Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Ишенбек Календаров, Гүлзат Байзакованын жолдошу: «ГҮЛЗАТ ЫРДАП ЧЫККАНДА БАЯГЫ НАН ЖАПКАН КЕЛИН ЫРДАП ЖҮРӨТ ДЕП БААРЫ ТАҢ КАЛЫШКАН»

№781 20-26-октябрь, 2017-ж.


Үй-бүлө – чакан мамлекет. Анын пайдубалы бекем болсо, үй-бүлөнүн өмүрү узун болот. 30 жыл ысык-суукка бирдей чыдап, жакшы менен жаманды чогуу көрүп, турмуштун оош-кыйышын бирге көтөргөн жубайлар ырчы Гүлзат Байзакова менен жолдошу Ишенбек Календаров бүгүн бизге үй-бүлөнү кантип бекем сактоо сырлары менен бөлүшүштү.

– Саламатсыздарбы, Гүлзат эже, Ишенбек мырза, маегибизди тагдыр сиздерди кантип табыштырып калганынан баштасак...
Ишенбек мырза:
– Гүлзат экөөбүз филармониянын алдындагы студияда окуп жүргөндө таанышканбыз. Эжеңер опера ырчысы эле, мен комузда ойночумун. Гүлзатка комуз черткенди үйрөтүп жүрүп, мамилебиз келишип калды. Экөөбүз 3 жылдай кыз-жигит болуп сүйлөшүп жүрүп 1987-жылы үйлөнгөнбүз.
Гүлзат эже: – Мен окуган Опера-балет театрынын алдындагы студияда оңдо-түзөө иштери жүрүп, бизди Улуттук филармониянын имаратына которушкан. Болот Эдигеев деген агай менин талантымды байкап жүрүптүр, бир күнү «сен комуз менен ырдашың керек, менин жакшы окуучум бар» деп Ишен менен тааныштырган. Башында байкеңерди мен агай деп ойлоптурмун, мен сыяктуу эле студент экенин кийин билбедимби.

– Ишенбек мырза, чыгармачылык чөйрөдө Гүлзат Байзакова деген ысымдын түптөлүшүнө сиздин салымыңыз чоң деп угабыз?
И.:
– Гүлзат экөөбүз окуу жайды чогуу бүттүк. 1988-жылы устатым Чалагыз Исабаев «Камбаркан» фольклор-этнографиялык тобун ачты. Мен ошол топтун комузчусу, алгачкы солисттеринин биримин. Чалагыз Исабаевден, Самара Токтакуновадан сабак алгам, Гүлзат аларды көрсө эле кайната, кайненесин көргөндөй каччу. Кийинчерээк биз балалуу болуп, Гүлзат балдар менен үйдө отуруп калды. Негизи экөөбүз тең эле чыгармачыл чөйрөдө жүргөндүктөн, бири-бирибизди колдоп, тиреп эле келдик. Союз мезгилинде эл «Камбаркандын» ар бир солистин жакшы тааныйт эле. Башында үйдө мен эле артист болсом, кийин бешөөбүз тең артист болдук.
Г.: – Ишен экөөбүз жаш кезде музыкалык билимди кеч алып бир топ кыйналган элек. Ошондон улам балдарыбыз биз кеч баштаган нерсени эрте баштасын деп эрте эле музыкалык ийримдерге бердик. Улуу балабыз Камбар 2-классында эле музыкалык мектептеги фортепиано классында, ал эми кичүү уулубуз Эмил виолончель классында окуду. Жаш кезде акчаны кийимге коротпой, тапканыбызды балдардын билимине жумшадык. Анан да Ишен өзүнүн чыгармачылыгын өнүктүрүүгө эмес, менин ырчы болушума көбүрөөк аракет кылган.

– Көп жыл чогуу жашаган түгөй катары үй-бүлөнү бекем сактоонун сырлары менен бөлүшө кетсеңиздер?
И.:
– Чынында бири-бирибизди жакшы көрүп калдык деп эле үйлөнө берген болбойт. Үй-бүлө куруу оюнчук эмес, ал чакан мамлекетке сүйүүдөн башка да көп нерсе керек. Үйлөнөбүз деген жаштар бири-бирин жакшылап сынап туруп анан баш кошсо дейт элем. Анткени биз өзүбүз тойлордо көп жүрүп, ата-энеси ажырашкан балдарды көрүп жүрөбүз. Айласы жок атасын да, энесин да чакырыш керек, ошол жерден ата-энесинин туугандарынын ортосунда түшүнбөстүк чыгат. Ортодо балдар кыйналып калат экен. Үй-бүлө ажырашууга жетип калса, биринчи кезекте ата-энелер балдардын келечегин ойлосо.
Г.: – Союз кезинде коммунизмдин духу күчтүү эле. Биздин маалда ажырашкан адам чет өлкөгө чыга алчу эмес, партияга өтчү эмес. Эгер ошондой тартип азыр болсо, биздин көп чоңдор эч жакка чыга албай калмак. Биз мектеп партасында отуруп эле тарбияланып калчубуз. Азыркыдай баш аламан, чачыранды тарбия болгон эмес. Жаш кыздарга айтарым, аял кишиге үч гана мүнөз таандык – бул көтөрүмдүүлүк, чыдамкайлык, кечиримдүүлүк. Мына ушул нерсе кыздардын жүрөгүндө жашаса, жигиттерибиз да бактылуу болмок.

– Ар бир үй-бүлөдө түгөйлөрдүн мамилесинде кризис убагы болот эмеспи, ошол абалды кантип жеңсе болот?
Г.:
– Эми үйдө казан-аяк кагышат. Барчылык да, жокчулук да болот. Бир туугандар деле урушуп кетип жатпайбы. Менин ачуум келгенде Ишен басат.
И.: – Мен Гүлзаттын ачуусун көп басам. Шашмалыгы бар, бир нерсени аягына чейин укпай эле чарт-чурт болуп кетет.
Г.: – Ооба, байкеңер көтөрүмдүү, мен чыйпылыктай берем. Ошентип Союз кулагандан кийин жетишпеген турмуш башталды. Балдарыбыз кичинекей эле, Ишен экөөбүз жакшы стипендия алчубуз. Ал жылдары мамлекет бага албай калганда Бишкектин тегерек четиндеги жерлерди басып алуу башталган. Биз да элден калбай жер алдык. Чогулткан стипендиябызга үй курдук.
И.: – Эл кандай кыйналса, биздин башыбызга да кыйын күндөр түштү. Академик, профессорлор «Ош базарда» соода кылып калышты. Тыйын-тыпыр жок болсо, албетте, үйдө уруш болот, бирок чыдайсың, көтөрөсүң.
Г.: – Ошол убакта мен 3 жыл Ак-Өргөө жаңы конушун нан менен бактым. Түбүндө сызыкчалары бар казаным бар болчу, ошого нан жаап сатчумун. Элдин баары мени «полосатый лепёшка саткан эже» деп таанышчу. Күнү-түнү мүшөктөп ун салып чоң чараларга камыр жууруган күндөрүм болду. Камыр жууруганда унга кошулган туздан улам колумдун териси сыйрылып түшүп калчу. Ак-Өргөөдө 10-15 адам нан сатат, мен жапкан нан түгөнмөйүнчө эч кимдики өтпөй турчу. Үйүмө чейин издеп келип нан алып кеткендер болгон.
И.: – Ошондо Ак-Өргөөнүн эли биздин музыкалык билимибиз бар экенин билчү эмес да. Кийин Гүлзат ырдап сыналгыдан чыгып калса «баягы нан жапкан келин ырдап жүрөт го» деп таң калып сөз кылышкан.
Г.: – Кошумча акча табыш керек болуп Чүй университетинин ашканасында пирожки сатып да иштеп жүргөм. Мен нан жаап, пирожки бышырып жүрө бермекмин. Бир күнү университетке телевидениеден келишип, таланттуу кызматкерлер арасында сынак болуп калыптыр. Ошого катышып, талантымды университеттин ректору Султан Мамбеткалиев агай байкап «сен кесибиң менен иштешиң керек» деп синтезатор алып берген. Ошол кишиге миң мертебе ыраазымын, 3 миң доллар ал убакта чоң акча эле, батир деле келмек. Балдарына батир алып берип койсо деле болмок да, жок, бизге музыкалык аспап алып берген. Ошол синтезатор менен «Эне тилеги», «Жалжалым», «Дил кайрык», айтор, көп чыгармаларым жазылды.

– Үй-бүлөдө каржы министри кимиңиздер, ким табуучу, ким багуучу?
Г.:
– Мен балдар менен үйдө отурганда Ишен тапчу, азыр экөөбүз тең табабыз. Жумушубуз бир болгондуктан сеники, меники деп бөлбөйбүз. Баары эле ортого, үй-бүлө чыгымдарына кетет. Азыр балдарыбыз да иштейт.

– Ишенбек мырза, Гүлзат айым үйдө кандай кожойке?
И.:
– Эми жогоруда өзү ашканада иштеп жүргөнүн айтып калбадыбы. Ашпозчу болгондон кийин тамакты жаман жасашы мүмкүн эмес. Учурда уулубуз Камбарды бөлөлү деп ага үй салып берип жатканбыз. Келини бошобой калганда усталарга тамак жасап берет.

– Кимиңиздер көбүрөөк кызганасыздар?
И.:
– Мен ырдап жүргөндө Гүлзат кызганчу, Гүлзат ырдап калгандан кийин мен кызганып калдым. Тамаша! Негизи кызганыч 30 жыл камыр-жумур болуп жашап калган түгөйлөргө таандык эмес болуш керек. Ошончо жыл отко-сууга чогуу күйгөндөн кийин ортодо ишеним, туруктуулук болот да.

– Маегиңиздерге рахмат. Бактылуу карылыктын доорун сүрүңүздөр!

"Улуу балам Камбар "Кайрос" тобунда, ал эми кичүүбүз Эмил "Эл ырчысы Эстебес" тобунда ырдайт. Келиним Гүлназ да чыгармачыл адам. Кызым Амина 5 жашта".


Лунара Бекиева
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  13 
Комментарийлер(13)
24.10.2017. 09:47 
Тайпасы:
Жаран
Комментарийлердин саны:
9
Катталган:
20-05-2016
Соӊку аракети:
12-06-2018 12:32
Жынысы:
Белгисиз
+18
Улгулуу тугойлор,абдан таасирлендим ушул адамдардан!
24.10.2017. 10:28 
Тайпасы:
Жаран
Комментарийлердин саны:
673
Катталган:
31-05-2017
Соӊку аракети:
14-11-2018 22:21
Жынысы:
Белгисиз
+9
Коп коп бакыт каалайм.
24.10.2017. 10:50 
Тайпасы:
Жаран
Комментарийлердин саны:
703
Катталган:
26-01-2017
Соӊку аракети:
14-09-2018 13:16
Жынысы:
Белгисиз
+14
Соонун үй бүлөө экен .Жакшы кайнене көрүнөт Гүлзат эже.
24.10.2017. 11:07 
Тайпасы:
Жаран
Комментарийлердин саны:
43
Катталган:
23-10-2017
Соӊку аракети:
10-11-2018 21:06
Жынысы:
Белгисиз
Калаасы:
ПИШПЕК
+13
Азыр уй-булоо деген нерсени женил желпи кабыл алып, ажырашуунун санын кобойткондор арбын.
Атаганат, баары сиздердей уй-булоо болсо балдар бактылуу болбойт беле...
24.10.2017. 11:35 
Тайпасы:
Жаран
Комментарийлердин саны:
15
Катталган:
01-07-2013
Соӊку аракети:
01-10-2018 14:36
Жынысы:
Белгисиз
Калаасы:
ош
+5
Азыркы жаш келин кыздарга сиз айткандай чыдамкайлык,которумдуулук, кечиримдуулук жетишпейт
25.10.2017. 09:46 
Тайпасы:
Жаран
Комментарийлердин саны:
673
Катталган:
31-05-2017
Соӊку аракети:
14-11-2018 22:21
Жынысы:
Белгисиз
+12
Жакшы,мазмундуу маек болуптур. Мектепте орусча окуп,мээм орусча ойлонот,Орус муноз болгондуктан бетке айтам,жыга чабам,согуп салам,атаман боочум,эрке талтан элем,терезе талкалап чоп ортточум,аябай ишээнчекмин деген глупостторду айтышпай сонун маек беришиптир.
25.10.2017. 16:32 
Тайпасы:
Жаран
Комментарийлердин саны:
30
Катталган:
31-01-2012
Соӊку аракети:
15-11-2018 15:19
Жынысы:
Белгисиз
Калаасы:
Бишкек
+2
Nanei,)))))))
25.10.2017. 11:14 
Тайпасы:
Жаран
Комментарийлердин саны:
34
Катталган:
21-10-2014
Соӊку аракети:
16-11-2018 13:00
Жынысы:
Белгисиз
+3
Гулзат эже, бактыныздарга коз тийбесин.Уй булонузго бакыт, ишинизге чыгармачылык. Эл арасында бар болунуз!
25.10.2017. 13:05 
Тайпасы:
Жаран
Комментарийлердин саны:
176
Катталган:
31-03-2009
Соӊку аракети:
16-11-2018 13:14
Жынысы:
Белгисиз
Калаасы:
Бактылуулар калаасы.
+4
Таза, аябай тыкан, анан да улгулуу уй-було жаркылдашып корсом козум кубанат.
25.10.2017. 17:32 
Тайпасы:
Жаран
Комментарийлердин саны:
391
Катталган:
01-02-2016
Соӊку аракети:
11-11-2018 12:28
Жынысы:
Белгисиз
+4
Бактылуу болгула,жаштар үлгү ала турган үй-бүлө экен
27.10.2017. 10:10 
Тайпасы:
Жаран
Комментарийлердин саны:
9
Катталган:
21-04-2016
Соӊку аракети:
17-11-2017 18:30
Жынысы:
Белгисиз
+2
Эң сонун,бири-бирине төп келишкен үй-бүлө!Ден соолукта кол кармашып ,дагы көп жыл чогуү өмүр сүрүңүздөр!Балдарыңардын жакшылыктарын көрүңүздөр!
28.10.2017. 08:57 
Тайпасы:
Жаран
Комментарийлердин саны:
37
Катталган:
04-06-2017
Соӊку аракети:
16-11-2018 19:12
Жынысы:
Белгисиз
Калаасы:
Лондон
+4
Ушул Эжени эстесем ичим элжирейтго.Откондо бир жерден кордум ушунчалык жакшы адам экен, бироого жан дили менен кызмат кылган боорукерлиги жакты...
Биз копчулук жерде болчубуз эже келип " Чай ичип алчы, кел чай ичип алчы ээ алтыным "деп алдынан чыккан кишиге айтып турганы ... Ошондон бери уйдо бири бирибизге "чай ичип алчы ээ алтыным, чай ичтинби алтыным" деп кайрылып калдык. Гулзат эжени мактап бут туугандарыбызга АЛТЫНЫМ деп кайрылып калдык. Мага жонокойлугу жакты.Ийги
02.11.2017. 22:32 
Тайпасы:
Жаран
Комментарийлердин саны:
223
Катталган:
15-08-2017
Соӊку аракети:
16-11-2018 22:01
Жынысы:
Белгисиз
0
Амина чон кыз болуп калыпсын го, эмнеге садике келбей койдун?
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: