КАШТАНДАН КОҢУЗ

Балдар, бул жолу каштан жемишинен коңуз жасап көрөлү, ээ? Бул үчүн каштандын чоң жана кичинекейи, пластилин, түстүү барак жана кургатылган жалбырак керек.

1. Алгач коңуздун башын жасап алабыз. Ал үчүн кичинекей каштанды алып, ага пластилинден көз жана мурун жасайбыз. Көзүн жасоодо ак түстөгү пластилин жабыштырып, карегин көк же кара кылсак болот. Мурдун кара түстөн жасайбыз.

2. Коңуздун денесин жасоо үчүн чоңураак каштан алабыз. Башы менен денесин пластилиндин жардамы менен бириктиребиз.

3. Эми коңуздар үчүн токой жасайбыз. Буга калың альбом барагына жашыл түстөгү түстүү баракты клей менен жабыштырып, ага коңуздарды клей менен чаптайбыз. Кичинекей бутак алып келип, пластилиндин алдына коюп тургузабыз.

4. Кооз болуш үчүн тобурчакты коюп, күзгү жалбыракты кургатып келип жанына коюп кооздойбуз. Ал эми күрөң түстүү калем менен коңуздун буттарын тартып коёбуз. Мына, биздин токойдогу коңуздарыбыз даяр болду.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (0)

Комментарий калтыруу үчүн өз ысымыңыз менен кириңиз же каттоодон өтүңүз.

№ 784, 10-16-ноябрь, 2017-ж.