Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

КОКТЕЙЛЬ (Сүйүү, жек көрүү, мансап тууралуу жашоодогу чыныгы окуялардан алынган сериал)

№783 3-9-ноябрь, 2017-ж.



(Башы өткөн сандарда)

– Лиза, бир эле тапшырма. Экөөбүздүн сүйүүбүз үчүн аткарып койчу?
– Сүйүүбүз үчүн? Арсен, сен эмне деп сүйлөп жатканыңды билесиңби? Сенде кайдагы сүйүү? Сенин жүрөгүңдө кымындай да жакшы нерсе калбаптыр!
– Лиза, бул жашоо күрөш!
– Биз качанга чейин ушундай жол менен күрөшөбүз? Ооба, адегенде бизге акча керек болгон үчүн мен тиги орустун башын айлантып, анын төшөгүнө кирдим. Ал байкушту өлтүрүп акчаны алдык. Инкассаторду тонодук. Бирок ошону менен токтош керек эле го? Кантип, Арсен? Мен сага сүйүүмдү билдиргенден кийин башканын төшөгүнө кирип «зордуктады деп догурун» деп жатасың?! Кантип?
– Болду, ошону менен баары токтойт. Акчаны алабыз, кетебиз.
– Билесиңби, Ошко жаңыдан Санжарга Чыңгыз экөөң барганыңда чөнтөгүңдө сокур тыйының жок болчу. Азырчы? Жок эле дегенде 200 миң доллардан ашык акчаң бар. Ыраазы болсоң болмок.
– Миңге караганда миллион кандай жагымдуу угулат.
– Сен ашыкча ач көз болуп кеттиң. Бул жакшылыкка алып барбайт. Мен сен айтып жаткан миллионериңдин төшөгүнө киргенге макул эмесмин. Кааласаң союп сал мени. Сени кантип сүйүп калганыма азыр жооп таппай турам. Айбан болуп баратасың!
– Лиза, бери кара, сага жеке өзүңө 100 миң доллар чыгарып берем, ишенип кой.
– 150 миң!- ичинен чечим чыгарып алгандай Лиза бурк этти.
– Келиштик!
– Жок, 150 миң доллар алдын ала менин банктык эсебиме которулсун. Ал иш бүткөндөн кийин мен Кыргызстанда бир мүнөт да турбайм. Мен силерден кетем.
– Бизден кутулгуң келеби?
– Ооба, мен силерден кетем.
– Келиштик. Болгону баарын ойдогудай аткарып бер,- Арсен камырабай ордунан турду. «Башкысы, Лизаны колдо кармап туруу керек» деди жигит ичинен.
Лизанын жүрөгү ооруп чыкты. Ал жакшы көргөн, ал идеалдуу деп эсептеген адамы аны дагы эле колдонуп, бирөөнүн алдына салып берип максаттарын ишке ашырууга даяр экен. Эми кимге ишенет? Жок, бул жактан кетип калганы оң. Бир да мүнөт турбашы керек. Бирок адегенде 150 миң доллар которулсун. «Кыязы өтө бай ишкерди кармаган жатат окшойт» деп ойлонду Лиза бир аз сооронуп алып. Аны кантип торго түшүрөрүнө башы жеткен жок. А Арсен жоболоңдуу оюн башында бышырып алган эле.


ххх

3 ай заматта зымырап өттү. Бул убакыт аралыгында Арсен берген диктофон Болуштун иш бөлмөсүнө Бегимайдын жардамы менен эки күндө бир каттап турду. Анын сүйлөшүүлөрүн бүт угуп, бир дептерге тизип жазып жатты Арсен. Илинчек издеди. Бирок Болуш өтө кубаттуу экен. «Туура эле ойлонупмун» деп жатты жигит, Болуштун байланыштарын, байлыгын эсептеп жатып. «Бул көпөстү бир эле жол менен торго түшүрсө болот. Тузагыма илин, анан башкача сүйлөшөбүз» ичинен дайым ушинтип кекенет.
Азыр үйүнө Гелендвагендин рулунда бара жатып да, ойлорун башында бышырып койду. Ак-Өргөөдөгү атасынын үйүнө ал анда-санда гана каттап калды. Бул жолу деле келбейт болчу, атасы чакырган үчүн гана келе жатат. Тыкан салынган чоң үйдү карап Арсен өзүнчө маашырланды. Өз акчасына ата-энесине салып берген үйү. Карындашы дарбазаны ачты. «Бул да бой жетип калыптыр» деп койду Арсен аны карап.
– Кандай, Аку? Сыртка эле токтотмокмун. Дарбазаны ачпай эле койсоң болмок.
– Кандайсыз, байке? Азыр кирсеңиз дарбазаны жаап алып коё бербей коёюн деп жатам. Бүгүн кетпейсиз. Бекитип туруп ачкычты апама берип коём.
– Кой антпе, жумуштарым көп менин.
– Жумуш, жумуш... Атам менен апам сизди сагынып болбой калышты. А сиз аларды ойлобойсуз.
– Омей, менин карындашым чоң киши болуп калган го. Сулуу да болуп кетиптир.
– Быйыл мектепти бүтөм да.
– Оо...- Арсен таң калганын жашырган жок. Карындашын дайыма кичинекей деп ойлоп жүрчү, бирок азыр анын маңдайында бой жетип, буралган, келишимдүү кыз турду. «Деги бактылуу болсоң экен» ичинен сүйлөндү, көз алдына Лиза, Бегимай тартылып кетти. Алинаны маңдайынан өөп койду.
Бул экөө сүйлөшкөнчө үйдөн Дуулат чыга калды.
– Аа, келдиңби?- деди ал салкын учурашып.
– Чакырганыңыздан...
– Чакырбасам келбейт белең? Бу сен ата-эне, тууган деген бар экенин унутуп калган эмес белең?
– Эмне, тынччылыкпы? Өткөндө Чыңгыз акча таштап кеттиби? Берип жибердим эле.
– Сенден акча сурап жатамбы? Мээңдин баары эле акча болуп калган го. Мейли мен, энеңди ойлосоң боло. Келип ал-акыбалын сурап койбойсуңбу?!
Жигит күнөөлүүдөй унчукпай калды. Келбегенине көп болуп кетти чын эле. Башын шылкыйта үйгө кирди.
Апасы күйпөлөктөп тамак жасап жаткан экен.
– Иий, секетиң кетейин. Келдиңби? Жакшысыңбы? Эмне арыктап кеткенсиң? Башың эле калган го.
– Кандайсыз, апа? Жакшы элемин.
– Апама баары арык көрүнөт. Тамак жебей жатышкандай сезилет. Бирөөнү ныгыра тойгузса эле ден соолугун оңдодум деп ойлойт,- карындашы сөзгө аралашты.
– Өткөндө Чыңгыз байке акча алып келсе, ага ойда шыкап тамак берди. Байкуш акырында баса албай калды.
Баары күлүп калышты. Арсен келгенде бул үйдө маанай оң жагына өзгөрүп турат.


ххх

Жигит кетүүгө камынды. «Бүгүн калып эле калсаңчы?» деп апасынын жалооруганына да карабады. Оштон Санжар келмек эле, аны тосуп албаса... Сүйлөшчү маанилүү сөздөрү бар. Алина маанайсыз дарбазаны ачты.
– Мейли, Аку, жакшы кал. Аа, баса, мына ал,- чөнтөгүнөн 100 доллар алып сунду.
– Муну эмне кылам?
– Билбейм, кийим ал, балмуздак алып же,- карындашынын маанайын акча менен көтөрөм деп ойлоду.
– Мейли. Эмки келгенде Чыңгыз байкени да ала келсеңиз.
– Чыңгызды эмне кыласың?- жигит чочуп кетти.
– Жөн эле, ал байкуштун жакын туугандары деле жок го. Биздикине келгенде жыргап калат өзүнчө,- Алина көзүн ала качты. Байкеси аны теше тиктеп, бир сыр издеп жатты. Бирок азыр Алина деле Чыңгызга карата эмне сезими бар экенин түшүнбөйт. Балким, аяйт, балким, байкесинин досу деп сыйлайт, айтор, аны жакын көрөт. Демек, жигит эч нерсе деле көрө алган жок. Бирок кандай болсо да Чыңгызды ал карындашына жолотпойт. Алина чет жакта окушу керек, татыктуу жигитке турмушка чыгышы керек. А Чыңгыз ким? Кылмышкер да. Гелендвагенин жулкунтуп дарбазадан чыгып кетти.


ххх

Санжар Оштон эбак келип, Чыңгыз аны Бишкектеги чайканалардын бирине алып барып сыйлап жатыптыр. Арсен алар тамак ичип баштаганда кирип келди.
– Оо, жигит, кандай?
– Кандайсыз, Санжар аке?
– Жакшы. Келсем жоксуң.
– Үйгө барып келдим, ата-энеме.
– Жакшыбы үйдөгүлөр?
– Кудайга шүгүр.
– Алина кандай жүрүптүр?- Чыңгыз сөзгө аралашты. Арсендин денесин ток аралап кетти.
– Жакшы эле,- жигит сыр алдырбады. «Жолобо ага! Сен жырткычсың!» ичинен Чыңгызга жинденип алды. «Бар, машинаны жуудуруп келчи» ачкычты сунду. Санжар экөөбүз сүйлөшчү сөз бар, сен жолтоо болбо деген ишарат болчу. Чыңгыз дароо түшүндү.


ххх

–Таак, иштер кандай?
– Баягы планды эле ишке ашырат окшойбуз, Санжар аке. Эч нерсе таппай койдум.
– Мен сага айтпадым беле башында, башка жол жок деп. Лизаны даярдадыңбы?
– Ал таарынып жүрөт. Менин үлүшүмдү чыгаргыла, силерден кетем деди. Адегенде 150 миң доллар банктык эсебиме которгула деп жатат.
– Оо, тыңып алган го.
– Бир чети аныкы да туура. Анын ордунда баары эле ошентмек.
– 150 миң которулбашы керектигин сен түшүнүп жатасың да, ээ? Эгер аны которчу болсок Лиза көз жумса банктан чыгара албай калабыз.
– Ооба, түшүнүп жатам. Бирок башкага көнбөй жатат.
– Көндүрүү керек!
– Лизаны аман алып калганга болбойт да, ээ?
– Арсен, ал ансыз да көп нерсени билет. Бизге таарынычы күчөп баратат, кээде ичип алат. Бир күн болбосо, бир күнү айтып чыкса экөөбүзгө эле жаман. Анын үстүнө Болушуңду кармоонун бир гана жолу ушул.
Бул экөөнүн ойлору жүрөк титиреткидей болчу. Алар шашпай, жайбаракат гана сүйлөшүп жатышты. Экөө бири–бирине тең келгидей жырткычка айланып бүтүшүптүр. Бийликтин, байлыктын кумары аларды биротоло азгырып алган экен...

(Уландысы кийинки санда)


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  3 
Комментарийлер(18)
07.11.2017. 09:18 
Тайпасы:
Жаран
Комментарийлердин саны:
56
Катталган:
14-02-2016
Соӊку аракети:
20-09-2018 00:50
Жынысы:
Белгисиз
0
Мен биринчи
07.11.2017. 10:17 
Тайпасы:
Жаран
Комментарийлердин саны:
134
Катталган:
09-01-2015
Соӊку аракети:
12-09-2018 08:44
Жынысы:
Белгисиз
0
Kuba-savai87, бүгүн дем алыш деп эс алып жатышкан го баары). Ошого "биринчилер" жок)
07.11.2017. 09:27 
Тайпасы:
Жаран
Комментарийлердин саны:
26
Катталган:
18-12-2016
Соӊку аракети:
20-09-2018 00:24
Жынысы:
Белгисиз
0
Экинчи)
07.11.2017. 09:37 
Тайпасы:
Жаран
Комментарийлердин саны:
13
Катталган:
12-09-2017
Соӊку аракети:
06-09-2018 09:11
Жынысы:
Белгисиз
+8
Эх Лиза курман болот экен да эми
07.11.2017. 10:16 
Тайпасы:
Жаран
Комментарийлердин саны:
134
Катталган:
09-01-2015
Соӊку аракети:
12-09-2018 08:44
Жынысы:
Белгисиз
+5
Акча, байлык адамды жырткыч кылат деген ушул...
07.11.2017. 10:19 
Тайпасы:
Жаран
Комментарийлердин саны:
212
Катталган:
15-08-2017
Соӊку аракети:
20-09-2018 06:43
Жынысы:
Белгисиз
+3
Кызыгы эми башталат экен да
07.11.2017. 10:54 
Тайпасы:
Жаран
Комментарийлердин саны:
54
Катталган:
28-07-2013
Соӊку аракети:
19-09-2018 07:11
Жынысы:
Белгисиз
+7
Курсак ток, кайгы жок. Адам омуру баарынан ойдо биздин жашоо эле жакшыго деп коем.
07.11.2017. 11:21 
Тайпасы:
Жаран
Комментарийлердин саны:
130
Катталган:
05-03-2017
Соӊку аракети:
18-09-2018 20:22
Жынысы:
Белгисиз
+11
Акчанын артынан куубай жай баракат эл катары жашоо откоруп жатканыма Аллага раазы болуп кеттим.
07.11.2017. 12:52 
Тайпасы:
Жаран
Комментарийлердин саны:
430
Катталган:
16-09-2015
Соӊку аракети:
30-07-2018 18:40
Жынысы:
Белгисиз
+1
Ех чиркин
07.11.2017. 14:15 
Тайпасы:
Жаран
Комментарийлердин саны:
130
Катталган:
10-03-2016
Соӊку аракети:
18-09-2018 18:35
Жынысы:
Белгисиз
Калаасы:
Кыргызстан
0
Лизаны жайлашаткенда
07.11.2017. 14:20 
Тайпасы:
Жаран
Комментарийлердин саны:
26
Катталган:
27-06-2011
Соӊку аракети:
18-07-2018 08:42
Жынысы:
Белгисиз
0
Эхх баары эле акча э.
07.11.2017. 14:38 
Тайпасы:
Жаран
Комментарийлердин саны:
15
Катталган:
26-11-2010
Соӊку аракети:
20-09-2018 02:48
Жынысы:
Белгисиз
Калаасы:
Москва
+1
Байкуш Лиза...(((
07.11.2017. 15:48 
Тайпасы:
Жаран
Комментарийлердин саны:
114
Катталган:
27-08-2017
Соӊку аракети:
19-09-2018 23:36
Жынысы:
Белгисиз
+3
Главный каарманынар бир балеени коргону калды озуу
07.11.2017. 16:02 
Тайпасы:
Жаран
Комментарийлердин саны:
6
Катталган:
16-08-2017
Соӊку аракети:
02-03-2018 17:18
Жынысы:
Белгисиз
0
Лизаны пайдалып кетишет экен да, байкуш
07.11.2017. 19:05 
Тайпасы:
Жаран
Комментарийлердин саны:
109
Катталган:
15-04-2014
Соӊку аракети:
19-09-2018 19:38
Жынысы:
Белгисиз
+2
Лиза (((.
07.11.2017. 22:36 
Тайпасы:
Жаран
Комментарийлердин саны:
144
Катталган:
06-02-2017
Соӊку аракети:
20-09-2018 00:07
Жынысы:
Белгисиз
Калаасы:
убактылуу жашоодо!!!
0
Арсен арсен
09.11.2017. 09:12 
Тайпасы:
Жаран
Комментарийлердин саны:
100
Катталган:
14-04-2016
Соӊку аракети:
19-09-2018 19:47
Жынысы:
Белгисиз
Калаасы:
Түп айылы
0
Лизаны садага чабышат экен да деп жатабыз, бирок кандай болот бир гана автор билет да...
09.11.2017. 10:23 
Тайпасы:
Жаран
Комментарийлердин саны:
7
Катталган:
29-10-2016
Соӊку аракети:
04-09-2018 02:15
Жынысы:
Белгисиз
-2
Мен Алинанын ордуна болгум келип атат
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: