3 АДАМ АЯЛДЫ ҮЙГӨ КАМАП АЛЫП 1 ЖУМА ЗОРДУКТАШКАН. КЫЛМЫШКЕРЛЕРДИН БИРИ 13, ЭКӨӨСҮ 8 ЖЫЛГА СОТТОЛДУ

Ушул жылдын май айында Жалал-Абад облусуна караштуу Майлуу-Суу шаарында 41 жаштагы аялды үйгө камап алып 1 жума бою сабап, зордукташкан деп шектелип 3 адам кармалган эле. 25-сентябрда Майлуу-Суу шаардык соту кылмышка шектелип кармалгандарды күнөөлүү деп таап, аларга карата өкүм чыгарды.

1 ЖУМАГА СОЗУЛГАН ТОЗОК

Эске салсак, бул кылмыш тууралуу гезитибиздин №763 санында жазганбыз. Жалал-Абад ОИИБи бул коркунучтуу кылмыш тууралуу төмөнкүдөй маалымат берген. 2017-жылдын 18-майында Сузак районунун 41 жаштагы тургуну Майлуу-Суу шаарына караштуу Көк-Таш айылындагы таанышыныкына конокко келип, кайра болжол менен күндүзгү саат 3-4төр чамасында Жалал-Абад шаарына кайтуу үчүн унаа күтүп аялдамада турган. Алыстан автоунаа келе жатканын көргөн аял кол көтөрүп унааны токтотот. Ал ак түстөгү унаанын ичинде 30-40 жаштардагы мас абалдагы 3 эркек бар болгон. «Жалал-Абад шаарына чейин барасызбы?» деген аялдын суроосуна айдоочу «Кочкор-Ата шаарына чейин барабыз, отуруңуз» дейт. Эч жамандык күтпөгөн аял унаага отуруп алат. Бирок алар жүргүнчүнү Кочкор-Ата шаарына алып барбастан, унаанын ичинен эч себепсиз эле ур-тепкиге алышып, Майлуу-Суу шаарындагы көп кабаттуу үйлөрдүн бириндеги батирге алып келишет. Батирден да сабашып, каршылык көрсөткөнүнө карабай кезектешип зордукташат. Бул тозок бир жумага созулган. Кылмышкерлердин оюна эмне келгени белгисиз, аялдын чачын сакал алгыч менен кырып салышкан. 23-май күнү гана жабырлануучу үйдө алардын жоктугунан пайдаланып, эшиктин кулпусун бузуп качып чыгып, милицияга кайрылган. Жабырлануучу денесинен алган көптөгөн жаракаттардан улам Майлуу-Суу шаардык биргелешкен ооруканасына жаткырылган.

ЖАБЫРЛАНУУЧУ ООРУКАНАДАН КАЧЫП КЕТКЕН

Жабырлануучу аял арыз жазган соң Майлуу-Суу ШИИБинин кызматкерлери тарабынан ыкчам иш-аракеттер жүргүзүлүп, жыйынтыгында 24-май күнү бул кылмышка шектелип 43 жаштагы З.К. аттуу Майлуу-Суу шаарынын тургуну, 22 жаштагы Т.К. аттуу Майлуу-Суу шаарына караштуу Көк-Таш айылынын тургуну жана 36 жаштагы К.А. аттуу Ноокен районуна караштуу Бүргөндү айылынын тургуну кармалган. Бул факт боюнча Майлуу-Суу ШИИБинин тергөө бөлүмү тарабынан кылмыш иши козголгон. Коомчулуктун талкуусуна калгысы келбеген жабырлануучу аял ооруканадан качып кеткен.

СОТ КЫЛМЫШКА ШЕКТҮҮЛӨРДҮ КҮНӨӨЛҮҮ ДЕП ТАПТЫ

Бул кылмыш ишин караган Майлуу-Суу шаардык соту 25-сентябрда кылмышка шектүүлөргө карата өкүм чыгарды. Анын негизинде, 43 жаштагы З.К. Кылмыш-жаза кодексинин 129-беренесинин 2-бөлүмүнүн 3-пункту (алдын ала макулдашуу боюнча адамдардын тобу тарабынан жасалган зордуктоо), 125-беренесинин 2-бөлүмүнүн 1-пункту (алдын ала макулдашуу боюнча адамдардын тобу тарабынан мыйзамсыз түрдө эркиндигинен ажыратуу) жана 234-беренесинин 2-бөлүмүнүн 1-пункту (адамдардын тобу тарабынан жасалган бейбаштык) менен күнөөлүү деп табылып, жалпы 13 жылга эркиндигинен ажыратылган. Ал эми 22 жаштагы Т.К. менен 36 жаштагы К.А. Кылмыш-жаза кодексинин 129-беренесинин 2-бөлүмүнүн 3-пункту менен күнөөлүү деп табылып, ар бири 8 жылга эркиндигинен ажыратылган. Үчөө тең жазасын өзгөчө тартиптеги түзөтүү абагында өтөмөкчү.

Нурбек Абдыкадыров

koom@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (27)
nurhan2702
2017-10-24 15:36:21
Жашабагырлар, зоокур, акмактар эки дуйнодо тен азап тартышсын
+9
Mital.89
2017-10-24 20:44:00
Жакында угуп калдым эле. 36жаштагы Т.К га сотко 500 мин предлогат этиптир деп. Балким ошол себеп аз бергендир.
+7
Xperiaedil
2017-10-24 22:00:26
Олум жазасына тартыш керек
+5
Ali-han
2017-10-25 01:56:14
Тигил жака киргенден кийин кыйын болот
+3
zaika95
2017-10-25 10:15:48
Акыркы убакта ушуга окшогон окуялар коп болуп жатат... Адамдар оздору ойлонбойбу жырткыч болуп баратканын!
+2
toma95
2017-10-25 10:26:24
Аял дагы кызык экенго тообо тааныбаган уч эркек менен жол журуп.тиги 22жаштагысына эмне жок эми?
-3
pero123
2017-10-25 12:05:00
сотко ХХХ ХХХ кийинки кылмышкерлерге сабак болот эле!!!
+1
admin_media
2017-10-25 12:59:01
pero123,
Провокация жараткан билдирүү жазууга тыюу салынат! Билдирүүңүз түзөтүлдү.
0
Paolo
2017-10-25 13:35:29
Атуу чечимин чыгарып койсо башкаларга да сабак болот беле
+4
Paolo
2017-10-25 13:40:27
Байкуш аял оюнда жаман нерсеси жок эле машинага отурган да мындай болуп кетээрин кайдан билсин
+6
dinara7684
2017-10-29 21:34:44
Paol
Эртераак кетип калайын деген ойдо
0
tahminaKudaiberdieva
2017-10-26 04:07:12
Кыргызстан олкосундо ушундай окуялар коп болуп жатат,буга себеп жинди суу эле эмес башка себептер да бар
0
Daiis
2017-10-26 23:53:05
Турмодон зордуктоо мн тушкондорду аябая кыйнайт дешет, ошол жактан окунушоор.
+1
Mederbek1992
2017-10-27 00:50:21
Молодец жок дегенде соттолуптур. Жоок кечиресиз биз сизди адашып кармап алыптырбыз кечирип койун сиз аксыз десе эмне кыла алмак!Азыркы соттор только жейим деп келет и только жейт
+3
cfif03748
2017-10-27 02:28:23
Mederbek1992,бул окуя интернет Жана газетага чыккан учун гана соттошсо керек.болбосо 500минди алып.кайдан кордум кара эшек.жолдон кордум жоор эшек дешмек беле.айтоор Ким билет.акчан болсо танка сын.болбосо бир манкасын.деген заманда.
+2
Baktyluu_bolgum_kelet
2017-10-27 15:42:35
cfif03748, макалдарды чачас го)
+2
mish87
2017-10-27 10:49:02
Аты жонун суротун кошо чыгарсанар кылмышкерди жашырбай
+1
33SUUN
2017-10-29 13:47:29
Аялды алар батирине уктатып алып которуп киришиптирби?Майлы-Сууда же эл жашабайбы?Машинадан тушуп батирге киргенче алдынан бир дагы адам жоолукпаганына кумонум бар.Жакшы бир кучунду жыйнап бир кыйкырсан Майлы-Суу шаарынын жарымына чейин угулат болуш керек жок дегенде.Озундо дагы куноо барбы деген ой келди.
+1
eraly_kgkg
2017-10-30 01:51:45
Аз дейсинер. Ал жакта булар үчүн ар бир күн азаптуу өтөт.
0
№ 781, 20-26-октябрь, 2017-ж.
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА