реклама
Супер-Инфодо жарнама
SUPER.KG порталында жарнама
Реклама в Супер-Инфо
Реклама на SUPER.KG
Архив
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
semetei

Гүлнара Суранчиева, гримёр: «АКТЁРДУН БИР КАШЫН ЖОГОТУП АЛЫП ЫЙЛАГАМ»

№779 6-12-октябрь, 2017-ж.


Биз кино же спектакль гана көрөбүз. Ал эми анын аркасындагы көп кесиптер көмүскөдө калат. Бул жолу биз артистти каалагандай өзгөртө алган гримёр тууралуу кеп козгомокчубуз. Театрда 4 муунду гримдеп, устат катары да таанылган ГҮЛНАРА СУРАНЧИЕВА жана Болливуд артисттерин гримдегенге жетишкен АЙГҮЛ КЫДЫРАЛИЕВА менен маектештик.

- 1976-жылдан бери гримёр болуп иштеп келе жатам. Жолдошум белгилүү актёр Зарлык Касымалиев экөөбүз тең Маданият үйүндө иштеп жүрүп эч жерде окубай эле өз дараметибиз менен театрда иштеп калдык. Жолдошум жалаң белгилүү ролдорду ойногон, бойлуу, келбеттүү адам эле. Анын жолун кызым Шайыр Касымалиева улады. Кыргыз драма театрына актёр катары келгем. Бийчи да болчумун. Бирок ошол Москвадан, Ташкенттен бүтүп келген актёрлор көп болуп мага орун жок болуп калды. Ошол учурда орус кемпир пенсияга чыгып калды да, "убактылуу иштеп турайын" деп грим жасоого өтүп кеттим. Убактылуу дегеним узакка созулуп, грим жасап жүргөнүмө 41 жыл болду.
Мен үчүн грим жасоо оор деле болгон жок. Өзүм да шыктуу экенмин, тез эле алып кеттим. Кыргызстанда эң мыкты деген гримёр Абдылдабек Османалиев агайдан сабак алдым. Андан карытканды, жашартканды, образ бергенди, кетирекей мурун же чоң, кырдуу мурун жасаганды, айтор, майда-чүйдө нерселерин үйрөндүм.
Сакал-муруттарды мен өзүм жасайм. Кылдарды сатып алабыз, анан шиш менен токуп чыгабыз. Чокчо сакал, калың сакал кылып токуп алып, жашына жараша тагабыз. Мурут, каш, кирпикти да өзүбүз жасайбыз. Чаптаган клейди атайын башка өлкөдөн алып келебиз. Кеминде 20-30 жолу чапталат да, ошон үчүн атайын клей керек.
Театр менен кинонун грими асман менен жердей болот. Кинодо грим жасаган адам театрда жасай албайт. Театрда көрүүчү алыс, прожекторлор аябай күчтүү, ошондуктан театрда бир аз орой салынат. Орой дегеним көз, каш, мурун, оозду аябай чоң, калың кылып көрсөтүү керек. Кинодо болсо өтө абайлаш керек. Камера бир аз кыйшык чапталган мурутту же сакалды көрсөтүп коёт. Карытканда да, жашартканда да өтө кылдаттык менен жасоо керек.
Гримёр болуу үчүн окуу керек, каалоо керек, кесибинин фанаты болуу кажет. Фантазиясы күчтүү болгону оң. Мисалы, мен бир салган гримди кайталабайм. Биринчисин башкача кылсам, экинчисин андан да жакшы кылып, дагы бир нерселерди кошуп алганга аракет кылам. Оор грим болуп калышы мүмкүн. Мисалы, мурун Ленинди, Сталинди, Дзержинскийди окшош кылып жасачубуз. Окшош кылышың керек, анткени бул сенин кесибиң. Боёп бүткөндө “кана, мени карачы” деп туруп көңүлүмө толбосо, кайра иштеп кирем. Бул кесипте сабырдуулук, кылдаттык да керек. Көңүлүмө толсо аябай кубанам, ырахат алам. Айлык деле аз болчу. Бирок ушул эле кесибим менен балдарды бутуна тургуздум.
Белгилүү актёр, актрисалардын баары менин колумдан өтүштү. Бакен Кыдыкеева, Таттыбүбү Турсунбаева, Жаркын Балкыбаева, Советбек Жумадылов баары менен иштештим. Турсунбаевага “Кар ханышасына” көп грим жасадым. Өзү аябай татынакай болчу, жасап бүткөндө супсулуу болуп чыга келчү. Актёрлор менен кызыктуу окуялар көп болот. Сатыбалды Далбаев агай болуп Алматыга “Манастын уулу Семетейди” койгону барганбыз. Ал Жакыптын ролун ойномок. Сакал-мурут, чачтарды өзү чаптачу. Гримдеп бүтүп карасам эле бир кашы жок. Издеп жатам, издеп жатам. Баарын чачып карадым. Жок баягы каш. Мени болсо “тыкан болбойсуңбу, эми эмне кылабыз?” деп катуу урушту. Мен ыйлап жүрөм, издеп жүрөм. Айлам кеткенде бир кашты экиге бөлүп туруп жакшынакай чаптап берип койдум. Спектакль бүткөндөн кийин сакал-муруттарды чогултуп жатам да, карасам сакалдын аркасына кашын чаптап салыптыр өзү. Көрсөтсөм “оо, Кудай урган” деп ыңгайсыз болуп калды, бирок кечирим сураган жок.
Актёрлор спектаклге 7 мүнөт калганда кирип келип “бол эле, бол, грим жаса” дешет. Андайда эмне кыласың, ары-бери кылгыча чуркап кетет. Анан чала чапталса мурут же сакал чыгып кетет. Бир жолу спектаклде Бакен Кыдыкеева Каныкейдин ролун ойноп жаткан, карасам мен улап койгон чач жанып кетип баратат. Кандай учуп жеттим билбейм, тыныгуу учурунда байлап, бекитип бердим. Ушундай окуялар болот.
Актёрлордун жашоосун жакшы билгендиктен кызым Шайырдын актриса болуусуна алгач каршы болуп, башка кесип тандоосуна кеңеш бергем. Өзү Москвада кастинг болуп жатканын угуп келиптир. “Мугалимдери бул жактан алып кетишет экен, тапшырып көрөйүн” деп туруп алды, жок дей алган жокмун. Анан жалаң “5” деген баа менен өтүп кетти. Бир гана айтканым “сен болгонго жараша мыкты актриса бол, ортодо массовкада, эпизоддук ролдордо жүргөн орто заар актриса болуп убара болбо” дедим. Айткандай эле окуусун бүтүп келгени жалаң башкы ролдорду аткарып келе жатат. Канында болсо керек, чын эле жакшы актриса болуп таанылып кетти. Ушуга чейин ага деле грим жасайм.
Кесибим кызыктуу. Өзгөчө окуучуларым менен сабак өткөн учур аябай жагымдуу. Бир бетти боёп туруп, экинчисин мына деп студенттерге өткөрүп берем. Алар окшоштуруп жасашат. Манас университетинде актёрлук факультетте грим сабагынан сабак берем. Андан тышкары театралдык окуу жайда сабак берем.

Гүлнара Суранчиеванын колунан чыккан каармандар. Атактуу актёрлор Назым Мендебаиров жана Замир Сооронбаев.



Айгүл Кыдыралиева, гримёр: «ТАРАНТИНОНУН КИНОСУНДА ГРИМ ЖАСОО МЕНИН КЫЯЛЫМ»

"БИРИНЧИ КАДАМ"

– Мен 17 жашымда визажисттин курсуна тапшыргам. Андан кийин Коомдук биринчи каналда грим жасап иштеп калдым. Кийин киного грим жасоого өтүп кеттим. Кинолорго сунуштар түшүп жатты. Тажрыйбам көбөйүп, чет өлкөлөрдөн да сунуштар келе баштады. Өзүмө аябай жаккан гримди казактардын “Адалетто” деген киносунда жасадым. Биздин кинолордон жакында эле “Саякбайды” жасадым. Окшоштурдум деп эле ойлоп жатам. Мага режиссёрлордон так, туура сунуш түшкөнүн жактырам. Ошол образды ичимден ойлонуп жүрүп, анан боёп чыгарам да. Кээ бир учурда эмне образ каалап жатканын кээ бир режиссёрлор так айта албай кыйналып кетем. Кесибимдин дагы бир кызыктай жагы, так график жок. Күнү десе күнү, түнү десе түнү съёмкада кошо жүрүш керек. Бир жолу кино тартып бүтөрүбүзгө аз калганда тоодон кулап кетип тишимди сындырып алдым (күлүп). Бирок кесибимди жакшы көргөндүктөн баарына чыдайм.

"КЫЯЛЫМ"

– Материалдарды өз акчама алам. Чет өлкөдөн буюртма менен алдырып иштейм. Кан, жүзгө тырык салуу жасагандан аябай ырахат алам. Негизи эле мен боевик, триллерге жакын болушум керек. Эң чоң кыялым Квентин Тарантинонун киносунда грим жасасам деп кыялданам. Анткени анын тасмаларында кан көп болот эмеспи (күлүп). Бир жолу киного кан жасап туруп, муздаткычка сироптун бөтөлкөсүнө салып койгом. Аны апам дары экен деп бир жума бою ичип жүрө бериптир. Ашказаны ооруп “экинчи кан-панды үйгө жолотпо” деп аябай урушкан. Ошондон кийин кылдат иштеп калдым. Адамдын сыртына, ичи, бети, далысы болсо канды башкача курам менен жасайбыз. Мурдунан, оозунан ага турган болсо ууланбай турган курамдан жасайбыз.

"ЭҢ КӨП ГОНОРАР"

– Мага эң көп гонорарды индустар төлөп беришти. Бир күнгө 150 доллардай алып жаттым. Клип тартышты. Тил билбегендиктен тилмеч менен сүйлөшүп жатам. Башка тасмалардан деле жакшы эле акча алам. Өзүмө жетет.

"ЭМГЕКТЕРИМДИН САНЫ"

– Режиссёрлордон Айбек Дайырбеков, Сүйүн Откеев, Марат Сарылу, Эрнест Абдыжапаров менен иштедим. Быйыл 10 тасманын үстүндө иштедим. Негизи 4 жыл ичинде 30 толук метраждуу, 40 кыска метраждуу, 148 клипке грим жасадым. Аябай чарчап жүрөм. Жакында 2 ай ичинде бизге Болливуддан келип тасма тартышат. Ошого учурда даярданып тил үйрөнүп жатам. Тарыхый тасма болот деп айтышты.

"Саякбай" тасмасын тартуу учурунда Элдар Айтматовду боёп жаткан кезим".

Нуржамал Жийдебаева
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(2)
10.10.2017. 15:46 
Тайпасы:
Жаран
Комментарийлердин саны:
88
Катталган:
05-01-2017
Соӊку аракети:
12-12-2017 00:41
Жынысы:
Белгисиз
+4
Аа бир кесип ардактуу ийгилик эжекелер
11.10.2017. 00:37 
Тайпасы:
Жаран
Комментарийлердин саны:
106
Катталган:
14-11-2015
Соӊку аракети:
12-12-2017 12:55
Жынысы:
Белгисиз
+1
Акыркы кундору мен дагы гримёр болгонго кызыгып журом.
Ийгилик ишиниздерге чыгармачылык изденуу жана жаны жаны ицгиликтер
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макалага кирди:

Макалалардын саны:
19955;
 
Маалымат-маанайшат порталы
2006-2017 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: