КИРОВ СУУ САКТАГЫЧЫНЫН СУУСУ АГЫЗЫЛА БАШТАДЫ


Талас облусундагы Киров суу сактагычындагы суунун 21 миллион метр кубу агызылат. Мындай кадамга 3 жылда бир жолу жасалчу суу сактагычтагы оңдоп-түзөө иштери себеп болгон. Аталган суу сактагычтын суусунун 88 пайызын Казакстан пайдаланса, 12 пайызын Манас району иштетет. Айыл чарба, тамак-аш жана мелиорация министри Нурбек Мурашевдин айтымында, Киров суу сактагычындагы оңдоп-түзөө иштери мурунтан пландалган жана бул боюнча казак тарап менен макулдашылган.
Өкмөттүн маалыматына караганда, казак тарап жыл сайын оңдоп-түзөө иштери үчүн 70 миллион теңге берет, бирок бул жетишсиз. Казакстан тарап да сууну кабыл алууга даяр. Суу сактагычтагы суу 5-6 күн бою агызылмакчы. Андан кийин 15 күн оңдоо иштери жүргүзүлөт. Өкмөттөн коё берилген суунун көлөмү 2018-жылдын апрель айына чейин толтуруларын айтышууда.
Мурдатан макулдашылган деп түшүндүрүлгөнүнө карабай коомчулук суу сактагычтагы суунун коё берилишин учурдагы кыргыз-казак мамилесинин курчушуна байланыштырууда. Анткени Казакстандын түштүк аймагы Киров суу сактагычынан агып чыккан суу менен сугарылат. Суу сактагыч 1975-жылы курулган. Аянты – 2050 гектар.
550 миллион метр куб суу батат.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
№ 781, 20-26-октябрь, 2017-ж.
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА