ЫРЧЫЛАРДЫН ТОЙДОГУ БААСЫ КАНЧА?

Күздүн келиши менен тойлордун сезону башталып, ырчылар элдин жакшылыгында кызмат кылып капчыгын кампайтышат эмеспи. Той бизнесин мыкты өздөштүргөн ырчылар социалдык тармактагы баракчаларына тойдо ырдаган видеолорун тынымсыз жүктөп кардарлардын көзүнө түшүүгө аракет кылышат. Учурда тойго эң көп чакырылган ырчылар кимдер? Алардын ставкасы канча? Бүгүн биз аталган теманын тегерегинде иликтөө жүргүзүп, кадимки кардардын ролун аткарып ырчылар менен бир сыйра соодалашып көрдүк.

АЙГЕРИМ, САМАРА, НУРЛАНДЫ ТОЙГО 400 ДОЛЛАРГА ЧАКЫРАСЫЗ

Ырлары менен тойдун көркүн ачып, келген коноктордун маанайын шаңга бөлөгөн ырчылар Айгерим Расул кызы, Самара Каримова, Нурлан Насиптин тойдогу ставкалары бирдей экен. Айырмасы, Айгерим менен Самара Ош шаарындагы тойлорду калтырбай «тытып» жүрүшсө, Нурлан Насип Бишкектеги тойлордон тартып, аймактарды, Казакстан, Орусиядан бери кыдырып колу бошобой жүрөт. Айгерим жеке баракчасына «быйыл тойго чакыруулар көп, бир күндө 5-6 тойго жетишип жатам. Жетишпей калган 500 доллардык тойлорумду башка кесиптештериме берип жатам»деп мактаныч аралаш айтып алганына караганда бул ырчы бир күндө 5 тойго барса, күнүнө 2 миң доллардан ашуун акча табат. Пай-пай, ырчы болбой калганыңызга өкүнүп кеттиңизби, окурман?
Ырчылардын ставкасы жашаган аймагына жараша да болот. Эгер Ошто жашаган ырчыны Бишкекке же башка аймакка чакырам десеңиз кымбатыраак, ал эми Бишкекте жашаган ырчыларды башка аймактарга чакырыш үчүн бир топ капчыкты жукартыш керек болот. Нурлан Насип Ошко 1000 долларга, ал эми Айгерим Бишкекке 800 долларга келем десе, Самара 700 долларга ырдап берем дейт.

300 ДОЛЛАРГА КИМДЕРДИ ЧАКЫРСАҢЫЗ БОЛОТ?

Анжелика, Кайрат Примбердиев, Динара Акулова, «Кеңеш» тобу Бишкек шаарындагы тоюңузга 300 долларга ырдап беришет. Ошко Анжелика менен Кайрат 900 доллар, ал эми Динара эжекебиз 500, «Кеңеш» тобу 600 долларга барууга даяр. Кайрат «алыскы жерге тойго чакырган соңбул суммага бир антракт тынбай ырдап бере алам»дейт. Жакшылап «соодалашып» баасын түшүрсөңүз деле болчудай, ал сиздин сүйлөшө билүү жөндөмдүүлүгүңүздөн көз каранды.

200 ДОЛЛАРГА ЫРДАЙМ ДЕГЕН ЫРЧЫЛАР

Тойлорго көп чакырылган ырчылардын катарын Айжамал Кабылова, Сайкал Садыбакасова, Нурмат Садыров, Ильяз Абдыразаков, Роза Шакирова, Урмат менен Неля, Гүлзат Байзакова, Айчүрөк Иманалиева да толукташат. Бул ырчыларды тоюңуздан көргүңүз келсе, 200 доллар камдай бериңиз. Ал эми аймактарга 500дөн 1000 долларга чейин барышат. «Жар-жар» ырдоо, кыз узатуу, тушоо кесүү тойлоруна тематикалык ыр сунуп күндүн күнөөкөрүн элге алып кирүү кызматын колдонсоңуз, болгону 1000-2000 сомго кымбатыраак болушу мүмкүн. Бирок көпчүлүк ырчылар мындай кошумча кызматтар негизги ставканын ичине кирерин айтышты.

100 ДОЛЛАРДЫН ТЕГЕРЕГИНДЕ ЖЕ СОМ МЕНЕН ЭСЕПТЕШКЕН ЫРЧЫЛАР

Ош шаарында той көп болот эмеспи. Ошол аймакта жашаган ырчылар Бегимай Карабаева «Жар-жар» менен кошо 3 ырды 8 миң сомго, Жумагүл Раимжан кызы 10 миң сомго ырдайбыз дешет. Ал эми Курал Чокоев Бишкекте 10 миң сомго, Ильяз Андаш 8 миң сомго ырдап берем дейт.

Лунара Бекиева
star@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (63)
kadam
2017-10-25 09:31:53
Бул ырчылар патент алышты бекен? Салык кызматкерлери, кулагыңарга күмүш сырга. Болгон маалыматты бияктан алсаңар болот.Эл катары булар да патент алып, салык төлөшсүн.
0
zaika95
2017-10-25 10:19:05
Акча табыштын оной жолу. Зеериксен ырчы бол
+1
nur8777
2017-10-25 13:16:02
Калп эле айтышып коюптур. 1000$ берип чакырбай эле,бир жака барып эс алып келген жакшы.
+3
Paolo
2017-10-25 13:48:52
Ушинтип барып той кылып акчасын баарын чачып алып анан кайра Москвага кетишет иштеп келебиз деп
+1
portugalia
2017-10-25 14:27:26
Ырчылар байыбай ким байыйт?Тапкандары нак болуп жатса
0
Ma9
2017-10-25 23:34:27
оозум ачылды мынча кымбат тиги Самараны былтыр чакырсак жар жар эле айтам 10мин деген ыр кошуп десенер 20мин деген
0
machobek17
2017-10-26 13:00:24
Самаранын кыз узатуусу эле бар тойго ылайык. Анан ар кимдин ырларын 400долларга ырдаса укмуш кыйын экенго эжекебиз.
0
AKCAHAT
2017-10-26 20:28:42
Акчам болгондо, акчанын козун карабай 20мин $болсо дагы Женифер Лопес,Бейонсе, Рианналарды алып келип бийлетип ырдатмакмын. Ырдаганга жараша вокалы зверь фонограммасызле баары жокту айрып салчу ырчылар ырдаса.Фонограмманы очурсо ала була бет мн эле жалтур жултур койнок калат бул жасалмалардан.Ырлары бир маанилуу болсо макул. Жар Жар ортодо кок боруго ташталган улактай эле болуп кетти окшойт.Динара Акулова эжеден отоору жок. Сап башындагыларды окуп кулдум, уят болбосо айла жок экен
+2
naka11
2017-10-27 00:21:21
Калп эле бааларын которо беришиптир баары эле 5000 сомго 3 ыр ырдайт мен чакыргам 5000 эле бергем.
0
jon.as
2017-10-27 09:25:18
Кудай сакта, бул жака оздорун укмуш эле баалашыптырго .... Эжем Алтын казына ресторанына той бергенде Гулжигит Калыков келип 5000 сомго 3 ыр ырдап берип кеткен.
0
Omuur94
2017-10-27 21:48:25
5000 эле дегиле?))
Бееееш минге 3 эле ыр ырдап коп болсо 3 ырга 18 минута кетет. 18 минутта 5000 сом кымбат!
Кандай кайф аласынар алардын фонограммасынан???
Мен уйлонсом айылдагы эле апаларды ырдатам,бекер эле той арасында кайра сонун болот живой звук
+1
Karban86
2017-10-28 02:15:26
Апеей тим эле беттерин тытып салдынарго булардын
+1
Ramis.Ramis.kg
2017-10-29 15:25:11
Аябай эле кымбатго
0
erkinali858585
2017-10-29 17:14:54
Ырчыларга ушунча берип,анан туболук жашоого никесин кыйган молдого 500сом берсем коп болбойбу деп сурап коюшат.
+1
perish
2017-11-04 19:44:56
Баары эле Айчурок Иманалиева ырдаган,элде кулагына синдирип койгон жар-Жарды ырдашат.Анжеликанын жар жарды ырдап акча таап,анан тийишип койгонуна тан калам да кыйынсынганына((
0
№ 1034, 30-сентябрь-6-октябрь, 2022-ж.
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА