Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«БАЛАМДЫ ӨЛТҮРГӨН АДАМ ЭРКИНДИКТЕ ЖҮРӨТ»

№393 14-20-май, 2010-ж.


Ата үчүн жалгыз уулунан айрылуудан, ошол уулунун канына забын болгон адамдын эркиндикте жүргөнүн көрүүдөн өткөн оор нерсе болбосо керек. Редакциябызга келген Мыктыбек ага мистикасы да, криминалы да аралаш баянды минтип баштады...

“УУЛУМА ҮЧ ЖОЛУ КОЛ САЛЫНДЫ”
– Уулум Азамат 18 жаш курагында бул дүйнө менен кош айтышып кете берди. Өзүм айдоочумун. Аялым пол жуугуч болуп иштеп жүрүп, Азаматтын көзү өтө электе инсульт болуп жыгылган. Бир уул, бир кызым менен өз чарбабыз өзүбүздө болуп жашап келгенбиз.
2009-жылдын 1-май күнү түнкү саат үчтө Азаматтын жол кырсыгына кабылып, реанимацияда жатканын уктук. 4-май күнү катуу жараат алган уулум сөзгө келбей үзүлүп кетти.
Бул окуядан бир аз мурун эле Азамат: “Ата, менин артымдан кара түстөгү BMW үлгүсүндөгү машина калбай жүрөт. Билбейм, эмнеге экенин...”- деген. Мен баламдан машинасынын ачкычын алып, “эч кайда чыкпа” деп койгом. Бирок бала деген бала экен. Эки күн өтпөй кайра эле ачкычты сурады. “Сүйлөшкөн кызым менен тоого чыгып келейин, машинаны берип турчу, ата” дегенине жок дей албадым.
Ошол бойдон бул тууралуу мен да унутуп калган экем. Мындай кырсык болорун билсем кана?! Уулум аябай жоош, элпек, бирөөгө жамандык кылайын дебеген бала болчу. Каза болгондо кошуналарыбыз, достору түп көтөрө келип жардам беришти.

“СЫРДУУ СҮРӨТ”
– Азаматтын жөн жерден каза болбогонун ушул күнгө чейин сезип турам. Ошол каргашалуу күнү биздин терезеге (биринчи кабатта жашайбыз) аза лентасы байланган орто жаштагы орустун сүрөтүн бирөө коюп кетиптир. Мен тегеректе жүргөн орус балдар үйлөрүнөн алып чыгып ойношуп, анан унутуп коюшкан го деп ойлогом. Алып обочороок ыргытып жиберип, реанимацияга жөнөдүм.
Барсам, Азаматты дарылап жаткан дарыгерге уулумду машинасы менен койдуруп кеткен Барашкин “биротоло тынчыт” деп шыбырап, колуна акча берип жатыптыр. Мени көргөн дарыгер аябай чочуп, акчасын албай шашып кетип калды.
Балам үзүлүп кеткен күнү үйгө келсем, сүрөт кайра биздин терезеде туруп калыптыр. Ошондо гана бул жерде жашыруун сыр бар экенин түшүндүм. “Бул түйүндү кийин чечем” деген ойдо каргашалуу сүрөттү үйгө алып киргим келбей, кашаага илип койдум. Азаматты жерге бергенден кийин ал сүрөттү таппай калдык.

“ТИГИ ДҮЙНӨДӨ ДА ЧОГУУ...”
– Уулумдун каза болгону бир кайгы болсо, сүйлөшкөн кызынын өз жанын кыйганы экинчи кайгы болду. Балам каза болгон күнү сүйлөшкөн кызы биздин көчө менен келатыптыр. Боз үй тигилип турганын көрүп, курбусунан “ким каза болуптур?” деп сураган экен. Ал оозу барбай, “өзүң барып карасаң...” дептир. Боз үйдө илинип турган Азаматтын сүрөтүн көрүп, өзүн жоготуп койгон окшойт бечара кыз. Угушума караганда, үйүнө барып катуу ыйлаган экен. Анын ыйлаганын көргөн апасы “анчалык кыйналгандай, ал сенин күйөөң беле?!” деп урушуп коюптур. Балким, ошого намыстанганбы же уулумду абдан жакшы көргөндүктөнбү, кыз уксус ичип, өз жанына кастык кылыптыр.
Ошентип, Азаматтын артынан ал бечара кыз дагы кете берди. Жок дегенде мага жолугуп сүйлөшсө, акылымды айтсам анчалыкка барбайт беле, ким билсин. Кечээ-жакында эле маркум кыздын бейитине барып гүл коюп келдим. Баарынан да таң калганым, мүрзөсүнө татынакай гүлдөр өсүп калыптыр.

“АДИЛЕТ ЖАЗА ИШ ЖҮЗҮНӨ АШПАДЫ”
– Уулумду сүзүп кеткен машинанын чыныгы ээси милиция кызматкери экенин уктум. Ал эми Барашкин ишеним кат менен айдап жүрүптүр. Баламдын өлгөнүнө бир жыл болду. Бирок адилет жаза иш жүзүнө ашкан жок. Барашкин абакка да жатпады. Ар кандай шылтоо менен соту 8 жолу артка жылды. Анысына да макул элем. Күйгөнүм, күнөөлүү адам 8 жылга шарттуу түрдө кесилди. Эмнегедир Барашкиндин сөзүн сүйлөшүп, анын айтканын кылып жатышты. Ким билет, балким, аларга Барашкин көп акча төлөгөн чыгар? Кантсе да бул жоруктары мага түшүнүксүз болду.
Менин оюмча, түнкү саат үчтө трасса ээн турганда мындай кырсык болбош керек болчу. Бул иш атайын кимдир бирөөнүн буйругу менен жасалды деп ойлойм. “Балам кандай ишке кириптер болду экен?” деген ой көкүрөгүмдөн кетпейт. Жогоруда айткан сүрөт биздин терезеге уулум өлгөн күнү туруп калганынан улам “бир сыр бар болсо керек...” деп ойлоп жатам. Азаматтын өлүмүнөн кийин эч ким биздин алдыбызга келип кечирим сураган жок. “Билгениңерди кылгыла” дегенсип, жок дегенде көңүл айтып койгонго жарашпады. Уулум минип жүргөн машина токочтой болуп эки бүктөлүп калыптыр, “түзөтүп берейин” деген да жок.
Жакында Азаматымдын ашын бердим. Уулумдун досторуна рахмат, мага колунан келген жакшылыктарын көрсөтүштү. Баламдын өлүмүнөн кийин өзүмдү катуу жоготтум. Сөз сүйлөбөй, күнү кечке жалдырап отурган күндөрүм көп болду.

“СӨЗ СОҢУНДА...”
– Сөз соңунда айтарым, бир эмес, эки адамдын убалына калып, өмүрүнө кара чекит койгон адам эркиндикте жүрөт. Адилеттикти сурап, барбаган жерим калбады. Бирок мени эч ким уккан жок. Акырында силердин гезит аркылуу элге бугумду айтып алайын дедим. Баарынан кыйнаган нерсе – эмне үчүн уулумду артынан кууп жүрүп өлтүргөнүн билбегеним. Адилеттиктин болушун тилек кылып, талап кылып келем. Үйдө уулунун сүрөтүн кучактап ыйлап отурган апасынын ойлогону да ушул.

Нуржамал Жийдебаева
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(4)
18.05.2010. 09:27 
Тайпасы:
Кыймылы жок
Комментарийлердин саны:
43
Катталган:
04-11-2009
Соӊку аракети:
02-10-2013 22:20
Жынысы:
Белгисиз
0
Сабыр кылыныз байке мен чындык такталып адилеттик болооруна ишенем, азыр болбосо да анын да убагы келет байке. мени тан калтырганы жанагы орустун суроту, балким чын эле байланыш бар балким ал суроттогу адам да бул дуйнодон кайтыш болгон анан тиги Барышкин кайсыл бир себептерден сиздин баланызды куноолу деп чечип оч алгандыр
18.05.2010. 17:45 
Тайпасы:
Кыймылы жок
Комментарийлердин саны:
45
Катталган:
10-04-2010
Соӊку аракети:
07-06-2010 16:08
Жынысы:
Белгисиз
0
аяынычтуу окуя! бизде чынында закон иштебейт кимдин созу, капчыгы калын болсо ошонун созу отот кыргызстанда. Анткени менинда башыман да бир окуя откон ошондо укук коргоочулар каратып туруп, куноолу тараптын созун суйлогондо жиним келип иштин баарын жаап салгамда, иштин жайын кудайга койуп койгом.
21.05.2010. 09:50 
Тайпасы:
Кыймылы жок
Комментарийлердин саны:
5
Катталган:
09-05-2010
Соӊку аракети:
17-02-2012 14:14
Жынысы:
Белгисиз
Калаасы:
Бишкек
0
Баланыздын арты кайрылуу болсун. Сабырдын тубу сары алтын. Куноолуу адам оз жазасын кандай да болсо алат. Жашоо улана берет экен. Башынызды ойдо которуп, келечекти ойлонуз. Баарыбыз пендебиз да.
23.05.2010. 22:29 
Тайпасы:
Кыймылы жок
Комментарийлердин саны:
3
Катталган:
20-01-2009
Соӊку аракети:
02-10-2011 20:40
Жынысы:
Белгисиз
Калаасы:
бишкек
0
Баланыздын арты кайрылуу болсун байке.
Чынын айтсам менин иним да авто кырсыктан каза тапкан мына 3жылдын жузу болуп олтурат,курандан башка жардам жок экен.
Ошондуктан башка арга жок экен,ал эми киши олтургондор бул дуйно болбосо тигил дуйнодо оз жазасын алат деп ишенем.
Ишинизге ийгилик каалайм

Дагы
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21503;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: