Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«МЕНИН КЫЯЛЫМ» (Түркиядагы мигрант кыргыз кыздын тагдыры баяндалган сериал)

№781 20-26-октябрь, 2017-ж.


(Башталышы өткөн сандарда)


Ойлонуп отуруп качып кете турган болушту. Ошондо гана Жамиля паспорту өзүндө эмес экенин билди.
– Паспорт...
– Эмне паспорт?
– Менин паспортум Керемде.
– Кайда катылганын билбейсиңби?
– Билбейм,- Жамилянын көзү жашылдана түштү.
– Негизи эмне деген адам бул? Сенин паспортуңду алганга кандай акысы бар? Көзүмө бир көрүнсө!..
Алибектин эрксизден жини келип баштады. Ал эми бул экөөнү тиктеп отурган адам эки чайнап, бир жуткусу келип жатканын байкаган жок. Ажырашкысы келбей жатып эки жакка тарашты.
Кеч. Алдында Ахмед төгүп-чачып жеп жаткан тамагын сабырдуулук менен жыйнап, кайра алдына берип жаткан кызды таң калып тиктеп отурду Керем. «Тим эле периште. Кимдин кучагынан келдиң? Эмне кылып келдиң? Тиги келесоо күйөөсүнүн капарына да келбес». Көз алдына бутунун учуна тура калып тиги эркектин моюнунан жыттаганын элестетип онтоп алды. Кыжырын баса албай столдон туруп кетти. Анын жеп койчудай көз карашын энеси туйду. Өз баласын билбейби? Эбак билет мунун оюнда эмнелер бар экенин. Ошол нерседен чочулачу. Эсма ханымдын бир ою эле эптеп бала төрөлгөндөн кийин Жамиляны мекенине кайтаруу. Каршы-терши баса берген уулун кыжырлана тиктеп койду. Бул көз карашты туйганы менен, токточудай эмес тиги. Өз бөлмөсүнө кирип бара жаткан Жамиляны колдон алды.
– Жүрү, сөзүм бар сага.
Көзүнөн жаалы учуп турган эркекти тиги токтоолук менен тиктеп турду. Эч коркуп койбогондой.
– Макул, менин да сага сөзүм бар,- деди акырын.
Азыр эле бүркүп ыргытчудай болуп жаткан тиги жоошуй түштү. Бул кызда бир нерсе бар аны токтото ала турган. Экөө бөлмөгө киришти. Түз, тайманбай тиктеп турган көздөн Керем жалтана түштү.
– Угуп жатам.
– Жок, биринчи мен сени угуп көрөйүн. Анан өзүмдүн версиямды айтам,- деди Керем.
– Мага паспортум керек.
– Эмнеге?
– Жөн эле, өзүмдө болуусун кааладым.
– Башка айта турган эч нерсең жокпу?
– Жок, баары биз сүйлөшкөндөй. Мен бала төрөлгөндөн кийин таштап кетем да, жаңы жашоо баштайм.
Керем жакындап келе жатты. Көздөрү чоңоюп, артка кетенчиктеген Жамиляны кимге окшоштуруп жүргөнүн эми билди Керем.
– Неслихан.
– Эмне?
– Сен ошол актрисага окшош экенсиң. Бирөөгө окшоштуруп эле таппай жүргөм. Анын көзү жашыл, сеники капкара. Болгону ошол.
Жамиля эч нерсени түшүнбөдү. Көк көздөрү гана түшүнүксүз жалт-жулт этет.
– Биздин балабыз кандай болорун элестетип жатам,- деди Керем.
– Кайдагы нерселерди айтпа, мага паспортумду бер. Сен аны менден алганга акың жок. Менин күйөөм Ахмед,- деди ал терезе жакка өтүп кетип жатып.
– Ахмед. Туура, сенин күйөөң Ахмед. Менин кем акыл иним. Кимди төшөгүнө салып бергеним менен иши жок, колунда бриллиант турганы менен иши жок кемпай. Мен андан өткөн кемпай. Баса, Жамиля, сен сүйдүң беле?
Үн каткан жок. Ушу мерез, жүрөгүндө таштай муздак робот менен сүйүү тууралуу сүйлөшөмбү дегенсип.
– Макул, эртең берем паспортуңду,- деди ал өкүнүчтүү. Жамиля бөлмөдөн чыгып кетти.
Керем аны ушунчалык эле оңой кутултат беле? Жамиля эртеси колуна тийген паспортун тиктеп ойлонуп турду. Ал билген, Керем анын эркиндигин минтип колуна тез сала койбойт экенин. Бирок үмүт жылт этип акылга баш ийбейт эмеспи. Ошол күнү Алибек менен жолугарын билди Керем.
Жамиля болжошкон жерине жеткенде күн батканы калган. Ары-бери карап Алибекти күтүп жатты. Экөө атайын эл көп келбеген жерден жолугуша турган. Айланага күүгүм кирип, күткөн адамы да келбей элеңдеп эки жагын карап жатты. Бир аз нары басканда эле бир адам сулк жатканын байкады. Жүрөгү шуу дей түштү. Жакындап барып анын Алибек экенин байкады.
– Али!- Чуркап жетип башын көтөрө берди. Жүзүндө, денесинде тамтык жок. Ийини менен араң дем алып жаткандай.
– Бул эмнеси? Бул эмнеси, ыя?- коркконунан үнү чыкпай шыбырап калды.
– Ким кылды? Сага эмне болду?- чырылдап үстүнө түшө калып жаткан кыз үнүнүн барынча түркчө кыйкырып жиберди.
– Жардам бергиле! Суранам, жардам бергиле!
Кимдир бирөөнүн дабышын укту. Кылчайып, Керем жанында турганын байкады.
– Сенби?
– Мен. Ким деп ойлодуң эле? Менден оңой кутулам дедиң беле?
– Жырткыч, айбан!
Керем кимдир бирөөгө кол шилтеди. Кайдан-жайдан пайда болгон 3-4 караан келип араң жаткан Алибекти дагы уруп киришти. Былч-былч муштумдар... Куду өзүнө тийип жаткансып дирилдеп турду Жамиля.
– Токтот!- деп бакырып жиберди ал. Тигилер кулак салбады.
– Токтот де буларды, макул, сенин айтканыңдын баарына макулмун. Мени эмне кылсаң өзүң бил. Алибекке тийбе.
– Менин айтканымдын баарын кыласың. Ошондойбу?
– Баарын.
– Эмесе мындай. Сен алгач бул келесоого бирөөнүн аялына тийсе болбой турганын жакшылап түшүндүрөсүң. Мекенине тез кетишине жардам бересиң. Өзүң карыныңдагы баланын ден соолугу үчүн кам көрүп, күйөөңдүн жакшы аялы болуп үйдө отурасың.
Эми тигилер колунун күчү калбай, буту менен тепкилегенге өтүштү. Жамиля боздоп жиберди.
– Ооба, мен баарын аткарам. Токтот де.
Тепки токтоду. Сулк жаткан жигиттен тирүүлүктүн кабары билинбейт. Жамиля жетип башын жөлөп, жүзүнө жүзүн тийгизип өпкүлөп жиберди.
– Өлбө, мени таштап кете көрбө. Баарын көтөрө алам мен. Бир гана сенин өлүмүңдү көтөрө албайм. Суранам, жаным, мейли башка жашооң болсун, башка аялың болсун, бирок жаша. Мен баарына макулмун. Алибек, сени кыйнаганым үчүн мени кечир, сүйгөнүм үчүн кечир. «Эми өлсөм да сенден айрылбайм» деп убада бергем. Бирок сөзүмө тура албай калганымды кечир.
Жамиля сүйлөп жатты, ыйлап жатты. Тигилерге колун шилтеп кете бергиле деп койгон Керем Жамиляны колдон ала ордунан тургузду да, машинасына жөнөдү. Жигиттин сулк жаткан денесин деңиздин толкуну чайпап кала берди.
– Эмне ыйлап жатасың? Өлбөйт аның.
Жамиля үн каткан жок. Машинанын күзгүсүнөн караган Керем Жамилянын өңү бопбоз болуп калганын байкап коркуп кетти.
– Сага эмне болду?
– Бала...
– Эмне-е?
Жамилянын жооп бергенге алы жок шалдырап барып эсин жоготту. Машинаны токтото калып арткы эшигине чуркап барган Керем катып калды. Жамилянын көйнөгүнүн этеги канга чыланып калган болчу.


ххх


Арзуу башын мыкчып отурду. Нурилянын курсагы күндөн-күнгө чоңоюп баратат. Арген болсо ошол боюнча жүзүн көрсөткөн жок. Эмне кыларын билбей башы маң. Ошол күнү курдашы үйүнө кирди.
– Ой, эмне сен аза күткөнсүп эле?
– Азасы менен кара жерге кирсин. Эмне кыларымды билбей отурам.
– Мурат кайда?
– Жамилядан кийин үйдөн чыгып кеткен. Тентип жүрсө керек, билбейм. Мен Нурилянын, кичүүмдүн азабын тартып отурам.
– Эмне болуп, кокуй?
– Билмексен болбочу, ай.
– Ботом, ой, ошону да ойлонуп... Жетелетип жибер бирөөнө.
– Тиги курсагы менен кимге?
– Ошол үчүн келдим мен сага,- эбирей калган курдашы тигиге жакыныраак отурду.
– Тиги Орусияда бизнеси бар инимди билесиң го. Ошого экинчи кылып алып берип койбойлубу? 20 жылдан бери балалуу боло албай куурап жүрүп аялы каза болуп калды жакында.
– 17 жаштагы кызды 50 жаштагы немегеби?
– Сен аки-чүкүсүн эмне кыласың? Азыр айылга кеп болбой, бирөөгө башын байлап койгонуң жакшы эмеспи. Анын үстүнө колунда бар.
– Менин кызымды 50 жаштагы иниңеби? Сенин акылың жайындабы деги?..


(Уландысы кийинки санда)



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  5 
Башка сандарда:
Комментарийлер(13)
24.10.2017. 09:12 
Тайпасы:
Жаран
Комментарийлердин саны:
33
Катталган:
14-10-2017
Соӊку аракети:
20-10-2018 10:51
Жынысы:
Белгисиз
0
Ии ушунча азбы
24.10.2017. 09:27 
Тайпасы:
Жаран
Комментарийлердин саны:
33
Катталган:
10-02-2016
Соӊку аракети:
09-11-2018 18:58
Жынысы:
Белгисиз
0
азгоооооооь Админ
24.10.2017. 10:29 
Тайпасы:
Жаран
Комментарийлердин саны:
32
Катталган:
18-02-2016
Соӊку аракети:
25-08-2018 02:30
Жынысы:
Белгисиз
+1
омееей да... Неслиханга окшош турбайбы Жамиля... Болгону коздору кара. Анда сулуу эле экен. Неслихан деле аябай женственнаяга особенно мандай чачын эки Жака болуп укладка кылып жайып алса. Мм
24.10.2017. 10:37 
Тайпасы:
Жаран
Комментарийлердин саны:
82
Катталган:
26-09-2016
Соӊку аракети:
13-11-2018 19:52
Жынысы:
Белгисиз
+1
Ии баласы тушуп калдыбы Жамилянын
24.10.2017. 14:48 
Тайпасы:
Жаран
Комментарийлердин саны:
20
Катталган:
30-06-2015
Соӊку аракети:
09-11-2018 19:15
Жынысы:
Белгисиз
Калаасы:
Ордолуу - Ош
+2
Автор комментарийлерге карап эле сценарий жазабы дейм. Неслихан десе кулдумго))))
24.10.2017. 15:19 
Тайпасы:
Жаран
Комментарийлердин саны:
8
Катталган:
15-08-2017
Соӊку аракети:
13-11-2018 13:03
Жынысы:
Белгисиз
0
Бир четинен баласы тушуп калганы жакшы болду. Алибек эмне болоор экен эми
24.10.2017. 19:48 
Тайпасы:
Жаран
Комментарийлердин саны:
231
Катталган:
24-01-2014
Соӊку аракети:
15-11-2018 00:08
Жынысы:
Белгисиз
Калаасы:
Москва шаары
0
Баласы түшпөйт кыз төрөйт.
24.10.2017. 23:46 
Тайпасы:
Жаран
Комментарийлердин саны:
149
Катталган:
10-03-2016
Соӊку аракети:
13-11-2018 22:50
Жынысы:
Белгисиз
Калаасы:
Кыргызстан
0
...
25.10.2017. 00:00 
Тайпасы:
Жаран
Комментарийлердин саны:
134
Катталган:
09-01-2015
Соӊку аракети:
12-10-2018 23:46
Жынысы:
Белгисиз
+4
Бул жагы "Черная любовь")). Неслихан - Жамиля, Кемаль - Алибек, Эмир - Керем)).
26.10.2017. 12:29 
Тайпасы:
Жаран
Комментарийлердин саны:
8
Катталган:
30-03-2016
Соӊку аракети:
09-05-2018 22:34
Жынысы:
Белгисиз
Калаасы:
Бишкек
0
aytkulova,кыска нуска дал озундой чагылдырыпсында.
27.10.2017. 00:50 
Тайпасы:
Конок
Комментарийлердин саны:
7
Катталган:
12-09-2017
Соӊку аракети:
20-11-2017 01:16
Жынысы:
Белгисиз
0
Урматтуу админ.супер инфонун эски сандарын окуй албай жатам ачпай жатат эмнеге???????
27.10.2017. 09:44 
Тайпасы:
Супермодератор
Комментарийлердин саны:
2108
Катталган:
22-02-2011
Соӊку аракети:
15-11-2018 09:35
Жынысы:
Белгисиз
Калаасы:
...
0
Sanjar96kgz,
Саламатсызбы! Макаланын астында "Башка сандарда" деп көк түстө жазылып турат.
28.10.2017. 02:41 
Тайпасы:
Конок
Комментарийлердин саны:
5
Катталган:
23-10-2017
Соӊку аракети:
07-11-2017 21:20
Жынысы:
Белгисиз
0
Байкуш кыргыз кызы кор эле болуптур эптеп уйуно кыргызстанга жетип ал эми
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: