Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

СИРЕНЬ ГҮЛДӨГӨН МААЛДА

№393 14-20-май, 2010-ж.


(Башы өткөн сандарыбызда)

– Ка-ап, анда сен мени Толгонайдын айылына алпарып кел,- деп өтүндүм.
Ал макул болуп, жанында машинасы да даяр экен, зуулдап жөнөп калдык. Жетер жерге жетип алып, Толгонайды үйүнөн чакырып чыгууга сен бар, мен бар боло баштадык.
– Сен бар,- деп машинанын алдыңкы орундугунда отурган шамдагай баланы жумшадык.
– Чын эле сен бар,- деп таанышым да аны демитти.
– Мен тааныбайм да,- деди тыңшоочун кулагынан алып жатып.
– Бирөө чакырып жатат дейсиң да.
Ал эч каршылык көрсөтпөй эле жөнөп калды. Көп өтпөй энтеңдеп чуркап келди.
– Үйүнө кирип кыйкырсам эч ким чыкпайт, короосуна өтө берсем апасы бар экен. Чакырып жатат десем, «ким?» дейт. Оштон келишиптир деп койдум.
Баарын чалды-куйду кылып апасын чакырып чыкканын карасаң. Көрсө, Толгонай Орусияга кетип калган экен.
Бир аз өтпөй жашы кырктын кырындагы орто бойлуу аял бизге жакындап келатты. Ошондогу калтыраганымды айтпа, бутумдун учунан тартып чачтарым да дирилдеп жаткандай туюлду. Болор иш болду, эми көзмө-көз жолугуп сүйлөшүп алабыз деп ойлодум.
– Силер машинадан түшүп тургула,- деп балдардан сурандым.
Аял машинага отурганда дагы эле калтыраганым басылбай, үнүм дирилдеп араң саламдаштым.
– Эмне үчүн бир ооз дартымды сурабай келе бердиңиз?- деп биринчи эле таарынычымды айттым.
Ал бир нерселерди айтып жооп бергенсиди. Мен аны кайрадан шаарга чакырып, мамилебизди биротоло чечип берүүсүн сурандым. Биздин мамилебиз алар үчүн бүткөн, болуп өткөн окуя болсо, мен жүрөгүмдү өйүгөн көйгөй эле. Көкүрөгүмө толгон бук көөдөнүмдү кысып, өзүмдү кармай албай көпкө чейин солкулдап ыйладым.
Бир топ күндөн кийин Бактиярдын апасы телефон чалып, шаарга келүүгө таптакыр мүмкүнчүлүгү жок экенин билдирди. Жат бирөөнүн перзенти болсом да, инсан катары көз жашымдын убалы, кыз баланын кусуру кыпынчалык кызыктырбады окшойт.
Ал эми Бактияр тизе бүгүп чөгөлөп, жалынып-жалбарып кайра эле тынчтыкты суранды. Менин жүрөгүмдү сыздатып, абийиримди тебелеп, өзүнүн керт башын коргоп жатканы ого бетер кыжырымды келтирди. Айласы кеткенде коркутуп-үркүтүп, эгер тынч койбосом элдин алдында шерменде кыларын айтып, опузалай баштады. А менин аны сүйүп, ишенгенден башка шерменде болгудай эч нерсем жок болчу. Баарына ой жүгүртүп, жакшы-жаманына акылым жетип, алтургай эртеңки күндүн оң-тескерисин түшүнүп турсам да, кечиримдүү боло албадым. Кечире албаганым менен, дале аны сүйүүдөн танган жокмун. Бактияр айткандай, «баары жакшы болот» деген илгери үмүткө көбүрөөк байланып жаткансыдым. Же өзүмчүлдүк менен аны башкага ыраа көрбөй жаттым.
Ырыбызга да, чырыбызга да чек коюлуп, апрелдин жамгырлуу күндөрүнүн биринде Бактияр экөөбүз анын айылына жол тарттык. Бул жол мени Бактиярдын үйүнө алпарары анык болгону менен, тагдырымдын жолу бүдөмүк эле. Ооба, тагдырым чындыгында бул жолго мажбурлап, аздыр-көптүр насибим коштоп бараткан болчумун. Мен гана эмес, бул сапардын, бул тагдырдын башталышына баарыбыз бири-бирибизди мажбурлап жаттык. Аянычтуусу – кашыктап жыйган кадырымды жаап жаткан жамгырдай төгүп келүүгө баратканым. «Кызым, баары жакшы болот. Биз силерди күтүп жатабыз. Кол кармашкыла да, айылга келгиле» деген Бактиярдын атасынын сөзү, убадасы мага дем берип турду.
Бизди Бактиярдын апасы тосуп чыкты.
– Түш!- деп Бактияр буйрук бере сүйлөдү. Унчукпай машинадан түшүп, ызалангандан көзүмдөн жаш төгүлүп турду.
– Эми ыйлаганыңдын кереги жок!
Мага кайнене болуучу аялдын оозунан чыккан биринчи сөз ушул болду. Көз алдыма агамдын кыз ала качып келгени тартылды. Апам анын мөлтүрөгөн жашын колу менен аяр аарчып, башын көкүрөгүнө басып:
– Каралдым, ыйлаба, жаман жерге келген жоксуң. Кадамың куттуу, өзүң ырыскылуу бол! Бактылуу болгула, айланайындар!- деп сары май менен оозандырган. «Кыз бактылуу болор жерине ыйлап барат» деп улуу жеңелерим апамдын сөзүн коштогон эле.
Эки секелек кыз таңыркап, улам-улам мени карап айланчыкташат. Алтургай алардын кичинекейи мен кирген бөлмөгө кошо кирип, божурап таанышып алууга да жетишти. Бул учурда Бактиярды ата-энеси башка бөлмөгө киргизип алып көпкө чейин талкуу кылышты.
Андан соң теңирден тескери иш башталды. Ата-энеси мени ортого алып «разборка» кыла башташты. Мен жөнүндө айтылбаган сөз калган жок. Апасынын ою боюнча, мурда ар ким менен жүрүп, анан жашым өтүп калгандан соң минтип кой оозунан чөп албаган момун, ак көңүл, жакшынакай баласына жармашып башын айлантыпмын. Алтургай мага «күйөө бала» болуп таанышкан өзүнүн кызы Толгонайдын жигитинин достору менен келип сүйлөшүп кеткенимди кыңыр алып, жүрөгүнө сактап калган экен.
– Өткөндө да шуулдаган балдар менен бирге келдиң, Кудай билет, алар менен кандай мамилең бар экенин?!- деп күнөөлөдү.
Толгонайдын сырын ачкым келбегендиктен, унчуккан жокмун. Алтургай мени карт бөрүгө теңеди. Атасынын айтуусу боюнча, уулунда кыпындай күнөө жок, мен кекселик кылып жатыптырмын. Түшүндүрүп айтам деп далбас урганым текке кетип, каяша сүйлөгөн какбаш да болдум. «Жаным, жалгызым, сен мага керексиң, мен сени бактылуу кылам» деп бир эмес миң жолу айткан Бактияр наадандык кылды. Эгер эле буларга «разборка» керек болсо, сот аркылуу чечишип алууну сунуштаган элем. Баары жакшы болоруна бир ооздон убада беришип, анан босогосун аттап киргенден кийин алардын мындай «калыс соту» ыйманы түз адамга коошпой калды.

Жумагүл Жолматова

(Уландысы кийинки саныбызда)


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(4)
17.05.2010. 20:31 
Тайпасы:
Кыймылы жок
Комментарийлердин саны:
15
Катталган:
22-04-2010
Соӊку аракети:
19-09-2015 04:14
Жынысы:
Белгисиз
Калаасы:
Москва
0
эмнеге мынча таш боор адамдар экен аа,ушунча кордоп жатканга чыдаган кызды айтсанар.Жигиттер силерден сураныч кыздарды да ойлоп койсонор болооо
18.05.2010. 09:48 
Тайпасы:
Кыймылы жок
Комментарийлердин саны:
43
Катталган:
04-11-2009
Соӊку аракети:
02-10-2013 22:20
Жынысы:
Белгисиз
0
Оооочень обидно зачем эркектер кыздарды алдап кылганын кылып алып эми бети тултуюп турат, кок мээби Бакыты эгер кыз ар ким менен жургон кыз болсо, сенин аркана неге жалдырап унижения болуп журмок дагы бир крутойду чаап кетип калмакта ушунча жан дуйносун кыйнабай.
18.05.2010. 19:22 
Тайпасы:
Кыймылы жок
Комментарийлердин саны:
45
Катталган:
10-04-2010
Соӊку аракети:
07-06-2010 16:08
Жынысы:
Белгисиз
0
билбейм эмнегедир Бактиярдын апасын эне оордуна койбой таш боор адамды корсотуп салдыго эне деген таптакырандай корунушко барбайт!
19.05.2010. 05:46 
Тайпасы:
Кыймылы жок
Комментарийлердин саны:
22
Катталган:
14-03-2010
Соӊку аракети:
20-09-2013 13:19
Жынысы:
Белгисиз
Калаасы:
Texas
0
Malika ozu Akyly ele jok kYz eken. eger Akyly bolso kyz bashy Bir erkekke koz karandy bolboshu kerek ele. Balkim kiinki sandarynda Malikanyn oz katachylyktaynan kop nerseni uirongonun okuurbuz.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21232;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: