Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

БАЛДАРДЫ ЧҮЧКҮРТҮП, ЖӨТӨЛТКӨН ТУМОО ЖҮРҮП ЖАТАТ. Ал эмне болгон оору? Балдарды андан кантип сактоо керек?

№782 27-октябрь-2-ноябрь 2017-ж


Учурда балдарды чүчкүртүп, мурдунан чимкирик агызып, жөтөлтүп, какыртып, дене табын көтөртүп сасык тумоо сыяктуу кыйнаган тумоо жүрүп жатат. Врачтар балдарга көбүнчө ОРВИ диагнозун коюшууда. Бул эмне болгон дарт, кантип жугат, дарылануу жана алдын алуу жолдору тууралуу маалымат топтодук.

«ОРВИ ЧҮЧКҮРҮК, ЖӨТӨЛ АРКЫЛУУ ЖУГАТ»

Дамирахан Чыныева, КММАнын Балдардын жугуштуу оорулары кафедрасынын доценти:
– ОРВИ–(острая респираторная вирусная инфекция) кыргызча дем алуу жолдорунун вирустар чакырган курч кармаган жугуштуу инфекциясы (оорусу). Аба аркылуу, тагыраак айтканда, жөтөл, чүчкүрүк аркылуу жугат. Инкубациялык мезгили 3-4 сааттан 3-4 күнгө чейин. Дүйнөдө эң көп таралган оору тобу. Анткени курамына грипп, парагрипп, респиратордук-синцитиалдык вирусту, аденовирусту, риновирусту, метапневмовирусту жана вирустун 300дөн ашык подтиптерин камтыйт.
ОРВИнин жалпы белгилери сүрөттө, ал эми ОРВИнин курамына кирген оорулар тууралуу маалымат төмөндөгү таблицада берилди. Оорунун булагы ооруган адам. Ал чүчкүргөндө, жөтөлгөндө вирустар 2-3 метр аралыкка чейин тарап, соо адамга жугат. Ошондуктан эл көп топтолгон жерлерде, мисалы, мектепте, балдар бакчасында, базарда бат таралат. Кээде оюнчук, сүлгү, бет аарчы аркылуу жугуп калуусу мүмкүн.
Оорунун таралуу кези – жаз жана күз. 1-6 жаш тегерегиндеги балдарда ОРВИ көп кездешет, анткени аларда чоңдорго караганда иммунитет төмөн.
6 жаштан өйдөлөгөндө оорунун саны азаят. Бала, чоң адам деле ОРВИ менен ооруган соң организминде ОРВИге каршы 6-8 айга чейин туруктуу эмес иммунитет иштелип чыгат. Андыктан адам кайра эле ооруп калышы мүмкүн, бирок кийинкисинде жеңилирээк түрдө өтөт.
ОРВИ менен ооруган адамга бактериалдык инфекция кошулуп кетсе дарты кабылдап кетүүсү мүмкүн.

ДАРЫЛОО

Оору белгилери билинер замат дарт кабылдап кете электе врачка алып барып текшертүү зарыл. Баланы же адам өзүн-өзү өз алдынча дарылабашы керек. Туура эмес дарылоо дарттын өтүшүп кетүүсүнө жеткирет. Кээ бирлер антибиотик бере башташат. Антибиотик бактерияларды өлтүргөнү менен, вирустарды өлтүрө албайт. Антибиотикти врач баланы текшергенде бактериялык инфекция да бар экени билинсе (мисалы ичи өтсө) жазып берүүсү ыктымал. Айыгат деп иттин майын берүүгө болбойт! Ал балдардын ичин өткөзүүсү мүмкүн, анын үстүнө вирустардан улам күч келип жаткан боорго ого бетер күч келтирет.
Дарылоо жалпысынан ичине төмөнкүлөрдү камтыйт: мурун бүтүү менен чимкирик агууга каршы мурунга тамчылатчу каражат, көз чылпактаса чылпакты кетирүүчү дары май, дене табын түшүрүүчү дары, иммунитетти көтөрүүчү дары свеча, жөтөлдү басып, какырыкты чыгарчу дары-дармек жана башка. Суюктуктарды көп берүү кажет, мисалы, компот, шире, морс, шорпо. Ал организмдеги ууларды жана какырыктарды чыгаруу менен какырыктын жибишин шарттайт.


«КҮНҮГӨ 200ДӨЙ БАЛА КЕЛИП ТҮШҮҮДӨ»

Бишкектеги медициналык Тез жардам клиникалык балдар ооруканасынын кыска мөөнөткө жаткызуу бөлүмүнүн жетекчиси Жеңиш Миңбаев:
– Учурда биздин клиниканын кабыл алуу бөлүмү менен биздин бөлүмгө биригип күнүгө 200-240тай ооруган балдар келип түшүүдө. Педиатрлар текшергенде баланын абалы оор болбосо дары-дармек жазып, үйүнө амбулатордук дарыланууга жиберишет. ОРВИ менен кошо ичи өтсө, кусса анда бизге хирургдарга да текшерүүгө жиберишет.
Биздин бөлүмдө 14 койка бар. Абалы оор балдарды бөлүмдө 24 саат кармап, алгачкы жардамдарды беребиз. Мисалы, бала кусуп келсе ашказанын жууйбуз, дене табын түшүрөбүз, тамак ичпей калса тамчылатма дары берип, организминдеги ууларды чыгарып ичтейин ачабыз. Демигип, тамагы буулуп келген балдарга ингаляция жасатып, дем алуусун жакшыртабыз. Ичи өтсө ич өткөктү басуучу дары беребиз дегендей. 24 саат ичинде баланын абалы жакшырып калса, анда дарыларды жазып берип үйдөн дарыланууга кетиребиз. Эгер абалы жакшырбаса, анда балдардын клиникалык ооруканасына же жугуштуу оорулар ооруканасына жолдомо беребиз. Учурда 1 күндө 30-40 бейтапты дарылап жатабыз.

ООРУНУН АЛДЫН АЛУУ

• Оору жайылып жаткан кезде эл топтошкон жерге балдарды алып барбоо кажет.
• Жеке гигиенанын эрежелерин сактоо зарыл: бат-баттан колду самындап жууп, кол менен оозду, мурунду кармалабоо сунушталат. Балдарды буга үйрөтүү зарыл.
•Балдарды таза абада күн сайын сейилдетип, бөлмөлөрдү желдетүүнү унутпаңыздар!
• Тамактануу рационуна жашылча-жемиштер, сүт азыктары жана курамында A (боор, каймак май), B1 (жер жаңгак, жумуртка, быштак), C (карагат, лимон, капуста) витаминдери бар азыктар кошулушу керек.
•Балдар оорубаш үчүн спорт менен достоштуруу керек.

Канымжан Усупбекова
densooluk@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  5 
Комментарийлер(4)
02.11.2017. 20:47 
Тайпасы:
Жаран
Комментарийлердин саны:
144
Катталган:
06-02-2017
Соӊку аракети:
21-09-2018 04:21
Жынысы:
Белгисиз
Калаасы:
убактылуу жашоодо!!!
0
Урматту админ менин баламын мурду токтобой жатат,учко чыгат 6 айынан бери акты окшойт,ошого эмне кылыш керек жооб алып беринизчи сураныч!
03.11.2017. 01:13 
Тайпасы:
Жаран
Комментарийлердин саны:
2
Катталган:
28-01-2014
Соӊку аракети:
23-02-2018 04:24
Жынысы:
Белгисиз
Калаасы:
Өзгөн
+2
Dilbaranurdinova,балан учко чыкканча даарылабай эшек такаладынбы эки жарым жылдан бери.оз баланын ден соолугуна куйбогон эмнесин сен деги!!!
03.11.2017. 01:46 
Тайпасы:
Жаран
Комментарийлердин саны:
115
Катталган:
27-08-2017
Соӊку аракети:
22-09-2018 01:13
Жынысы:
Белгисиз
+1
Radle.kg.kg,башынан отпосо билбейсин...мен да кылбаган нерсем калган эмес бир жылча.мурду бутот,туну кыйналат эле.ОРВИ деп противовирусный,називиндин туру,морская вода,аты очкур коричневый суюктук ии кылбпганым калган эмес.акыры мурдунан мазок тапшырсам аллергия деп чыккан...себеп жаны ремонт болгон квартирадагы химикаттар жакпаган торолгон балага.Башка квартирага кочуп анан жакшы болгон....себебин издеш керек,соссуз табасыз
03.11.2017. 01:50 
Тайпасы:
Жаран
Комментарийлердин саны:
115
Катталган:
27-08-2017
Соӊку аракети:
22-09-2018 01:13
Жынысы:
Белгисиз
0
Dilbaranurdinova,антигисстаминный берип корунуз,зодак,цетрин,супрастин,врач мн кенешиниз.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: