Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

КЫЗ КЫЯЛЫНДАГЫ ХАНЗААДАЛАР

№393 14-20-май, 2010-ж.


Ар бир бийкеч кыялында ак боз атчан ханзааданын колуктусу болгусу келет. Бирок ханзааданын колуктусу болуу тургай кезигүү такыр мүмкүн эмес деген ой келиши мүмкүн. Антип ойлосоңуз, жаңыласыз. Ааламда бойдок, белгилүү ханзаадалар көп. Мүмкүн, алар сизди күтүп жүрбөсүн?..

Улуу Британия ханзаадасы –
УИЛЬЯМ ВИНДЗОР
Уильям Виндзор азыркы замандын эң популярдуу ханзаадасы деп саналат. Улуу урматтуу Уильямдын мындай популярдуулукту арттыруусуна апасы ханбийке Диана жана атасы Чарльздын атактуулугу да себепчи болсо керек. Бирок өзү деле урпагын уят кылдырбагандардан. Мисалы, Сент-Эндрю университетин артыкчылык диплому менен бүтүргөн. Ал жерден “искусство иштери боюнча магистр” наамын алып чыккан. Ошондой эле Англиянын Футбол ассоциациясынын президенти. Англиянын ханзаадасы менен танышканда Чили Республикасы тууралуу маалымат топтоп, баарлашууну ошол жер жөнүндө баштоо керек. Анткени ал жерде ханзаада волонтёр болуп иштеген. Ал эми коралл рифтери тууралуу кеп козгосоңуз, сизге сөзсүз өзгөчө көңүл бурат. Анткени корралдарга кызыгып, дипломдук иш жазган.
Виндзор үч жыл мурун “28 жашка чыкканда үйлөнөм” деп сөз берген. Быйыл ал 27 жашта. Эгер “Курсташы Кейт Миддлтонго үйлөнөт” дегенди угуп калсаңыз, ишенбей эле коюңуз. Анткени расмий түрдө ал селкиге үйлөнөрүн айтпай келет.
Эгер таанышып, жактырууну максат кылсаңыз, Уильямды Виндзор сепилинин айланасынан гана жолуктура аласыз.

Люксембургдун ханзаадасы –
ГЕРЦОГ ГИЙОМ
Учурда герцогдордун үй-бүлөсүндө бир эмес, төрт ханзаада бар. Алардын бири өзүнүн түгөйүн тапкан. Ал эми улуусу 27 жаштагы Гийом учурда жүрөгү да, колу да бош. Андыктан аңчылыкка аттансаңыз ушул жигитти бутага алуу керек. Мүмкүн, Люксембург чакан мамлекет болгондуктан, Гийом издеген перисин таппай жүргөндүр. Улуу урматтуу герцог Гийом менен француз, англис, немис жана испан тилинде сүйлөшүүгө болот. Таанышканда классикалык музыка тууралуу сөз козгоңуз. Анткени ал виолончелде ойноодон жана классикалык музыка угуудан рахат алат. Ошондой эле жел кайык спортун сүйөт. Ханзааданы улуу герцогдун сарайынан жана суу жээктеринен кезиктирүүгө болот.

Бутан ханзаадасы –
ЖИГМЕ КХЕСАР НАМГЬЯЛ ВАНГЧУК
Индия менен Кытайдын ортосунда жайгашкан Бутан падышалыгы тууралуу уксаңыз керек. Мына ошол падышалыкты болочокто ханзаада Намгьял башкарат. Учурда ал 29 жашта. Бул жердин каада-салты өтө катуу. Андыктан мындай ханзаада менен бактысын байлагысы келген бийкеч баарына даяр болушу керек. Падыша улуттук кийимден башка кийим кийбей, тамеки тартуу, ичимдик ичүү дегенден алыс болушу шарт. Намгьял Оксфорддон билим алган. Аталган өлкөнүн ханзаадасын жактырып калсаңыз, эт менен жасалган тамактан баш тартууңуз керек. Себеби ханзаада өсүмдүк жана сүт азыктары менен гана тамактанат. Бак өстүрүүгө, чарбачылыкка кызыксаңыз, анда мындай иш Бутан ханзаадасына абдан жагат. Анан да жааны жакшы аткан кыздарды жактырат. Намгьялды өлкөнүн борбору болгон Тхимпхудагы хан сарайдан гана кезиктирүү мүмкүн.

Бруней ханзаадасы –
АЗИМ
Азиянын түштүк-чыгыш тарабында жайгашкан, Малайзия менен чектешкен Бруней мамлекетинде 12 ханзаада бар. Алардын учурда үйлөнүүгө кезеги келгени, анан да 12синен айырмаланганы – 27 жаштагы Азим. Ал ханзаадалардын үчүнчүсү. Азим заманбап музыканы жактырат. Өзүнө же үй-бүлөсүнө тиешелүү кандайдыр бир кече болгондо сөзсүз атактуу ырчыларды чакыртат. Мисалы, 25 жашка толгондо поп-падыша Майкл Жексон куттуктап келип, ырдап берген. Ошондой эле ал кечеде Памела Андерсон, Наоми Кэмпбелл сыяктуу атактуу инсандар ханзааданын каалоосу менен конок болушкан. Азим ханзааданын марттык, берешендик сапатын канчалаган белгилүүлөр баса айтып келишет. Мисалы, кечеге чакырылган жылдыздар гонорарынан тышкары ханзаададан ар кандай бриллиант жасалгаларды алып кубанышат. Азимдин агасы жөнөкөй үй-бүлөнүн кызына үйлөнгөн. Андыктан бул падышалык үй-бүлө жөнөкөй келин менен жашоону жат көрүнүш деп санабайт. Ханзааданын жүрөгүн кантип багындыруу кереги айтылбайт. Бирок бир гана нерсени билишиңиз шарт. Азим заманбап музыкасын жөн гана сүйөт.

Дубай ханзаадасы –
ХАДМАН
Араб Эмиратында бийлик тапшыруу системасы Европа өлкөлөрүнө салыштырмалуу өтө чаташкан. Андыктан шейхтин мураскору сөзсүз улуу баласы эмес, ал каалаганы болушу мүмкүн. Бүгүнкү күндө бул орунду шейхтин 27 жаштагы уулу Шейх Хадман Бин Мохаммед Бин Рашид Аль-Мактум ээлейт. Англиядагы Сандхёрст падышалык аскер академиясынан билим алган. Андыктан тартипти катуу сактаган жигит. Мындан тышкары дагы бир нече билими бар.
Бош учурунда ыр жазганды жактырат. Эгер ханзааданын жүрөгүн ээлесеңиз, сизди сонун ырларга бөлөйт. Бирок ошол эле учурда сиз анын жалгыз түгөйү болбой турганыңызды да билишиңиз керек. Шариатты жакшы билген, ыйман жолундагы кыздарды жактырат. Бул ханзааданы хан сарайынан эмес, төө саткан базардан кезиктирип калууңуз толук ыктымал. Анткени төөнүн ар кандай породасын топтойт.


Шоу-бизнес жаңылыктары

ПРЕСЛИНИН ӨЛҮМҮ ТУУРАЛУУ ЖАҢЫ ФАКТ
Атактуу музыкант Элвис Пресли жүрөк оорудан эмес, өнөкөткө айланган ич катуудан улам каза болгон. Жакындары бул тууралуу жалпыга айтуудан баш тартышкан. Ошондуктан калп айтууга туура келген”,- дейт аны 12 жыл дарылаган жеке врачы Жорж Никопулос. Элвис тирүү кезинде дарыгер бир нече жолу бул оорусун хирургиялык жол менен айыктырууну сунуштаган. Бул сунуштан баш тарткан ырчы мындан 13 жыл мурун 42 жаш курагында каза болгон.

КАНДЕЛАКИ РАСМИЙ ТҮРДӨ АЖЫРАШТЫ
Теледива Тина Канделаки күйөөсү Андрей Кондрахин менен расмий түрдө ажырашты. Тележылдыздын жолдошу экөөнүн ынтымагы 2006-жылы бузулган. Канделаки Францияда ишкер Сулейман Керимов менен автокырсыкка кабылган. Жолдошу “Тинанын ишкер менен кандайдыр бир мамилеси болгон” деген шектенүү менен жашап, ошол нерсе экөөнү ажырашууга алып келди. Эскерте кетсек, Канделаки күйөөсү менен 11 жыл жашады. Ортосунда бир уул, бир кызы бар.

ШЕРДИН КЫЗЫ ЭРКЕККЕ АЙЛАНДЫ
Ырчы Шердин кызы Частити Боно бала чагында эле өзүн уландардай сезерин айтып, “эркек болуп төрөлүп калбайт белем” деп көп айтчу экен. Бул каалоосу бой жеткенде да өзгөргөн жок. 2009-жылы ал жынысын алмаштырган. Эми ырчынын кызы паспортун алмаштырды. Частити Бононун ысымы эми Сонни Боно. Энеси Шер болсо: ”Эгер бул чечим кызымды бактылуу кылса, анда аны колдойм”,- дейт.

ЗАРА КӨЗ ЖАРДЫ
Чырайлуу ырчы Зара уулдуу болду. Ымыркай 3,3 килограмм салмакта, бою болсо 51 сантиметр болуп жарыкка келди. Ырчынын жолдошу Сергей Ивановдун кубанычы көккө жетип турган чагы. Продюсер Виктор Дробыш Зараны аман-эсен көз жарып алганы менен куттуктап, тамашалап өзүнүн жаңы төрөлгөн кызына кудалап коюшту.

ЖАЗ ЛЕГЕНДАСЫ ЛЕНА ХОРН ДҮЙНӨ САЛДЫ
92 жаш курагында америкалык легендарлуу жаз ырчысы жана актриса Лена Хорн дүйнө салды. Лена жаз сүйүүчүлөрүнүн жүрөгүндө Дюк Эллингтон, Фэтс Уоллер, Кол Портер сыяктуу атактуу музыканттардын ырларын аткаруу менен калды. Хорн “Грэмми” сыйлыгынын 4 жолку талапкери. Баш-аягы 22 тасма жана мюзиклга тартылган.

ШАКИРАНЫН КЕЗЕКТЕГИ ИЙГИЛИГИ
Атактуу “Ovi Nokia” санариптик музыкалык сервис латын америкалык музыка сүйүүчүлөр арасында сурамжылоо жүргүзгөн. Жыйынтыгында уникалдуу үндүн ээси Шакира “Дүйнө жүзүндөгү эң популярдуу латын америкалык аткаруучу” деп табылды. Ал эми экинчи орунду Алехандро Фернандес, үчүнчүнү болсо мексикалык “Camila” поп-группасы ээлеген.

Бактыгүл Сокушова
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: