Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«МЕНИН КЫЯЛЫМ» (Түркиядагы мигрант кыргыз кыздын тагдыры баяндалган сериал)

№780 13-19-октябрь, 2017-ж.


(Башталышы өткөн сандарда)


– Сен мага сөз берчи «Жамиля, мен канча жыл жашасам да, башка аял алып башка менен бактылуу болсом да, сени эч качан унутпайм» деп.
– Андай болбойт да.
– Эмнеге? Унутпай, ичиңден бирөөнү сүйүп жашай берсе такыр болбойбу?
Алибек үн катпады. Бир топтон кийин башын көтөрүп мындай деди.
– Мен сага андай убада бере албайм. Сени бул жерден алып кетем. Эгерде алып кете албасам, анда унутууга тийишмин. Болбосо минтип жашай албайм, жаным. Кана, эми мага баарын айтып бер.
Жамиля болгонун айтып берип жатты. Келгенден баштап акыркы күнүнө чейин эч бир окуяны жашырбай айтты. Акырында көзүн жумуп өкүмүн күткөн күнөөлүүдөй отуруп берди. «Алибек азыр мени сөгүп туруп кетип калса эмне кылам? Мен аны көрбөй кантип жашайм?» деди жан талаша. Алибек тура калып «өлтүрөм, ал кайда, азыр башын жулам!» деп да кыйкырган жок. «Сен ушундай экениңден улам бул иш болду» дебеди дагы. Көпкө ойлонуп отурду, өзү менен өзү күрөшүп.
– Канча болду боюңдагы балага?
– Билбейм, менимче, 3-4 ай. Балким, андан да көптүр.– Мени жакшылап ук, азыр мага жолукканыңды билдирбе. Эч кимге шек алдырба. Мен Данияр деген журналист байкеге жолугуп калгам. Мен ага сени издеп жүргөнүмдү айткам. Бул иште эмне кылыш керек экенин ал жакшы билет. Бизге жардам берет.
– Сен... Мени кечиресиңби?
– Сени күнөөлөбөйм, жаным. Сени бул жакка кетирбей алып калышым керек эле. Эгерде сен канча күнөөлүү болсоң, мен да ошончо күнөөлүүмүн. Мен сени бул жерге таштабайм, балаңды да. Чогуу кетебиз. Бир жолун табам.
Алибек ушуларды айтты. Ызасы, кызганычы муунтуп жатса да Жамиляга бир ооз жаман сөз айтпады. Көзүнүн жашын билдирбей сүртүп алды да, Жамиляга эркелете күлө карады.
– Баары ордуна келет. Ишен мага, жаным.
Жамиля кучактап алды. Бекем, күчтүү, жыпжылуу кучак. Эбегейсиз чоң шаарда, деңиздин шамалынан, дүйнөнүн адилетсиздигинен, бардык жамандыктан коргоп ала турган адамы бар. Ал мына жанында. Дүйнөдө мындан артык бакыт болмок беле?

ххх

Сарайдын ичинде күңкүлдөшкөн үндөр.
– Акырын, угулуп калбасын.
– Угулбайт, мен акырын.
– Жинди...
Күшүлдөп-бышылдап чыккан үндөр бир аздан кийин басылып, жай сөзгө өтүштү. Бул Жамилянын сиңдиси Нуриля эле.
– Бул жоругубуз элге билинсе...
– Эмне билбейт дейсиңби?- жигит мыскылдуу карады. Кыз ага таң кала карап отуруп калды.
– Сен мени аласыңбы?
– Сени алсам соттолуп кетпеймби? Мектепти бүтө элек болсоң.
– Аз калды, жакында бүтөм.
– Анда ошондо сүйлөшөбүз.
Өңдөрү тамчы суудай окшош бир тууган эки кыздын мүнөзү таптакыр эки башка эле. Жамиля токтоо, сабырдуу, намыскөй болсо, Нуриля жеңил ойлуу, ойноктогон, тез кайгырып, тез унуткан, чүпүрөк-чапырак, байлыктан башканы ойлобогон жан болчу. Нуриля өзүнүн сулуулугун эрте сезди, келбети эркектер үчүн чоң куралы экенин билип, колдонууга өттү. Жамиля болсо ушу кезге чейин өзүнүн сулуу экенин байкачу эмес. Байкаса да жөн гана Жараткан ыроологон белек деп кабыл алчу.
Арзуу адамга терең карай билбеген адам. Бул жолу да ал Нуриля кош бойлуу экенин элден кийин билди. Ушак кулагына жетери менен үйгө чуркады. Алма жеп отурган экен, апасынын өңү кубарып кирип келгенин көрүп ордунан тура калды.
– Чынбы?!
– Апа-а...
– Чынбы деп жатам?! «Боюнда бар» деп айтышты...- деп келе жатып кызынын тулку боюна көз жүгүртүп келип шалдырап отуруп калды.
– Сен эмне кылдың, ыя?! Сен менин кыялым эмес белең? Мен сени бери дегенде университетке окутуп... Бул эмне?!
Чаңырды, кыйкырды, жулкулдатып колу да тийди кызына. Бирок чындык деген чындык эле. Бөрсөйгөн курсагын эч кайда алып бара албайт болчу.
– Кимден бул?
– Апа-а, мен...
– Касымдын чалагайым баласынанбы? Ушул жерде эле жүрүп калчу эле.
Нуриля жер карап туруп берди. Түртүп жиберип Арзуу сыртка жөнөдү. Ыйлап бара жатты. Биринчи жолу ичи ачыша жаны кашайып кетип бара жатты. Анткени Нуриля энесинин кыялы болчу. Эмне кыялданса ушул кызына байланыштуу эле. Мен жетпеген нерсеге кызым жетет деп ойлочу. Бери дегенде депутаттын уулуна күйөөгө берем деген кызы минтип... Касымдын чалагайым баласына эч ыраа көрбөй ыйлап бара жатты. Нуриля ошол эле күнү жигитинин алдында бырылдап отурду.
– Апам билип калды. Эми эмне кылабыз?
– ...
– Арген дейм. Апам билип калды дедим. Уккан жоксуңбу?
– Ой, угуп жатам. Дүлөй эмесмин, ойлонуп жатам.
– Ойлоно турчу эмне бар? Айт ата-энеңе, келип колумду сурашсын.
– Жок, азыр болбойт. Азыр шартыбыз жок, анын үстүнө мен жакында чет өлкөгө иштегени кетем.
– Эмне?! Эмнеге мага айткан жоксуң сен?
Дулдуюп отуруп берген жигитти коркунуч менен тиктеди.
– Кечир, азыр үйлөнө албайм,- деди ал көзүн ала качып. Селдейип турган кызга башка эч нерсе айта албады.

ххх

Керем Жамиляны тиктеп турду. Бир өзгөрүү болгондой. Бир аптадан бери көзүндө бир жалт-жулт эткен жалын пайда болду. «Эмне болду буга?» деп кобуранып алды. Аркасынан ээрчиген адамды алып койгон, кайра коюшу керекпи? «Эмне болушу мүмкүн?» деп эки анжы ойдо болуп, өзү артынан аңдымак болду. Жамиля болжошкон жерге келди да ары жак-бери жагын каранып алды. Алибек негедир көрүнбөдү. Бир аздан кийин алыстан карааны көрүндү эле, өзүн токтото албай ылдамдап басып, анан жүгүрүп жөнөдү.
– Абайла, Жамиля!- деди келе жаткан Алибек.
Уккан жок. Уга турган абалда беле? Тим эле көрүшпөй калган күндөр кылымга барабар болуп кетип баратса. Жамиля жүгүрүп жөнөгөндө эле таң кала тиктеп турган Керем айланасын карап, анын каршысында ылдам басып келе жаткан кең далылуу жигитти көрдү. Ал дагы шашылганы менен, жүзүндө бир токтоолук бар. «Бул ким?» деди таң кала Керем.
Бул абалга аныктама бере албай карап турду. Ушу кенедей кыз мынчалык айлакерликке барат деп ким ойлоптур.
Экөө жетип кучакташып калышты. Жамилянын жүзү анын машинасын карап тургандыктан, жүзүн даана көрүп турду. Сүйүнгөндө көзүндөгү нурлар көбөйүп, супсулуу болуп кетет тура. Оозун жапканга алы келбей тура берди Керем. Андан да бутунун учуна тура калып узун бойлуу жигиттин моюнунан жыттап, экөө өбүшө кеткенде даана өлдү. «Мүмкүн эмес! Бул түшүм болуш керек» деди өзүнө-өзү. «Жок, бул Жамиля эмес» деп жатты акыл-эси көрүп турганын танып.
Ичинен миллион жолу кайталаса да реалдуулук болчу. Ичи куйкаланып тирүүнүн өлүгү болуп турду. Өзүмдүкү деп менчиктеп алган, көңүлү бурулуп ошол менен таң атып, күн батып калган адамы экенин бүгүн анык сезди.
– Сен сүйлөштүңбү? Эмне болду?
– Данияр байке менен сүйлөштүм. «Түрк жаранына тийген адам бир катар мыйзамга баш ийиш керек» деп айтты...

(Уландысы кийинки санда)


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  5 
Башка сандарда:
Комментарийлер(13)
17.10.2017. 09:04 
Тайпасы:
Жаран
Комментарийлердин саны:
5
Катталган:
24-09-2015
Соӊку аракети:
07-11-2017 23:45
Жынысы:
Белгисиз
Калаасы:
+5
Керем эч жакка чыгарбай койот эми((
17.10.2017. 09:12 
Тайпасы:
Жаран
Комментарийлердин саны:
124
Катталган:
14-01-2015
Соӊку аракети:
06-09-2018 18:48
Жынысы:
Белгисиз
Калаасы:
Россия Иркутск ♥♥Озгон♥♥
+8
коп-коптон жазгыла супер инфо,бир жума кутконубуз Бир минутка да жетбейтатко
17.10.2017. 09:22 
Тайпасы:
Конок
Комментарийлердин саны:
2
Катталган:
02-10-2017
Соӊку аракети:
24-10-2017 12:33
Жынысы:
Белгисиз
0
Коп-коптон жазгылачы 1жума 1жылдай сезилет
17.10.2017. 10:11 
Тайпасы:
Жаран
Комментарийлердин саны:
63
Катталган:
06-02-2017
Соӊку аракети:
26-09-2018 00:50
Жынысы:
Белгисиз
Калаасы:
убактылуу жашоодо!!!
0
Алибек.....
17.10.2017. 11:31 
Тайпасы:
Жаран
Комментарийлердин саны:
1
Катталган:
15-08-2017
Соӊку аракети:
26-09-2018 10:39
Жынысы:
Белгисиз
+10
Керем дегени аябай кара ниет экен. Же озу барктап суйо албайт, же башкага ыраа корбой
17.10.2017. 13:08 
Тайпасы:
Жаран
Комментарийлердин саны:
90
Катталган:
19-01-2017
Соӊку аракети:
15-05-2018 16:37
Жынысы:
Белгисиз
+4
Бул жагы КАРА СЕВДА болуп кетти го
17.10.2017. 13:41 
Тайпасы:
Жаран
Комментарийлердин саны:
43
Катталган:
19-09-2017
Соӊку аракети:
18-09-2018 14:03
Жынысы:
Белгисиз
Калаасы:
Ордолуу Ош
0
Өлдүү эми
17.10.2017. 14:09 
Тайпасы:
Жаран
Комментарийлердин саны:
7
Катталган:
10-10-2017
Соӊку аракети:
26-09-2018 09:55
Жынысы:
Белгисиз
+2
Кино тартса болчуудай. Мен турк кинолорун коп кором. Так эле ошолордой элестетип окуйм ар бир санын
17.10.2017. 18:10 
Тайпасы:
Жаран
Комментарийлердин саны:
140
Катталган:
13-02-2017
Соӊку аракети:
26-09-2018 08:26
Жынысы:
Белгисиз
+1
Daniar baikeleri jardam berip alyp ketet ko Jamilany.
17.10.2017. 21:11 
Тайпасы:
Жаран
Комментарийлердин саны:
20
Катталган:
29-03-2017
Соӊку аракети:
31-10-2017 15:30
Жынысы:
Белгисиз
+1
олаа канчадан бери куттум еле бат еле бутуп калбадыбы ((((
18.10.2017. 00:22 
Тайпасы:
Жаран
Комментарийлердин саны:
131
Катталган:
10-03-2016
Соӊку аракети:
26-09-2018 08:44
Жынысы:
Белгисиз
Калаасы:
Кыргызстан
0
Ммм
23.10.2017. 10:06 
Тайпасы:
Жаран
Комментарийлердин саны:
8
Катталган:
09-06-2016
Соӊку аракети:
29-08-2018 04:35
Жынысы:
Белгисиз
0
Жашоодо болгон окуя болсо бул чыгарманын автору журналист Данияр байкеси болсо керек эле)
23.10.2017. 12:29 
Тайпасы:
Жаран
Комментарийлердин саны:
4
Катталган:
26-09-2016
Соӊку аракети:
25-09-2018 22:22
Жынысы:
Белгисиз
0
Эртен окуйбуз жанысын. Супер инфо чагарманы окуучалар жааматынын атынан суранам кобуроок чыгарчылачы!! Же кыска чыгармабы? Ошол учун аздан чыгабы?
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21232;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: