөгөнчө бүтөм деп айтып алып, сөзүмө тура албай калдым. Ошондуктан мынчасында бүтөм деп айта албайм. Жазып жатам. Ушунчалык маанилүү, таасирдүү, окурманды арбап ала турган чыгарма кылып жазууга бардык күчүмдү жумшоодомун. Ырчы кыз – ойдон чыгарылган каарман. Бирок анын турмушу, сахналаштары менен болгон мамилеси чыныгы жашоодон алынат. Мындан мурун жазган “Сүйүү жалыны” деген чыгармамды эки айда жазып бүткөм. Досторум “тез эле жазып салдың” деп аябай таң калышкан. Көрсө, мага чыгарма жазуу оңой экен. Берчү оюм жан дүйнөмдөн куюлушуп, өзүнөн-өзү келе берет. “Кандай ойду берсем, мындан ары окуя кандай нукта өнүксө?” деп ойлонуп, толгонуп-кыйналуу менде жок.
– “Байланыш” тасмасында башкы каармандардын биринин ролун аткардың. Актриса болуу кыйын бекен?
– Мен үчүн убакыт аябай кымбат. Бул киного тартылам деп канча убактымды, нервимди короттум. Бирок режиссёрдун айтканын туура жасап, ролумду ийине жеткире аткардым деп ишенем. Тилекке каршы, тасманын ачылыш аземине бала менен бара алган жокмун. Тасманын даяр болгон бөлүгүн өзүм көрө элекмин. Киного тартылам деп актёрлордун жумушунан да режиссёрдун иши кыйын экенин байкадым. Кино тартуу менин көптөн бери келе жаткан кыялым. Режиссёрдун ишин жакындан билип, оор экенин түшүнсөм да кино тартам деген оюмдан тайган жокмун. Буюрса, качандыр бир кезде колума камера алып “мотор” деп кыйкырам деген үмүтүм бар.
– Жаш болсоң да элге атың таанылды. Өзүң каалагандай жолдошуң, өзүң айткандай келечекте президент болчу уулуң бар. Актрисалык да тушооң кесилди. Сахналаштарыңдын же курбуларыңдын арасында сени көрө албагандар барбы? Балким, бут тоскондор болгондур?
– Курбуларымдын бири турмушка чыккан, баласы бар. Экинчиси турмушка чыга элек, карьерасы менен алек. Калганы Алматыда. Алар менин ийгиликтериме чын жүрөктөн сүйүнүшөт. Ал эми биздин ырчылардын эч кимиси менен катышпайм. Болгону, көрүшкөн жерден саламдашам. Ошондуктан курбуларымдын да, сахналаштарымдын да арасында мени көрө албагандар же бут тоскондор жок. Негизи, дос күтүүгө келгенде адамдарды аябай тандайм. Ар бир адамдын мага жасаган мамилесине кылдат көңүл бурам. Жөн эле мени тааныгандар менен достошо бербейм.
Айя, рахмат маегиңе. Тилегиңе жетип, келечекте президенттин энеси бол.

Сүйүн Кулматова
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(2)
11.05.2010. 10:01 
Тайпасы:
Кыймылы жок
Комментарийлердин саны:
14
Катталган:
04-11-2009
Соӊку аракети:
02-10-2013 22:20
Жынысы:
Белгисиз
0
Да Айя молодец уважаю правильно ради семейного счастья тойлордон отказ берипсин молодец. А то кээ бир ырчылар бар калп эле кок мээленип куем тушунуш керек менин кесибимди деп кок беттенип кылганын кыла беришет. кайсы эле бала менин билишимче аялын копчулук эркектердин арасына озун корсотуп чыгуусун каалабайт. менин жигитим да кызганычтан эмес жон эле ыймандуулук катары мени озумду корсотуп копчулуко чыгуумду каалабайт.
11.05.2010. 10:04 
Тайпасы:
Кыймылы жок
Комментарийлердин саны:
14
Катталган:
04-11-2009
Соӊку аракети:
02-10-2013 22:20
Жынысы:
Белгисиз
0
Дагы бир жолу Молодец Айя мен сени мындай серезный характер деп ойлобопмун, уй булоону ойдо койгон кыздардан корунчу эмессин, корсо бир топ биздин кыргыз ырчыларга караганда умница экенсин.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: